• Որքանո՞վ է գեղեցիկ արտաքինն ազդում սեքսի որակի վրա. Առասպելներ եւ իրականություն

  Սեքսի դեպքում գեղեցկությունը հաճախ կենտրոնական տեղ է զբաղեցնում․․․

• Անգլիացին տարված է ամուսնացածների՝ հատկապես իր գործընկերների ու ընկերների կանանց հետ սեքսով

  Կալիֆորնիայում բնակվող անգլիացին տարված է ամուսնացած կանանց՝ հատկապես իր բիզնես գործընկերների եւ ընկերների կանանց հետ սեքսով…

• Միջնադարյան առեղծվածային ձեռագիրը կարող է լինել սեքսի հնագույն ձեռնարկ

  Տարօրինակ նկարներով միջնադարյան ձեռագիրը կարող է լինել սեքսի մասին շատ հնագույն ձեռնարկ կամ գոնե դրա մի մասը․․․

• Forbes. Սեքսը՝ գեներատիվ արհեստական ​​ինտելեկտի դարում

  Սեքսը եւ տեխնոլոգիաները վաղուց փոխկապակցված են. միլիոնավոր մարդիկ օգտագործում են ծանոթությունների հավելվածներ՝ զուգընկերներ գտնելու համար․․․

• Տղամարդիկ, ովքեր սոցցանցերում վիրավորակամ մեկնաբանություններ են գրում կանանց, բարդութավորված կնատյացներ են

  Տղամարդիկ, ովքեր սոցցանցերում նողկալի մեկնաբանություններ եւ վիրավորանքներ են գրում կանանց հասցեին, բարդութավորված անբաններ են․․․

• Թուրքիան մոլորակի ամենաանառակ երկիրն է

  Համաշխարհային սեռական սովորությունների վերլուծության համաձայն՝ Թուրքիան մոլորակի ամենաանառակ երկիրն է․․․

• Ինչու են տղամարդիկ ստում իրենց առնանդամի չափսի մասին

  Տղամարդիկ ծանոթությունների հավելվածներում ստում են իրենց «տղամարդկության» չափսի մասին․․․

• Սեքսը կօգնի նիհարել

  Եթե ​​ցանկանում եք ֆիզիկապես ավելի ակտիվ լինել ձեր առօրյա կյանքում, բայց չափազանց ծույլ եք մարզասրահ հաճախելու համար, ապա սեքսը կարող է լինել կատարյալ լուծում․․․

Երբ բավարարված ենք մեր զուգընկերոջ հետ կյանքից, երբեք չենք մտնի ուրիշի անկողի եւ չենք քննարկի նրանց անձնական կյանքը՝ ճիշտ կամ սխալ առումով: Այս մասին NEWS.am STYLE-ի հետ զրույցում խոսել է սեքս-բլոգեր Թերեզա Փանչոյանը՝ նշելով, որ սեռական կյանքի մասին իրազեկ լինելը նույնը չէ, ինչ սեռական անառակությունը։

Փանչոյանը նշում է, որ սեքսի եւ ցանկությունների մասին բացահայտ խոսելու մարդու կարողությունը նույնպես մարդու հասունության եւ կրթվածության յուրօրինակ նշան է։

Կուսություն

Կանայք պետք է ճանաչեն իրենց մարմինն ու լինեն տեղեկացված, որպեսզիտղամարդկանց ու ողջ հասարակության կողմից մանիպուլյացիայի չենթարկվեն։ Եթե ​​Դուք ծանոթ չեք Ձեր սեփական մարմնին, ապա Ձեզ հեշտությամբ կարելի է մանիպուլյացիայի ենթարկել։ Մինչեւ ամուսնությունը սեռական կյանքով չապրելը հետամնացություն չէ, բայց դա պետք է աղջկա անկեղծ ցանկությունն ու գիտակից որոշումը լինի, այլ ոչ թե հասարակության կողմից պարտադրված կարծրատիպ։ Բացի այդ, նույնիսկ դա չի ազատում աղջկան իր մարմինը ճանաչելու պատասխանատվությունից. հասկանալ, թե ի՞նչ է նա սիրում, ի՞նչը՝ ոչ, որտե՞ղ է ծլիկը, հնարավո՞ր է հղիանալ օրալ սեքսի միջոցով եւ այլն։

Մինչ այժմ կան կանայք, ովքեր անկեղծորեն հավատում են, որ սեքսը պետք է տեւի 3 րոպե, նրանց թվում է, որ դա է նորման, քանի որ նրանց մոտ այդպես է եղել իրենց ողջ կյանքում:

Կարեւոր է նաեւ հասկանալ, որ սեքսը միայն սերունդ տալու համար չէ, որ այն կյանքի կարեւոր բաղադրիչն է: Տեղեկացվածությունն արգելված չէ․ իմանալ, որ ձեր մարմինը նորմալ է, կարեւոր եւ անհրաժեշտ է: Կարեւոր է իմանալ նաեւ հակառակ սեռի մարմինը՝ հարսանիքի գիշերը չցնցվելու եւ, առհասարակ, սեքսի մասին պատկերացում կազմելու, ինչպես նաեւ այն բռնությունից տարբերելու համար։

Սեռական իրազեկվածությունը նույնը չէ, ինչ սեռական անառակությունը:

Հայաստանում սեռական դաստիարակության մասին

Հայաստանում սեռական դաստիարակությունը չեն ընկալում, քանի որ ուղղակի չգիտեն, թե դա ինչ է նշանակում։ Մարդիկ դա անմիջապես նույնացնում են քարոզչության եւ անառակության հետ՝ բացարձակապես անտեղյակ լինելով, թե դա իրականում ինչ է։ Ես կողմնակից եմ, որ երեխային որոշակի սեռական դաստիարակություն տրվի արդեն 2-3 տարեկանում։ Եվ ես բախվում եմ այն ​​փաստին, որ մարդիկ անմիջապես սկսում են մտածել, որ դա նշանակում է երեխայի հետ խոսել սեքսի մասին: Նրանք չեն հասկանում, որ սեռական դաստիարակությունը նշանակում է երեխայի ծանոթությունն իր մարմնի հետ՝ մարմնի բոլոր մասերին. նա պետք է իմանա իր սեռական օրգանների անունները, այլ ոչ թե դրանք փոխարինի ծիծաղելի այլաբանություններով, ինչպիսիք են թխվածքաբլիթները, դեղձը, խնձորակը... եւ այլն:

Սա ներառում է նաեւ երեխայի անձնական սահմանների դաստիարակությունը, պետք է հասկանալ, որ մենք ոչ մեկին ցույց չենք տալիս մեր սեռական օրգանը։ Եվ եթե ինչ-որ մեկը խնդրում է այն ցույց տալ, չի կարելի դա անել եւ պետք է զգուշանաք այդպիսի մարդկանցից: Սա շատ կարեւոր թեմա է երեխաների սեռական դաստիարակության համար, բայց մարդկանց համար ավելի հեշտ է դատել, քան փորձել հասկանալ: Ոմանք նույնիսկ ասում են, որ սա անօգուտ է, քանի որ Հայաստանում չկա բռնություն, մանկապղծություն եւ այլն, որ այդ ամենը բացառված է «նման սուրբ երկրում»։ Սեռակրթության բացակայությունը շատ վտանգավոր է, քանի որ նույն երեխան, ով չի ճանաչում իր մարմինը եւ ում հետ չեն խոսում, հեշտությամբ կարող է բռնության ենթարկվել եւ նույնիսկ չհասկանալ դա։ Բազմաթիվ նամակներ եմ ստանում, որտեղ մարդիկ ասում են, որ 4,5, 9 կամ 11 տարեկանում իրենց բռնության են ենթարկել կամ ոտնձգությունների են ենթարկվել հորեղբոր, պապիկի կամ այլ արական սեռի ազգականների կողմից: Իսկ մինչ օրս նրանց ընտանիքից ոչ ոք չգիտի այդ մասին, քանի որ «զոհերը» վստահ են, որ իրենց չեն հավատա եւ աջակցության փոխարեն կստանան անվստահություն, ծաղր ու դատապարտում։ Այս ամենը ցնցող տեղեկություն է, իսկ առաջին արձագանքը հերքումն է․ վարդագույն ակնոց ենք դնում ու սկսում մտածել, որ սա անհնար է կամ ինչ-որ տեղ հեռու եւ երբեք չի դիպչի մեզ կամ մեր երեխային։

Մեկ տարի առաջ ես առցանց գիրք թողարկեցի այն մասին, թե ինչպես է աշխատում կանացի մարմինը: Սկզբում մտածում էինք, որ դա կլինի 2-3 էջանոց գրքույկ, բայց վերջում պարզվեց, որ այն 60 էջանոց գիրք է։ Այն մասին, թե ինչու է դաշտանը ոչ թե ամոթալի, այլ նորմալ եւ ոչ զզվելի, ինչու են ընդհանրապես տեղի ունենում, ինչպես է փոխվում օրգանիզմը։ Այսինքն՝ ամեն ինչ մանրամասն պատմել ենք՝ ինչպես եւ որտեղից է ամեն ինչ սկսվում։ Գիրքը գրված է ընթերցողին ուղղված կոչի ձեւաչափով, կարծես գրքի հերոսը խոսում է հենց ընթերցողի հետ: Կան կանայք, ովքեր գիրքը գնել են իրենց համար եւ ասել, որ շատ մանրամասներ չգիտեն։ Հատկապես հաճելի է, որ կան նաեւ մի քանի տղամարդիկ, ովքեր գիրքը վերցրել են իրենց դուստրերի համար։

Սեքսուալ ճնշում

Սեքսուալ կյանքն ազդում է երկու սեռերի վրա, ուստի կարեւոր է հասկանալ երկու կողմերի առանձնահատկությունները: Մենք ապրում ենք մի հասարակության մեջ, որտեղ ընդունված է կարծել, թե որքան վաղ է սկսվում տղամարդու սեռական կյանքը, այնքան «տղամարդկային» է նա: Բազմաթիվ նամակներ եմ ստացել, որ տղամարդիկ իրենց առաջին սեռական փորձը ստացել են 13-14 տարեկանում (սա այն հարցին է վերաբերում, որ այլ երկրներն ավելի ազատ են, իսկ մեզ մոտ ամեն ինչ այլ է)։ Հաճախ սրանք պատմություններ են այն մասին, թե ինչպես է տարեց տղամարդ բարեկամը երիտասարդին տանում սեքսուալ ծառայություններ մատուցող աշխատողների մոտ, որպեսզի նա փորձ ձեռք բերի: Կարեւոր է նշել, որ 18 տարեկանում տղաները գնում են բանակ, իսկ մինչ այդ պարտադիր է համարվում սեռական փորձ ունենալը, որպեսզի ուրիշների աչքում այլ կերպ չերեւան ու ծաղրի չենթարկվեն։ Բայց որտե՞ղ նրանք ձեռք բերեն այդ փորձը: Իհարկե, սեռական ծառայությունների ոլորտում։ Այսինքն՝ արական աշխարհում կուսությունը ծաղրի ավելի մեծ առիթ է, քան կանանց մոտ կուսության բացակայությունը։

Ինչ վերաբերում է կանանց, ապա շատերը ծանոթ չեն սեփական մարմնին, երբեք չեն տեսել եւ չգիտեն, թե ինչպիսի տեսք ունի իրենց վուլվան։ Նրանք վախենում են ու, որ ավելի տարօրինակ է, զզվում են սեփական մարմիններից։ Իհարկե, այսօրվա գեղեցկության չափանիշների աշխարհում որոշակի ազդեցություն եւ ճնշում կա կանանց վրա, թե ինչպիսի տեսք պետք է նրանք ունենան, հագնվեն, որքան կշռեն եւ այլն, բայց վուլվայի հետ կապված մենք չունենք չափանիշներ եւ էտալոններ, թե ինչպիսի տեսք պետք է այն ունենա։ Այնուամենայնիվ, մենք տեսնում ենք, թե որքան կանայք են զզվում սեփական օրգանից։

Հնարավոր է՝ մանկության տարիներին նրանց ամաչեցրել են, կամ մեծացրել են այն համատեքստում, որ կանայք գրավչություն չունեն, սեքսը միայն տղամարդկանց համար է։ Բացի այդ, ազդում է այն կարծրատիպը, որ աղջկա սեռական կյանքի սկիզբը սկսվում է նրա հարսանիքի գիշերը, անկախ նրանից, թե ինչ տարիքում է նա։ Մինչ այդ ոչ մի սեռական կյանք հնարավոր չէ։ Իսկ, եթե ցանկանում ես սեռական կյանքով ապրել կամ քեզ ստիպել են ունենալ այն քո կամքին հակառակ, ապա ինքնաբերաբար դառնում ես փչացած, սխալ... Այսպիսով, հասարակությունը թելադրում է, թե երբ  մարդը սկսի սեռական կյանք վարել. տղամարդկանց դեպքում, որքան հնարավոր է շուտ, աղջիկների դեպքում՝ միայն ամուսնությունից հետո։

Նույնը վերաբերում է ձեռնաշարժությանը, եթե տղամարդկանցը համարվում է նորմա եւ բացատրվում է «տղամարդկային բնույթով», ապա կինը խստորեն դատապարտվում է։ Սա պայմանավորված է այն կարծրատիպով, որ կանայք ի սկզբանե սեքսի կարիք չունեն, եւ հետեւաբար, կնոջ համար սեռական ցանկություն ունենալը նորմալ չէ: Արդյունքում՝ կինը մինչ ամուսնությունը սեռական կյանք չի ունենում, իսկ ամուսնության մեջ այն ստանում է միայն ամուսնու կամքով։ Նման սեքսի որակի մասին խոսելն ավելորդ է։

Խորհուրդներ կանանց

Օրգազմի հասնելու համար շատ օգնում է ձեռնաշարժությունը, քանզի նպաստում է հասկանալ սեփական մարմինն ու դրա առանձնահատկությունները՝ դրա հետ կապված որոշակի գործողությունների արձագանքները։ Իսկ եթե ձեռքերը բավարար չեն հաճույք ստանալու համար, ապա միշտ կարող եք դիմել սեքս-խաղալիքներին, որոնք դուր են գալիս եւ ձեզ հարմար են: Արժե մեծ ուշադրություն դարձնել ֆանտազիաներին։ Հարաբերությունների մեջ կարեւոր է խոսել եւ պատմել դրանց մասին, քանի որ դա ձեր մարմինն է, եւ ձեր զուգընկերը դա չգիտի, ուստի կարեւոր է զուգընկերոջը ծանոթացնել դրա հետ: Եթե ​​դժվար է խոսել, ապա դուք կարող եք ուղղորդել ընթացքը, այսինքն՝ ոչ բանավոր կերպով փորձել ցույց տալ այն, ինչ ձեզ դուր է գալիս։ Կարեւոր է նաեւ մթնոլորտը, պետք չէ միշտ մոմեր վառել, այլ կարեւոր է հարմարավետ, հանգիստ ու ապահով միջավայրը, քանի որ կանացի օրգազմը սկսվում է գլխից։

Խորհուրդներ տղամարդկանց

Տղամարդկանց խորհուրդ կտամ չընդհանրացնել աղջիկներին, հասկանալ, որ նրանք բոլորը տարբեր են, եւ այն, ինչ լավ է մեկի համար, կարող է ընդհանրապես դուր չգալ մյուսին։ Կարեւոր է բաց լինել զրույցների ու փորձերի համար։ Եթե ​​աղջիկն առաջարկում է օգտագործել սեքս-խաղալիքներ, դա չի նշանակում, որ նրան դուր չեն գալիս ձեր սեռական ունակությունները, դա պարզապես ավելացնում է հաճույքը եւ նոր զգացողություններ է տալիս։ Նաեւ պետք է մեծ ուշադրություն դարձնել այն ամենին, ինչը նախորդում է սեքսին․ զրուցելը, միասին ֆիլմ դիտելը կամ այլ բան, բայց լավ սեքսը սկսվում է ճիշտ տրամադրություն ստեղծելուց, ուստի կարեւոր է զուգընկերոջդ ճիշտ տրամադրելը: Եթե ​​տղամարդկանց մեծամասնության մոտ ամեն ինչ տեղի է ունենում շատ ավելի արագ, ապա կանանց մոտ մտերմության ցանկությունը կախված է բազմաթիվ գործոններից։ Եղեք համբերատար ձեր կնոջ հետ:

Ինչպե՞ս ճանաչել ձեր մարմինը

Պարզապես օրական մեկ րոպե նայեք ձեր մարմնին, ուսումնասիրեք այն եւ փորձեք հարմարավետ միջավայր ստեղծել ձեր ու ձեր մարմնի միջեւ:

Կարեւոր է ընդունել ձեր մարմինն այնպիսին, ինչպիսին կա, ճանաչել այն ու ընդունել որպես ձեր մաս, այլ ոչ թե զզվանք զգալ:

Եթե ​​մարմինը շոյելու ցանկություն չկա, դա նորմալ է, բայց սեփական մարմնի հանդեպ զզվանք զգալը՝ ոչ։

Երբ մարդն ապրում է իր ուզած կյանքով, երբ երջանիկ է ու ներդաշնակ իր հետ, օտարների կյանքը նրան չի հետաքրքրի։ Երբ մենք գոհ ենք մեր կյանքից մեր զուգընկերոջ հետ, մենք երբեք չենք սողոսկի ուրիշների մահճակալները եւ չենք քննարկի նրանց անձնական կյանքը՝ ճիշտ կամ սխալ լինելու տեսանկյունից:

Զրուցեց Ռեգինա Մելիքյանը

Հետևեք NEWS.am STYLE-ին Facebook-ում, Twitter-ում և Instagram-ում