Եկեք միամիտ չլինենք։ Ֆրանսիացի ժողովուրդն ու ողջ աշխարհը պետք է իմանան, որ Ադրբեջանը ձեռք բերածով կանգ չի առնի։ Այս մասին Le Point-ին տված հարցազրույցում ասել է ֆրանսահայ դերասան Սիմոն Աբգարյանը՝ խոսելով Արցախի դեմ Ադրբեջանի վերջին ագրեսիայի մասին:
Նրա խոսքով՝ Ֆրանսիան եւ «մենք բոլորս ունենք մեր դերը»: «Բավական չէ ասել, թե ինչն է ճիշտ, ինչը՝ ոչ։ Անհրաժեշտ են հարկադրանքի միջոցներ՝ ադրբեջանական ակտիվների եւ արտահանման արգելափակում։ Մենք պետք է պատժենք ադրբեջանցիներին այնպես, ինչպես պատժել ենք պուտինյան Ռուսաստանին։ Ես չեմ հասկանում, թե ինչու մենք դա չենք անում», - նշել է նա։
Նրա խոսքով՝ Հայաստանը փորձել է հաճոյանալ արեւմտյան աշխարհին՝ ժողովրդավարացնելով երկիրը։ «Բայց մեզ ոչ ոք չի օգնել, ոչ ոք մեզ հետ չի համագործակցել։ Ասել, որ մենք պաշտպանելու ենք հայերին, բավարար չէ։ Ես կարծում եմ, որ մենք պետք է ունենանք մեր ինքնության քաղաքական ու նույնիսկ ռազմական տեսլական եւ քննադատական դիրքորոշում մեր առաջնորդների նկատմամբ»:
«Եկեք միամիտ չլինենք։ Ֆրանսիացի ժողովուրդը եւ ողջ աշխարհը պետք է իմանան, որ Ադրբեջանը, իհարկե, կանգ չի առնի ձեռք բերածով։ Բացի այդ, արդյոք նախագահ Ալիեւը չի ասել, որ, ի վերջո, Հայաստանի մայրաքաղաք Երեւանը Ադրբեջանի հողն է։ Մինչ Ուրսուլա ֆոն դեր Լյայենը (Եվրահանձնաժողովի ղեկավար - խմբ.) գտնվում էր Բաքվում եւ խոսում էր համագործակցության ու գործընկերության մասին, ադրբեջանցի զինվորականները խոշտանգում էին հայ կին զինծառայողներին, մասնատում նրանց, բռնաբարում եւ նկարներ հրապարակում սոցիալական ցանցերում... իսկ ՖԻՖԱ-ն կամ Եվրատեսիլն այնտեղ գնում են միայն փողի համար»։
«Ես երկրորդ ցեղասպանություն չեմ ուզում։ Ես գիտեմ, որ Ադրբեջանը ոչ միայն փորձելու է դա անել, այլեւ դա անելու է գաղտնի։ Նրա խնդիրն է ոչ թե նվաճել Հայաստանը, այլ ոչնչացնել այն եւ հայտարարել, որ դա արել է լեգիտիմ ձեւով։ Ահա եւ վերջ: Մինչդեռ եվրոպացի գործընկերները ձեւացնում են, թե չեն հասկանում դա, աչք են փակում դրա վրա, իսկ միջազգային հանրությունը մոռանում է, որ հենց Ստալինն է 1921 թվականին Հայաստանը տվել Թուրքիային՝ Մուստաֆա Քեմալին։ Անտեսել կամ մոռանալ պատմությունը, լռել կամ ոչինչ չտեսնել՝ նշանակում է մասնակցել ժողովրդի ոչնչացմանը»։
Հետևեք NEWS.am STYLE-ին Facebook-ում, Twitter-ում և Instagram-ում
23:08, 13 մայիսի
Ինչպես են հարբած բրիտանացի զբոսաշրջիկները փչացնում «Մայորկայի դրախտը»22:15, 13 մայիսի
Սալմա Հայեկը հատուկ կերպարներով է հայտնվել Vogue Arabia-ի 2024 թվականի մայիսի համարի շապիկին21:30, 13 մայիսի
Գիտնականները գտել են ընդամենը 3 րոպեում սառը սուրճ պատրաստելու միջոց20:40, 13 մայիսի
Ինչպես բացահայտել դավաճան ամուսնուն. տեխնոլոգիաները օգնում են19:23, 13 մայիսի
Սաուդյան Արաբիան ցանկանում է «հաղթել» Դուբային՝ կառուցելով աշխարհի ամենաերկար լողավազանը16:23, 13 մայիսի
Լեգենդար Ջուդի Դենչը կդառնա առաջին կինը, ով կմիանա Լոնդոնի տղամարդկանց բացառիկ ակումբին15:22, 13 մայիսի
Քլոե Քարդաշյանը մտածում է նախկին սիրելիից՝ Թրիստան Թոմփսոնից եւս մեկ երեխա ունենալու մասին14:36, 13 մայիսի
Լոնդոնում ջենթլմենների ակումբները քննարկում են այնտեղ կանանց անդամակցությունը14:05, 13 մայիսի
«Հրաշալի երեկո է լինելու»․ Անդրեա Մորիկոնեի ուղերձը՝ Երեւանում Էնիո Մորիկոնեի հեղինակային ծրագրին նվիրված համերգին ընդառաջ13:20, 13 մայիսի
Հոլլի Բերիի սիրելին կիսվել է դերասանուհու համարձակ լուսանկարով12:19, 13 մայիսի
Ջուլիա Ֆոքսը ավելի քան երկու տարի է՝ հրաժարվել է սեռական կյանքից11:57, 13 մայիսի
Անդրեն հերքել է որդի ունենալու լուրերը