«ՀԱՅԱ» փառատոնի համերգային բացումը տրված է․ այն անմոռանալի ու արտասովոր դարձրեց ֆրանսիացի հայտնի երգչուհի ZAZ-ը, որն առաջին անգամ էր Երեւանում հանդես գալիս մենահամերգով։ Երգչուհին ելույթ ունեցավ այսօր՝ հունիսի 25-ին, Հրազդան մարզադաշտում, որտեղ նրան սպասում էին հազարավոր երկրպագուներ։ Համերգին ներկա էին ինչպես հայեր, այնպես էլ զբոսաշրջիկներ, որոնք միասին կիսեցին երեւանյան փառատոնի թեժ էներգետիկան՝ այն, ինչը ZAZ-ը համերգի նախօրեին կայացած ասուլիսին խոստացավ փոխանցել ու արեց։
Ֆրանսիացի երգչուհու համերգի մեկնարկը տրվեց երիտասարդ երաժիշտ Պարգի եւ «Եվրատեսիլ 2022»-ում Հայաստանի ներկայացուցիչ Ռոզա Լինի ելույթներով։
ZAZ-ը բեմ բարձրացավ բացման արարողությունից մեկ ժամ անց՝ մարզադաշտի կենտրոնով՝ ճանապարհին ջերմորեն ողջունելով իրեն սպասող հանդիսատեսին։ Երգչուհին բեմին կրում էր սեւ, փայլուն կոմբինիզոն, բայց փայլում էր ոչ միայն հագուստով, այլեւ ներքուստ։ Հատուկ հայ երկրպագուների համար ZAZ-ն իր մտքերը փորձում էր արտահայտել հայերեն նախադասություններ ընթերցելով, ինչը, հատկապես, բուռն էր ընդունվում Հրազդան մարզադաշտում։
«Մենք ամեն օր ապրում ենք մի հրաշք, բայց այնքան ենք սովորել, որ մոռանում ենք։ Դրա համար ես բեմում եմ դրել օդ, հող, ջուր եւ կրակ։ Ես պաշտում եմ կրակը։ Երբ շատ մութ է, մոմեր եմ վառում, դա ինձ հիշեցնում է կրակը, որ մեջս ունեմ»,-հայերենով արտաբերեց երգչուհին՝ շարունակելով,-«Մենք հաճախ անզոր ենք զգում սարսափի դեմ․ ես հավատում եմ, որ երգելը եւ պարելը մեզ կարող են զվարճացնել, եւ դա արդեն լավ է»։
Կրակոտ ու ծանոթ հիթերի ու խելահեղ պարերի արանքում ZAZ-ը, պարբերաբար, սեր էր խոստովանում հայերին, շնորհակալություն հայտնում ջերմության ու սիրո համար։ Երգչուհին նաեւ հիշեց Ազնավուրին, նրա հանդեպ մեծ սերն ու հարգանքը, ու Կամո Սեյրանյանի դուդուկի նվագակցությամբ ներկայացրեց աշխարհառչակ հայ շանսոնյեի La Boheme երգը։
Մոտ երկու ժամ տեւողությամբ համերգի ընթացքում հանդիսատեսը երգչուհու հետ պարում ու ձայնակցում էր նրան։ Հատկապես բուռն ընդունվեց ZAZ-ի ամենահայտնի հիթը՝ Je Veux-ը։
Ինչպես ավելի վաղ նշել էր երգչուհին՝ Հայաստանում երկար չի կարող մնալ, առջեւում համերգային շրջագայություններն են, սակայն մեր երկրում ZAZ-ը նորեկ չէ․ նա այցելել է Հայաստան նաեւ տարիներ առաջ՝ Ֆրանկոֆոնիայի օրերի շրջանակում։ Երգչուհին հիշել է այդ այցն ու նշել, որ թեեւ այն կարճ է եղել, հայերի ջերմությունը հասցրել է զգալ։
Ինչ վերաբերում է «ՀԱՅԱ» փառատոնին, այն շարունակելու է թեժ համերգների շարքը․ հուլիսի 1-ին Հայաստանում ելույթ կունենա աշխարհահռչակ ռեփեր 50 Cent-ը, հուլիսի 9-ին՝ Led Zeppelin Symphonic նախագիծը։ Առաջիկա համերգները եւս տեղի են ունենալու Հրազդան մարզադաշտում։
Սյունե Առաքելյան
Լուսանկարները՝ Արսեն Սարգսյանի
Վիդեոռեպորտաժը՝ Մելինե Տոնոյանի եւ Հայկ Տոնոյանի
Հետևեք NEWS.am STYLE-ին Facebook-ում, Twitter-ում և Instagram-ում
09:00, 19 մարտի
ՄԱՐՏԻ 19-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:07, 18 մարտի
«Սելֆիի մշակույթը» մարդկանց ստիպում է դիմել պլաստիկ վիրահատությունների, որպեսզի նմանվեն ֆիլտրացված լուսանկարներին22:10, 18 մարտի
Մոնիկա Բելուչիի դուստրը Dior-ի նոր դեսպանն է դարձել21:30, 18 մարտի
«Արյան վրեժը», խմիչքը և Տիխուանան - «Կեսար» աղցանի ծագման պատմությունը21:04, 18 մարտի
Seven Visions, The Dvin-ը հաղթել է World Travel Awards Europe Gala Ceremony 2024-ի վեց հեղինակավոր անվանակարգերում20:15, 18 մարտի
Կյանքի ծարավը Գարիկ Միքայելյանի կտավներում19:33, 18 մարտի
Hulu-ն Կառլ Լագերֆելդի մասին սերիալ կթողարկի՝ Դանիել Բրյուլի մասնակցությամբ17:15, 18 մարտի
Քիմ Քարդաշյանը կատակել է Քեյթ Միդլթոնի մասին, սակայն կատակը ոչ բոլորին է դուր եկել16:23, 18 մարտի
Netflix-ի նոր մինի-սերիալը՝ «Սուպերսեքսը», դարձել է քննադատության թիրախ սոցցանցերում15:21, 18 մարտի
Սիրուշոն ցուցադրել է իր մանկության տիկնիկները, Մալենան՝ նոր ֆոտոշարքը, իսկ «Լադանիվան»՝ Հայաստանի երգը «Եվրատեսիլ»-ում․ Instagram-ը՝ նախորդ շաբաթ14:52, 18 մարտի
«Տեղեր կան` այնքան նման ենք, որ հուզվում եմ, նույնիսկ, նայելիս»․ Իննա Խոջամիրյանը՝ «Սիրելի Սահմիի», հերոսուհու եւ Սոս Ջանիբեկյանի հետ աշխատանքի մասին (ֆոտո)13:59, 18 մարտի
Գոհար Ավետիսյանը անկեղծ տեսանյութում կիսվել է իր կտրուկ նիհարելու հետեւանքների մասին