Փոքր խոհանոցը հաճախ մեծ խնդիր է դառնում: Բոլոր անհրաժեշտ իրերը 6 քառ.մ.-ում տեղավորելը դյուրին չէ նաեւ փորձառու դիզայների համար: Մասնագետները պնդում են. ամենից փոքր խոհանոցն էլ կարելի է սարքել գեղեցիկ, պրակտիկ եւ նպատակահարմար: Նույնիսկ եթե ծրագրում եք խոհանոցի վերանորոգման համար բավական համեստ գումար ծախսել: Փոքր խոհանոցի ձեւավորման գործում գլխավոր խնդիրն առաջնահերթությունները որոշելն է. ինչ եւ ինչպես կարելի է տեղավորել հասանելի տարածությունում: Բարեբախտաբար, հիմա կարելի է գտնել խոհանոցային պահարանների եւ աշխատանքային մակերեսի բազմաթիվ տարբերակներ, որոնք թույլ կտան ազատ տարածության զգացություն ստեղծել: Որպեսզի ձեր փոքր խոհանոցն ավելի ռացիոնալ լինի, հարկավոր է կենտրոնանալ երեք հիմնական կետի շուրջ. պահելու համար տեղեր, լուսավորություն եւ տեխնիկա: Կարեւորը յուրաքանչյուր հատվածը հարմարեցնել ձեր անձնական կարիքներին: Այս մասին NEWS.am STYLE-ին պատմել է ինտերիերի դիզայներ Հերմինե Պետրոսյանը:
1. Գերժամանակակից փոքր խոհանոցը նվազագույն տարածք է զբաղեցնում: Դրա հետ մեկտեղ, այստեղ հնարավոր է եղել տեղավորել անհրաժեշտ ամեն ինչ՝ կերակուր պատրաստելու եւ ուտելու համար: Դիզայները բավական հյութեղ կարմիր գույն է օգտագործել, սակայն վառ շեշտադրումներն այս փոքր խոհանոցին միայն օգուտ են տվել: Սպիտակի եւ կարմիրի համադրությունը թարմ եւ արդյունավետ է դիտվում: Վառ գույները ստվերում են մոխրագույն հատակը եւ խոհանոցի մետաղական մասերը: Ներկառուցված տեխնիկան օգնում է առավելագույն արդյունավետությամբ օգտագործել սահմանափակ տարածքի յուրաքանչյուր սանտիմետրը:
2. Այս փոքր խոհանոցի աշխատանքային տարածքը ոգեշնչում է իր խտությամբ: Այստեղ ամբողջությամբ տեղավորվել են գազօջախը, օդափոխիչը եւ բավական մեծ ու լրացուցիչ աքսեսուարներով հագեցած ֆունկցիոնալ խոհանոցային լվացարանը: Փոքր խոհանոցի համար հարմար որոշում են խոհանոցային կահույքի բաց գույնը եւ անփայլ ապակիներով պահարանի դռները: Կախովի պահարանիկների շարժվող արկղերը շատ հարմար են խոհանոցային տարատեսակ մանրուքները պահելու համար:
3. Սպիտակ գույնը, թերեւս, ամենից պարզ եւ տրամանաբական լուծումն է փոքր խոհանոցի համար: Total white-ը լավ է համադրվում հատակի, աթոռների եւ ծառի բնական գույնով երեսպատման հետ: Փայլուն մետաղական մակերեսները, գունային մի փոքր մուգ շեշտադրումները եւ գիպսա-ստվարաթղթե յուրահատուկ ծավալուն կառույցն այս փոքր խոհանոցի ինտերիերին անհրաժեշտ դինամիկա են հաղորդում: Ուշադրություն դարձրեք՝ ինչպես են տեղակայված սառնարանը, լվացարանը, գազօջախն ու ջեռոցը. այս փոքր խոհանոցը հիանալի են կազմակերպված: Միակ թերությունն այն է, որ գրեթե բացակայում է աշխատանքային մակերեսը, այդ պատճառով կերակուր պատրաստելու ժամանակ ստիպված պետք է օգտագործել սեղանը:
4. Սա ժամանակակից ոճով փոքր խոհանոց է՝ չափազանց սահմանափակ տարածքով: Անխոս առաջնայնությունն այստեղ տրված է գործնականությանն եւ ֆունկցիոնալությանը, իսկ ինտերիերը մտացված է ընդհուպ մինչեւ վերջին սանտիմետրը: Հյուրասենյակից խոհանոցն առանձնանում է մի փոքր բարձրությամբ եւ պատի երկայնքով տեղադրված բարով, որը միաժամանակ որպես ճաշասեղան է ծառայում: Այս փոքր խոհանոցի համար կահույքը պատրաստվել է պատվերով. մուգ գույներով երեսպատումը հակադրվում է կաթնա-սպիտակ սեղանով եւ կախովի պահարանիկների իմ քանի բաց գույնի դռներով: Այստեղ տեղին են ներկառուցված տեխնիկան եւ խոհանոցին մանր պարագաների պահոցները: Խոհանոցային պահարանների վրա տեղադրված լուսամփոփները տեսողականորեն բարձրացնում են առաստաղը: Լավ մտածված լուսավորության շնորհիվ փոքր խոհանոցն ավելի ընդարձակ տեսք ունի:
Հետևեք NEWS.am STYLE-ին Facebook-ում, Twitter-ում և Instagram-ում
16:34, 3 մայիսի
Macallan-ը և Cirque Du Soleil-ը միավորվում են՝ վիսկիի համտեսի և մահաբեր հնարքների համար15:25, 3 մայիսի
Ֆարել Ուիլյամսը միանում է Tiffany & Co-ին Titan ոսկերչական հավաքածու ստեղծելու համար14:23, 3 մայիսի
Քրիստեն Ստյուարտը եւ Օսկար Այզեքը կնկարահանվեն 80-ականների վամպիրների մասին հեդոնիստական թրիլլերում13:55, 3 մայիսի
Դերասանուհի Անյա Թեյլոր-Ջոյը պրեմիերային ներկայացել էր այնպիսի զգեստով, որով անհնար էր նստել13:17, 3 մայիսի
Էմիլի Ռատակովսկին եւ Իրինա Շեյքը փայլել են The King's Trust 2024 Global Gala-ին12:23, 3 մայիսի
Սոֆյա Վերգարան մտադիր է ամեն կերպ պայքարել տարիքի հետ11:15, 3 մայիսի
Բրիթնի Սփիրսի շոկային լուսանկարները մտահոգություն են առաջացրել նրա հոգեկան առողջության վերաբերյալ10:52, 3 մայիսի
«Լադանիվա»-ից Ժակլինի եւ Հունաստանի ներկայացուցչի աշխույժ պարը՝ «Եվրատեսլ 2024»-ի ետնաբեմում (վիդեո)10:20, 3 մայիսի
Քիմ Քարդաշյանը կիսվել է իր վերջին ֆոտոշարքի «բեքսթեյջային» կադրերով09:00, 3 մայիսի
ՄԱՅԻՍԻ 3-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:02, 2 մայիսի
Ֆիլմերում սեքսը կտրուկ նվազել է, բայց դարձել է ավելի բացահայտ22:18, 2 մայիսի
Armflix ֆանտաստիկ որակի Էքսկլյուզիվ ֆիլմեր և սերիալներ՝ առանց սահմանափակումների և գովազդի