• Փախուստ քաղաքակրթությունից. ինչու են մոլորակի ամենահարուստ մարդիկ հանգստավայրերի փոխարեն ընտրում անտառային խորքերն ու վայրի բնությունը

  Շվեդիայի ամենահյուսիսային դահուկային հանգստավայրը՝ ընդամենը 60 բնակիչ ունեցող Ռիկսգրենսենը, ձմռանն իսկական մագնիս է դառնում ադրենալինի սիրահարների համար։ Բևեռային շրջանից ընդամենը 200 կիլոմետր հեռավորության վրա գտնվող այս փոքրիկ ավանը վերածվել է ֆինանսիստների, տեխնոլոգիական հսկաների ու թոփ-մենեջերների թաքստոց-դրախտի։ Այստեղ սովորական ճոպանուղիներին փոխարինում են ուղղաթիռները, իսկ աղմկոտ զբոսաշրջիկների բազմությանը՝ անմարդաբնակ, վայրի լանջերը, գրում է Robb Report-ը...

• Հայաստանի զբոսաշրջային բումը. Ինչպես է երկիրը գրավում ճանապարհորդներին 2026 թվականին

  2026 թվականը ռեկորդային տարի էր հայկական զբոսաշրջության համար. երկիրն ունեցավ զբոսաշրջիկների աննախադեպ աճ՝ գրանցելով անկախությունից ի վեր լավագույն ցուցանիշները…

• Գաստրոնոմիկ տուրիզմը ժողովրդականություն է վայելում. ո՞ւր գնալ համեղ փորձառություն վայելելու համար

  Սնունդը վաղուց ի վեր եղել է ճանապարհորդական ուղղությունների վրա ազդող հիմնական գործոն․․․

• Ամերիկացի զբոսաշրջիկները պատահաբար խախտել են Վենետիկի անսովոր օրենքը

  Վենետիկում վազող ամերիկացի զույգը պատահաբար խախտել է տեղական օրենք, որի մասին շատ զբոսաշրջիկներ նույնիսկ տեղյակ չեն․․․

• Իտալական դրախտ՝ առանց ճանապարհների և հաղորդակցության. Պալմարոլա վայրի կղզին, որը գրեթե անհայտ է զբոսաշրջիկներին

  Պալմարոլան գեղատեսիլ և ժայռոտ կղզի է Տիրենյան ծովում՝ Իտալիայի արևմտյան ափին․․․

• «Մորեխների պես ներխուժել են». Սեն Տրոպեի խորհրդանշական հանգստավայրը մղձավանջ է դարձել զբոսաշրջիկների համար՝ ինֆլուենսերների պատճառով  

  Կոտ դ'Ազուրի մի ժամանակ հանգիստ ձկնորսական գյուղը, որը հայտնի է դարձել Բրիջիտ Բարդոյի շնորհիվ, այժմ խեղդվում է զբոսաշրջիկների, անհավանական բարձր գների և սոցիալական ցանցերում բովանդակության նկատմամբ ծարավի պատճառով, ըստ The Post-ի...

• Իտալիան լեփ-լեցուն է. մարդաշատ փողոցներ, անվերջ հերթեր և հանգստավայրեր, որոնք խեղդվում են զբոսաշրջիկների հոսքից

  Իտալիայի գեղատեսիլ քաղաքները, աշխարհահռչակ տեսարժան վայրերը և իդիլիկ լողափերը ամեն ամառ գրավում են միլիոնավոր հանգստացողների․․․

• Հայաստանը դարձել է կանանց համար միայնակ ճանապարհորդելու ամենամատչելի ուղղություններից մեկը

  Հայաստանը ճանաչվել է որպես Ռուսաստանցի կանանց համար անկախ ճանապարհորդության ամենամատչելի և գրավիչ երկրներից մեկը…

Արգենտինայում ամանորյա տոները սկսվում են դեկտեմբերի սկզբից: Տոնածառը զարդարում են դեկտեմբերի 8-ին եւ այդ ժամանակից էլ սկսվում են տոնական ակտիվ պատրաստությունները, որի գագաթնակետը կաթոլիկ այս երկրում Սուրբ Ծնունդն է համարվում:       

Ի դեպ, Արգենտինայում ընդունված է տոնածառը համեստ զարդարել, առանց ավելորդությունների եւ վառ գույների: Հիմնականում երկու գույն է օգտագործվում:

Nochebuenа-ն (Բարի գիշերը), այսինքն՝ Սուրբ Ծնունդը, որը դիմավորում են դեկտեմբերի 24-ի լույս 25-ի գիշերը, ընդունված է ընտանիքում նշել: Արգենտինացիները սրբորեն հետեւում են ընտանեկան ավանդույթներին, այդ պատճառով Սուրբ Ծննդյան գիշերը սեղանի շուրջ աղմկոտ խումբ է հավաքվում. տատիկները, պապիկները, հորաքույրներն ու մորաքույրները, հորեղբայրներն ու մորեղբայրները, մտերիմ բարեկամները եւ բոլորը՝ իրենց երեխաների հետ:

Տոնի պարտադիր հյուրասիրություն է համարվում Pan Dulce քաղցր հացը, բացի այդ, արգենտինացիները հետեւում են ամանորի գիշերը լոբազգիներ ուտելու ավանդույթին, որոնք, ըստ հավատամքի, հաջորդ տարում աշխատանքի մեջ հաջողություն պետք է բերեն: Տոնական ընթրիքին, որպես տաք ուտեստ, ջեռոցում պատրաստված հնդկահավ են մատուցում: Սակայն ժամանակի ընթացքում այն փոխարինվել է ավելի սիրված ազգային կերակուր ասադոյով (տապակած տավարի կամ հորթի միս եւ այլն): Ուղիղ կեսգիշերին բոլորը շամպայնով բաժակ են բարձրացնում, առողջության, խաղաղության, աշխատանքի մասին կենացներ ասում, որից հետո մոտենում են տոնածառին եւ ընտրում նախապես եղեւնու տակ դրված նվերները:

Արգենտինացիները բազում զվարճալի ավանդույթներ ունեն: Օրինակ` եթե ճամպրուկով շրջեն տան շուրջը, ապա նոր տարում կարելի է բազմաթիվ հաճելի ճամփորդություններ ակնկալել: Բացի այդ, հին ավանդույթի համաձայն, Արգենտինայի բոլոր հաստատությունների ծառայողներն անցնող տարվա վերջին աշխատանքային օրը պատուհանից դուրս են նետում հին օրացույցներն ու ոչ պետքական թղթերը: Այդ օրը Բուենոս Այրեսի փողոցներն արդեն կեսօրին ծածկվում են թղթերի հաստ շերտով: Օրն առանց միջադեպերի նույնպես չի անցնում: Օրինակ՝ մի անգամ թերթի խմբագրություններից մեկի աշխատակիցները, չափն անցնելով, պատուհանից դուրս են նետել ամբողջ արխիվը:

Եվս մեկ հավատալիքի համաձայն, միայնակ կնոջը կամ աղջկան տոնական գիշերը վարդագույն անդրավարտիք են նվիրում: Եթե նա այդ հագնի Նոր տարվա գիշերը, հաջորդ տարի անպայման կգտնի իր երջանկությունը: Ի դեպ, նվերը պետք է մատուցի տոնական սեղանի շուրջ գտնվող ամենատարեց կինը:

Արգենտինայում ամանորը լուրջ տոն չի համարվում, սակայն բավական ուրախ է անցնում: Դեկտեմբերի 31-ին, գիշերը ժամը 12-ին, արգենտինացիները շամպայնով բաժակ են բարձրացնում եւ Նոր տարվա կապակցությամբ շնորհավորում միմյանց: Այդ ընթացքում յուրաքանչյուրը պետք է համբուրի մյուսի այտը:

Ու թեեւ ամանորին ընդունված չէ նվերներ մատուցել, հատուկ ծրագրեր եւ համերգներ էլ չեն լինում: Սակայն մինչեւ առավոտ փողոցի աղմուկը հիշեցնում է, որ Նոր Տարին եկել է: Դիսկոտեկները, պարերն ու աղմկոտ երաժշտությունը, ինչպես նաեւ հրավառությունն ու բենգալյան կրակներն արգենտինական ամանորի անբաժան մասն են:

Արգենտինայում ամանորյա տոներից է նաեւ Ռեյես Մագոսը (Կախարդական թագավորները), որը նշվում է հունվարի 6-ին: Թեեւ այն ընդունված չէ տոնական սեղանի շուրջ նշել, բայց այդ եւս մեկ գիշեր է, երբ երեխաները պարտադիր նվերներ են ստանում: Երեկոյան երեխաները պետք է իրենց հին կոշիկները պատրաստեն, որպեսզի «ռեյես մագոսներն» առավոտյան այնտեղ նվեր դնեն: Երեխաները կոշիկի մեջ նամակ են դնում, որի մեջ պատմում են, թե ինչ լավ արարքներ են գործել եւ խոստանում են իրենց լավ պահել:

Յուլիա Վարդանյան

Հետևեք NEWS.am STYLE-ին Facebook-ում, Twitter-ում և Instagram-ում