• «Սեքս խղճահարությունից դրդված». ցնցող ուսումնասիրությունը բացահայտում է, թե ինչու են կանայք քնում տղամարդկանց հետ, նույնիսկ երբ չեն ուզում

  Հետազոտողները պարզել են, որ կանայք, ովքեր ընդհանրապես սեռական ցանկություն չեն զգում, կարող են ամսական երկու-երեք անգամ սեռական հարաբերություն ունենալ՝ իրենց հարաբերությունները պահպանելու և զուգընկերոջից բաժանվելը կանխելու համար: Երբեմն մտերմությունը ընդհանրապես կրքի մասին չէ․․․

• Երկարատև սիրո գաղտնիքը անկողնում է. գիտնականները ապացուցել են սեռական վստահության և երջանկության միջև կապը

  Իտալիայում վերջերս անցկացված առցանց ուսումնասիրությունը ցույց է տվել, որ սեռական առումով ինքնավստահ և ինքնաբավ մարդիկ հակված են ավելի մեծ բավարարվածություն զգալ իրենց սիրային հարաբերություններում․․․

• Հայ տղամարդիկ կլիտորի որոնման մեջ. ուղեցույց ռահվիրաների համար

  Այսօր՝ օգոստոսի 8-ին, շատ երկրներ նշում են Կանանց օրգազմի միջազգային օրը…

• Տղամարդու անմեղ հարցը անկողնում, որը սպանում է օրգազմը

  Ընդամենը երեք բառ, ասված լավագույն մտադրություններով՝ ամենավատ պահին․․․

• Շաբաթական 3.5 անգամ. Գիտնականները հաշվարկել են սիրահար զույգերի համար սեքսի նորման

  Թվում է տրամաբանական. որքան ուժեղ է սերը, այնքան շատ է սեքսը։ Սակայն գիտությունը պնդում է, որ իրականում ամեն ինչ բոլորովին այլ կերպ է գործում․․․

• Գոլորշու շարժիչներ օրգազմի համար. Ինչպես էին վիկտորիական դարաշրջանի բժիշկները բուժում կանանց «հիստերիան»

  Նայելով 2026 թվականին կատարվող իրադարձություններին, հեշտ է ընկնել այն պատրանքի մեջ, որ մարդկությունը միշտ չէ, որ այդքան տարօրինակ և անարգել է եղել․․․

• Ինչպես է գործում Սիլիկոնյան հովտի ամենագաղտնի և թանկարժեք գինեկոլոգիական ծառայությունը

  Սիլիկոնյան հովտում ժողովրդականություն է վայելում փակ գինեկոլոգիական պրակտիկան, որը կուլիսներում ստացել է «Միլիարդատերերի վագինային ակումբ» անվայել անվանումը․․․

• Սեքսն ընդդեմ ռետինոլի. Ինչպես են TikTok-ի գեղեցկության միտումները խաթարում մեր անձնական կյանքը

  Շրթունքների ժապավեններ, կրկնակի կզակի վիրակապեր, տաքացվող գլխակապեր՝ օ՜, Աստված իմ…

Համացանցը հզոր երեւույթ է: Այս ժամին որոշեցինք Lady.ru կայքից ակնարկ հրապարակել մարմնավաճառների շրջանում վաստակելու նոր միջոցի մասին: Եվ եթե այս երեւույթը դարերի պատմություն ունի, ուրեմն պետք է փոփոխվեն նաեւ այս մասնագիտությամբ գումար վաստակելու միջոցները:

Ռուսաստանի եւ Ուկրաինայի բարեկեցիկ երիտասարդ կանայք, ովքեր աշխատանք, ոմանք՝ նաեւ ընտանիք ունեն, հանգստյան օրերն անցկացնում են եվրոպական հասարակաց տներում: Կանայք մեկնում են Իտալիա, Ֆրանսիա, Բելգիա, Հոլանդիա եւ Գերմանիա: «Հանգստյան օրերի մարմնավաճառների» եկամուտը կարող է հասնել մինչեւ 5.000 եւ ավելի եվրոյի:

Այս երեւույթը Ռուսաստան է թափանցել Ուկրաինայից, որտեղ այն վաղուց գոյություն ունի: Էժան ավիատոմսերի համար 200 եվրոյից ոչ ավելի «ներդրում» կատարելով՝ կարելի է 20-30 անգամ ավելի վաստակել: Իտալական ոստիկանությունը բացահայտորեն հայտարարում է, որ Ուկրաինայից, ասենք՝ Միլան ուղղությամբ շաբաթօրյա չվերթները հիմնականում լի են լինում սեքս-ոլորտի աշխատակցուհիներով:

Հիմա արդեն ուկրաինուհիներին միացել են նաեւ ռուսները, հիմնականում՝ Մոսկվայի, Պետերբուրգի, կենտրոնական հատվածի խոշոր քաղաքների բնակիչներ: Վաղուց արդեն պարզեցված կարգով կարելի է Շենգենյան վիզա ստանալ, իսկ Պետերբուրգից մինչեւ Հելսինկի կարելի է հասնել երթուղային տաքսիով, ընդամենը 20 եվրոյով: Եվս 20 եվրոյով ֆիննական Վանտա օդանավակայանից կարելի է հասնել Եվրոպայի ցանկացած կետ այն հաճախորդների մոտ, ում աղջիկները գտնում են համացանցի միջոցով:

Այս ուղին անցնող աղջիկները սոցիալական ցանցերում ակտիվորեն շփվում են միմյանց հետ, ներկայացնում տպավորությունները, հաճախորդների հասցեներ փոխանակում, նույնիսկ տղամարդկանց սեւ ցուցակ են կազմել:

Աղվես-Ալիսա կեղծանվամբ պետերբուրգցի աղջիկն իր կայքում ծառայությունների լայն շրջանակ է առաջարկում. սովորական սեքսից մինչեւ մտրակներով եւ վանդակներով խաղեր: Աղջիկը ոչ միայն պատրաստ է ծեծել եվրոպացի մազոխիստներին, այլ ինքն էլ այնպիսի բաների ենթարկվել, որոնց մասին գրել էլ չի կարելի:

«Փողերը չեն բուրում,- գրել է Աղվես-Ալիսան:- Սա նույնպես աշխատանք է: Կարեւորն այս ամբողջ զզվանքը չանցկացնես քո միջով: Արա եւ մոռացիր՝ ինչպես սարսափելի երազ: Վերադառնում ես տուն եւ ընկնում այլ աշխարհ: Ե՛վ տհաճ հիշողությունները չեն տանջում, ե՛ւ կարելի է ազնվորեն վաստակած գումարով վճարել բնակարանի եւ ուսման վարձը: Եվ ամենակարեւորը. ո՛չ հարազատները, ո՛չ էլ ծանոթները երբեք ոչինչ չեն իմանա: Իսկ արտասահմանցիների վրա թքած ունեմ: Չեմ պատրաստվում հաստատվել Եվրոպայում, տանը նույնպես ինձ լավ եմ զգում, իսկ աշխատանքից հետո այնտեղ նույնպես որպես զբոսաշրջիկ չեմ գնա»:

Ալիսան բանկի 22-ամյա քարտուղարուհի է: Պարկեշտ հագուստով եւ քաղաքակիրթ ինտերիերով նրա լուսանկարները ոչ մի ընդհանուր բան չունեն վանդակների, մտրակների եւ միասին զուգարան գնալու հետ: Աղջիկը նշանված է, գրում է, որ երկու ամիս անց ամուսնանալու է եւ հարսանիքի համար ռեստորան է փնտրում:

Ալիսայի գործընկերուհին՝ Մոսկվայի 23-ամյա բնակիչ Քաթրինը, ցնցող անկեղծությամբ պատմում է Եվրոպայում անցկացրած հանգստյան օրերի մասին, չնայած իրեն մարմնավաճառ չի համարում:

«Ես այդպիսին չեմ: Ես սպասում եմ, բայց ոչ թե տրամվայ, այլ իմ միակին: Ձանձրացել եմ նրան հայրենակիցներիս շրջանում փնտրելուց: Եվրոպացիները մեր ալկոհոլիկներից ավելի լավն ու առատաձեռն են»,- գրում է աղջիկը:

Այս ամենի արդյունքում տուժում են եվրոպացի մարմնավաճառները, ովքեր օրինական են աշխատում եւ հարկեր են վճարում: Սեքս-ծառայությունների արտահանումը հսկայական վնաս է հասցրել աշխարհի ամենից զարգացած՝ գերմանական սեքս-արդյունաբերությանը: Գերմանական սեքս-ոլորտի աշխատողներն արդեն դիմում են պատրաստում՝ ուղղված Դաշնային խորհրդարանին եւ անձամբ Անգելա Մերկելին: Մարմնավաճառները հույս ունեն, որ կանցլերը որպես կին կհասկանա իրենց եւ կփորձի լուծել այս նուրբ հարցը, օրինակ՝ կդիմի ռուսական իշխանություններին:

Արդյո՞ք իշխանությունը կարձագանքի ստորագրահավաքին՝ դժվար է ասել: Իսկ «հանգստյան օրերի մարմնավաճառների» շարքերն արագորեն ընդլայնվում են: Ուրբաթ Ռուսաստանի եւ Ֆինլանդիայի սահմանին կարելի է տասնյակ ռուս գեղեցկուհիներ տեսնել: Բոլորի գրպանում կիրակի երեկոյի չվերթի ավիատոմս է:

Հետևեք NEWS.am STYLE-ին Facebook-ում, Twitter-ում և Instagram-ում