• Միլիարդատեր Ջորջ Սորոսի որդու եւ ընկերուհու՝ Հումա Աբեդինի՝ որպես զույգ հանրային դեբյուտը կկայանա Met Gala-ի շրջանակում

  Միլիարդատեր Ջորջ Սորոսի որդին՝ Ալեքսը, եւ նրա ընկերուհին՝ Հումա Աբեդինը, որպես զույգ առաջին անգամ հանրությանը կներկայանան Met Gala-ի ժամանակ․․․

• Քիմ Քարդաշյանը պատրաստվում է նոր ֆոտոշարքի

  Քիմ Քարդաշյանը պատրաստվում է նոր ֆոտոշարքի․․․

• Քրիս Ջեններն իր կերպարանքով ամանորյա զարդ է ներկայացրել, որն արժե 82 դոլար

  Քրիս Ջեններն ամանորյա զարդ է ներկայացրել իր իսկ կերպարանքով...

• Լիզա Մորյակը՝ Սարիկ Անդրեասյանի հետ ամուսնության մասին. «Սեքսը ամուր հարաբերությունների հիմքն է»

  Սեքսը ամուր հարաբերությունների հիմքն է, նշում է դերասանուհի Լիզա Մորյակը՝ խոսելով ռեժիսոր Սարիկ Անդրեասյանի հետ իր ամուսնության մասին․․․

• Քենդալ Ջենները կիսվել է գեղեցկության իր գաղտնիքներով

  Քենդալ Ջենները կիսվել է գեղեցկության իր գաղտնիքներով եւ պատմել «Ֆրանսիական աղջկա գարնանային դիմահարդարման» համար ընտրած իր սիրելի ապրանքների մասին…

• «The View»-ն քննարկում է այն լուրերը, ըստ որոնց ԱՄՆ նախկին նախագահ Դոնալդ Թրամփը դատավարության ժամանակ «գազեր է բաց թողնում»

  The View հաղորդման վերջին դրվագում հաղորդավարուհիներից Սաննի Հոսթինը քննադատել է ԱՄՆ նախկին նախագահ Դոնալդ Թրամփին…

• Դեմի Մուրը երկրպագուներին հիացրել է իր չծերացող կազմվածքով

  Դեմի Մուրն ու իր երեք դուստրերը՝ Թալուլլան, Սկաուտը եւ Ռումերը, վայելում են ընտանեկան հանգիստը ծովափին…

• Հայտնի է դարձել Քիմ Քարդաշյանի եւ Օդել Բեքհեմ կրտսերի բաժանման պատճառը

  Հայտնի է դարձել Քիմ Քարդաշյանի եւ Օդել Բեքհեմ կրտսերի բաժանման պատճառը։ «Ամեն ինչ վերջացել է, հարաբերությունները պարզապես սպառվել էին»,-PEOPLE-ին հայտնել է աղբյուրը…

Թեյլոր Սվիֆթը Քիմ Քարդաշյանին իր նոր՝ The Troubled Poets Department ալբոմում երկու «դիս-թրեք» է նվիրել։ Ալբոմը ներառում է 15 երգ, որոնցից երկուսը նվիրված են Քիմին եւ նրա նախկին ամուսնու՝ Քանյեի Ուեսթի հետ Սվիֆթի վաղեմի տարաձայնություններին։

Սվիֆթը երգում է Էյմի անունով դպրոցական կռվարարի մասին, եւ թրեքը ոչ այնքան նրբանկատորեն հաստատում է, որ այդ մարդը «Քիմն» է:

«Երբ ես պատկերացնում եմ իմ հայրենի քաղաքը, այնտեղ քո բրոնզե արձանն է՝ ծածկված կեղծ արեւայրուքով, իսկ դրա ներքո հուշատախտակը: Դու սպառնում ես ինձ հրել մեր դպրոցի աստիճաններից ցած:

Այս ամբողջ ընթացքում, մինչ դու հարվածում էիր, ես ինչ-որ բան էի ստղծում: Եվ ես անհամբեր ուզում էի ցույց տալ, որ դա իրական է: Ուզում էի գոռալ՝ «Գնա գրողի ծոցը, Aimee»: Բայց ես չեմ կարող մոռանալ, թե ինչպես դու ստիպեցիր ինձ բուժվել»,- երգում է Սվիֆթը:

Բայց արտահայտությունը, որն, իսկապես, պայթեցրել է սոցիալական ցանցերը, հետեւալն է. «Չեմ կարծում, որ դու շատ ես փոխվել: Այդպիսով, ես փոխել եմ քո անունը եւ բոլոր իրական հուշումները, բայց մի օր քո երեխան կգա տուն ու կկատարի այս երգը: Եվ միայն մենք երկուսով կիմանանք, որ այն քո մասին է»։

Քիմին նվիրված երկրորդ դիս-թրեքը կոչվում է «Cassandra»։ Հունական դիցաբանության մեջ Ապոլոն աստվածը սիրահարված էր Կասանդրային: Ապոլոնը «մարգարեության զորությամբ օժտեց նրան, բայց երբ նա մերժեց իրեն, անիծեց»։ Սվիֆթը երկար ժամանակ հերքել է Քարդաշյանի այն պնդումը, թե ինքն է թույլ տվել Ուեսթին՝ իր «Famous» երգում գռեհիկ արտահայտություններ ներառել իր հասցեին։ «Այդպիսով, նրանք սպանեցին Կասանդրային, որովհետեւ նա վախենում էր ամենավատից եւ փորձեց պատմել քաղաքին: Նրանք օձերով լցրեցին իմ խուցը. ես սրա համար ափսոսում եմ: Հիմա հավատու՞մ եք ինձ»:

Օձի պատկերները առկա են Սվիֆթի «Reputation» ալբոմի վրա: Քարդաշյանը, եւ շատերը սոցիալական ցանցերում, Սվիֆթին օձ են անվանել 2016 թվականի տխրահռչակ հեռախոսազանգի արտահոսքից հետո:

Ի՞նչ էր տեղի ունեցել 2016-ին

Տարիներ անց այն բանից հետո, երբ Ուեսթը ընդհատել էր Սվիֆթին 2009 թվականի MTV Video Music Awards-ի բեմում, նրանք երկուսն էլ հաշտվել էին: Սվիֆթը, նույնիսկ, 2015 թվականին Ուեսթին շնորհեց MTV Video Vanguard Award մրցանակը։ Նրանց «ընկերությունը» համընկել է ռեփերի եւ Քարդաշյանի հարաբերությունների հետ, եւ եռյակը բազմաթիվ առիթներով լուսանկարվել է միասին։ Բայց նրանց բարեկամությունը փլուզվեց 2016 թվականին, երբ Ուեսթը նշեց Սվիֆթի անունը իր «Famous» երգում. «Ես զգում եմ, որ Թեյլորը եւ ես դեռ կարող ենք սեքսով զբաղվել։ Ինչո՞ւ։ Ես եմ այդ պոռնիկին հայտնի դարձրել»։ Ուեսթը պնդել է, որ ինքը Սվիֆթից թույլտվություն է ստացել երգի բառերը գրելու համար: Սվիֆթը խոստովանել է, որ իրենք զրուցել են, բայց «պոռնիկ» բառը երբեք չի քննարկվել։

Քարդաշյանը Snapchat-ում տեսանյութ էր հրապարակել, որտեղ առկա էր Ուեսթի եւ Սվիֆթի հեռախոսազրույցը, որում նա, կարծես, հավանություն է տալիս այս արտահայտությանը: Սվիֆթը, սակայն, պնդում էր, որ տեսանյութը մոնտաժված է:

«Որտե՞ղ է այն ձայնագրությունը, որտեղ Քանյեն ինձ ասում է, որ իր երգում ինձ «պոռնիկ» է անվանելու: Այն գոյություն չունի, քանի որ երբեք չի եղել»,-Քարդաշյանի գրառումից հետո սոցիալական ցանցերում գրել է նա,-«Ես, իսկապես, կցանկանայի հեռացվել այս պատմությունից, որի մասնիկը երբեք չեմ ցանկացել լինել»:

Ի՞նչ են ասել Քարդաշյանն ու Սվիֆթը տարիների ընթացքում իրենց թշնամության մասին

2016 թվականին Քարդաշյանը GQ-ին տված հարցազրույցում ասել էր, որ Սվիֆթը թույլ էր տվել օգտագործել այդ արտահայտությունը, եւ ամբողջ խոսակցությունը ձայնագրվել է։ Մեկ ամիս անց Keeping Up With the Kardashians-ի մի դրվագում Քարդաշյանը հանդիպում է մորը՝ Քրիս Ջեններին, ով ցանկանում էր, որ նրանք հաշտվեին եւ Քիմին խնդրում է զանգահարել երգչուհուն:

«Շնորհակալ եմ քո հիանալի խորհրդի համար,- պատասխանել է Քարդաշյանը,- բայց ես չեմ պատրաստվում ընդունել այն»:

2017 թվականին Քարդաշյանը հաստատել է, որ դրանից հետո չի խոսել Սվիֆթի հետ։ Սվիֆթը, թողարկելով Reputation-ի իր գլխավոր սինգլը՝ «Տես, թե ինչ ես ստիպել ինձ անել» վերնագրով, շատ հստակ հասկացրել է, որ Քիմին եւ Քանյեին ներում չի լինի:

Հետևեք NEWS.am STYLE-ին Facebook-ում, Twitter-ում և Instagram-ում