• Պլասիդո Դոմինգոն ներկայացրել է կադրեր՝ Երևանում կայանալիք համերգի փորձից

  Այսօր՝ հոկտեմբերի 16-ին, Ալեքսանդր Սպենդիարյանի անվան օպերայի և բալետի ազգային ակադեմիական թատրոնում տեղի կունենա հայ մեծանուն տենոր, համաշխարհային օպերային արվեստի նշանավոր ներկայացուցիչ Գեղամ Գրիգորյանի ծննդյան 75-ամյակին նվիրված գալա-համերգը․․․

• Հավակնության և առևտրի խաչմերուկում. Հայացք՝ 2026 թվականի Երևանի նորաձևության շաբաթին

  Չորրորդ Երևանի նորաձևության շաբաթը պատմություն դարձավ՝ իր հետևում թողնելով հարյուրավոր փայլուն կադրեր սոցիալական ցանցերում և նկատելի հետք ինչպես տեղական, այնպես էլ արտասահմանյան մամուլում․․․

• Սյուզան Մարգարյանի արձագանքը Սիրուշոյի պատմությանը, Fashion Week-ն ու Երևանի 2808-ամյակը․ Instagram-ը՝ այս շաբաթ

  Հոկտեմբերի 7-ին կայացավ Վարդուհի Վարդանյանին նվիրված մեծ համերգը, որի ընթացքում գրանցվեցին մի շարք տպավորիչ ու հուզիչ դրվագներ...

• Երևանը, որ այսպես նայում ես, Հռոմից ոչ միայն հին չէ, այլև շատ նոր քաղաք է

  Երևանը միայն քարտեզի վրա նշված քաղաք չէ․ այն հիշողություն է, պատմություն, սեր ու երազանք՝ միավորված մեկ անվան մեջ...

• Արգենտինայի համը Երևանի սրտում. դեսպանատունը ներկայացրեց գինիներ, որոնք արժե փորձել

  Գինին ունի երկրի ինքնությունը առանց խոսքերի փոխանցելու հազվագյուտ ունակություն․․․

• Եթե Երևանի պատմության թանգարանը ապագայում  չարժանանա սեփական շքեղ շինության, թող սա լինի գոնե վերջին հանգրվանը  

  Հայաստանում ես առաջին անգամ հասկացա, թե ինչ է հայրենիքը, որը կրում ես քո ներսում։ Հայ լինելը նրանց համար դժբախտություն չէ կամ պարտականություն, դա նրանց էությունն է...

• Երկիրը՝ գլխավերևում. «Հայ ֆեստ»-ի բացումը Երևանում

  Նույնիսկ մռայլ աշնան կեսը պատճառ չէ դադարեցնելու տոներն ու փառատոները Հայաստանում…

• «Հակաքրիստոսը գալիս է Երևան». Հայերը պահանջում են չեղարկել Մորգենշտեռնի համերգը

  Մորգենշտեռնը դեկտեմբերի 19-ին նախատեսում է ելույթ ունենալ Երևանում․․․

«Առնո Բաբաջանյան» համերգասրահում այսօր՝ սեպտեմբերի 30-ին, 5-րդ անգամ մեկնարկեց Գրքի երեւանյան փառատոնը, որն այս տարի նվիրված է բանաստեղծ Վահագն Դավթյանի 100-ամյակին։ Փառատոնի պաշտոնական բացումը տրվեց հատուկ պարային բեմադրությամբ, որի հիմքում գրքի միջոցով աշխարհին բերված լույսն էր։ 

Չնայած Հայաստանի համար դժվար ժամանակաշրջանին՝ փառատոնի կազմակերպիչները ձեռանամուխ եղան միջոցառման կայացմանը՝ բարձր գնահատելով զարգացման ու ինքնակրթման կարեւորագույն խորհուրդները, որն իր մեջ ամփոփում է ընթերցանությունը։

«Աշխարհը խենթացել է, եւ մեր թշնամին ավելի սանձարձակ է դարձել։ Ի՞նչ է պահանջում նա՝ հրաժարվել մեր տարածքներից, իրավունքներից եւ որ ամենասարսափելին է՝ հրաժարվել ապրելու ցանկությունից։ Մենք երկար քննարկումներից հետո որոշեցինք, որ փառատոնը պետք է կայանա։ Մենք իրավունք չունենք կատվածահար անելու հանրային կյանքը եւ իրավունք չունենք թուլանալու, ընկրկելու, եւ կարծում եմ՝ հենց այս բարձր գիտակցումն է, որ մեր հրատարակիչներին, բոլոր բարդությունները նկատի ունենալով, թույլ չի տալիս թուլանալու։ Քաջ տեղյակ լինելով բոլոր խնդիրներից՝ կարող եմ ասել, որ գրահրատարակչության ոլորտն ամենահաջողվածներից է․ սա այն բնագավառն է, որն ունի խորը արմատներ, եւ դրա լավագույն փաստը մեր սրբությունն է՝ Մատենադարանը, որտեղ պահվող գանձերը ստեղծվել են, նույնիսկ, ավելի սարսափելի պայմաններում։ Եթե այսօր յուրաքանչյուրն իր մեջ չունենա Մատենադարանի մի մասը եւ պատասխանատվություն չկրի այն բարոյական սրբագործությունների հանդեպ, որ մեր սուրբ հայրերն են դրսեւորել, մենք կպարտվենք հենց այդ պահից։ Ես վստահ եմ, որ այս գիտակցումը կա մեր մեջ, ինչի վկայությունն այսօրվա միջոցառումն է»,-իր խոսքում նշեց ՀՀ կրթության, գիտության, մշակույթի եւ սպորտի փոխնախարար Արա Խզմալյանը։

Գրքի երեւանյան 5-րդ փառատոնի կազմակերպիչը Խաչատուր Աբովյանի տուն-թանգարանն է։ Թանգարանի տնօրեն Սյուզաննա Խոջամիրյանը հավելեց, որ գրքի հանդեպ վերաբերմունքը շարունակում է մնալ հասարակության հոգեւոր հասունության կարեւոր չափանիշը․

«Գրքի մոռացման խավարը, բարեբախտաբար, տարեցտարի ցրվում է, եւ դրա հանդեպ սերն ավելանում է։ Սրա ցայտուն ապացույցն է նաեւ այսօրվա փառատոնը, որն արդեն հինգերորդ տարին է անցկացվում։ Մեր ժողովրդին պատուհասած դժբախտությունները, կարծես, երկրորդեցին գրքի ու ընթերցանության հանդեպ մեր վերաբերմունքը, սակայն եկեք միշտ հիշենք, որ գրքի հոգեւոր խորհուրդն է հենց, որը պետք է կռի ու կոփի մեր վաղվա հաղթանակը, եւ շատ կարեւոր է, որ նման իրադարձությունները տեղի են ունենում հենց այսօր, որովհետեւ երբ մի ձեռքում սուրն է, իսկ մյուսում՝ գիրքը, սա եւս մեկ անգամ փաստում է ժողովրդի ուժի ու ինքնության մասին։ Րաֆֆին ասել է՝ մեկ լավ գիրքը կարող է մի ամբողջ ազգի փրկել»,-նշեց նա։

Այս տարի փառատոնին կմասնակցեն անվանի գրողներ Իտալիայից, Ֆրանսիայից, Ռուսաստանից, Վրաստանից, Սլովենիայից, Կիպրոսից: Նրանց թվում են Եվգենի Վոդոլազկինը, Ալեքսեյ Սալնիկովը, Կլաուդիո Պոցցանին, Մաքսիմ Ամելինը, Մայա Կուչերսկայան, Մարտին Սոլոտրուկը, Շալվա Բակուրաձեն, Լիլի Միխաիլիդիսը եւ տասնյակ ուրիշներ։ Համաժամանակյա միջոցառումներ են նախատեսված նաեւ Խաչատուր Աբովյանի տուն-թանգարանում, Եղիշե Չարենցի տուն-թանգարանում, Ռուսական արվեստի թանգարանում, Հայաստանի ազգային գրադարանում, Երեւանի պետական համալսարանում, Հայ-ռուսական սլավոնական համալսարանում, «Հրանտ Մաթեւոսյան» մշակութային կենտրոն-թանգարանում, «Զանգակ» գրատանը:
Փառատոնը կտեւի մինչեւ հոկտեմբերի 2-ը ներառյալ․ բոլոր միջոցառումների մուտքն ազատ է։

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում