1. Լավ ծամեք կերակուրը
Մանրակրկիտ եւ երկար ծամեք կերակուրը՝ զգալով ուտելիքի համը: Դա թույլ կտա ավելի լավ մարսել կերակուրն ու հագեցնել քաղցի զգացողությունը:
2. Ջուր
Ուտելուց առաջ մեկ բաժակ ջուր խմելը կօգնի մարսողությանը եւ թույլ կտա ուտելիս սուր քաղցի զգացողություն չունենալ ու վերահսկել սննդի քանակությունը:
3. Բանջարեղենով ուտեստներ
Ամեն անգամ ուտելիս ափսեում պետք է բանջարեղեն լինի: Դրանց ծավալը պետք է կազմի ուտելիքի չափաբաժնի շուրջ կեսը: Բանջարեղենում անհրաժեշտ ամեն ինչ կա՝ վիտամիններ, մի շարք օգտակար նյութեր, մանրաթելեր:
4. Նախաճաշ
Երբեք մի հրաժարվեք նախաճաշից: Առավոտն օրվա այն ժամանակահատվածն է, երբ կարելի է մի քիչ շատ ուտել. չէ՞ որ առջեւում մի ամբողջ օր եւ բազմաթիվ գործեր կան: Հարկավոր է էներգիա եւ ուժ հավաքել: Նախաճաշի համար կատարյալ տարբերակ են ձվով ուտեստները՝ բանջարեղենով: Դա ե՛ւ սպիտակուցների պաշար է, ե՛ւ բավականաչափ քանակությամբ վիտամիններ:
5. Ավելի շատ մանրաթելեր
Մեծ քանակությամբ մանրաթելեր պարունակող նույնիսկ ոչ շատ սնունդը հագեցվածության զգացողություն է առաջացնում: Խնձորը, կաղամբը, գազարը, դդմիկը, սմբուկը, ծաղկակաղամբը հագեցնում են, բայց շատ կալորիա չեն ավելացնում: Մակարոնեղենն ու մաքրված հատիկավորները փոխարինեք դարչնագույն բրնձով եւ անմիջապես կզգաք տարբերությունը:
6. Ափսեի չափը
Մեծ ափսեում չափաբաժինը փոքր է երեւում: Ոչ թե ավելացրեք ուտելիքի չափը, այլ ավելի փոքր ափսե վերցրեք: Այս խաբուսիկ գործողությունն ազդում է մեր զգայական օրգանների վրա: Դրանք հաղորդում են, որ ափսեն լիքն է, պարունակությունը կերել եք, ինչը կօգնի կանգ առնել:
7. Աղցան՝ որպես նախուտեստ
Վարունգ, լոլիկ, կանաչեղեն, թարմ քերած գազար եւ կաղամբ: Հիմնական ուտեստից առաջ այս բաղադրիչներով աղցան ուտելով՝ կկարողանաք զսպել ախորժակն ու չափից շատ չուտել:
8. Ճաշի ավարտին ափսեն գրեթե, բայց ամեն դեպքում դատարկ չէ
Մինչեւ վերջին փշուրը մի կերեք: Ձեր չափաբաժնից մի քիչ թողեք, ասենք՝ 20 տոկոսը: Եվ ուտելուց որոշ ժամանակ անց հաճելի հագեցվածություն կզգաք, այլ ոչ թե հոգնածություն եւ որովայնի փքվածություն:
9. Ինչո՞վ է օգտակար ընթացքում ուտելը
Մոռացեք քաղցրավենիքի եւ արագ սննդի մասին: Դրանցից ոչ մի օգուտ չկա, փոխարենն ավելորդ կիլոգրամներ կհավաքեք: Ավելի լավ է նախաճաշի, ճաշի եւ ընթրիքի մեջտեղում քաղցի զգացողությունը մարեք արեւածաղկի սերմով կամ ընկուզեղենով: Դրանցում մեծ քանակությամբ սպիտակուցներ եւ մանրաթելեր կան:
10. Համեմունքներ
Համեմունքների մեծ մասը (քացախ, դարչին, քրքում, բոլոր տեսակի պղպեղները եւ այլն) թույլ են տալիս արագորեն հագենալ, սակայն կալորիա չեն ավելացնում: Խորհուրդ է տրվում լայնորեն կիրառել դրանք խոհանոցում:
Աղբյուրը՝ Elle.ru
Հետևեք NEWS.am STYLE-ին Facebook-ում, Twitter-ում և Instagram-ում
20:16, 9 մայիսի
Շառլ Ազնավուրի սիրավեպերը․ շանսոնյեի հարյուրամյակին19:05, 9 մայիսի
«Վայ քու… կամ փարթամ կակտուսը». ֆիլմի պրեմիերան ու «կանաչ» գորգը (ֆոտո)18:31, 9 մայիսի
Տիհանա Vibes. Dasein-ը սիրո եւ տարբերվող մարդկանց մասին է17:38, 9 մայիսի
Հայտնի երաժիշտ եւ մշակութային քննադատ Միխայիլ Կազինիկն առաջին անգամ համերգներով հանդես է գալիս Երեւանում16:03, 9 մայիսի
Հայաստան կատարած ուղեւորությունից հետո Թամլին Քուրինիը ճանաչվել է «Խմիչքի թեմայով տարվա հեղինակ»15:36, 9 մայիսի
«Լադանիվա»-ն այսօր ելույթ կունենա «Եվրատեսիլ 2024» երկրորդ կիսաեզրափակչին․ ի՞նչ է լինելու բեմում15:26, 9 մայիսի
Ռոբերտ Դե Նիրոյին նվիրված առաջին փառատոնը տեղի կունենա Նյու Յորքում14:34, 9 մայիսի
Կիանու Ռիվզը ցանկանում է նկարահանել «Արագություն» ֆիլմի երրորդ մասը՝ Սանդրա Բուլոքի մասնակցությամբ13:23, 9 մայիսի
Շակիրան մեծ հաղթանակ է տարել Իսպանիայում իր հարկերի վերաբերյալ երկրորդ հետաքննության ընթացքում12:50, 9 մայիսի
Շեքսպիրի «անտեսված» կերպարը՝ յուրովի մեկնաբանությամբ. Արա Երնջակյանը ներկայացրեց «Հորացիոյի գաղտնիքը» գիրքը12:16, 9 մայիսի
Փերիս Հիլթոնը եւ Նիկոլ Ռիչին վերադառնում են ռեալիթի շոու11:18, 9 մայիսի
Քլոե Քարդաշյանը պատմել է, թե ինչպես է նիհարել 36 կիլոգրամով