Հայտնի ջազմեն Լեւոն Մալխասյանը Yerevan Music Week-ի շրջանակում ելույթ չունեցավ Miraif խմբի հետ, ինչպես խոստացված էր: Ընդ որում, ոչ պակաս հայտնի Վահանգ Հայրապետյանը՝ նույնպես: Եվ այս ամենը, պարզվում է, Մալխասյանի ինտրիգների պատճառով: Մանրամասները NEWS.am STYLE-ի թղթակցին պատմեց Miraif-ի ճանաչված ջազ երգչուհի Մարիամ Մերաբովան:
«Լեւոն Մալխասյանին նախապես հրավված էր որպես հատուկ հյուր, որպեսզի մեզ հետ մեկ կոմպոզիցիա կատարի: Ավելի վաղ նման առաջարկությանն արձագանքել էին երեւանյան մեր ընկերները, ում երաժշտական կարգավիճակը, ի տարբերություն Մալխասյանի, հավասար է կատարողական արվեստի համաշխարհային մակարդակի: Նրանք են Գոռ Սուջյանը, Տիգրան Պետրոսյանը, Արմեն Հյուսնունցը, Վահագն Հայրապետյանը: Եվ ահա վերջերս կազմակերպիչները սկսեցին մեզ ասել, որ Լեւոնը գումար է պահանջում, ընդ որում՝ խոսում է ո՛չ միայն իր անունից… Նա, հավանաբար, չգիտեր, որ կազմակերպիչներից մեկը մեր վաղեմի ընկերն է: Չի կասկածել, որ այդ տեղեկությունը մեզ կհասնի»:
Պարզվում է՝ Լեւոն Մալխասյանն առաջին անգամ չէ իրեն բացասական լույսի ներքո ներկայացնում. «Մալխասյանը համերգներից մեկի ժամանակ փորձել էր սեփականացնել մեր հոնորարների մի մասը, որ տրամադրել էին հովանավորները: Այդ դեպքում նույնպես չգիտեր, որ մենք ծանոթ ենք: Նրան օգնության եկան լուրջ քեռիներ, խնդրեցին աղմուկ չբարձրացնել, վերադարձրեցին գումարը, եւ հարցը փակվեց: Հետո մենք ներեցինք նրան եւ հայրենիք հաջորդ այցելության ժամանակ հաշտվեցինք»:
Մալխասը ոչ միայն հետապնդել է կազմակերպիչներին՝ «իրեն առաջարկելով նրանց եւ գումար պահանջելով». «Վերջին զրույցի ժամանակ Լեւոն Մալխասյանն ընդհանրապես չափն անցավ՝ Արմեն Մերաբովին ուղիղ տեքստով հայտարարելով, որ առաջին բաժինն ինքն է նվագելու՝ իր խմբի հետ, քանի որ «Բալի՛կ ջան, հանդիսատեսին չի կարելի խաբել: Չէ՞ որ սա ֆիլհարմոնիկ հանդիսատես է, դուք 1.5 ժամ չեք ձգի»: Եվ այս ամենն ասվում էր ամենայն լրջությամբ: Այսինքն՝ «խոզին սեղան նստեցրու, նա ոտքերն էլ կդնի սեղանին»:
Մարիամի խոսքով, իրենք «ծերուկին» հրավիրել էին համերգին մասնակցելու, սակայն «հավատուրաց ինտրիգի արժանացան, որը տխուր նստվածք տվեց: Արդյունքում, Ֆիլհարմոնիկում շլացուցիչ համերգ ստացվեց: Այն տեւեց 2.5 ժամ՝ առանց ընդմիջման: Հենց սկզբից դահլիճը թնդում էր ծափահարություններից, իսկ վերջում հանդիսատեսը ոտքի կանգնեց: Չէ՞ որ Արտիստի համար այդ մեծագույն երջանկություն է: Բոլորը, ովքեր ճանաչում են մեզ, կարող են հաստատել, որ յուրաքանչյուր համերգի ընթացքում մենք ելույթ ենք ունենում անմնացորդ՝ ամեն ինչ տալով հանդիսատեսին: Եվ այն, որ Լեւոն Մալխասյանն իր արարքով եւ խոսքերով իսկապես վիրավորեց անձամբ ինձ (Արմենը պարզապես ծիծաղեց), ինձ իրավունք է տալիս այլեւս երբեք նրան ձեռք չմեկնել: Ցավում եմ, որ չնայած տարիքին, մարդը չի կարողացել պայքարել իր վախերի դեմ»:
Ինչ վերաբերում է Վահագն Հայրապետյանին. իր բացակայությունը ջազմենը պատճառաբանել է այն հանգամանքով, որ կազմակերպիչները հարկ չեն համարել անձամբ իր հետ կապ հաստատել. «Եթե իմ Ընկերն ինձ հրավիրում է իր համերգին, ես չեմ էլ մտածում հարցնել կազմակերպիչների, հոնորարի եւ այլնի մասին… Արդյունքում, եկան իսկական ընկերները. Արմեն Հյուսնունցը, ով պարզապես տիեզերական կատարեց հատուկ իր համար Արմեն Մերաբովի գրած հեղինակային ստեղծագործությունը: Եկել էին Գոռ ու Եվա Սուջյանները, որոնց մասին կարելի է անվերջ խոսել, ինչպես նաեւ ելույթ ունեցավ «երաժշտության մեջ շքեղ մտավորական» Տիգրան Պետրոսյանը»:
Մեկնաբանությունները թողնում ենք ընթերցողին:
Պատրաստեց Մարինա Ադուլյանը
Հետևեք NEWS.am STYLE-ին Facebook-ում, Twitter-ում և Instagram-ում
23:11, 10 մայիսի
Ինչպես անզգամին տարբերել հոգեգարից. գիտնականները գտել են պատասխանը21:22, 10 մայիսի
Նյու Յորքը աշխարհի ամենահարուստ քաղաքն է20:29, 10 մայիսի
Ջորջ Քլունին երկրպագուներին խոստովանել է, որ իրեն «ծեր» է զգում19:19, 10 մայիսի
Ջոն Մալկովիչը կհամալրի Marvel-ի կինոտիեզերքը՝ հանդես գալով «Ֆանտաստիկ քառյակի» նոր ֆիլմում16:17, 10 մայիսի
Էլիզաբեթ Թեյլորի մասին վավերագրական ֆիլմը, որը կցուցադրի աստղի՝ նախկինում չհրապարակված արխիվները, կթողարկվի այս ամառ15:38, 10 մայիսի
Քլոե Քարդաշյանը խոստովանել է, որ ստիպել է Տրիստան Թոմփսոնին հայրության մի քանի թեստ հանձնել իրենց որդու՝ Թաթումի ծնվելուց հետո14:55, 10 մայիսի
Անջելինա Ջոլին երեխաներին հորդորել է «խուսափել» իրենց հորից՝ Բրեդ Փիթից14:17, 10 մայիսի
Ջենիֆեր Լոպեսը վերադարձնում է 90-ականների ոճը13:23, 10 մայիսի
Քենդալ Ջենները խոստովանել է, որ «դժվար երկու ամիս» է անցկացրել12:05, 10 մայիսի
«Ձեր մտքով անցե՞լ է, որ այստեղ լինելով վտանգ եք ներկայացնում այլ մասնակիցների եւ հանրության համար». լրագրողը՝ Իսրայելի ներկայացուցչին11:16, 10 մայիսի
Էնդի Սերկիսը վերադառնում է «Մատանիների տիրակալի» տիեզերք10:20, 10 մայիսի
Հեյլի Բիբերը հղի է