• Ինչպես դիտել հայկական արտադրության բացառիկ ֆիլմերը Armflix- ում

  «Armflix»  հարթակը, որը փոխել է հայկական կինոարտադրության որակը շուկայում, նախորդ շաբաթ նախաձեռնեց «Տանդեմ» քրեական դրամայի փակ ցուցադրությունը «Մոսկվա» կինոթատրոնում, որը նկարհանվել է հատուկ Armflix- ի համար...

• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

• «Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

  «Մոսկվա» կինոթատրոնում երեկ՝ ապրիլի14-ին, կայացավ «ՄԵՆՔ» հոլդինգի, նոր՝ «Տանդեմ» քրեական դրամայի առաջին երեք սերիաների ցուցադրությունը...

• «Ամերիկացին»՝ Հայատանում. Ժան Նշանյանը՝ որդու՝ Արմանի հետ աշխատելու, Նարինե Գրիգորյանը՝ Հովիկ Կեուչկերյանի կողքին «փոքր կին» զգալու մասին

  Ապրիլի 4-ից հայաստանյան էկրաններ է բարձրացել «Ամերիկացի» ֆիլմը: Ֆիլմի ռեժիսորը եւ գլխավոր դերակատարը Մայքլ Գյույրջյանն է, պրոդյուսերը՝ Արման Նշանյանը…

• Իննա Խոջամիրյանը, Սոս Ջանիբեկյանը եւ հայկական շոուբիզնեսի հայտնիները՝ «Սիրելի Սահմի»-ի եզրափակիչ սերիաների փակ նախադիտմանը (VIDEO)

  Անցյալից եկած երիտասարդի ու ժամանակակից աշխարհում ապրող ուժեղ աղջկա փխրուն սիրո պատմությունը կարճ ժամանակում գրավեց հայ հեռուստադիտողի ուշադրությունը…

• «Երկարատեւ դադարից հետո ես իմ մեջ ուժ գտա․․․». Երեւանում կայացավ Տիգրան Նալչաջյանի «Կատարյալ ապուշը» ֆիլմի պրեմիերան (ֆոտո)

  Ինչպիսի՞ն է աշխարհը, երբ նայում ես դրան բարի աչքերով, եւ ինչպե՞ս է ընկալվում ամենապարզ մտածելակերպով ու բարի մարդը, երբ տարբերվում է մյուսներից․․․

• Կոպենհագենի վավերագրական ֆիլմերի միջազգային փառատոնում կկայանա Ալեքսիս Պազումյանի «Սեւ այգի» ֆիլմի պրեմիերան

  Ֆրանսահայ լուսանկարիչ եւ ռեժիսոր Ալեքսիս Պազումյանի «Սեւ այգի» վավերագրական ֆիլմի համաշխարհային պրեմիերան տեղի կունենա Կոպենհագենի վավերագրական ֆիլմերի միջազգային փառատոնի շրջանակում․․․

• «Տեղեր կան` այնքան նման ենք, որ հուզվում եմ, նույնիսկ, նայելիս»․ Իննա Խոջամիրյանը՝ «Սիրելի Սահմիի», հերոսուհու եւ Սոս Ջանիբեկյանի հետ աշխատանքի մասին (ֆոտո)

  «Սիրելի Սահմի» 10 մասանոց հեռուստասերիալն արդեն մեկնարկել է «ATV»-ի եթերում ու կարճ ժամանակում դարձել սիրելի...

Երեւանում սեպտեմբերի 14-ին կայացավ «Պապ 005» հայ-ռուսական համատեղ ռոմանտիկ կինոկատակերգության պրեմիերան:

Ֆիլմը նկարահանվել է 2013 թվականին: Նկարահանումներն անցկացվել են Հայաստանում եւ Ռուսաստանում: Օգոստոսին այն ներկայացվել է Ռուսաստանի Վիբորգ քաղաքի ամենամյա կինոփառատոնի բացման ժամանակ: Ժապավենի բյուջեն 35 միլիոն ռուբլի է:

Ֆիլմը պատմում է ռուս երիտասարդի եւ հայուհու սիրո մասին: Հերոսը նախկին հետախույզ, իսկ այժմ թոշակառու Օլեգ Ստեպանովիչն է (Սերգեյ Շակուրով), ով այգում հանդարտ կերակրում է կարապներին, մինչդեռ նրա թոռնիկը՝ Անդրեյը (Անդրիս Բուլիս), Երեւանում սիրահարվում է հայ ուսանողուհի Աննային…

Պրեմիերայից առաջ կինոնկարի մասին լրագրողներին պատմեցին նկարահանող խմբի անդամները:

«Այսօր, հաշվի առնելով փաստը, որ ֆիլմին առնչվող անձանցից եւ ոչ ոք այն չի գերագնահատում եւ սթափ է գնահատում ստացվածը: Կարծում եմ, որ այսօրվա իրադարձությունը, ինչ-որ չափով ճակատագրական է հայկական, ռուսաստանյան եւ նախկին սովետական տարածքի կինեմատոգրաֆիայի համար: «Պապ 005»-ն առաջին հայացքից պարզ, բայց իմ կարծիքով՝ հմայիչ կատակերգություն է, որը նկարահանել են Մհեր Մկրտչյանն ու Արկադի Գրիգորյանը»,- նշեց ֆիլմի պրոդյուսեր Արմեն Մեդվեդեւը:

Պրոդյուսերի խոսքով, ֆիլմում զգացվում է սովետական ժամանակաշրջանի հաճելի զեփյուռը, երբ կինեմատոգրաֆիստները փնտրում են միմյանց, իրենց հերոսներին, որպեսզի հետագայում ներկայացնեն հանդիսատեսին:

Արմեն Մեդվեդեւը հատկապես բարձր գնահատեց դերասանների խաղը՝ նշելով լատվիացի դերասան Անդրիս Բուլիսին, ինչպես նաեւ Սերգեյ Շակուրովի եւ Վախթանգ (Բուբա) Կիկաբիձեի փայլուն տանդեմը:

«Տարօրինակ բան է կատարվել. առանց որեւէ ցուցումի եւ ադմինիստրատիվ որոշումների ծնվում է մի ֆիլմ՝ հիմնված մեր համակրանքի, մտերմության, սիրահարվածության վրա»,- նշեց նա:

Ֆիլմի պրոդյուսերի խոսքով, ժապավենն արթնացնում է մարդկային հակումը դեպի բարությունը, բարի զգացմունքները, բարի երեւույթներն ու բարի մարդիկ:

Իր հերթին ֆիլմի ռեժիսոր Մհեր Մկրտչյանը պատմեց, որ ֆիլմեր նկարահանելիս երբեք իր առջեւ նպատակ չի դնում դրանք ներկայացնել փառատոնների կամ ստեղծել կոմերցիոն տեսակետից հաջողված ժապավեն:

«Կարծում եմ՝ ֆիլմը նկարահանված է երեսունից բարձր տարիքի մարդկանց համար: Իհարկե, շատ ավելի հարմար է ֆիլմեր նկարահանել 14-ից 25 տարեկանների համար: Հնարավոր է՝ մենք նույն նպատակն էինք հետապնդում, սակայն մոնտաժից հետո այն դիտեցինք ավելի սթափ աչքերով եւ հասկացանք, որ այն նկարահանված է երեսունից բարձր հանդիսատեսի համար»,- նշեց ռեժիսորը:

Նա հավելեց, որ ֆիլմի անվանումը՝ «Պապ 005», սկիզբ է առել Skype-ում հերոսի կեղծանունից, քանի որ Օլեգ Ստեպանովիչը շատ ժամանակակից պապ է եւ կարողանում է օգտվել նորագույն տեխնոլոգիաներից:

Ֆիլմի շուրջ տպավորությունները ներկայացրեց նաեւ լատվիացի դերասան Անդրիս Բուլիսը, ով բարձր գնահատեց թիմի աշխատանքն ու խորհուրդ տվեց նախ դիտել այն՝ սեփական կարծիքը կազմելու համար:

«Անդրիսին հարցեր մի’ տվեք: Նա երկու օր է՝ կենացներ է լսում»,- կատակեց ֆիլմում հանդես եկած հայ դերասան Հրանտ Թոխատյանը:

Լիլիթ Պետրոսյան

Լուսանկարները՝ Շուշանիկ Հակոբյանի

Հետևեք NEWS.am STYLE-ին Facebook-ում, Twitter-ում և Instagram-ում