• Հում սխտորը կօգնի՞ պզուկների դեպքում

  «Հում սխտոր՝ պզուկների համար». գեղեցկության այս կասկածելի միտումը մեծ ժողովրդականություն է վայելում TikTok-ում…

• The Ordinary-ն ներկայացրել է նոր կատեգորիա՝ մարմնի խնամք

  Ապրանքանիշը ներկայացրել է երեք ապրանքների հավաքածու՝ սալիցիլաթթու պարունակող մարմնի շիճուկ, դեմքի եւ մարմնի էմուլսիա նիասինամիդով, եւ մարմնի լոսյոն ինուլինով, որոնցից յուրաքանչյուրը կվաճառվի 15 դոլարով կամ ավելի քիչ․․․

• Ինչպե՞ս ամռանը խնամել յուղոտ մաշկը

  Ամառային շոգը նպաստում է ավելորդ ճարպի և քրտինքի արտազատմանը։ Քաղաքային միջավայրում դրանց ավելանում է նաև մշտական աղտոտումը, և այդ շատ ծանոթ կպչուն զգացողությունը կարող է գրեթե անտանելի դառնալ: Vogue-ն առաջարկել է մաշկի. հատկապես յուղոտ մաշկի անցանկալի փայլը վերացնելու լավագույն միջոցներ և մեթոդներ....

• Մաշկի խնամքի միջամտություն՝ սաղմոնի սերմնահեղուկի ներարկմամբ․ այն փորձել է Քիմ Քարդաշյանը

  Վերջերս Քիմ Քարդաշյանն աշխարհին տեղեկացրել է, որ փորձել է մաշկի խնամքի միջամտություն՝ սաղմոնի սերմնահեղուկի ներարկմամբ․․․

• Style Beauty. Պե՞տք է, արդյոք, սափրել դեմքը. ամեն ինչ դերմապլանինգի մասին

  «Դերմապլանինգը»՝ դեմքի մազերի հեռացումը հատուկ բարակ ածելիի միջոցով, վերջերս «բյութի» բլոգերների եւ հայտնիների շնորհիվ կրկին արդիական է դարձել․․․

• Արեւայրուք՝ առանց արեւի ու տնից դուրս գալու

  Թեեւ արեւը դեռ շատ չի այրում հայաստանցիներին, մեզանից շատերն արդեն ցանկանում են արագ հագնել սարաֆաններ եւ շորտեր՝ ամառվա շունչը զգալու համար․․․

• Քենդալ Ջենները կիսվել է գեղեցկության իր գաղտնիքներով

  Քենդալ Ջենները կիսվել է գեղեցկության իր գաղտնիքներով եւ պատմել «Ֆրանսիական աղջկա գարնանային դիմահարդարման» համար ընտրած իր սիրելի ապրանքների մասին…

• Style beauty: Glass skin – մաշկի խնամքի հանրաճանաչ միտում, որով տարված է կանանց մեծամասնությունը

  Glass skin-ը խոնավացված և անթերի մաշկ է, որն այնքան փայլուն է, որ նման է ապակու...

Իհարկե, մեզանից շատերը ծանոթ են ճաքճքված շուրթերի խնդրին։ Այս տհաճ երեւույթի պատճառները բազմաթիվ են՝ սկսած եղանակից մինչեւ օրգանիզմում որոշակի վիտամինների պակաս: Հայկական շուկայում շուրթերի խնամքի միջոցների բազմաթիվ առաջարկներ կան՝ բալզամներ, դիմակներ, պատչեր։ NEWS.am STYLE-ը փորձել է մի շարք ապրանքներ եւ բացահայտել լավագույններն ու ամենաարդյունավետները։

Bepanthen Derma վերականգնող շուրթերի կրեմ

Bepanthen Derma վերականգնող կրեմը պարունակում է դեքսպանտենոլ (պրովիտամին B5), որն ապահովում է վնասված մաշկի արագ վերականգնումը եւ բարձրացնում դրա բնական պաշտպանությունը: Քսուքն առանց բուրմունքի է, ինչը այն դարձնում է իդեալական՝ զգայուն շուրթերի համար: Այն կարող է եւ պետք է օգտագործվի նաեւ որպես պաշտպանիչ հիմք՝ շրթներկ քսելուց առաջ։ Հատկապես հարմար է չոր, ճաքճքված, կոպիտ շուրթերի խնամքի համար։

Պրովիտամին B5-ը նպաստում է վերականգնման բնական գործընթացին եւ շուրթերի խոնավացմանը:

Արժեքը՝ սկսած 3000 դրամից։

Erborian Camellia Mask For Lips

Սա մեր ցուցակի ամենաթանկ ապրանքն է, սակայն պետք է խոստովանենք, որ այն լիովին արդարացնում է իր գինը (12000 դրամ)։ Այն պարունակում է 22 բաղադրիչ, այդ թվում՝ պեպտիդներ եւ վիտամին E, ինչպես նաեւ՝ շի յուղ եւ ճապոնական կամելիայի սերմի յուղ։ Դիմակը չի պարունակում ագրեսիվ սպիրտներ, սովորական ալերգեններ, բուրավետիչներ, պարաբեններ եւ սուլֆատներ։ Այն հիանալի կերպով պայքարում է չոր մաշկի դեմ, բուժում եւ խոնավեցնում է: Հիանալի սնուցվում է ցանկացած շրթներկի ներքո:

Tocobo շուրթերի բալզամ

Սա ներկայումս իմ սիրելի խնամքի միջոցներից մեկն է: Այս բալզամը լինում է ինչպես անգույն, այնպես էլ տարբեր բնական երանգներով, եւ ձեր շուրթերը ոչ միայն խնամված են դառնում, այլեւ ստանում են հաճելի բնական եւ հարուստ գույն։

Բալզամը մաշկի վրա ստեղծում է հարուստ երանգով փայլուն ծածկույթ, որը պաշտպանում է շուրթերը չորությունից եւ ճաքճքումից: Հալվող հյուսվածքն ամուր կպչում է մաշկին՝ առանց տարածվելու: Բուսական բաղադրությունը ներառում է սնուցող յուղեր, որոնք կանխում են ջրազրկումը, մաշկը խոնավ են պահում եւ փափկեցնում կոպիտ հատվածները: 

Բալզամը պարունակում է.

Արեւածաղկի ձեթ, որը հարուստ է ճարպաթթուներով եւ A, D, E վիտամիններով: Այն հանգստացնում է, կանխում ջրազրկումը եւ ունի հակաօքսիդանտ ազդեցություն:

Ձիթապտղի յուղ, որը պարունակում է կարոտինոիդներ եւ ճարպաթթուներ, պայքարում է շերտավորման եւ չորության դեմ, սնուցում եւ խոնավեցնում է:

Ադամանդի եւ ռուբինի փոշիները արտացոլում են լույսը՝ շուրթերին տալով շլացնող փայլ:

Ժոժոբայի յուղը արագացնում է բուժումը, կանխում է ջրազրկումը եւ մաշկի վնասումը:

Տոկոֆերոլը (վիտամին E) պայքարում է ազատ ռադիկալների կողմից բջիջների ոչնչացման դեմ, կանխում է կնճիռների առաջացումը, պահպանում է առաձգականությունն ու հարթությունը:

Արժեքը՝ սկսած 4900 դրամից։

Հնարքներ՝ NEWS.am STYLE-ից

«Տատական» շուրթերի արտադրանք՝ վազելինի տեսքով։ Խորհուրդ ենք տալիս վազելինը գնել հենց Vaseline ապրանքանիշից (արժեքը՝ սկսած 600 դրամից)։ Քնելուց առաջ հաստ շերտ քսեք շուրթերին։ Վազելինը իդեալական է մաշկի խոնավությունը պահպանելու համար։ Առավոտյան շուրթերը փափուկ, խոնավացած եւ խնամված կլինեն։ Կարող եք վազելին քսել շուրթերի խնամքի միջոցի վրա:

Մեղր. եթե ​​ալերգիա չունեք մեղրի նկատմամբ, ապա քնելուց առաջ դրա բարակ շերտը շուրթերին քսեք։ Հիմնական պայմանն այն է, որ մեղրը պետք է լինի 100% բնական։ Այն հիանալի փափկեցնում եւ խոնավեցնում է:

Հետևեք NEWS.am STYLE-ին Facebook-ում, Twitter-ում և Instagram-ում