• Լյուիս Հեմիլթոնը գնել է իր երազանքի մեքենան՝ պաշտամունքային Ferrari F40-ը

  Յոթակի աշխարհի չեմպիոնը մեծ աղմուկ է բարձրացրել Մոնցայի մրցուղում՝ հայտնվելով իտալական Ֆորմուլա 1-ի մրցարշավին՝ հազվագյուտ սպորտային մեքենայի ղեկին…

• Արինա Սաբալենկան զայրացած էր US Open առաջնության ժամանակ մարիխուանայի հոտից

  2026 թվականի սեպտեմբերի 4-ին, ուրբաթ օրը, աշխարհի առաջին համարի թենիսիստուհի Արինա Սաբալենկան ԱՄՆ բաց առաջնության երկրորդ փուլում հաղթեց ռուս Կամիլա Ռախիմովային (խաղում էր չեզոք դիրքում), սակայն ճանապարհին նա ստիպված էր պայքարել մեկ այլ մրցակցի՝ մարիխուանայի սուր հոտի հետ․․․

• Ջեյն Ֆոնդան քննադատել է «տեխնոլոգիական ոլորտի մասնագետներին, օլիգարխներին և միլիարդատերերին», ովքեր ցանկանում են հավերժ ապրել ռոբոտների հետ

  Լեգենդար դերասանուհի և ակտիվիստ Ջեյն Ֆոնդան Վենետիկի կինոփառատոնում կայացած DVF մրցանակաբաշխության ժամանակ խիստ նկատողություն է արել տեխնոլոգիական մագնատներին և միլիարդատերերին․․․

• Շքեղություն H&M-ի գնով. Elie Saab-ը վերափոխում է կուտյուրը մատչելի շքեղության

  Լիբանանյան Elie Saab նորաձևության տունը ևս մեկ քայլ է կատարում բարձր նորաձևության աշխարհից այն կողմ…

• Ջորջ Քլունին մտադիր չէ առաջադրվել ԱՄՆ նախագահի պաշտոնում. դերասանը անվանել է իր երեք ֆավորիտներին 2028 թվականի համար

  Ջորջ Քլունին վերջնականապես բացառել է սեփական նախագահական քարոզարշավը, սակայն անսպասելիորեն անվանել է երեք դեմոկրատների, որոնց համարում է ամենախոստումնալից թեկնածուներ՝ 2028 թվականին կուսակցությունը Սպիտակ տուն վերադարձնելու համար, գրում է Daily Mail-ը…

• Petrossian խավիարի «կայսրության» ղեկավար Միքայել Պետրոսյանը ընդգրկվել է Vanity Fair-ի ամենաոճային ֆրանսիացիների ցանկում

  Հայկական ծագումով ֆրանսիացի գործարար, լեգենդար Petrossian խավիարի տան ղեկավար Միքայել Պետրոսյանը Vanity Fair France-ի կողմից ընդգրկվել է 20 ամենաոճային ֆրանսիացիների շարքում…

• Երկրպագուները մեղադրում են Բեյոնսեին 1000 դոլարանոց դատարկ տուփի պատճառով «զզվելի ագահության» մեջ

  Բեյոնսեն, գուցե, ունի աշխարհի ամենանվիրված երկրպագուների բանակը, սակայն այս անգամ նույնիսկ նրա հայտնի երկրպագուները մեղադրել են երգչուհուն «ագահության զզվելի դրսևորման» մեջ, այն բանից հետո, երբ նա գրեթե 1000 դոլարով վաճառքի հանեց դատարկ փայտե տուփը…

• «Սատանան Zara է հագնում». Աննա Վինտուրի նոր անհաջողությունը Met Gala-ում

  Եթե ​​Հոլիվուդում որևէ մեկը ներկայումս աշխատում է «Սատանան կրում է Պրադա 3»-ի սցենարի վրա, մենք ունենք պատրաստի սյուժետային գիծ նրանց համար․․․

Գաբրիել Սունդուկյանի անվան ազգային ակադեմիական թատրոնի բեմին հանդիսատեսն ականատես եղավ սիրո, կրքի ու հուսահատության էմոցիոնալ պատմության՝ Բորիս Էյֆմանի բալետի թատրոնի դերասանների մատուցմամբ։ «Ռոդեն՝  նրա հավերժական կուռքը» բալետը երեւանյան բեմում ներկայացվեց հոկտեմբերի 5-ին՝ «Հայֆեստ» կատարողական արվեստի միջազգային փառատոնի շրջանակում։ 

Բալետը ներկայացնում է մեծ քանդակագործներ Օգյուստ Ռոդենի եւ նրա աշակերտուհի, սիրեկան ու մուսա Կամիլա Կլոդելի ճակատագրական սերն ու ողբերգությունը։ 15 տարի Ռոդենն ու Կլոդելը եղել են մեկ զգայական եւ ստեղծագործ ամբողջություն։ Այնուամենայնիվ, արտիստների միջեւ եղած անջրպետը մահացու հարված է հասցնում Կամիլիայի հոգեկան առողջությանը եւ դառնում նրա մահվան պատճառ:

Բալետի գլխավոր հերոսներին մարմնավորում են Ռուսաստանի վաստակավոր արտիստ, Բորիս Էյֆմանի բալետի թատրոնի առաջատար պարող Օլեգ Գաբըշովը եւ նույն թատրոնի առաջատար պարուհի Լյուբով Անդրեեւան։ Արտիստները երկրորդ անգամ են Հայաստանում, ասում են՝ միշտ ջերմ ընդունելության են արժանանում այստեղ․ շատ են հավանում Երեւանը, հայերին, հայկական գինին ու հյուրասիրությունը։ 

«Ինձ ասել են, որ զգույշ լինեմ, որովհետեւ այստեղ կարող եմ մի քանի կիլոգրամով գիրանալ, բայց կարծում եմ՝ Ռոդենին մարմնավորելու համար մի քանի ավել կիլոգրամը չէր խանգարի»,-կատակեց Գաբըշովը։

Ինչ վերաբերում է իրենց հերոսներին՝ Ռոդենին ու Կլոդելին, դերասանները խոստովանում են՝ հեշտ չէ մարմնավորել իրականում գոյություն ունեցող մարդկանց, որոնց կյանքը լի է եղել դժբախտ ու ողբերգական դրվագներով։

«Ֆրանսիայի համար Ռոդենն ազգային հերոս է, ինչը ստիպում է էլ ավելի մանրամասն ու պատասխանատվությամբ մոտենալ այս դերին։ Ռոդենն ինքն էլ չէր հանդուրժում ֆալշեր իր քանդակներում, ես էլ բեմում եմ փորձում հնարավորինս խուսափել դրանցից։ Նա շատ էմոցիոնալ մարդ էր, ու շատ էր վերցնում բոլորից, ինչի հետեւանքով տուժեց նաեւ իր աշակերտուհին՝ Կամիլա Կլոդելը։ Ամեն ինչ մատուցված է գեղարվեստորեն, բայց կարծում եմ՝ հանդիսատեսից յուրաքանչյուրն ինչ-որ բաներ կտեսնի, որոնք հատուկ են նաեւ իրեն»,-լրագրողների հետ զրույցում նշեց Օլեգ Գաբըշովը։ Նա նկատեց, որ աշխարհի համար այս դժվարին շրջանում հասարակությանը, հատկապես, անհրաժեշտ է ներգրավել մշակութային կյանքի մեջ, թույլ տալ մի քանի ժամով կտրվել առօրյա խնդիրներից․

«Իմ կարծիքով՝ այս ներկայացումն աշխարհի համար այս սթրեսային շրջանում հանդիսատեսին կկարողանա տեղափոխել այլ իրականություն։ Այս բալետում հրաշալի երաժշտություն է հնչում, որը կօգնի մոտ երկու ժամ անջատվել ու ապրել հերոսների կյանքով»։

Լյուբով Անդրեեւան արդեն 11-րդ տարին է մարմնավորում Կամիլա Կլոդելին․ դերասանուհին ասում է՝ որքան էլ տարիներն ավելացրել են փորձը, հերոսուհու ապրումները նույն ուժգնությամբ են հուզում ամեն անգամ նրան մրամնավորելիս․

«Կարծում եմ, առհասարակ, որեւէ կերպարի ճիշտ մարմնավորելու համար պետք է շատ կարդալ նրա մասին։ Ինքս շատ եմ կարդացել Կամիլայի մասին, հասկացել նրա ծանր կյանքը․ նրան չէին հասկանում իր ընտանիքի անդամները, հասարակությունը, նրան թողել էր Ռոդենը․․․ Մեր ժամանակներում, գրեթե, բոլորը գիտեն Օգյուստ Ռոդենին, մինչդեռ Կլոդելին՝ ոչ բոլորը։ Բայց երբ կարդում ես նրա մասին, հասկանում ես, որ Կամիլան եւս մեծ դեր է ունեցել Ռոդենի ճանաչման լավագույն տարիներին։ Այս բալետը շատ էմոցիոնալ է։ Ես երկու ժամ եմ մարմնավորում Կամիլային, բայց ներքուստ այնքան մեծ ցավ եմ զգում նրա համար՝ պատկերացնելով, թե որքան դժվար է, երբ ամբողջ կյանքդ ես այդպես ապրում»,-նշեց բալետի արտիստուհին։

Հայ հանդիստասը եւս անտարբեր չմնաց հայտնի ֆրանսիացի քանդակագործի ու նրա սիրելիի էմոցիոնալ ապրումներին։ Թատրոնի դահլիճը մարդաշատ էր, հայացքները՝ սեւեռուն, իսկ վերջում՝ չդադարող ծափահարություններ։ 

«Ռոդեն՝ նրա հավերժական կուռքը» բալետը Սունդուկյանի անվան թատրոնի բեմում կներկայացվի նաեւ այսօր՝ հոկտեմբերի 6-ին։ 

«Հայֆեստ» փառատոնը մեկնարկել է հոկտեմբերի 1-ից, այն տեւելու է մինչեւ հոկտեմբերի 8-ը ներառյալ։ Փառատոնն այս տարի անցկացվում է 20-րդ անգամ՝ «Հաջորդ 20 տարիները կլինեն ավելի լավը» խորագրի ներքո։

Սյունե Առաքելյան

Լուսանկարները՝ Անտոն Սենկոյի
 

Հետևեք NEWS.am STYLE-ին Facebook-ում, Twitter-ում և Instagram-ում