• Six Senses առողջարանային ցանցը Դուբայում կառուցում է աշխարհի ամենաբարձր բնակելի աշտարակը

  Six Senses-ը, որը հանդիսանում է IHG Hotels & Resorts-ի, ինչպես նաեւ Select Group-ի շքեղ հյուրանոցների պորտֆելի մի մասը, նախատեսում է բացել Six Senses Residences Dubai Marina-ն․․․

• «Ապակիների լողացող թանգարանը» եզակի կառույց է, որը կբարձրացնի բնապահպանական խնդիրների մասին իրազեկվածությունը

  Luca Curci Architects-ն օգտագործում է աշխարհի ամենափխրուն նյութերից մեկը՝ կլիմայի փոփոխության մասին հայտարարություն անելու համար․․․

• Dolce & Gabbana-ն հրապարակել է Մայամիում գտնվող իրենց երկնաքերի նկարները

  Dolce & Gabbana-ն հրապարակել է Մայամիում գտնվող երկնաքերի պատկերները, որոնք ստեղծվել են Նյու Յորքի ճարտարապետական ​​ստուդիայի Studio Sofield-ի հետ համատեղ…

• Ինչ տեսք կունենա «Կարլ Լագերֆելդի» շքեղ բնակելի համալիրը Դուբայում

  Հրապարակվել են Դուբայի շքեղ վիլլա համալիրի առաջին լուսանկարները, որը կկրի հանգուցյալ մոդելավորող Կարլ Լագերֆելդի անունը․․․

• Աբու Դաբին նախատեսում է դրախտ ստեղծել գեյմերների համար. աշխարհում առաջին կիբեռսպորտի կղզին

  Աբու Դաբին գնում է Սաուդյան Արաբիայի հետքերով և նախատեսում է ստեղծել աշխարհում առաջին eSports կղզին, որն ընդգրկում է 500,000 քառակուսի մետր տարածք, որը խաղային դրախտ կլինի ամբողջ աշխարհի խաղացողների համար...

• Բարսելոնայի Sagrada Familia Basilic-ի շինարարությունը նախատեսվում է ավարտել 2026 թվականին

  Բարսելոնում Sagrada Familia Basilica-ի շինարարությունը նախատեսվում է ավարտել 2026 թվականին, այսինքն՝ առաջին քարը դնելուց 144 տարի անց...

• Երկնաքերի գագաթին կառուցված $20 միլիոն արժողությամբ առանձնատան սեփականատերը գուցե երբեք չկարողանա այնտեղ ապրել

  Այս «երկնային» առանձնատունը ավելի քան 40 000 քառակուսի ոտնաչափ է երկու հարկով, ուղղաթիռի հարթակով, փարթամ այգիներով, լողավազանով և 360 աստիճան դիտահարթակով, գտնվում է Հնդկաստանի Բանգալոր քաղաքում 33 հարկանի շքեղ բնակելի համալիրի տանիքում...

• Հայտնի ճարտարապետ Նորման Ֆոսթերը նախատեսում է կառուցել 1 միլիարդ դոլար արժողությամբ պարուրաձև աշտարակ՝ ծածկված կանաչով

  Հայտնի ճարտարապետ Նորման Ֆոսթերը ներկայացրել է Լոս Անջելեսում 1 միլիարդ դոլար արժողությամբ նոր գրասենյակային աշտարակ կառուցելու պլանը, որը կունենա կանաչապատ ֆասադ...

Անցյալ տարին գերազանց տարի էր ճարտարապետության համար, քանի որ Հնդկաստանում բացվեց աշխարհի ամենամեծ գրասենյակային շենքը, իսկ Մալայզիայի Merdeka 118-ը դարձավ երբեւէ կառուցված երկրորդ ամենաբարձր երկնաքերը, հաղորդում է CNN-ը:

Սակայն 2023 թվականը նաեւ ճարտարապետական ​​նրբագեղության տարի էր. մանրակրկիտ ձեւավորված չինական գիշերօթիկ դպրոցը ճանաչվել է տարվա համաշխարհային շենք, իսկ բրիտանացի ճարտարապետ Դեյվիդ Չիպերֆիլդը արժանացել Պրիցկերի մրցանակին, որը համարժեք է Նոբելյան մրցանակին։

Գալիք տարին, ամենայն հավանականությամբ, կբերի համարձակի եւ գեղեցիկի նման համադրություն: Ահա 5 ճարտարապետական ​​նախագծեր, որոնք կփոխեն աշխարհը 2024 թվականին.

Ուղղահայաց անտառ, Նանջինգ, Չինաստան

Միլանում գտնվող Bosco Verticale-ը (կամ «Ուղղահայաց անտառը») բացումից ի վեր՝ գրեթե մեկ տասնամյակ առաջ, դարձել է կանաչ դիզայնի խորհրդանիշ: Սակայն ճարտարապետ Ստեֆանո Բոերիի համար բնակելի նախագիծը միայն սկիզբն էր:

«Քաղաքային անտառտնտեսության համաշխարհային արշավ» սկսելու նպատակով «Բոերի» ընկերությունը սկսեց ծրագրեր իրականացրել Եվրոպայում եւ դրա սահմաններից դուրս: Վերջինը՝ Չինաստանի նախկին մայրաքաղաք Նանջինգում է իրականացվել եւ կներառի մոտ 800 ծառ եւ ավելի քան 2500 թուփ ու բույսեր, որոնք կտեղադրվեն խնամքով ձեւավորված պատշգամբներում:

«Ուղղահայաց անտառը», որը բաղկացած է երկու աշտարակից, որոնցից մեկի բարձրությունը 200 մետր է, կներառի գրասենյակներ, թանգարան եւ հյուրանոց, որի վերջին հարկում կլինի լողավազան։ «Բոերի» ընկերությունը հայտարարել է, որ շենքից դուրս աճող 27 բնիկ բուսատեսակները կօգնեն պահպանել կենսաբազմազանությունը եւ նվազեցնել ածխաթթու գազի արտանետումները տարեկան մոտ 18 տոննայով:

Keppel South Central, Սինգապուր

Հեռավոր աշխատանքի եւ գրասենյակ վերադառնալու անհրաժեշտության դարաշրջանում ճարտարապետները վերանայում են կորպորատիվ աշխատանքային տարածքների դերը մարդկանց կյանքում: Այսպիսով, Սինգապուրի առաջիկա Keppel South Central աշտարակի բնակիչները կարող են ավելի շատ մոտիվացված կերպով հրաժարվել տնային գրասենյակից՝ առատ կանաչ տարածքի եւ ընդարձակ բացօթյա լողավազանի շնորհիվ:

Հարավարեւելյան Ասիայի փոքրիկ երկրում կանաչ պլանավորման օրենքները պահանջում են, որ մշակողները նոր բարձրահարկ շենքեր կառուցելիս տարածք հատկացնեն կանաչապատման համար, իսկ 33-հարկանի աշտարակի դիզայնը ընդգծված է տանիքի կանաչ պատշգամբներով: 

Տանիքին տեղադրված արեւային մարտկոցները եւ անձրեւաջրերի ընկալման համակարգերը հաստատում են ​​NBBJ ընկերության համարձակ պնդումն այն մասին, որ շենքը կդարձնի «Սինգապուրի գրասենյակային շենքերի ամենակայուն նախագծերից մեկը»:

One Zaabeel, Դուբայ, ԱՄԷ

Արաբական Միացյալ Էմիրությունները, որտեղ գտնվում է աշխարհի ամենաբարձր շենքը, հասել է կառուցվածքային նախագծման եւս մեկ ուղենշային նվաճման․ 226 մետր երկարությամբ, 9500 տոննա կշռող երկնային կամուրջը, որը հայտնի է որպես Link, կանգնեցվել է Դուբայի բանուկ մայրուղու վրա՝ 2020 թվականին: Այն միացնում է երկու երկնաքեր, որոնք ճապոնական Nikken Sekkei ընկերության կողմից ներկայացված են, որպես One Zaabeel նախագծի «հայր եւ որդու» աշտարակներ։ Այն նախատեսվում է բացել հաջորդ ամիս:

Նախագծի հիմնական աշտարակներում տեղակայված են բնակելի շենքեր, գրասենյակային տարածք եւ հյուրանոց, իսկ համալիրի 100 մետր բարձրությամբ հորիզոնական հատվածում կտեղակայվեն ռեստորաններ, գեղեցիկ տեսարանով լողավազան եւ դիտահարթակներ՝ քաղաքի եւ Արաբական ծոցի տեսարանով:

Kunstsilo, Kristiansand, Նորվեգիա

Հարավային Նորվեգիայի Քրիստիանսանդ շրջանում հացահատիկի պահեստը դատարկ էր մնացել, քանի որ տեղական գործարանը 370 տարի շարունակական աշխատանքից հետո 2008 թվականին փակվել էր: Սակայն տեղական իշխանությունները հրամայեցին պահպանել շահագործումից հանված պատմական կառույցը, եւ հայտարարվեց մրցույթ, որին մասնակցում էին ավելի քան 100 ճարտարապետական ​​ընկերություններ, կոչ անելով նորից պատկերացնել տարածքը որպես արվեստի պատկերասրահ:

Mestres Wåge Arquitectes-ը եւ MX_SI-ն առաջարկել են անձեռնմխելի թողնել պահոցի արտաքին տեսքի մեծ մասը: Ներսում, սակայն, ներքին պահեստային տարածքները վերակազմավորվել են՝ տեղավորելու 3000 քառակուսի մետր ցուցադրական տարածք, վերեւի լուսավորությամբ, որը լուսավորում է տարածքը կառույցի գլանաձեւ բետոնե «բջիջների» միջոցով:

Ժամանակին մինչեւ 15,000 տոննա հացահատիկ պահելու հնարավորություն ունեղող Կունսսիլոն այժմ, ի թիվս այլ բաների, կտեղակայի սկանդինավյան արվեստի աշխարհի ամենամեծ մասնավոր հավաքածուն, որը հավաքել է արվեստի հովանավոր Նիկոլայ Տանգենը, ով ծագումով Քրիստիանսանդից է:

Populus հյուրանոց, Դենվեր, ԱՄՆ

265 սենյականոց Populus հյուրանոցը, որը բացվել է այս ամառ Կոլորադոյի Դենվեր քաղաքում, բնությամբ ոգեշնչված կամ «բիոֆիլ» դիզայնի նոր մոտեցում է: 

Populus-ի սեփականատեր Urban Villages-ը հյուրանոցը նկարագրում է որպես ԱՄՆ-ում առաջին ածխածնային պոզիտիվ հյուրանոց: Ըստ New York Times-ի՝ անվանման հիմքում ընկած է ոչ միայն ցածր էներգիայի նախագծման առանձնահատկությունները, այլեւ հազարավոր ակր անտառներ տնկելու խոստումը:

Հետևեք NEWS.am STYLE-ին Facebook-ում, Twitter-ում և Instagram-ում