• Իտալական տոն կամ հայկական կենսաոճ

  Այսօր չշտապելու կամ դանդաղկոտության համաշխարհային օրն է․․․

• Որտեղ նշել Ամանորը Հայաստանում. գաղտնաբառեր և հայտեր

  Մեկ շաբաթից մի փոքր ավելի է մնացել Ամանորին…

• Արդյո՞ք ամանորյա սեքսը հանգեցնում է առնանդամի կոտրվածքի

  Տղամարդկանց զգուշացնում են խուսափել ամանորյա բուռն սեքս-խաղերից․․․

• NASA-ն ցուցադրել է տիեզերական տոնածառի նոր լուսանկարներ

  NGC 2264-ը, որը գտնվում է Երկրից մոտ 2500 լուսատարի հեռավորության վրա, կոչվում է նաև «Սուրբ Ծննդյան ծառերի կլաստեր»...

• Սանտա Կլաուսները Վենետիկի Մեծ ջրանցքը կարմիր են ներկել

  Սահնակները գոնդոլներով փոխանակելով՝ Սանտա Կլաուսները լուսանկարվել են Վենետիկի ջրային ուղիներով նավարկելիս...

• Կոպեկներով գնված աշխարհի ամենահամեստ տոնածառը վաճառվել է 4000 դոլարով

  Կոպեկներով գնված աշխարհի «ամենահամեստ» տոնածառը, որը գնվել է գրոշներով, աճուրդում վաճառվել է 4000 դոլարով, հայտնում է CNN...

• Wine Story. Գինիների ընտրանի՝ Ամանորի սեղանի համար

  NEWS.am STYLE-ը հատուկ ձեզ համար ամանորյա սեղանի գինիների ընտրանի է կազմել՝ հաշվի առնելով բոլոր «խորամանկ նրբությունները»...

• Ջենիֆեր Լոպեսը ցույց է տվել իր սուրբծննդյան տոնածառը

Նախատոնական Եվրոպան ասես մի կախարդական հեքիաթ լինի։ Այս տարի ինձ բախտ վիճակվեց հայտնվել այս անսովոր աշխարհում եւ ինձ զգալ այն փոքրիկ երեխայի նման, ով կարողացել է տեսնել ծխնելույզից դուրս եկող Սանտա Կլաուսին։ Այն հիացմունքը, որը ապրեցի Վիեննայում եւ Բրյուսելում, անկարող եմ բառերով նկարագրել, բայց կփորձեմ, որպեսզի դու, հարգելի ընթերցող, մի ակնթարթում զգաս ամանորյա այդ տրամադրությունը, դարչինի բույրը եւ տաք դառը գինու համ։ Սկսեմ Վիեննայից։ 

Վիեննան արիստոկրատ քաղաք է։ 

Երբեմնի հզոր կայսրության պատմական անցյալն իր հետքն է թողել այս գեղեցիկ ու անկրկնելի քաղաքի վրա։

Գոթական եւ բարոկկո ոճով կառուցված շենքերն իրենց համեստ շքեղությամբ ու նրբաճաշակությամբ պարզապես հրաշք են։ Սակայն ես առավել տպավորված եմ փողոցների մաքրությամբ։

Հավատացեք, մաքրության տեսանկյունից ոչ մի եվրոպական երկիր չես կարող համետել Վիեննայի հետ։ Ձեր ձեռքը պարզապես «չի գնա» ծխախոտի մնացորդը կամ ինչ-որ թղթի կտոր գցել գետնին, քանի որ միանգամից հոգում աններելի հանցագործություն կատարելու զգացողություն է առաջանում։

Բացի այդ, Վիեննան հավանաբար, միակ քաղաքն է, որտեղ խցանումներ չկան։ Սա պակաս զարմանալի չէ, քան փողոցների մաքրությունը։ Նույնիսկ աշխատանքային օրերին, պիկ ժամերին ոչ մի տեղ խցանում չեմ տեսել։

Ամանորյա Վիեննայում զգացվում է դարչինով, մեխակով, հիլով եւ անիսոնով առատորեն համեմված տաք ջերմօղու բույրը։

Նշեմ, որ տարբեր ձեւերով պատրաստված ջերմօղին՝ Վիեննայում ամենուր են վաճառում։ Այն հիանալի ըմպելիք է, որը սառը եղանակին հաճելիորեն ջերմացնում է ձեզ եւ մի քիչ էլ «գլխին տալիս», եթե չափը չեք անցնում։

Համերգի տոմս վաճառող ավստրիացին ասաց, որ յուրաքանչյուրը, ով գալիս է Վիեննա, պետք է պարտադիր կատարի հետեւյալ երեք գործողությունը՝ գնա Վիեննական օպերա, ուտի խնձորով շտրուդել եւ փորձի կատոֆիլի աղցանով պատրաստված վիեննական շնիցել։

Ես հետեւեցի նրա խորհրդին եւ առաջին հերթին գնացի Օպերա։ Հնարավորության դեպքում անպայման այցելեք։ Ճիշտ է, տոմսն այնքան էլ էժան չէ, բայց այդ հաճույքի արժեք այդքան գումար տալ։ Ի դեպ, հանդիսատեսը շատ դեմոկրատ էր հագնված. ոչ մի ադամանդ, ոչ մի երեկոյան զգեստ կամ կոստյում։ Բացի օպերայից, այստեղ քիչ չեն նաեւ թանգարաններն ու ամրոցները։ Այստեղ կարելի է ամբողջ օրն անցկացնել՝ չձանձրանալով ու մեծ հաճույք ստանալով. օրն ասես չի բավականացնում քեզ։

Վիեննան զարդարված էր արիստոկրատ ձեւով, շատ զուսպ ու համեստ՝ համեմատած Բրյուսելի հետ։ Իհարկե, ամանորյա Վիեննայի գլխավոր ու կարեւոր իրադարձությունը տոնավաճառն էր։ Քաղաքի կենտրոնում մի քանի այդպիսի տոնավաճառներ կային, սակայն ամենամեծը Ռատուշա շենքի մոտ գտնվողն էր։ Միանգամից ասեմ, որ ավելի լավ է սոված գնալ տոնավաճառ, քանի որ աչքիդ առաջ այնքան համեղ ու ախորժալի ուտեստներ են պատրաստում ու առաջարկում, որ պարզապես չես կարողանում հրաժարվել։ Իսկ թարմ օդն ու մի քանի բաժակ ջերմօղին պարզապես անմոռանալի են դարձնում օրը։

Ինչպես կարելի է դիմանալ տեղի երշիկների, խոզապուխտի եւ պաշտետի համին՝ էլ չասած վիեննական նրբերշիկների, շաքարի փոշիով ու լոռամրգի ջեմով անուշահոտ փքաբլիթների, բարակ, բայց անչափ համեղ պարմա խոզապուխտով, վրայից տաք հալված պանրով սենդվիչների, ինչպես նաեւ կլոր հացի մեջ (ափսեի փոխարեն) մատուցված գուլյաշի մասին։ Իսկ խնձորով շտրուդելը, որը պարզապես հալվում է բերանում կամ հնդկաձավարով պատրաստված, տարբեր միջուկներով  բլիթները, որոնք շամպայնով կամ ջերմօղիով փորձելիս պարզապես երջանկանում են ձեզ։ Մի խոսքով, իսկական «սանձարձակություն»։ Իսկ այս բոլոր հաճույքներից հետո, լսում ես գեղեցիկ երաժշտություն եւ չես նկատում, թե ինչպես է անցնում ժամանակը։ Իսկ ամանորյա խաղալիքները. խոստովանում եմ, դա իմ թուլությունն է։Պաշտում եմ ամանորյա խաղալիքները՝ չնայած այնքան թանկ էին, բայց ես չկարողացա զսպել ինձ եւ մի քանիսը գնեցի։

Սակայն քաղաքով պտտվելիս, մենք տեսանք նաեւ մեկ այլ տոնավաճառ, որը կոչվում էր «Վարդագույն Սուրբ Ծնունդ»։ Ամուսինս կասկածեց, որ այն «սեռական կողմնորոշում» ունեցող տոնվաճառ է, եւ նրա կասկածները հավաստիացան։ Մենք մի քիչ շրջելուց հետո, արագ հեռացանք այնտեղից. տխուր էր։ 

Անկասկած, Վիեննան շատ թանկ քաղաք է, ուստի ռեստորան կամ սրճարան մտնելուց առաջ, ավելի լավ է մի լավ ուսումնասիրեք մենյուն, որը մուտքի մոտ կախված է։ Մենք քաղաքի կենտրոնում մի աչքի չընկնող տեղ գտանք, որտեղ մեզ՝ անհույս ծխողներիս համար, հատուկ առանձնացված սրահ կար։ Այստեղ մեզ մատուցեցին վիեննական հիանալի շնիցել՝ կարտոֆիլի աղցանով։ Ի դեպ, վերջինս ինձ համար հանելուկ մնաց, եւ ես չկարողացա հասկանալ, թե ինչ են ավստրիացիները դրա մեջ ավելացնում եւ այդքան համեղ դարձնում այն։ Երկու բաժին շնիցելն ու երկու գարեջուրը լիովին բավարարեց ինձ ու ամուսնուս։ Եվ այս խրախճանքի համար մենք վճարեցինք 29 եվրոից մի քիչ պակաս։ Հավատացեք, որ Վիեննայի կենտրոնի համար սա շատ էժան է...

Իհարկե, 4 օրվա ընթացքում մենք չկարողանանք տեսնել այն ամենն, ինչ ցանկանում էինք։ Եվ եթե բախտը մեզ ժպտա, ապա մենք նորից կգանք այնտեղ, քանի որ Վիեննան մի քաղաք է, որը մշտապես գրավում է Ձեր սիրտը։

Յուլիա Վարդանյան

Հետևեք NEWS.am STYLE-ին Facebook-ում, Twitter-ում և Instagram-ում