• «Ընթրիք հիմարի հետ»․ ներկայացում, որը ձեզ կստիպի մտածել՝ արդյոք արժե՞ ընդունել չորեքշաբթի օրերի ընթրիքի հրավերները

  Հոկտեմբերի 13-ին Կ. Ստանիսլավսկու անվան ռուսական պետական դրամատիկական թատրոնում տեղի ունեցավ Ֆրանսիս Վեբերի «Ընթրիք հիմարի հետ» հայտնի ստեղծագործության նոր բեմադրության պրեմիերան...

• Գոյ թատրոնի վերադարձը «Խելագարը» ներկայացմամբ

  Գոյ թատրոնն ապացուցում է, որ թատերախումբը կարող է գոյություն ունենալ նույնիսկ հարազատ պատերից դուրս...

• Դերասան Սամվել Թադևոսյանը կպարգևատրվի «Ոսկե գլոբուս»-ի կողմից

  «Ոսկե գլոբուս»-ը (Golden Globes) կմեծարի հայ դերասան Սամվել Թադևոսյանին «Ոսկե գլոբուս. Մետաքսի ճանապարհ» (Golden Globes Silk Road) խորագրով անդրանիկ հանդիսավոր երեկոյի ընթացքում, որը տեղի կունենա 2026 թվականի հոկտեմբերի 23-24-ին Ուզբեկստանում, գրում է Armenian Film Society-ն…

• 27 օր Հունաստանում, ուշացած վիզա ու նոր հումորային կերպար․ Իրինա Հարությունյանը՝ «Բարի Գալուստի» մասին

  Հոկտեմբերի 20-ից Shant TV-ի եթերում կլինի «Բարի Գալուստ» սիթքոմը, որի նկարահանումներն անցկացվել են Հունաստանում․․․

• Պլասիդո Դոմինգոն Երևանում է. ի՞նչն է օպերային լեգենդին բերել Հայաստան

  Այսօր՝ հոկտեմբերի 14-ին, Ալեքսանդր Սպենդիարյանի անվան օպերայի և բալետի ազգային ակադեմիական թատրոնում տեղի ունեցավ հայ մեծանուն տենոր, համաշխարհային օպերային արվեստի նշանավոր ներկայացուցիչ Գեղամ Գրիգորյանի ծննդյան 75-ամյակին նվիրված գալա-համերգի մամուլի ասուլիսը…

• Լեգենդար «Որոգայթը» վերադառնում է՝ «Նոր սկիզբ»․ նոր պատմություն, նոր մասշտաբ, նոր խաղի կանոններ

  Լեգենդար «Որոգայթը» վերադառնում է՝ «Որոգայթ. Նոր սկիզբ» 24 մասից բաղկացած նոր քրեական դրամայով...

• Րաֆֆի Գալստյան․ «Ուզում եմ իմ լավագույն տարիները նվիրել հենց մեր թատրոնին»

  Մոլդովայի բեմում՝ Սպարտակի կերպարով, հայրենիքում՝ նոր դերերով ու ստեղծագործական ծրագրերով…

• Սյուզան Մարգարյանի արձագանքը Սիրուշոյի պատմությանը, Fashion Week-ն ու Երևանի 2808-ամյակը․ Instagram-ը՝ այս շաբաթ

  Հոկտեմբերի 7-ին կայացավ Վարդուհի Վարդանյանին նվիրված մեծ համերգը, որի ընթացքում գրանցվեցին մի շարք տպավորիչ ու հուզիչ դրվագներ...

Վրաստանում կայացած Orange Kobuleti միջազգային մրցույթ-փառատոնում հայ մասնակիցը՝ 9-ամյա Վլադ Բաղդասարյանը, վոկալի մրցույթում զբաղեցրել է 1-ին հորիզոնականը։ 

Ամենամյա այս իրադարձությունն անց է կացվում 1981 թ-ից եւ կազմակերպվում է Քոբուլեթիի Հանրային հեռուստաընկերության կողմից։ Մրցույթ-փառատոնի նպատակն է տարբեր ազգերի ներկայացուցիչների շնորհիվ բացահայտել մշակույթների բազմազանությունը։ Միջոցառումն անցկացվել է հուլիսի 1-ից 29-ն ընկած ժամանակահատվածում եւ ընթացել է ոչ միայն վոկալի ու պարի շրջանակում, այլեւ ընդգրկել արվեստի մյուս ճյուղերը։ Մրցութային օրը եղել է հուլիսի 22-ը, որի շրջանակում հայ պատանին կատարել է Կարինա Առուստամյանի Colors of Your Dream երգը, որով երգչուհին ներկայացրել էր Հայաստանը «Մանկական Եվրատեսիլ 2019»-ում։ Երգի ընտրությունը պատահական չի եղել։ Այս եւ մրցույթի մյուս մանրամասների շուրջ NEWS.am STYLE-ը զրուցել է Վլադի հետ։

Посмотреть эту публикацию в Instagram

Публикация от VLAD singer (@vlad_baghdasaryan)

Վլադն Ավետ Գաբրիելյանի անվան արվեստի դպրոցի սան է։ Փոքրիկ երգչի մասնակցությունը եղել է վոկալի ուսուցչուհու՝ Արուս Վանյանի խորհրդով։ Վլադի մայրիկը՝ Լուսինե Շահբազյանը, նշեց, որ որդու առաջին հորիզոնականը որքան հաճելի, նույնքան էլ անսպասելի է եղել՝ հաշվի առնելով այն փաստը, որ տղան վոկալի պարապմունքների հաճախում է ընդամենը մեկ տարի, բացի այդ՝ ժյուրիի կազմի նախագահն ազգությամբ թուրք էր։ 

«Շատ մեծ տպավորություններով եմ վերադարձել մրցույթից»,-կիվեց Վլադը՝ անկեղծորեն հավելելով,-«Մինչ բեմ բարձրանալը, սակայն, մի փոքր վախ կար իմ ներսում, բայց հենց բարձրացա բեմ, դա անցավ։ Ճիշտն ասած՝ մտածում էի լավ հորիզոնական զբաղեցնելու մասին, բայց չէի պատկերացնում, որ կլինեմ հենց առաջին տեղում, քանի որ բեմի վրա փորձի հնարավորություն չէի ունեցել մինչեւ ելույթս»։

Երգը, որով Վլադը ներկայացել է մրցույթին, ընտրել են վոկալի ուսուցչուհու հետ։ Ընտրությունը ոգեւորել է երգչին, քանի որ «Մանկական Եվրատեսիլ»-ին մասնակցությունն իր առաջնային երազանքներից է,-«Ընտրել ենք այս երգը, քանի որ այն իմ ամենասիրելի մրցույթից է՝ «Մանկական Եվրատեսիլ»-ից, բացի այդ՝ ունի բարձր նոտաներ, ու ես հենց այդպիսի երգով էի ցանկանում ներկայանալ, որպեսզի եւ ցույց տայի վոկալային տվյալներս, եւ բարձր տրամադրություն հաղորդեի հանդիսատեսին, ինչը, կարծես, ստացվեց»,-ասաց Վլադը, որն առանձնահատուկ փայլով է խոսում «Եվրատեսիլ»-ի մասին,-«Երբեմն գիշերը՝ երբ քնում եմ, երազումս տեսնում եմ, որ ես եմ ներկայացնում Հայաստանը «Մանկական Եվրատեսիլ»-ում (ժպտում է)։ Հետո անընդհատ սկսում եմ այդ մասին մտածել։ Այդ հետաքրքրությունն ինձ մոտ առաջացավ, հատկապես, Մալենայի մասնակցությունից ու հաղթանակից հետո, բայց այդ ժամանակ դեռ վոկալով չէի զբաղվում։ Հիմա ուզում եմ կատարելագործվել, որպեսզի ներկայացնեմ Հայաստանը «Մանկական Եվրատեսիլ 2027»-ում»։

Բացի երգից՝ Վլադն արդեն 4 տարի է՝ հաճախում է դաշնամուրի դասընթացների, երգում է Մանուել Օհանյանի երգչախմբում, մասնակցել է Արամ Խաչատրյանի անվան՝ պատանի կոմպոզիտորների մրցույթ-փառատոնին՝ ստանալով մրցանակ, ունի նաեւ հեղինակած ստեղծագործություն, որը կոչվում է «Անձրեւի պարը»։

Посмотреть эту публикацию в Instagram

Публикация от Lusine Shahbazyan (@lusineshahbazyanofficial)

Այսօր տղայի երազանքներից է ոչ միայն «Եվրատեսիլ»-ը։ Ասում է՝ իրեն տեսնում է բեմում, ցանկանում է դառնալ երգիչ, վոկալի ուսուցիչ եւ պատվով ներկայացնել Հայաստանը միջազգային հարթակներում։

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում