Հուլիսի 16-ին 77 տարեկանում կյանքից հեռացել է հայտնի անգլո-ֆրանսիացի դերասանուհի ու երգչուհի Ջեյն Բիրկինը։
2021 թվականին կինը ինսուլտ է տարել, որն ազդել է ոչ միայն նրա համերգների թվի կրճատման, այլեւ երգչուհու ընդհանուր առողջության վրա։ Ջեյն Բիրկինը բազմաթիվ հիպոստազների մարմնացում է։ NEWS.am STYLE-ը վերհիշում է դիվայի կյանքի ու աշխատանքի ամենավառ պահերը։

Ջեյնի դերասանական կարիերան իրադարձություններով լի էր: Աղջկան համբավը բերեց Միքելանջելո Անտոնիոնիի լեգենդար «Blow-Up» ֆիլմը։
Բացի դրանից Ջեյնը նկարահանվել է նաեւ Ջեք Սմիթի «Կալեյդոսկոպ» ֆիլմում, ինչպես նաեւ Ագաթա Քրիստիի վեպերի հիման վրա նկարահանված «Մահը Նեղոսի վրա» ու «Չարն արեւի տակ» ֆիլմերում։ Դերասանուհին իր հաշվին ունի տասնյակ ֆիլմեր, որոնցից շատերը դարձել են իրենց ժամանակի դասականները։

Ռոմի Շնայդերը, Պիեռ Ռիչարդը, Ալեն Դելոնը եւ Սերժ Գենսբուրը հայտնի դերասանների մի փոքր մասն են, որոնց հետ նկարահանվել է Ջեյն Բիրկինը։
«Պետք է ապրել առանց որեւէ բան երկար ժամանակ հետաձգելու։ Իմ լավ հիշողություններն այնքան հեռու են գնում: Մնում է միայն կորցրած ժամանակի տխրությունը»։
Սկանդալային սիրավեպ
70-ականներին Ջեյնին փառք բերեց ֆրանսիացի երգիչ Սերժ Գենսբուրգի հետ 12-ամյա սիրավեպը։ Հարաբերությունների ընթացքում զույգը բացահայտում էր իրենց անձնական կյանքի տարբեր կոմպրոմատներ, որոնք ավելի ու ավելի էին գրավում հանրության ուշադրությունը։

Զույգը թողարկել է «Je t'aime moi non plus» երգը, որը սկանդալային է դարձել այն հատվածի պատճառով, որում երգչուհին օրգազմ է նմանակել։ Ստեղծագործությունը շատ երկրներում արգելված էր ռադիոյով, սակայն այն մեծ ճանաչում բերեց զույգին եւ մասնավորապես երգչուհուն։
<iframe width="624" height="468" src="https://www.youtube.com/embed/GlpDf6XX_j0" title="Serge Gainsbourg & Jane Birkin - Je t'aime... moi non plus/Original videoclip (Fontana 1969)" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>
Ավելի ուշ դերասանուհին նկարահանվել է Գենսբուրգի համանուն ֆիլմում։ Իր դերի համար դերասանուհին առաջադրվել է ֆրանսիական «Սեզար» կինոմրցանակի։

«Կանայք միշտ փնտրում են ինչ-որ հնարք, որը թույլ է տալիս նրանց զգալ ինքնաբավ էակ՝ ոչ թե ինչ-որ ուրիշի շարունակություն, ոչ թե նրա «լրացում»:
2002 թվականին երգչուհին թողարկել է սոլո ալբոմ, իսկ 2009 թվականին՝ կենդանի ձայնագրությունների հավաքածու։ Ջեյնը միայնակ կարիերա է վարել մինչև իր կյանքի վերջին տարիները։
Մայրություն
Ջեյնն ունի երեք դուստր տարբեր ամուսնություններից։ Մինչ Գենսբուրգի հետ հանդիպելը դերասանուհին ամուսնացած էր բրիտանացի կոմպոզիտոր Ջոն Բարրիի հետ, ումից ուներ դուստր՝ Քեյթը։ Հետո Գենսբուրգի հետ հարաբերություններում զույգն ունեցավ դուստր՝ Շառլոտային, որը նույնպես հայտնի դերասանուհի եւ երգչուհի է։ Ավելի ուշ Ջեյնն ամուսնացել է ֆրանսիացի կինոռեժիսոր Ժակ Դոյլոնի հետ, ումից եւս ունեցել է դուստր՝ Լուն։

«Ես վստահ եմ, որ երջանկությունը կապված չէ աշխատանքի հետ։ Գուցե ինչ-որ մեկի համար երջանկություն երեխաների մեջ: Ինձ համար դա սիրո մեջ է: Դրանում ես կասկած չունեմ»:
Ոճի կուռք
Ջեյն Բիրկինը թրենդային ու ոճային կուռք է: Իր պատանեկության տարիներին աղջիկը կրում էր առօրյա զգեստներ, հազարավոր ֆրանսուհիներ առաջնորդվում էին նրա ոճով: Դերասանուհու դասական կերպարը. լայն փողքերով ջինսե տաբատ, սպիտակ վերնաշապիկ, տղամարդու բաճկոն, պայուսակի փոխարեն զամբյուղ ու հմայիչ ժպիտը։

Շուտով Hermes-ը, ոգեշնչված դերասանուհու ոճից, ստեղծեց լեգենդար Hermes Birkin պայուսակը, որի տարբերակներն այսօր համարվում են աշխարհի ամենաթանկ կանացի պայուսակները։
Աշխարհահռչակ պայուսակի պատմությունը սկսվեց այն ժամանակ, երբ Ջեյնը կիսվեց Ժան Լուի Դյումայի հետ (այդ ժամանակ Hermes-ի ղեկավարը), որ որպես երիտասարդ մայր չի կարողացել գտնել էլեգանտ, բայց միեւնույն ժամանակ ֆունկցիոնալ պայուսակ։ Այսօր Hermes Birkin պայուսակների ամենապարզ տարբերակների արժեքը սկսվում է 50 հազար դոլարից եւ կարող են հասնել մի քանի միլիոնի։
Հետաքրքիր է, որ 2015 թվականին աղջիկը բաց նամակ է գրել նորաձեւության տանը՝ խնդրելով հեռացնել իր անունը պայուսակի անունից, քանի որ կարծում է, որ պայուսակ պատրաստելու համար նախատեսված կաշին անմարդկային ճանապարհով է ձեռք բերվում, սակայն Հերմեսը կարողացել է համոզել Ջեյնին մտափոխվել։

«Ես վախենում եմ միայնակ օրերից ու ժամերից, դատարկ, անպետք րոպեներից, որոնցով կյանքս հոսում է»։ Ջեյն Բիրկինը մինչեւ իր կյանքի վերջին տարիները շարունակեց զբաղվել դերասանական ու երաժշտական կարիերայով։ Ֆիլմերից ու սոլո ալբոմներից բացի, կնոջ անունը հավերժացել է ու հավերժ կմնա նորաձեւության աշխարհում։
«Ես ուզում էի ինձ տեսնել՝ իմ անձը, նույնիսկ եթե ես ոչինչ եմ»։ Ջեյն Բիրկինը ոգեշնչել է միլիոնավոր կանանց ամբողջ աշխարհում, փայլել է Կաննի կարմիր գորգի վրա, եղել է Գենսբուրգի մուսան, իսկ նրա երգերն արգելվել են Հռոմի պապի կողմից:

Թե ինչպիսի մարդ է եղել հայտնի դերասանուհին ու երգչուհին, ավելի լավ կարող եք հասկանալ նրա օրագրերից։
«Կապիկի օրագիրը» (1957-1982) այսպես են կոչվում դերասանուհու եւերգչուհու հուշերը, որտեղ նա կիսվում է ոչ միայն աշխարհահռչակ վեպի մանրամասներով, այլեւ կյանքի վերաբերյալ իր անձնական հայացքներով։

Ռեգինա Մելիքյան
Հետևեք NEWS.am STYLE-ին Facebook-ում, Twitter-ում և Instagram-ում
20:30, 22 նոյեմբերի
Շուշաննա Թովմասյանի նոր ֆոտոշարքը, Սիուշոյի նորությունը, Հայաստանը՝ Our Generation մրցույթում. Instagram-ը՝ այս շաբաթ18:30, 22 նոյեմբերի
Որտե՞ղ զգալ տոնական տրամադրությունն ու ինչպե՞ս անցկացնել ձմռան առաջին օրը Երևանում16:13, 22 նոյեմբերի
Տարեկան 300 հազար դոլար արժողությամբ երազանք՝ Ֆորմուլա 1․ ինչպես են հարուստ ծնողները փոքր երեխաներին պատրաստում ավտոսպորտի ապագա աստղեր դառնալուն15:20, 22 նոյեմբերի
Մաշկի իմունիտետը․ ինչպես ազատվել ճաքերից ու կարմրությունից և ցուրտ եղանակին վերականգնել դեմքի փայլը14:35, 22 նոյեմբերի
Հայկական ոճ․ 70-ականների ռոմանտիկայից մինչև քրեական աշխարհի կնոջ էսթետիկա․ ընտրում ենք այս աշնան նորաձև կողմը13:56, 22 նոյեմբերի
Տաշքենդում կայացած Our Generation մրցույթում Հայաստանի ներկայացուցիչ Լեոն զբաղեցրել է 2-րդ տեղը12:12, 22 նոյեմբերի
Ո՞վ կդառնա ԱՄՆ հաջորդ առաջին տիկինը․ հանրապետական քաղաքական գործիչների կանայք և ընտրյալներն արդեն պայքարում են Մելանյա Թրամփի տեղը զբաղեցնելու համար10:30, 22 նոյեմբերի

09:00, 22 նոյեմբերի
Wine Scope․ Ո՞ր գինին եք դուք այս հանգստյան օրերին ըստ կենդանակերպի նշանի19:23, 21 նոյեմբերի
Երկրպագուն 2000 կիլոմետր ճանապարհ է անցել՝ հնդիկ բլոգերի հետ ամուսնանալու համար. աղջկա հայրն ու հարևանները ծեծելով սպանել են նրան19:10, 21 նոյեմբերի
Մահացել է լեգենդար ոսկերիչ Պաոլո Բուլգարին, ով ընտանեկան բիզնեսը վերածել էր համաշխարհային շքեղության18:17, 21 նոյեմբերի
Ջենիֆեր Լոպեսը կարմիր գորգ է դուրս եկել թափանցիկ զգեստով և 100 կարատանոց ադամանդով