• Ռիհաննան՝ 20 000 դոլար արժողությամբ Alaïa վերարկուով

  Ռիհաննան Նյու Յորքում կայացած 11-րդ Daily Front Row Fashion Media Awards-ի շրջանակում իր վրա է գամել բոլորի ուշադրությունը․․․

• Ջենիֆեր Լոպեսն իր նախկին ամուսնու՝ Բեն Աֆլեքի ֆիլմի աստղային պրեմիերային կրել է շլացնող զգեստ

  Ջենիֆեր Լոպեսը ապշեցնող զգեստ է կրել իր նախկին ամուսնու՝ Բեն Աֆլեքի Unstoppable ֆիլմի աստղային պրեմիերային, որտեղ նա հանդես է եկել գլխավոր դերում․․․

• Սելենա Գոմեսը պաշտոնապես միլիարդատեր է դարձել

  Սելենա Գոմեսը միլիարդատիրոջ կարգավիճակ է ստացել 32 տարեկանում՝ մի շարք իմաստուն բիզնես որոշումների եւ քրտնաջան աշխատանքի շնորհիվ…

• Սելենա Գոմեսի սիրելին կիսվել է իր տարօրինակ պեդիկյուրի լուսանկարներով, որոնք սարսափեցրել են երկրպագուներին

  Սելենա Գոմեսի սիրելին՝ Բենի Բլանկոն, կիսվել է իր տարօրինակ պեդիկյուրի լուսանկարներով, որոնք սարսափեցրել են երկրպագուներին․․․

• ArmenՅԱՆs. Դավիթ Սարգսյանը՝ Ջորջ Քլունիի եւ Բրեդ Փիթի հետ «Գայլերը» ֆիլմում նկարահանվելու եւ Փիթի վրա «զենք պահելու» մասին

  Մեր հայրենակիցներից քչերին է հայտնի, որ ֆիլմում մասնակցություն է ունեցել նաեւ ամերիկաբնակ հայազգի դերասան Դավիթ Սարգսյանը․․․

• Լեդի Գագան պատմել է փեսացուի՝ Մայքլ Պոլանսկու հանդեպ իր սիրո մասին

  Լեդի Գագան պատմել է փեսացուի՝ Մայքլ Պոլանսկու նկատմամբ իր սիրո եւ այն մասին, թե ինչպես է նա օգնել իրեն հաղթահարել իր կյանքի մութ շրջանը, երբ ինքը պայքարում էր հոգեկան առողջության խնդիրների հետ…

• Գորդոն Ռեմզին ցուցադրել է իր տպավորիչ որովայնը եւ բազկի մկանները

  Հայտնի խոհարար Գորդոն Ռեմզին մերկացել է Men's Health UK ամսագրի ֆոտոշարքի համար․․․

• Քայլի Ջենների կապույտ մազերը խենթացրել են երկրպագուներին

  Քայլի Ջենները ցուցադրել է կապույտ մազերով շքեղ սանրվածքը՝ խենթացնելով իր երկրպագուներին…

Facebook-ի գործադիր տնօրեն Մարկ Ցուկերբերգը տարված է Հռոմի կայսր Օգոստոսով։ Դա արտահայտվում է նույնիսկ նրա սանրվածքում։ Մարկ Ցուկերբերգը ցանկանում է նմանվել հռոմեացի կայսրին։

Դեռեւս 2018 թվականին Ցուկերբերգը The New Yorker-ին ասել էր, որ սկսել է լատիներեն սովորել ավագ դպրոցում՝ Նյու Հեմփշիրի Ֆիլիպս Էքսեթերի ակադեմիայում։ Հենց այդ ժամանակ նրան սկսեց հեռտաքրքրել Հին Հռոմը:

«Կարծում եմ՝ Օգոստոսը պատմության ամենահետաքրքիր դեմքերից մեկն է»,-The New Yorker-ին ասել է Ցուկերբերգը,-«Ըստ էության, շատ կոշտ մոտեցման միջոցով նա երկու հարյուր տարվա խաղաղություն հաստատեց ամբողջ աշխարհում»:

Օգոստոսը բազմաթիվ նվաճումներ է կատարել․ Եգիպտոս, Հյուսիսային Իսպանիա եւ Կենտրոնական Եվրոպայի մեծ մասը: Նա սպանել է մարդկանց։ Նա վտարել է իր՝ իբր ամբարոյական դստերը։ Նրա ժառանգները խորհրդավոր կերպով մահացել են։

«Մի կողմից, համաշխարհային խաղաղությունը երկարաժամկետ նպատակ է, որի մասին այսօր մարդիկ խոսում են: Երկու հարյուր տարին անհասանելի է թվում: Մյուս կողմից՝ ամեն ինչ իր գինն ունի, եւ նա ստիպված էր որոշակի բաներ անել»,-նշել է Ցուկերբերգը, ով իր երկրորդ դստերն անվանել է Ավգուստա:

Նա իր մեղրամիսն անցկացրել է Հռոմում, իսկ կինը՝ Պրիսցիլա Չանը, ասել է, որ ներկա են եղել երեք մարդ՝ իրենք եւ Օգոստոսը: «Բոլոր լուսանկարներում կային Օգոստոսի տարբեր քանդակներ»,-ասել է Facebook-ի հիմնադիրը։

Ակնհայտ է, որ Ցուկերբերգը ընդօրինակում է հռոմեական տիրակալին։ Բայց որքանո՞վ են նրանք նման: Mashsable պորտալը գնահատել է նրանց նմանությունը հինգ կատեգորիաներում՝ կենդանակերպի նշան, երիտասարդության շրջան, իշխանության վերելք, ընդհանուր մթնոլորտ եւ ժողովրդականություն, ինչպես նաեւ՝ նրանց տեւական ազդեցությունն աշխարհի վրա: Յուրաքանչյուր կատեգորիան գնահատվում է մեկ միավոր:

Կենդանակերպի նշանը

Օգոստոսը ծնվել է մ.թ.ա. 63 թ-ի սեպտեմբերի 23-ին, այսինքն՝ համաստեղությամբ Կշեռք է: Մարկը Ցուլ է, ծնվել է 1984 թվականի մայիսի 14-ին։ Նրանց նշաններն առանձնապես համատեղելի չեն: Նրանց միակ ընդհանրությունը ընդհանուր տիրակալ Վեներան է, որը նրանց դարձնում է արվեստի, շքեղության ու ռոմանտիկայի սիրահար։ Օգոստոսը ծնվել է Հռոմում, մինչդեռ Ցուկերբերգը՝ Նյու Յորքի Ուայթ Փլեյնսում՝ շատ ավելի քիչ դյութիչ վայրում, ինչը նրանց դարձնում է տարբեր աշխարհներ՝ թե աստղագուշակով, թե աշխարհագրական առումով:

Գնահատականը՝ 0

Ընդհանուր՝ 0/5

Երիտասարդություն

Ե՛վ Օգոստոսը, եւ՛ Ցուկերբերգը սովորել են իրենց արհեստը վաղ տարիքից: Ցուկերբերգի հայրը մասնավոր դաստիարակ է վարձել, որպեսզի նա նրան սովորեցնի ծրագրավորում, իսկ ավագ դպրոցում նա ստեղծել է «ZuckNet» ծրագիրը, որը միացնում էր բոլոր իրենց տան եւ հոր ատամնաբուժարանի համակարգիչները: Նա նաեւ ստեղծել է Synapse Media Player անունով երաժշտական ​​նվագարկիչը, որը նման է Spotify-ի ավելի վաղ տարբերակին:

15 տարեկանում Օգոստոսը կատարել է մի արարողություն, որը նրան տղամարդ է դարձրել օրենքի աչքում, եւ նա ընտրվել է Պոնտիֆիկոսների գործընկերության անդամ՝ պետական ​​մարմին, որն, ի թիվս այլ պարտականությունների, պատասխանատու է հանրային եւ մասնավոր զոհաբերությունների համար: Հաջորդ տարի նա ստանձնել է հռոմեական խաղերի ղեկավարությունը։

Գնահատականը՝ 1

Ընդհանուր՝ 1/5

Իշխանության վերելք

Ե՛վ Ցուկերբերգը, եւ՛ Օգոստոսն իրենց իշխանությունը ձեռք են բերել սովորելու ընթացքում. առաջինը գործարկել է Facebook-ը Հարվարդում սովորելիս, իսկ երկրորդն իր տեղն է հաստատել որպես գահաժառանգ Իլիրիայում սովորելու եւ ռազմական պատրաստություն անցնելու ժամանակ։ Նրանք երկուսն էլ վաղ շրջանում բախվել են որոշակի դիմադրության՝ Ցուկերբերգը՝ համահիմնադիրների կողմից, իսկ Օգոստոսը՝ Մարկոս Անտոնիոսի: Այստեղ տարբերությունն այն է, որ բոլորը գիտեին, որ Օգոստոսը, ի վերջո, դառնալու էր «մեծ շեֆը», մինչդեռ Ցուկերբերգը դիտվում էր որպես խելագար, ով ցանկանում էր վերամշակել MySpace-ը:

Գնահատականը՝ 1

Ընդհանուր՝ 2/5

Ընդհանուր մթնոլորտ եւ ժողովրդականություն

Մարդիկ հարգում էին Օգոստոսին։ Երբ նա մահացավ, նա հռչակվեց աստված: Նա չուներ իր ազգականի՝ Հուլիոս Կեսարի հմայքն ու խարիզման, բայց նրա բարեփոխումները նրան հռոմեացիների կողմից շատ սիրված էին դարձրել: Նա Հռոմը հանրապետությունից վերածեց կայսրության, խաղաղություն բերեց Հռոմին, եւ սահմանադրական, եւ ֆինանսական բարեփոխումներ կատարեց, որոնք նրան մեծ ժողովրդականություն բերեցին։

Մարդիկ չեն սիրում Մարկ Ցուկերբերգին. Z սերնդի շրջանում հարցվածների միայն 23 տոկոսն է Ցուկերբերգին վստահելի համարել, իսկ Pew Research Center-ի ուսումնասիրության համաձայն՝ բոլոր ամերիկացիների 77 տոկոսը «քիչ կամ բացարձակապես չի վստահում սոցիալական ցանցերի առաջնորդներին»: Մարդիկ չեն վստահում նրան, չեն կարծում, որ նա խարիզմատիկ է, նրա հոբբիները նյարդայնացնում են, իսկ նրա գործունեությունը ստիպում է մտածել՝ արդյոք այն չի՞ փչացնում այն բոլոր լավ բաները, որոնք մենք սիրել ենք:

Գնահատականը՝ 0

Ընդհանուր՝ 2/5

Ազդեցությունը՝ աշխարհի վրա

Ե՛վ Օգոստոսը, եւ՛ Ցուկերբերգը երկարատեւ ազդեցություն են ունեցել մեզ ծանոթ աշխարհի վրա: Իհարկե, սա ավելի հեշտ է ասել Օգոստոսի, քան Ցուկերբերգի դեպքում։ Նա կառավարել է ավելի քան կես դար, ստեղծել ինստիտուտներ եւ մոդել, որը գոյատեւել է դրանից 200 տարի հետո, Հռոմը հանրապետությունից վերածել է կայսրության՝ վերականգնելով խաղաղությունն ու բարգավաճումը եւ փոխելով հռոմեական կյանքի գրեթե բոլոր ոլորտները:

Ցուկերբերգը փոխել է ժամանակակից կյանքի գրեթե բոլոր ասպեկտները: Թեեւ վիճելի է՝ արդյոք սա փոփոխություն է դեպի լավը․ մենք չենք կարող անտեսել այն փաստը, որ մենք շփվում ենք, աշխատում, քվեարկում, մասնակցում հասարակության քննարկումներին, սիրում եւ ապրում ենք այլ աշխարհում՝ շնորհիվ Ցուկերբերգի ստեղծած սոցիալական մեդիայի էկոհամակարգի:

Գնահատականը՝ 1

Ընդհանուր՝ 3/5

Ի վերջո, նրանք ինչ-որ չափով նման են: Նրանք երկուսն էլ առաջնորդներ են, ովքեր վաղ են սկսել իրենց ուղին եւ սարսափելի ուժ ունեն: Պորտալի հաշվարկներով Մարկ Ցուկերբերգը 60 տոկոսով է համապատասխանում Օգոստոսին, բայց դեռ բարելավման տեղ ունի։ 

Հետևեք NEWS.am STYLE-ին Facebook-ում, Twitter-ում և Instagram-ում