Universal Orlando Resort-ը կառուցում է աշխարհի ամենահետաքրքիր եւ ամենասպասված թեմատիկ այգիներից մեկը՝ Universal Epic Universe-ը: Ծրագրերը տարիներ շարունակ փակ են պահվել, սակայն Universal Orlando-ն հրապարակել է ապագա թեմատիկ այգու մասին առաջին պաշտոնական մանրամասները:
«Universal Epic Universe-ը մեծ փոփոխությունների նշանակություն ունի Universal Orlando Resort-ի համար»,-ասվում է Universal Orlando-ի նախագահ եւ գլխավոր գործառնական տնօրեն Կարեն Իրվինի հայտարարության մեջ, որը մեջբերում է USA TODAY-ը: «Սա կլինի մեր ապշեցուցիչ աճի հուզիչ գագաթնակետը վերջին 30 եւ ավելի տարիների ընթացքում, եւ Universal Orlando-ն կվերածի մեկշաբաթյա հանգստավայրի՝ լի ամենահետաքրքիր փորձառություններով, որոնք կարելի է պատկերացնել»:
Ահա, թե ինչ կարող են ակնկալել երկրպագուները Universal-ի չորրորդ այգուց, որը գտնվում է Ֆլորիդայում:
Epic Universe զբոսայգում կներկայացվեն հինգ նոր աշխարհներ՝ «ավելի քան 50 տպավորիչ տեսարժան վայրերով, զվարճանքներով, ճաշարաններով եւ խանութներով»:
«Երկնային զբոսայգին» կլինի առաջին կետը, որտեղ հյուրերը կժամանեն։ Կլինեն հանգստացնող այգիներ, «խոնավ խաղահրապարակ», մեծ կարուսել եւ Starfall Racers, 5000 ոտնաչափ երկարությամբ եւ 62 մղոն/ժ արագությամբ ամերիկյան «գորկի»։ «Երկնային զբոսայգին» նաեւ կծառայի որպես դարպաս դեպի «Էպիկական Տիեզերքի» չորս այլ աշխարհներ, որոնք հասանելի կլինեն թեմատիկ պորտալների միջոցով:
«Մութ Տիեզերքը» կուրախացնի Universal-ի հայտնի «Հելուինի սարսափելի գիշերների» երկրպագուներին: Universal-ն ասում է, որ հյուրերը կարող են ակնկալել ամեն ինչ՝ «դոկտոր Վիկտոր Ֆրանկենշտեյնի փորձերից մինչեւ մութ լանդշաֆտ, որտեղ հրեշները շրջում են առասպելների եւ առեղծվածների աշխարհում»: Այցելուները Epic Universe-ի «Մութ տիեզերք»-ում կհայտնվեն «Երկնային զբոսայգու» պորտալի միջոցով:
«Ինչպես ընտելացնել վիշապին» աշխարհը հնարավորություն կտա ֆրանշիզայի երկրպագուներին էկրանին սավառնել սիրելի վիշապների հետ:
Super Nintendo World-ը, որի դեբյուտը ԱՄՆ-ում կայացել է անցած տարի եւ անցկացվել Universal Studios Hollywood-ում, հյուրերին կգրավի երկրպագուների կողմից սիրված տեսախաղերով, որտեղ նրանք կարող են վայելել Մարիոյի, Արքայադուստր Փիչի եւ մյուսների արկածները:
Հարի Փոթերի կախարդական աշխարհը՝ «Կախարդության նախարարությունը», կլինի «միանգամայն նոր երկիր, որը հայտնի ֆիլմաշարը կմիավորի Warner Bros.-ի «Ֆանտաստիկ գազաններ» ֆիլմերի՝ 1920-ականների կախարդական Փարիզի հետ»:
Universal Helios Grand Hotel-ը կտեղակայվի Epic Universe-ի ներսում՝ «Երկնային զբոսայգու» վերջում: Այն կունենա 500 սենյակ եւ սեփական մուտք դեպի այգի։
Universal-ը դեռ չի հայտարարել Epic Universe-ի բացման ամսաթիվը, սակայն հայտնում է, որ այն կբացվի 2025 թվականին:
Հետևեք NEWS.am STYLE-ին Facebook-ում, Twitter-ում և Instagram-ում
23:35, 21 մայիսի
Կաննում կայացել է Վաչե Թովմասյանի մասնակցությամբ «Անորա» ամերիկյան ֆիլմի ցուցադրությունը23:24, 21 մայիսի
Մարտին Սկորսեզեն դստեր հետ հայտնվել է TikTok-ի հումորային տեսանյութում22:29, 21 մայիսի
Ամերիկուհին, ով պնդում է, որ ամուսնացել եւ բաժանվել է ուրվականից, այժմ որդեգրել է «դիվահար» ծաղրածուի21:04, 21 մայիսի
Wine Story. Ոչ ալկոհոլային գինիներ՝ այս տարվա թրենդը20:24, 21 մայիսի
Անահիտ Սիմոնյանի համարձակ զգեստն ու Ադելի «Easy on me» երգի cover-ը՝ երգչուհու մեկնաբանությամբ (ֆոտո/վիդեո)19:22, 21 մայիսի
«Կարիբյան ծովի ծովահենների» պրոդյուսերը ցանկանում է վերադարձնել Ջոնի Դեփին16:25, 21 մայիսի
Մադոննան հարգանքի տուրք է մատուցել իր «հավերժական մուսա» Ֆրիդա Կալոյին15:23, 21 մայիսի
Jimmy Choo-ն ներկայացրել է Մոխրոտի «բյուրեղյա կոշիկները», որոնց արժեքը 4200 եվրո է14:37, 21 մայիսի
Սքարլեթ Յոհանսոնը ցնցված է արհեստական ինտելեկտի chatbot-ից, որն իր ձայնի նմանակումն է13:50, 21 մայիսի
«Ակվամեն»-ի աստղ Ջեյսոն Մոմոան նոր սեր է գտել13:16, 21 մայիսի
Նիհարած Քրիստինա Ագիլերային կասկածում են Օզեմպիկ օգտագործելու մեջ12:10, 21 մայիսի
Yerevan Gastronomic Days. Հայաստանը՝ համաշխարհային մակարդակի գաստրոնոմիական հարթակ