• «Մամայի Բալա»-ն վերադառնում է․ նոր եթերաշրջանում՝ նոր խառնաշփոթ, սեր ու անսպասելի փորձություններ

  Սվետայի տունը կրկին պատրաստվում է վերածվել ամենաանկանխատեսելի ու զվարճալի վայրերից մեկի...

• «Մի գդալ սեր»՝ ֆիլմ, որի յուրաքանչյուր դետալում սեր կա․ պրեմիերա, կարմիր գորգ, խոստովանություններ

  Գրեթե մեկ տարի անց «Մի գդալ սեր» ֆիլմը պատրաստ է հանդիպելու հանդիսատեսին․․․

• «Գերին և Գրեյսը»․ հույսի և մենության մասին տրագիկոմեդիան հայ հանդիսատեսին կներկայացնեն Հովհաննես Բաբախանյանն ու Նարինե Չիլինգարյանը

  ԱՄՆ-ում բնակվող ՀՀ վաստակավոր արտիստ Հովհաննես Բաբախանյանը սեպտեմբերին հյուրախաղերով հանդես կգա հայրենիքում...

• Բլոգեր Նուշիկ Օհանյանի ամուսինը, մեկ տարի կոմայի մեջ գտնվելուց հետո, մահացել է

  Բլոգեր Նուշիկ Օհանյանի ամուսինը, մեկ տարի կոմայի մեջ գտնվելուց հետո, մահացել է…

• Ալեն Սիմոնյանի շնորհավորանքը կնոջը՝ Անելյա Գուբրյանին, 26-ամյակի առթիվ (ֆոտո)

  Անվտանգության խորհրդի քարտուղար Ալեն Սիմոնյանի կինը՝ մոդել Անելյա Գուբրյանն, այսօր՝ սեպտեմբերի 2-ին, նշում է ծննդյան 26-ամյակը…

• ArmenՅԱՆs. Ջեք Թոփալյան՝ «էյֆորիայի» հայ աստղը․ ինչպե՞ս բիզնեսը փոխարինեց դերասանի կարիերայով, «տանջեց» Ջեյքոբ Էլորդիին ու հայերեն խոսեց ամերիկյան հայտնի սերիալում

  Մենք՝ հայերս, աշխարհի որ երկրում էլ լինենք, միշտ հպարտություն ենք ապրում, երբ մեր հայրենակիցներից մեկին հանկարծ տեսնում ենք որևէ խոշոր միջազգային նախագծում...

• Անձրևի և կայծակի պատճառով հետաձգվել է Էրիկի մենահամերգը

  Համերգի մեկնարկից հետո երգիչը հասցրել է մի քանի երգ կատարել, սակայն ուժեղ անձրևի և կայծակի պատճառով միջոցառումը ստիպված են եղել դադարեցնել։ Էրիկ Կարապետյանն ավելի ուշ իր ինստագրամյան սթորիում հայտնել է, որ համերգը տեղափոխվում է սեպտեմբերի 3-ին՝ ժամը 20:30-ին...

• Մոհաննայի «Անպայման»-ը․ նոր երգ, նոր տրամադրություն ու սիրելի տղամարդուն ուղղված երաժշտական խոստովանություն

  Մոհաննան ներկայացրել է իր նոր՝ «Անպայման» երգը, որն արդեն հասանելի է նաև ամբողջական տեսահոլովակով։ Նոր աշխատանքով երգչուհին ոչ միայն շարունակում է իր երաժշտական ճանապարհը, այլև բացում է իր զգացմունքային աշխարհի մի նոր էջ՝ երգը նվիրելով իր սիրելի տղամարդուն...

Դերասանուհի, հաղորդավարուհի Լիլիթ Հարոյանի գեղեցիկ ու հմայիչ արտաքինի ներքո թաքնված է նաեւ նրա ներքին ներդաշնակությունը, որը դերասանուհին երկար տարիներ է, ինչ բացահայտել է յոգայով զբաղվելու շնորհիվ։ Լիլիթը նշում է՝ իր արտաքին ու ներքին բոլոր գործողություններն առաջնահերթ ուղղված են առողջության պահպանմանը, որը մեծ դեր ունի ինչպես մարդու ինքնազգացողության, այնպես էլ ինքնավստահության ու ներաշխարհի վրա։ NEWS.am STYLE-ի STYLE Beauty խորագրում զրուցել ենք Լիլիթ Հարոյանի հետ՝ պարզելու հոգու ու մարմնի ներդաշնակության նրա գաղտնիքները։ 

Արտաքին տեսքը ներսի արտացոլանքն է․ մարդուն նայելիս, կարող ենք ասել՝ արդյոք նա ներքուստ հանգիս՞տ է, թե՞ հակառակը, ինքնավստա՞հ է, թե՞ ոչ, ասում է Լիլիթը։ «Ինձ մոտ կա մի օրենք՝ ես ամեն օր մի բան անում եմ իմ մարմնի համար, ինձ համար առաջնայինն առողջությունն է։ Քանի դեռ այն ունենք, մենք չենք մտածում դա պահպանելու մասին, բայց հենց կորցնում ենք, միանգամից սկսում ենք գնել թանկարժեք դեղամիջոցներ եւ այլն։ Սա հասկանակով՝ ես ամեն օր հոգ եմ տանում իմ մարմնի մասին՝ ոչ պակաս, քան 40 րոպե՝ կլինի դա մարմնամարզություն, քայլել, պար, թե յոգայի ֆիզիկական դիրքեր, որոշում եմ ինքս։ Ինչ վերաբերում է հոգեկան հանգստությանը՝ այդ ուղղությամբ եւս աշխատում եմ՝ կրկին ամեն օր դրան ժամանակ տրամադրելով։ Ինձ օգնում են պարը, մերսումները, գրելը, դրական մտածողություն ունեցող մարդկանց հետ շփվելը, եւ, առհասարակ, ինքս ինձ հետ շփումն ու ինքնաճանաչողությունը»։ 

Լիլիթը հավելում է՝ ինքն ամեն օր զբաղվում է մենտալ ու էմոցիոնալ առողջությամբ․ 

«Գաղտնիքներից մեկը նաեւ օրվա մեջ որոշակի ժամանակ առանց հեռախոս մնալն է։ Փորձում եմ պահի մեջ մնալ։ Օրինակ, եթե ընկերներիցս մեկի հետ դուրս եմ եկել զբոսանքի, մոռանում եմ աշխարհում մյուս բաների մասին։ Եթե աշխատում եմ, ուրեմն կենտրոնացումս միայն հաճախորդիս վրա է։ Սա շատ օգնում է, որպեսզի էներգիա չկորցնեմ եւ վայելեմ կյանքի ամեն մի պահը»։

Դերասանուհին նշում է՝ երբեմն հաճախում է նաեւ մարզասրահ, բայց ամեն պարագայում լսում է սեփական մարմնին ու փորձում հասկանալ ինքն իրեն։ 

«Եթե էներգետիկ շատ բարձր մակարդակի վրա չեմ լինում, այդ օրը ավելի հանգիստ եմ փորձում մնալ։ Մենք՝ կանայք, ունենք ցիկլ, եւ պետք է անել ամեն ինչ ըստ մեր ֆիզիկական վիճակի, բայց կարեւոր է սա տարբերակել ալարկոտությունից»,-շեշտում է նա։ 

Լիլիթը դիետաների, առհասարակ, չի հետեւում, սնվում է ինտուիտիվ։ 

«Երբ ինչ-որ բան եմ ուտում, հետեւում եմ դրանից հետո իմ զգացողությանը։ Եթե զգում եմ, որ էներգիայով լցվեցի, կամ՝ թեթեւություն մարմնումս, նշանակում է՝ տվյալ սնունդն ինձ համար լավ է։ Եթե ծանրություն եմ զգում կամ քնելու ցանկություն, դժվարամարսություն, ուրեմն՝ այդ սնունդն ինձ համար չէ։ Առհասարակ, բոլորին խորհուրդ եմ տալիս ինտուիտիվ սնվել։ Ինդիվիդուալ մոտեցումը եւս շատ կարեւոր է, քանի որ մարդիկ տարբեր են եւ ունեն տարբեր սննդակարգի կարիք։ Մենք շատ ենք սովորել դրսի ինֆորմացիային հենվել, բայց ամենալավ հենման կետը հենց մեր ներսի զգացողությունն է։ Ինձ համար նաեւ շատ կարեւոր է այն զգացողությունը, որը ես ունենալու եմ այդ սնունդն ընդունելուց հետո։ Օրինակ, եթե ես գիտեմ, որ պիցցա ուտելուց հաճույք եմ ստանում, բայց հետո ծանր է նստելու ինձ վրա, ես դա չեմ ուտի»։

Դերասանուհին իր դեմքին էլ մոտենում է այնպես, ինչպես մարմնին՝ գրեթե չի դիմահարդարվում ու սիրում է ամեն մի դիմագիծը։ 

«Երբեք չեմ ունեցել այնպիսի վիճակ, երբ տնից առանց դիմահարդարվելու չցանկանամ դուրս գալ, բայց ավելի երիտասարդ տարիքում եղել է, որ մի փոքր ավելի շատ դիմահարդարվեմ՝ չգիտակցելով, որ բնականն ավելի գեղեցիկ է։ Քանի որ հեռուստատեսության ոլորտում եմ աշխատել, բնականաբար, առատ գրիմ եմ ունեցել դեմքիս, հատկապես, երբ «Բարի լույս» ծրագիրն էի վարում, ամեն օր շպարված էի լինում։ Կարեւոր է հասկանալ, թե ինչու ենք մենք շպարվում։ Ես, օրինակ, երբ սկսում եմ շպարվել, հասկանում եմ, որ կամ հեռուստատեսությունն եմ կարոտել, կամ ինչ-որ փոփոխություն եմ ուզում, կամ էլ դրան որպես արվեստ եմ մոտենում, որովհետեւ ինձ համար դեմքին նկարելը նույնն է, ինչ թղթին նկարելը։ Իհարկե, շպարվում եմ նաեւ առիթներին, եւ կարծում եմ՝ դիմահարդարվելը յուրաքանչյուրի ընտրությունն է, բայց կարեւոր է նաեւ ընդունել մեզ այնպիսին, ինրպիսին կանք»։ 

Ըստ Լիլիթի՝ գեղեցկության ընկալումը համեմատության արդյունքում է ծնվում․ «Մենք համեմատության մեջ ենք մեզ գեղեցիկ կամ ոչ գեղեցիկ համարում։ Եթե մարդը միայնակ լիներ աշխարհում, չէր հասկանա՝ գեղեցիկ է, թե ոչ։ Կարեւոր է ինքդ քեզ ընդունելն ու ներաշխարհիդ հետ աշխատելը։ Երբ կարողանանք մեր ներսում հասնել ներդաշնակության, դա կարտացոլվի նաեւ դրսից, քանի որ գեղեցկությունը հարաբերական է։ Պետք է հասկանալ նաեւ, թե ինչու ենք ուզում լինել գեղեցիկ։ Մարդիկ, սովորաբար, սեր են ցանկանում, եւ հաճախ իրենց թվում է, որ եթե լինեին այսպիսին կամ այնպիսին, ապա ավելի շատ կսիրեն իրենց․․․»։ 

Ներդաշնակ լինելու համար հաղորդավարուհին կանանց խորհուրդ է տալիս անցնել ինքնաճանաչողության միջով, աշխատել սեփական էմոցիաների հետ, իմանալ իրենց բոլոր կողմերն ու փորձել կատարելագործվել,-«Նաեւ խորհուրդ կտամ աշխատել ինքնագնահատականի շուրջ եւ կենտրոնացումը բերել դեպի այն ստեղծագործությունը, որը մենք կարող ենք անել՝ զբաղվել սիրած գործով եւ ֆինանսապես լինել անկախ»։ 

Լիլիթն այս պահին Բալիում է։ Ինչ վերաբերում է եթերային առաջարկներին, նրա խոսքով՝ որոշ ծրագրեր դեռեւս քննարկման փուլում են, իսկ մինչ այդ՝ եթերային դադարը փորձում է լրացնել Instagram-ում՝ հետեւորդների հետ կիսվելով մարմնի ու հոգեկան առողջության իր փորձառությամբ։ 

Սյունե Առաքելյան
Լուսանկարները՝ Լիլիթ Հարոյանի ֆեյսբուքյան էջից

Հետևեք NEWS.am STYLE-ին Facebook-ում, Twitter-ում և Instagram-ում