• Wine Story. Մինչեւ 5000 դրամ արժողությամբ գինի՝ Մալբեկի համաշխարհային օրվա համար

  Մալբեկը հարուստ, դարավոր պատմություն ունեցող խաղողի տեսակ է, որն ամբողջ աշխարհի գինու սիրահարներին գերել է իր համարձակ համերով եւ տարբերվող հատկանիշներով․․․

• Wine Story. Van Ardi գինիները Հայաստանի ժառանգության մասին են

  Van Ardi գինեգործարանը, որը գտնվում է Արագածոտնի հնագույն գինեգործական մարզում, առաջին բուտիկ գինեգործարանն է Հայաստանում և առանցքային դեր է խաղացել հայկական գինեգործության վերածննդի գործում...

• 20000 դոլար՝ հայտնիների ընկերակցությամբ թանկարժեք գինի վայելելու համար

  Եթե ​​ցանկանում եք թանկարժեք գինի վայելել այնպիսի հայտնիների ընկերակցությամբ, ինչպիսիք են Լեբրոն Ջեյմսը, Կառլոս Սանտանան եւ Դենի Դե Վիտոն, ապա դա ձեզ կոպեկներ կարժենա․․․

• Wine Story. Պորտվեյնի ակունքները

  Պորտվեյն գինու՝ շշերի մեջ թանկարժեք գանձի պես խնամքով պահվող այս հիասքանչ խմիչքի պատմությունը...

• Վիշապի լեգենդը կամ հայկական «379beer» գարեջրի հաջողության պատմությունը

  Վիշապի լեգենդը կամ հայկական «379beer» գարեջրի հաջողության պատմությունը...

• Wine Story. Առաջին հայկական Ռիսլինգը եւ Alexandrea Winery եզակի գինիների պատմությունը

  Ռիսլինգը խորհրդավոր հմայքով սպիտակ գինու տեսակ է, որի համային պալիտրան տատանվում է չորից մինչև հագեցված-քաղցր՝ կախված տեռուարից և գինեգործի ոճից․․․

• Wine Story. Ինչպես ընտրել ճիշտ գինի Սուրբ Զատիկին

  NEWS.am STYLE-ը կկիսվի, թե ինչպես ընտրել ճիշտ գինի և պահպանել կրոնական կանոնները...

• Շոտլանդական արտադրող արհեստական ինտելեկտի միջոցով ստեղծել է հազվագյուտ վիսկի՝ 50 հազար դոլար արժողությամբ

  Diageo ընկերությունը միավորել է նորն ու հինը՝ ստեղծելով 50 հազար դոլար արժողությամբ վիսկիի երկու հազվագյուտ շիշ: Նոր արտադրանքը SmokeDNAi կոչվող արհեստական ինտելեկտի տեխնոլոգիան է, որը թույլ է տալիս ուսումնասիրել տակառներում վիսկիի հնեցման գործընթացը...

Նոր տարին մոտենում է, որին զուգահեռ նաեւ՝տոնական հոգսերը։ Խանութների դարակների դիմաց բոլորը կանգնում են բարդ ընտրության առջեւ՝ ի՞նչ գինի դնել տոնական սեղանին։ Շամպայնն ու փրփրուն գինիներն, անխոս, տոնական գիշերվա անբաժան մասն են, իսկ ի՞նչ կասեք հանգիստ գինիների մասին:

Մարդկանց մեծ մասը չի հավատում, որ ալկոհոլի եւ սննդի ճիշտ համադրությունը ազդում է ընդհանուր մթնոլորտի եւ տոնակատարության վրա: Առատ կերակուրից հետո ծանրության զգացումից խուսափելու համար փորձեք խմել ոչ թե կարմիր, այլ խիտ, թթվային սպիտակ գինի: Այն ոչ միայն կթարմացնի ընկալիչները, այլեւ կազատի ճնշող զգացումը ամանորյա ծանր ընթրիքից հետո։ Բացի այդ, տոնական սեղանի լավ գինին հաճելիորեն կզարմացնի հյուրերին եւ հավելում կդառնա համեղ ուտեստների համար։ NEWS.am STYLE-ը հատուկ ձեզ համար ամանորյա սեղանի գինիների ընտրանի է կազմել՝ հաշվի առնելով բոլոր «խորամանկ նրբությունները»։

Yacoubian-Hobbs White Blend

Այս չոր սպիտակ գինին ստեղծվել է հայկական Ոսկեհատ, Խաթունի եւ Գառան Դմակ ինքնավար սորտերից, որոնց միահյուսումը դարձել է հետաքրքիր ու վառ փորձ: Գինին ունի կեռասի, քաղցր սեխի եւ հյութալի ու խրթխրթան կանաչ խնձորի բարդ եւ արտահայտիչ բույր: Այն բաժակի մեջ ստանում է երկրորդական նոտաներ, որոնց մեջ գերակշռում է տապակած նուշը: Գինու համի մեջ առաջին պլան են մղվում դրա հանքային եւ թեթեւ թթվային հատկանիշները, ընկույզի եւ մեղրի փունջը հաճելիորեն տարածվում է բերանում՝ թողնելով կայուն հետհամ: Հիանալի լրացում է մսային ուտեստների եւ սոուսով պատրաստված աղցանների համար:

Միջին գինը՝ 14 900 դրամ։ 

Karas Single Vineyard Chardonnay

Այս գինին գերում է իր վառ բույրով, որի մեջ համակցվում են քաղցր արեւադարձային ցիտրուսային մրգեր, սերուցք եւ բրիոշ: Գինու հյուսվածքը թեթեւակի յուղոտ է, խիտ, իսկ համային առումով այն առաջացնում է մրգային փարթնամ նրբերանգներ: Շարդոնեն, առաջին հերթին, նրբագեղության մասին է, ուստի գինին հիանալիորեն բալանսավորված է, ոչ շատ հագեցած, եւ թողնում է երկար պահվող կծու հետհամ: Այն արժանի համադրություն կլինի ծովամթերքի եւ սպիտակ մսով ուտեստների համար։

Միջին գինը՝ 13 500 դրամ։ 

Woodhaven Cabernet Sauvignon

«Delicato»-ն իրավամբ համարվում է ամերիկյան լավագույն գինեգործարաններից մեկը, որն իր գոյության պատմության ընթացքում 2 անգամ արժանացել է «ԱՄՆ-ի Տարվա լավագույն գինեգործարան» պատվավոր կոչմանը։ Մեր ցուցակում ներառված է Woodhaven շարքի նրբագեղ միանվագ գինին՝ սալորաչրի, թզի համով եւ ծխախոտի ծխի հետքով, ինչը բավականին անսովոր է Կաբերնե Սովինյանի համար: Հիանալիորոն համադրվում է խորոված մսի հետ, այնպես որ կարող եք առանց վարանելու այն դնել ամանորյա սեղանին՝ հյութալի խորավածի ափսեի կողքին:

Միջին գինը՝ 9200 դրամ։ 

De Martino «Gallardia» Cinsault Rosé 

Թեթեւ եւ թարմացնող վարդագույն գինի՝ Cinsault սորտից, որը գալիս է Իտատա հովտից՝ Չիլիի ամենահին գինեգործական շրջանից։ Այն ունի վառ թթվայնություն եւ նուրբ քաղցրություն: Ներդաշնակորեն համադրվում է աղցանների եւ նախուտեստների հետ, ինչպես նաեւ՝ կլուսավորի երեկոյի ավարտը իր թարմացնող սերուցքային նոտայով, որը միաձուլվում է բալի ու ելակի թեթեւ քաղցրության հետ:

Միջին գինը՝ 7000 դրամ։ 

Cuvée Louis Klipfel Riesling

Այս գինին բավական թարմ եւ փխրուն է՝ համեղ թթվայնությամբ եւ հաճելի հանքային հատկություններով: Էլզասի սպիտակ գինիների իսկական գրավչությունը նրանում է, որ դրանք գաստրոնոմիկորեն բազմակողմանի են, չափազանց հաճելի եւ հեշտ համադրելի, գրեթե, ցանկացած ուտեստի եւ խորտիկի հետ: Գինու բույրում գերակշռում են վայրի ծաղիկներն ու ցիտրուսային մրգերը, համի մեջ կբացահայտեք խոտաբույսեր, փոքր քանակությամբ համեմունքներ եւ կանաչ խնձոր: Այն այնքան էլ հագեցած չէ, ինչի շնորհիվ չի ընդհատի ախորժակը, հակատակը՝ խթան կհանդիսանա դրա համար, եւ կկարողանաք մի փոքր էլ համտեսել ձեր սիրելի աղցանից։

Միջին գինը՝ 5500 դրամ։

Լիանա Աղաջանյան

Հետևեք NEWS.am STYLE-ին Facebook-ում, Twitter-ում և Instagram-ում