• Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով

  Սալմա Հայեկը վերհիշել է իր կյանքի «լավագույն օրերից» մեկը…

• Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը

  Քիմ Քարդաշյանը «Ամերիկյան սարսափ պատմության» մեջ իր դեբյուտն արել է ավելի քան վեց ամիս առաջ, սակայն նա խոստովանել է, որ դեռ չի դիտել շոուն…

• Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին

  Առնոլդ Շվարցենեգերը բացահայտել է իր մրցակից-ընկերոջ՝ Սիլվեստր Ստալոնեի յուրօրինակ ոճի որոշ նրբություններ․․․

• Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ

  Ասիայի ամենահարուստ մարդու՝ Մուկեշ Ամբանիի ավագ որդին՝ Ակաշը, սիրում է թանկարժեք մեքենաներ․․․

• Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար

  Ջենիֆեր Լոպեսը ցուցադրել է իր հազվագյուտ Birkin պայուսակը Hermes-ից, որը պատրաստված է հիմալայան կոկորդիլոսի կաշվից եւ արժե 432 000 դոլար․․․

• Ջազի միջազգային օրը՝ Երեւանում

  Ապրիլի 30-ին՝ Ջազի միջազգային օրը՝ ժամը 16:00-22:30-ը, Գաֆէսճեան քանդակների պուրակում (Կասկադ համալիր) տեղի կունենա ջազային համերգ․․․

• Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով

  Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով…

• Իրինա Շեյքը նոր տղամարդ է փնտրում

  Իրինա Շեյքը NFL-ի աստղ Թոմ Բրեդիի հետ անհաջող սիրավեպից հետո նոր տղամարդ է փնտրում, հայտնում է Page Six-ը՝ հղում անելով իր աղբյուրին…

Հայկական բրենդների ֆոտոարշավներում վերջին շրջանում հաճախ կարելի է տեսնել աֆրիկուհի այս մոդելին, որն իր ինքնատիպ արտաքինով ու յուրահատուկ էներգետիկայով արդեն հասցրել է հետաքրքրություն առաջացնել համացանցի հայկական տիրույթում։  Ծանոթացեք՝ նա Օլոլադե Օլագբայեն է, բայց նախընտրում է, որ իրեն դիմեն, պարզապես, Լոլա։ 34-ամյա մոդելը երկու երեխաների մայր է, իսկ նրա ամուսինը հայկական «Փյունիկ» ակումբի նիգերիացի ֆուտբոլիստ Յուսուֆ Օտուբանջոն է, որը Հայաստանի համար ծանր շրջանում հենց խաղադաշտից իր աջակցությունը հայտնեց մեր երկրին՝ դատապարտելով սեպտեմբերի 13-ին սկսած ադրբեջանբական ագրեսիան ու կոչ անելով՝ կանգնել Հայաստանի կողքին։ Հենց ամուսնու աշխատանքի շնորհիվ էլ Լոլան երկու տարի առաջ հայտնվեց Հայաստանում ու անսահման սիրեց մեր երկիրը՝ այնքան, որ այսօր խոստովանում է՝ այլեւս չի ցանկանում հեռանալ Երեւանից։

NEWS.am STYLE-ը նիգերիացի մոդելին լուսանկարել է իր նոր ֆոտոշարքում։ Նրա հետ զրուցել ենք նաեւ Հայաստանում ապրելու, մոդելինգն ու երեխաների դաստիարակությունը համատեղելու ու հայերեն խոսելու մեծ ցանկության մասին։

«Ես միշտ երազել եմ դառնալ մոդել՝ սկսած 15 տարեկանից։ Համալսարանում ուսանելուս տարիներին մի քանի անգամ նկարահանվել եմ, բայց այդ շրջանում դադարեցի աշխատել, քանի որ պետք է կենտրոնանայի դասերիս վրա, իսկ քասթինգներին ու ֆոտոշարքերին մասնակցելու նպտակով ճանապարհորդելն ինձ համար սթրեսային էր։ Այդպիսով, դադարեցրի մոդելային գործունեությունս, հետո նշանադրվեցի ու տեղափոխվեցի Եվրոպա, բայց անկախ իմ սպասելիքներից՝ մոդելինգով զբաղվելու այլ հնարավորություններ իմ առջեւ չէին բացվում, մինչեւ որ տեղափոխվեցինք Երեւան։ Այստեղ մեկ առաջարկին հաջորդում էր մյուսը, եւ, աստիճանաբար, իմ կարիերան սկսեց վերելք ապրել։ Հիմա մեծ ցանկություն ունեմ նաեւ նկարահանվելու ֆիլմերում։ Այնքան ուրախ եմ, որ հիմա, երբ արդեն երկու երեխաների մայր եմ, կարողանում եմ համատեղել նրանց դաստիարակությունն ու կարիերաս»,-պատմում է թխամաշկ գեղեցկուհին։ Նա խոստովանում է, որ սկզբում չի ցանկացել ամուսնու հետ տեղափոխվել Հայաստան՝ վախենալով պատերազմի ու քովիդի հետեւանքներից, բայց այսօր իր կյանքն առանց Երեւանի չի պատկերացնում․

«Ինձ այստեղ շատ է դուր գալիս։ Նույնիսկ, զարմանում եմ, որ սկզբում չէի ցանկանում այստեղ գալ, քանի որ մեր տեղափոխությունը համընկավ քովիդի ու պատերազմի շրջանի հետ, եւ ես վախենում էի երեխաներիս համար։ Բայց հիմա ես այլեւս չեմ ուզում լքել Հայաստանը։ Այնքան շատ եմ սիրում այս վայրը, այն, ասես, իմ տունը լինի։ Ինձ դուր են գալիս հայերը․․․ Ես շատ ընկերասեր ու բարի մարդկանց եմ հանդիպել այստեղ գալուս առաջին իսկ օրվանից։ Այնքան սիրուն վայրեր կան Հայաստանում։ Այս երկիրն ինձ նաեւ հնարավորություն տվեց վերսկսելու իմ մոդելային կարիերան։ Շատ եմ սիրում Երեւանը, եւ ես չեմ կատակում։ Իհարկե, գիտեմ, որ ոչ մի վայր էլ կատարյալ չէ, բայց փաստ է, որ այստեղ ինձ հրաշալի եմ զգում»։

Լոլան պատմում է, որ հաճախ լեզվի չիմացությամբ պայմանավորված՝ զավեշտալի իրավիճակներում է հայտնվում, բայց աշխատում է հայերենը սովորելու ուղղությամբ։ Հաճախ ժպտում է մարդկանց, ողջունում հայերենով ու նրանցից էլ ստանում նույնքան դրական արձագանք․ հենց այդպես՝ իր անմիջականությամբ ու հայերենի չնչին գիտելիքներով էլ դառնում է երթուղային տաքսիների վարորդների ամենասիրելի զրուցակիցը։

«Երբեմն հայերենը հասկանալը հեշտ չի լինում, բայց երխաներս արդեն բավական լավ են տիրապետում լեզվին, քանի որ այստեղ մանկապարտեզ են հաճախում։ Մեծ աղջիկս սահուն խոսում է հայերեն, եւ շատ ավելի լավ է հասկանում ամեն ինչ։ Նա ոգեշնչում է ինձ սովորել լեզուն։ Որոշել եմ ձմռանը սկսել հայերենի դասընթացներս»,-ասում է նա։

Այսօր մոդելն աշխատանքից հետո իր ողջ ժամանակը նվիրում է երեխաներին, բայց երբեք չի մոռանում իր մյուս երազանքների մասին․

«Ես Զանգվածային հաղորդակցություն եմ սովորել, ավարտելուցս հետո շուրջ մեկ տարի ռադիոյում եմ աշխատել՝ որպես հաղորդավարուհի։ Հուսով եմ՝ մի օր կրկին կաշխատեմ ռադիոյում կամ հեռուստատեսությունում։ Ծրագրերիս վրա չեմ կենտրոնանում, ամեն ինչ թողնում եմ Աստծո հայեցողությանն ու օգնությանը։ Բայց կուզեի դառնալ ազդեցիկ կին, միջազգային ճանաչում ունեցող մոդել, դերասանուհի եւ գործարարուհի։ Շուտով կսկսեմ իմ բիզնեսը։ Այստեղ կուզեի բացել ռեստորան կամ հյուրատուն՝ O’Lola Groups-ի ներքո, բայց այս շրջանում դեռեւս նորաձեւության ոլորտի վրա եմ կենտրոնացած։ Ի դեպ, հետաքրքրված եմ նաեւ գինեգործությամբ»,-ասում է նա։ 

Անդրադառնալով Հայաստանի համար իր անսովոր արտաքինին ու դրա առավելություններին՝ Լոլան հավելում է․

«Իհարկե, հասկանում եմ, որ այստեղի համար ունեմ տարբերվող արտաքին, բայց ինձ համար դա մեծ նշանակություն չունի։ Ես հավատում եմ, որ ամեն բան Աստված է ինձ համար ծրագրել, եւ պատահական չէ, որ այս գեղեցիկ երկիրը փոխեց իմ կյանքը դեպի լավը»։

Սյունե Առաքելյան
Լուսանկարները՝ Արսեն Սարգսյանի
Զգեստը՝ Oh La La Boutique-ից
Դիմահարդար՝ Սոնա Մուրադյան
Նկարահանումն իրականացվել է Photon ֆոտոստուդիայում

Հետևեք NEWS.am STYLE-ին Facebook-ում, Twitter-ում և Instagram-ում