Երկու երեխաների երիտասարդ մայր, պատմաբան-միջազգայնագետ Հասմիկ Թորոսյանը փոքրիկ գեղեցկուհիների շրջանում մեծ ճանաչում է վայելում: Երկու տարի առաջ Հասմիկը զրոյից մշակեց «Թիթիզ շորիկներ» յուրօրինակ ապրանքանիշը. մանկական գեղեցիկ զգեստներ եւ փարթամ կիսաշրջազգեստներ փոքրիկ արքայադուստրերի համար: Յուրաքանչյուր աղջիկ երազում է նման զգեստի մասին, որովհետեւ դրանով կարելի է հեքիաթային թագավորության իրական արքայադուստր կամ երեւակայական թատրոնի բեմի հիասքանչ պարուհի զգալ: Նրա զգեստները մանկական երազանքի իրականացում են: Դրա հետ մեկտեղ, յուրաքանչյուր զգեստի եւ կիսաշրջազգեստի մեջ Հասմիկը հոգի եւ երեւակայություն է դնում:
«Միտքը հանկարծակի առաջացավ: Մի անգամ մանկական այդպիսի զգեստի լուսանկար տեսա եւ ոգեւորվեցի»,- պատմում է Հասմիկը:
«Իմ առաջին փորձը ստացվեց, եւ ես աղջկաս համար սկսեցի զգեստներ կարել: Այդ ժամանակ դեռեւս չէի մտածում պատվերով կարելու մասին: Պարզապես տոն էի ուզում: Հիացական արձագանքներ լսելով՝ համարձակություն ստացա եւ կայքերից մեկում հայտարարություն տեղադրեցի»,- ժպիտով հիշում է նա: Հասմիկի խոսքով, առաջին անգամ շատ է հուզվել, բայց ե՛ւ փոքրիկ գնորդուհին, ե՛ւ նրա ծնողներն այնպես են հրճվել, որ հուզմունքն անմիջապես անցել է: «Այդ ինձ ուժ եւ վստահություն տվեց, հետո սկսեց ամեն ինչ ստացվել»,- ասում է Հասմիկը:
Հասմիկ Թորոսյանի ստեղծած զգեստները նույնիսկ մանկական գեղեցկության մրցույթներում են «հաղթել»: «Վիցե Միսս Հայաստան 2013-ը» եւ «Միսս համայնքն» իմ զգեստներն էին հագել»,- ոչ առանց հպարտության ասում է նա:
Զգեստներին համապատասխան աքսեսուարներ Հասմիկն ինքն է ընտրում. հերակալ, ձեռնոց, գլխարկ: Ի դեպ՝ տարիքային սահմանափակում չկա: Փոքրիկ արքայադուստրը կարող է նաեւ գրեթե նորածից լինել, կամ էլ արդեն դեռահաս:
«Ինձ ավելի շատ դուր է գալիս երեխաների հետ աշխատելը: Նրանք շատ երախտապարտ հաճախորդներ են: Իսկ նրանց ժպիտներն ու հիացական հայացքներն էներգիայի մեծ աղբյուր են: Ավելին, այս ինձ համար աշխարհ է, որտեղ կարող եմ ազատություն տալ երեւակայությանս ու ստեղծագործական ունակություններիս: Կարող եմ արարել, իսկ այդ ինձ համար շատ կարեւոր է»:
Եվ, որ պակաս կարեւոր չէ, մանկության երազանքի իրականացումը ծնողներին հասանելի է: Կիսաշրջազգեստներն արժեն 5.000, իսկ զգեստները՝ 7.000 դրամ:
Բոլոր զգեստները Հասմիկը ձեռքով է կարում: Նախքան գործի անցնելը մանրամասն հարցնում է հաճախորդի ճաշակի եւ ցանկությունների մասին:
Մեկ զգեստի համար 2-ից 5 օր ժամանակ է պահանջվում՝ կախված հեղինակի ծանրաբեռնվածությունից: Փոքրիկ արքայադուստրերի վառ եւ գունավոր զգեստներով հիանալու համար կարող եք այցելել նաեւ Facebook սոցիալական ցանցի «Թիթիզ շորիկներ» էջը:
Յուլիա Վարդանյան
Հետևեք NEWS.am STYLE-ին Facebook-ում, Twitter-ում և Instagram-ում
01:29, 8 մայիսի
Հայտնի են «Եվրատեսիլ 2024»-ի առաջին կիսաեզափակիչը հաղթահարած 10 երկրները23:18, 7 մայիսի
Կանացի վենդետա. Կինը տղամարդուն համոզել է, որ նա հիվանդ է, երբ վերջինս նրան ուղարկել է իր առնանդամի լուսանկարը23:02, 7 մայիսի
«Եվրատեսիլ 2024»-ի առաջին կիսաեզրափակիչ փուլը (ՈւՂԻՂ)22:18, 7 մայիսի
Կարավաջոյի նկարը, որը գրեթե վաճառվել էր 1600 դոլարով, կցուցադրվի Prado-ի թանգարանում20:56, 7 մայիսի
«Միսս ԱՄՆ»-ն թագադրումից յոթ ամիս անց հրաժարվել է տիտղոսից՝ պատճառաբանելով հոգեկան առողջության հետ կապված խնդիրները20:18, 7 մայիսի
Բրուքլինի թանգարանում հայտնվել են հազվագյուտ լուսանկարներ The Beatles-ի՝ 1963–64 թվականների ամերիկյան շրջագայությունից19:23, 7 մայիսի
Հնդիկ միլիարդատեր Սուդհա Ռեդդին Met Gala-ին ներկայացել է ավելի քան 200 կարատ կշռող ադամանդներով16:16, 7 մայիսի
Met Gala 2024. Ինչո՞վ են փայլել հայտնիները15:19, 7 մայիսի
«Սիրահարվեցի Հայաստանին». անգլիացի բլոգերի արձագանքը՝ «Լադանիվա»-ի եվրատեսիլյան երգի տեսահոլովակին14:05, 7 մայիսի
Էվելինա Շահիրյանը սպասում է առաջնեկին (վիդեո)13:24, 7 մայիսի
Միլիարդատեր Ջեֆ Բեզոսի հարսնացուն իր դեբյուտը նշեց Met Gala-ում՝ կատարելով Աննա Վինտուրի պայմանը12:59, 7 մայիսի
Քարդի Բ-ին ինը օգնական է անհրաժետ եղել զգեստով տեղաշարժվելու համար