The New York Post-ը «կայացրել է իր վճիռը» հաջորդ տարվա ամենաակտուալ եւ, ամենայն հավանականությամբ, ամենահակասական նորաձեւության միտումների վերաբերյալ:
Այս տարի նորաձեւության սիրահարները դարձյալ թրենդային դարձրին ջինսե մաքսի կիսաշրջազգեստները, «կոպիտ» կոշիկները, ինչպիսիք են Maison Margiela Tabis-ը, հաստլիկ տակացուներով սպորտային կոշիկներն ու կրոկսերը, ինչպես նաեւ՝ այսպես կոչված «Ես մոռացել էի տաբատ հագնել» կերպարը՝ Քենդալ Ջենների եւ Էմմա Քորրի գլխավորությամբ։
Բայց նոր տարին ազդարարում է նորաձեւության միտումների փոփոխություն, եւ թեեւ ոմանք մատները խաչում են, որ ցածր գոտկատեղով ջինսերը մոռացության են մատնվելու, այս հակասական տաբատները, գուցե, փոխարինվեն ավելի ցածրորակ տարբերակներով: Who What Wear-ը կանխատեսում է, որ անցյալի նորաձեւությունը կվերականգնվի՝ ազդարարելով գաուչո տաբատների եւ ծապավոր զարդերի վերածնունդը:
Պոլո վերնաշապիկներ
Պոլո վերնաշապիկները կվերադառնան նոր տարում: Գոլֆի առօրյա շապիկը նկատվել է Miu Miu Ready To Wear 2024 թվականի գարուն/ամառ ցուցադրությանը, որը համադրված է եղել Օքսֆորդի նուրբ բլուզների, դպրոցական համազգեստի եւ սվիտեր-ժիլետների հետ: Ձեր տեսքը լրացրեք Bayonetta ակնոցներով:
Պոլոն, գուցե, ազդարարում է ավելի կորպորատիվ ոճի նոր միտումը, որը հայտնի է որպես «գրասենյակային ազդանշան», որտեղ համեստ կտորներն ու կտրվածքները համակցված են Calvin Klein-ի եւ Ralph Lauren-ի վինտաժային մոդելների սեքսուալ գրավչության հետ:
Կապրի
Վերոհիշյալ գաուչո տաբատները միշտ հակասությունների տեղիք են տալիս։ Երեք քառորդ երկարությամբ տաբատները՝ լինեն դրանք լեգինսներ, ջինսեր, թե նեյլոն, ժամանակին հայտնի մարդկանց սիրելին էին՝ թե էկրանին, թե, նույնիսկ, կարմիր գորգի վրա:
Այսպես կոչված «կարճ տաբատները» նոր շնչով են վերադառնում, ինչպես երեւում է Phillip Lim-ի, Sandy Liang-ի եւ Carolina ցուցադրություններից: Բացի այդ, կապրիի վաճառքն աճել է 22%-ով։
Բասկա
Բիսկվիթային տեքով բլուզը վերադարձել է նույն ուրվագծով՝ ընդգծելով գոտկատեղի եւ կոնքի հակադրությունը, բայց այս անգամ՝ ժամանակակից մոտեցմամբ. կոշտ կառուցվածք՝ Alexander McQueen-ից, շղարշ՝ Jacquemus-ից եւ ավանդական դիզայնի դրամատիկ ոճ՝ Givenchy-ից։
Ցանցավոր կիսաշրջազգեստներ
Ցանցավոր կիսաշրջազգեստներ կրելը նույնն է, ինչ վարտիքը կրես տաբատի, իսկ կրծկալը՝ տոպի փոխարեն։ Մերկությունը նորաձեւության երկարատեւ թրենդներից է, բայց այս անգամ այն հարմար է նաեւ ցերեկային հագուստի դեպքում՝ գոնե ամենահամարձակների համար:
Միլանի Նորաձեւության շաբաթվա ընթացքում Prada-ն ցուցադրեց նուրբ ցանցային միդի շրջազգեստներ՝ օձիքով վերնաշապիկների համադրությամբ, որոշները նույնիսկ զարդարված էին ծոպերով (այդ մասին ավելի ուշ), իսկ Miu Miu-ի շոուի ժամանակ նմանատիպ զգեստները համակցված էին կոճակներով կարդիգաններով:
Ծոպեր
Մենք ականատեսն ենք դառնում ծոպերի վերածնունդին: Այս անգամ այն ավելի հարմար է ակումբային ոճին, քան անապատային: Նորաձեւության տները, այդ թվում՝ Ganni-ն, Prada-ն եւ Christian Dior-ը, 2024-ի հավաքածուներում ներկայացրել են իրենց ժամանակակից մոտեցումը 1920-ականների նմուշներին: Alexander McQueen-ի կաշվե բաճկոնը եւ միջին երկարության կիպ կիսաշրջազգեստը զարդարված էին ծոպերով:
Միեւնույն ժամանակ, Ջորջիո Արմանին թողարկել է օձիքով բլուզ, որը քանթրի ոճով է: «Հագուստը նախատեսված է մարմնի հետ համահունչ շարժվելու համար»,-Women’s Wear Daily-ին ասել է Արմանին։
Հետևեք NEWS.am STYLE-ին Facebook-ում, Twitter-ում և Instagram-ում
01:13, 10 մայիսի
«Եվրատեսիլ 2024». Հայաստանն անցավ եզրափակիչ փուլ00:12, 10 մայիսի
Հայաստանը ներկայացնող «Լադանիվա»-ի ելույթը՝ «Եվրատեսիլ 2024»-ի երկրորդ կիսազրափակչին (VIDEO)23:00, 9 մայիսի
«Եվրատեսիլ 2024»-ի երկրորդ կիսաեզրափակիչը․ «Լադանիվան» ելույթ կունենա 8-րդը (ՈւՂԻՂ)22:09, 9 մայիսի
Սալվադոր Դալին եւ նրա լեգենդար բեղերը21:23, 9 մայիսի
Բուրջ Խալիֆան աշխարհի ամենաբարձրահասակի տիտղոսը կզիջի Սաուդյան Արաբիայի Ջիդդա աշտարակին20:16, 9 մայիսի
Շառլ Ազնավուրի սիրավեպերը․ շանսոնյեի հարյուրամյակին19:05, 9 մայիսի
«Վայ քու… կամ փարթամ կակտուսը». ֆիլմի պրեմիերան ու «կանաչ» գորգը (ֆոտո)18:31, 9 մայիսի
Տիհանա Vibes. Dasein-ը սիրո եւ տարբերվող մարդկանց մասին է17:38, 9 մայիսի
Հայտնի երաժիշտ եւ մշակութային քննադատ Միխայիլ Կազինիկն առաջին անգամ համերգներով հանդես է գալիս Երեւանում16:03, 9 մայիսի
Հայաստան կատարած ուղեւորությունից հետո Թամլին Քուրինիը ճանաչվել է «Խմիչքի թեմայով տարվա հեղինակ»15:36, 9 մայիսի
«Լադանիվա»-ն այսօր ելույթ կունենա «Եվրատեսիլ 2024»-ի երկրորդ կիսաեզրափակչին․ ի՞նչ է լինելու բեմում15:26, 9 մայիսի
Ռոբերտ Դե Նիրոյին նվիրված առաջին փառատոնը տեղի կունենա Նյու Յորքում