Անձամբ ես աչքի քսուքներ չեմ սիրում։ Մաշկի խնամքի միջոցների նկատմամբ իմ ողջ մոլեռանդությամբ՝ ես նման քսուք գնելը գումարի վատնում եմ համարում եւ մինչեւ վերջերս սովորական խոնավեցնող միջոց էի օգտագործում, այդ թվում՝ աչքերի տակ։ Դա այնքան ժամանակ տեւեց, մինչեւ գնեցի Ordinary-ի Caffeine Solution 5% + EGCG շիճուկը՝ վստահելով խանութի խորհրդատուի համոզմանը: Չնայած իմ թերահավատությանը ՝ օգտագործումից ընդամենը մի քանի օր անց արդյունքն ակնհայտ դարձավ։ Ընդ որում, դա նկատել եմ ոչ միայն ես, այլեւ իմ շրջապատի բոլոր մարդիկ՝ կասկածանքով հարցնելով, թե ինչ պրոցեդուրա եմ կատարել։
Հավանաբար շատերիդ ծանոթ է առավոտյան զգացողությունը, երբ նայում ես քեզ հայելու մեջ եւ մտածում. «Տեր Աստված, ո՞վ է այս զոմբին»: Աչքերիս տակի մուգ շրջանակները, երբեմն էլ թեթեւ այտուցը ինձ դարձնում են հայտնի ֆիլմի զոմբիներից մեկը: Բայց ընդամենը երկու կաթիլ Caffeine Solution 5% + EGCG, եւ մի քանի րոպե անց դուք զգում եք, որ ձեր աչքերը «արթնացել են» եւ դարձել «ավելի մեծ»: Սա աչքի խնամքի առաջին միջոցն է, որն ԻՐՈՔ աշխատում է։
Այս ի՞նչ հրաշք է․
The Ordinary Caffeine Solution 5% + EGCG-ը թեթեւ շիճուկ է, որն օգնում է նվազեցնել աչքերի կոնտուրի պիգմենտացիան, մուգ շրջանակները եւ այտուցը:
Այն պարունակում է կոֆեին, որը սեղմում է աչքերի շուրջ արյունատար անոթները՝ խթանելով արյան հոսքը, օգնում է նվազեցնել այտուցը եւ անհարմար մուգ շրջանակները: Կոֆեինը նաեւ օգնում է բորբոքման դեմ եւ ավելի զգոն է դարձնում աչքերի տակ գտնվող հատվածը:
Այն նաեւ պարունակում է էպիգալոկատեխին գալատիլ գլյուկոզիդ (EGCG-ի տարբերակ, որը հայտնաբերված է կանաչ թեյի մեջ), որն ունի հակաօքսիդանտ հատկություններ եւ պաշտպանում է ազատ ռադիկալների վնասից:
The Ordinary-ն նշում է, որ այս աչքի շիճուկը նախատեսված չէ շտկելու ստվերները, որոնք առաջացել են ենթամաշկային հյուսվածքների կառուցվածքի պատճառով, ինչպիսիք են ճարպը եւ ոսկորը: Այն նաեւ նախատեսված չէ աչքի եզրագծային հատվածում ճարպային կուտակումները բուժելու համար, քանի որ տեղային բուժումներն անարդյունավետ են այդ նստվածքների դեմ:
Ինչպե՞ս օգտագործել․
Առավոտյան եւ երեկոյան ես մի կաթիլ եմ քսում աչքերիս տակ՝ խոնավեցնող տոնիկ քսելուց հետո։ Սպասում եմ մի քանի րոպե, որպեսզի այն ներծծվի, ապա կիրառում եմ մնացած միջոցները։
Որքա՞ն արժե․
Մոտ 7000 դրամ։ Բայց 30 մլ շիշը երկար կծառայի, քանի որ ձեզ միայն մեկ կամ երկու կաթիլ է անհրաժեշտ:
Ձեր՝ Լ.Վ.
Հետևեք NEWS.am STYLE-ին Facebook-ում, Twitter-ում և Instagram-ում
18:47, 27 ապրիլի
Wine story: JancisRobinson.com-ի գլխավոր խմբագիրը՝ Հայաստանում գինու արկածի մասին (exclusive)16:23, 27 ապրիլի
Օպտիկական պատրանքը կարող է ցույց տալ՝ որքան «փակ մարդ եք» դուք15:38, 27 ապրիլի
Ռասել Քրոուն կնկարահանվի «Էկզորցիզմ» սարսափ ֆիլմի գլխավոր դերում14:12, 27 ապրիլի
Քանյե Ուեսթի՝ պոռնո հարթակ բացելու հայտարարությունից հետո Բիանկա Սենսորիի երկրպագուները խնդրում են նրան բաժանվել ռեփերից12:10, 27 ապրիլի
Քիմ Քարդաշյանը տխրել է Թեյլոր Սվիֆթի նոր դիս-թրեքի պատճառով, բայց չի ցանկանում «կրակի վրա յուղ լցնել»11:31, 27 ապրիլի
Վահագ Ռաշը հետեւորդներին է ներկայացրել «Լուսամփոփի պես աղջիկ» երգի նոր տարբերակը10:37, 27 ապրիլի
Սելենա Գոմեսին տխրեցնում են իր սերնդակիցների գեղեցկության չափանիշները09:00, 27 ապրիլի
ԱՊՐԻԼԻ 27-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:22, 26 ապրիլի
Ամենաթանկարժեք զգեստները, որոնք աճուրդի են հանվել ռեկորդային գումարներով22:34, 26 ապրիլի
Դավաճանություն՝ քնած ժամանակ. ի՞նչ են նշանակում անհավատարմության մասին երազները21:16, 26 ապրիլի
Burj Al Arab-ը եւ Atlantis, The Palm-ը համարվել են աշխարհի «ամենաինստագրամյան» հյուրանոցները20:15, 26 ապրիլի
Տիտանիկի ամենահարուստ ուղեւորի մարմնից հայտնաբերված գրպանի ոսկե ժամացույցն աճուրդի է հանվել