• «Մանկական Եվրատեսիլ 2026» երգի միջազգային մրցույթում Հայաստանը կներկայացնի 13-ամյա Naré-ն

  Այս տարի «Մանկական Եվրատեսիլ» երգի միջազգային մրցույթում Հայաստանը կներկայացնի 13-ամյա Naré-ն…

• Անկախության 35-ամյակին նվիրված համերգը՝ Հանրապետության հրապարակում (ֆոտոռեպորտաժ)

  Տատա Սիմոնյանի երգերի տակ՝ պար ու տժոց Հանրապետության հրապարակում...

• Coco Jambo-ի, It's My Life-ի, What is Love-ի լեգենդար կատարողներն ու Boney M-ը 90-ականներին հայտնի հայ աստղերի հետ՝ նույն բեմում․ Հայաստանում կայացավ առաջին Retro Stars Fest-ը (ֆոտո/վիդեո)

  90-ականների ամենահայտնի հիթերը՝ Հայաստանում...

• Michelin-ը այժմ գնահատում է գինեգործարանները. գինու աշխարհը կասկածամտորեն է տրամադրված

  Ֆրանսիական ընկերությունը, որը մեկ դարից ավելի է գնահատում ռեստորանները, այժմ իր ուշադրությունը սևեռել է գինեգործարանների և խաղողի այգիների վրա․․․

• 90-ականների շունչը՝ Հայաստանում կայացած Retro Stars Fest-ում․ օրվա ամենահետաքրքիր կերպարները (ֆոտո)

  Երեկ Հայաստանում նոստալգիկ տրամադրություն էր։ Առաջին անգամ մեր երկում կազմակերպվեց Retro Stars Fest-ը, որը մեկ բեմի վրա «ժամադրեց» 90-ականներին հայտնի համաշխարհային ու հայ ամենասիրված աստղերից մի քանիսին...

• Մայրցամաքի մյուս ծայրում. Արտասահմանյան գրողները՝ Հայաստանի մասին

  Հայերը միակը չեն, ովքեր գրել և շարունակում են գրել Հայաստանի մասին․․․

• Խաչիկը պատրաստվում է ամենաքաղցր տոնին․ Գաթայի փառատոնը 10 տարեկան է

  Սեպտեմբերի 19-ին Վայոց ձորի Խաչիկ բնակավայրը կրկին կդառնա գաթայի, ազգային երգ ու պարի, արհեստների ու գյուղական բարիքների տոնական կենտրոն…

• Երևանում կանցկացվի «Անցյալի ապագա» միջազգային էթնո-նորաձևության փառատոնը

  «Անցյալի ապագա» միջազգային մշակութային փառատոնի հյուրերն արդեն ժամանում են Հայաստան...

Յուրաքանչյուր նոր տարվա հետ գինու աշխարհը Հայաստանում շարունակում է բարգավաճել եւ զարմացնել իր տարատեսակությամբ եւ ինքնատիպությամբ։ Տարին, որը հետեւում է թողնում իր հետքերը, գավաթները լցնում է ոչ միայն հիասքանչ գինիներով, այլեւ հարուստ պատմությամբ, ավանդույթներով եւ նորարարություններով։  NEWS.am STYLE-ի «գինագետ» Լիանա Աղաջանյանը ամփոփում է 2023թ. ամենալավ եւ ամենագրավիչ գինիների արդյունքները, որոնք Հայաստանի գինու համապատկերի մեջ նոր վառ երանգներ եւ տպավորություններ են ավելացրել։

Գինու հայ վարպետների ձեռքբերումներն այս տարի արժանացել են ոչ միայն խոշոր գինեգործական ասոցիացիաների եւ փորձագետների ուշադրությանը, ալև երեք գինիներ 2023-2024թթ. ընտրվել են Carnival գինու ծրագրի համար։ Դրանք այժմ հասանելի են Carniva լայներների ընտիր բարերում եւ ռեստորաններում։ Առաջին դեպքն է, երբ հայկական գինին ներկայացվելու է խոշոր զբոսաշրջային ընկերության լայներներում։ Այնուհետեւ, այս տարվա մարտին Waters Edge Wineries ամերիկյան ընկերությունը ներկայացրեց գինիների հազվադեպ հավաքածու Հայաստանից, արդեն ապրիլին վեց հայկական գինիներ մեդալներ ստացան Լոս Անջելեսի գինու միջազգային մրցույթում։ Բացի այդ, ամբողջ տարվա ընթացքում Forbes ամսագիրը հայկական գինեգործությանը նվիրեց մի քանի հոդվածներ եւ քանիցս հիշատակեց Հայաստանը որպես գինու երկիր, որն ունի ուշադրության կենտրոնում հայտնվելու բոլոր հնարավորությունները, ինչպես նաեւ հայկական փրփրուն գինին ներառեց 2023թ. լավագույն գինիների տասնյակում։

Տոների կայունություն, շուկայի զարգացում, ցուցահանդեսներ եւ այլ միջոցառումներ, որոնք թույլ են տալիս հայ գինեգործներին հայտարարել իրենց մասին. տարին, թերեւս, այս իմաստով ամենաարդյունավետն էր։

Ո՞վ աչքի ընկավ այս տարի

«Գինու շուկան Հայաստանում 2023թ. կայուն, համառ, ակտիվ քայլերով առաջ ընթացավ։ Շատ նորույթներ ստեղծվեցին, ե՛ւ նոր բրենդների հայտնվելու տեսակետից, ե՛ւ կիրառվող տեխնոլոգիաների առումով մենք բավական առաջընթաց ենք ունեցել»,- ասել է Երեւանում սիրված գինիների վայր հանդիսացող «Dalan» ռեստորանի սոմելյե Լիլյա Հովսեփյանը։ «Այս տարի հատկապես ակտիվ դրսեւորվեցին փոքրիկ ընտանեկան գինեգործարանները, օրինակ՝ Marnoova-ն, Krya-ն, որոնք աշխատում են ոչ առաջին տարին, բայց շատ հետաքրքիր սպիտակ գինի են արտադրել՝ Dove Kanyon. ցուցակը շատ երկար կլինի»։

Ինչ վերաբերում է տեխնոլոգիաներին, ապա, օրինակ, կարբոնական խոնավացումը (մացերացիա)՝ որպես մի ինչ-որ հատուկ տեխնոլոգիա, ներկայացվել է Gevorkian Winery շուկայում. նրանք թողարկել են Ariats Carbonic Karasi սպիտակ եւ կարմիր գինիների շարք։

Տեխնոլոգիան ենթադրում է խաղողի որթերի խմորման գործընթաց անաերոբ միջավայրում, այնպիսի տարողություններում, որոնք լի են ածխաթթու գազով։ Ոնց նայում ես՝ ուզում ես փորձել։

Այս տարի սկսել են ակտիվորեն փորձարկել petnat, եւ հիմա հայկական շուկան կարող է հպարտանալ ոչ միայն Gevorkian-ների հիանալի պետնատերով, այլեւ Tushpa Lalvari շքեղ պետնատով, որի շնորհանդեսը բաժին ընկավ այս տարվա վերջին ամսին։

Գինին ստեղծվել է անսեստրալ հնագույն մեթոդով՝ ձեռքով հավաքված Տավուշի մարզի Լալվարի խաղողից։ Այս տարի Tushpa Winery-ն թողարկել է 3 տեսակ պետնատ Լալվարի, Բանանց եւ Թոզոտ տեսակներից։

Alexandrea Winery-ն նույնպես մատնանշել են գինու շատ փորձագետներ, դա կուպաժավորված գինի է Շարդոնե եւ Ոսկեհատ ազնվատեսակներից, որը գերել է շատ մարդկանց սրտերը, այն կայուն զբաղեցնում է առաջին տեղերը «Տարվա լավագույն հայկական սպիտակ գինի» անվանակարգերում։ Ֆերմենտացված եւ չժանգոտվող պողպատից պահեստարաններում եւ հայկական կաղնեփայտե տակառներում թնդեցված այս գինին կատարյալ կերպով հավասարակշռում է ցիտրուսայինների եւ կանաչ խնձորի գունահամերը՝ ստացված խաղողից, եւ ծխեցված շագանակը, որն ստացվել է հայկական կաղնուց։ Գինին ստացել է նաեւ 2023թ. Decanter World Wine Award մեդալը։

«Այս ամառվա գլխավոր գինին է՝ համալիր, երկարատեւ, էլեգանտ, իսկապես ամառային»,- Ինսթագրամի իր հրապարակման մեջ այսպես է նկարագրել Malahi Wines-ի Malahi Rose գինին գինու փորձագետ Եվգենյա Խավտորինան։ Գինին Սեւ Արենի տեսակի խաղողից է, որը շշալցվել է ընդամենը մեկ տակառից՝ 300 շիշ չափով։

Հայաստանում անցած տարին երկրի գինեգործական ճանապարհին մի ինչ-որ կախարդական եւ հուզիչ բան է ավելացրել։ Յուրաքանչյուր խաղողի թփում, յուրաքանչյուր տակառում թաքնված է կրքի եւ նվիրվածության պատմություն՝ հյուսված գինու էլեգիայի հրաշագործ կտավով։ Այս տարին, անկասկած, կարելի է անվանել նշանակալի հայկական գինեգործական արդյունաբերության համար։ Յուրաքանչյուր ումպի հետեւում աշխատանք, վարպետություն եւ համարձակ փորձարկումների պատրաստակամություն կա։ Այս ընթացքում ներկայացված գինիները պարզապես ըմպելիքներ չեն, դրանք կենդանի պատում են հողի, խաղողի այգիների եւ գինեգործների մասին, որոնք կարողանում են համահունչ խոսել բնության հետ։

Սակայն այս տարվա բացահայտումները միայն ավարտված գլուխները չեն, այլեւ Հայաստանի գինու տարեգրության նոր հատորների հեռանկարները։ Սա սկիզբ է, որը խոստանում է մի ինչ-որ ավելի մեծ բան՝ ավանդույթների համադրում արդիականության, անցյալի համադրում ապագայի հետ։ Դա ոգեշնչում է նրանց համար, ովքեր պատրաստ են հետազոտել, համարձակ ստեղծել եւ աճեցնել ապագայի խաղողի ոստերը։

Հայաստանը, բարձրացնելով գավաթը, պատրաստվում է իր գինեգործական ասքի հաջորդ արարին։ Նա, ով սեւեռուն հետեւում է գինու համապատկերին, զգում է, որ լավագույնը դեռ առջեւում է։ Այս տարին ընդամենը ոտնահետք էր գինեգործական արվեստի բարձր գագաթներ տանող ճանապարհին։

Լիանա Աղաջանյան

Հետևեք NEWS.am STYLE-ին Facebook-ում, Twitter-ում և Instagram-ում