Երևանյան ջազի հմայքը Լևոն Մալխասյանի հետ

Ավելի քան 10 տարի կրթելով սերունդներ. «Հայասի» պարային համույթը պատրաստվում է մեծ համերգի

Այլմոլորակայինների հանելուկը՝ հայերի հավատալիքներն ու կասկածները

Եգոր Գլումով. Այժմ սեփական հիմարությունը ցույց տալու ավելի շատ հնարավորություններ կան

Սոսո Պավլիաշվիլի. Արհեստական բանականությունը նեռի նմանակն է

Սոսո Պավլիաշվիլիի 60-ամյակը Հայաստանում. տոնական երեկո աստղերի հետ

Stylish Faces. Հնարքներ՝ Հայկ Freestyle-ից. «Ռեկորդ եմ ուզում գրանցել Գինեսում»

Սոսո Պավլիաշվիլին իր 60-ամյակը նշելու առթիվ ժամանել է Երեւան (ՈւՂԻՂ)

Լալա Մնացականյանի հոգեհանգստի արարողությունը՝ Կոնդի Սուրբ Հովհաննես եկեղեցում (ՈւՂԻՂ)

«Կապ» մշակույթի և մարդկանց միջև

Հումորը հաղթահարելու մեխանիզմներից մեկն է, որը եթե չանես կգժվես. Նարեկ Մարգարյան

Համլետ. նոր հայացք դասական դրամային

Այնքան ճշմարտություններ ասվեցին այդ օրը, որ ծրագիրը փակեցին. Արթուր Բախտամյան

Գունավոր մարդիկ, բարձր տրամադրություն. Գույների փառատոնը՝ Երեւանում

Football Fest. մրցույթներ, չելենջներ ու մարտահրավերներ

Երևանում պաշտոնապես բացվեց Armflix-ի գրասենյակը

Էսօր քշել չկա, էսօր գինու փառատոն ա

Տոտալ դրամա Երեւանում

Բարոյականության «պահապանները» թող շրջանցեն. էրոտիկ ֆիլմերի ընտրանի

18:49, 21 ապրիլի

Եթե  «էրոտիկ ֆիլմ» արտահայտությունը լսելով ձեր մտքին միանգամից գալիս են  «Նիմֆոմանուհին» եւ «Մոխրագույնի 50 երանգները», ապա շնորհավորում ենք՝ դուք ոչինչ չգիտեք ժանրի մասին: Խոսքը էրոտիկ ֆիլմերի մասին է, որոնք ուսումնասիրում են սեքսի թեման՝ այն ներկայացնելով որպես պատմողական լեզու։

Անմահ դասականներ

«Օլդ սքուլի» ժամանակները հայտնի են մեծ թվով պարկեշտ ֆիլմերով, եւ դա վերաբերում է նաեւ էրոտիկայի ժանրին։ «Նախկինում ավելի լավ էր» արտահայտությունը պետք է փոխարինվի «Նախկինում շատ ավելի լավ էր» արտահայտությամբ։

«Վերջին տանգոն Փարիզում» (1972). Բեռնարդո Բերտոլուչիի սենսացիոն ֆիլմն է՝ Մառլոն Բրանդոյի մասնակցությամբ: Պատմությունն այն մասին է, թե ինչպես է այրի տղամարդը կապնվում անծանոթուհու հետ: Ռեֆլեքսային մենությունը այնքան բնական է մատուցվում սեքսի միջոցով, որ ֆիլմը քննադատության ենթարկվեց՝ մեղադրվելով պոռնոգրաֆիկ լինելու մեջ, ինչը, սակայն, միայն առաջին հայացքից է ճիշտ։

IMG_4106.jpeg (69 KB)

«Էմմանուել» (1974)-ը էրոտիկ ժանրի դասականներից է։ Հազիվ թե արժե մեկնաբանել հայտնի ֆիլմը, որն իր ժանրում դարձել է պաշտամունքային ֆավորիտ:

«Ինը եւ կես շաբաթ» (1985). Էրոտիկ դրամայում խաղում են Միկի Ռուրկը եւ Քիմ Բեսինջերը: Ֆիլմը պատմում է մի զույգի մասին, որը սեքսուալ փորձարկումների է դիմում։ Էրոտիկայի եւ պոեզիայի ներդաշնակ համադրությունը ֆիլմը դարձրել է համաշխարհային կինոյի կուլտային ֆավորիտներից։

IMG_4107.jpeg (67 KB)

«Դառը լուսին» (1992). Մութ եւ դաժան ֆիլմը տղամարդու եւ կնոջ հարաբերությունների մասին է եւ կհետաքրքրի նրանց, ովքեր մտածում են՝ արդյոք կիրքը կարո՞ղ է կործանարար լինել:

IMG_4108.jpeg (99 KB)

«Անպարկեշտ առաջարկ» (1993). Անկրկնելի Դեմի Մուրը մարմնավորում է ամուսնացած մի կնոջ, որին առաջարկում են սեքսով զբաղվել՝ միլիոնավոր դոլարների դիմաց: Մարդու անհագ  ծարավը եւ այն, որ ամեն ինչ իր գինն ունի, արտահայտված է գլխավոր հերոսուհու ամուսնու ցինիզմի միջոցով։ Դրամատիկ ֆիլմը անձնական պատմության միջոցով շոշափում է սեռական հարաբերությունների խնդիրները։

«Լայն փակված աչքերով» (1999 թ.). Սա Սթենլի Կուբրիկի դասական ֆիլմն է, որը համադրում է էրոտիզմն ու անհանգստությունը։ Նիկոլ Քիդմանը մարմնավորում է մի կնոջ, ով արդեն ձանձրացել է իր ամուսնությունից։ Կինն ամուսնու հետ կիսվում է իր երեւակայություններով, եւ զույգը սուզվում է ինքնախաբեության եւ դավաճանության աշխարհ:

Ժամանակակից էրոտիկ դրամաներ

«Դաշնակահարուհին» (2001).  Էրոտիկ դրամա՝ Իզաբել Հուպերտի մասնակցությամբ, ով մարմնավորում է կոնսերվատորիայի պրոֆեսորի, որը հարաբերությունների մեջ է մտնում իր ուսանողի հետ:

«Քարտուղարուհին» (2001). Պատմություն այն մասին, թե ինչպես է երիտասարդ քարտուղարուհին աշխատանքի անցնում BDSM-ով տարված տղամարդու մոտ: Այս ֆիլմը թեման շատ ավելի լավ է ներկայացնում, քան «50 երանգները»:

IMG_4109.jpeg (99 KB)

«Քնիր ինձ հետ» (2005). Էրոտիկ ֆիլմ այն ​​մասին, թե ինչպես է կրքոտ աղջիկը, վերջապես, գտնում համապատասխան սեռական զուգընկերոջ: Կրքոտ սիրավեպ՝ երիտասարդ աղջկա եւ արտիստի միջեւ՝ մի քիչ դրամատիկ, բայց առանց հոգնեցուցիչ բարոյական խնդիրների:

«Shortbus ակումբ» (2006). Նյու Յորք, սեքս, այլասերվածություն, BDSM եւ միասեռականություն: Խստորեն խորհուրդ է տրվում դիտել բացառապես բաց մտածող մարդկանց:

«Ամոթ» (2011). ֆիլմը պատմում է էրոտոմանի մասին, ով սեքսի հետեւում թաքցնում է զգացմունքային անհասանելիությունը: Մայքլ Ֆասբենդերի մասնակցությամբ մերկության հայտնի տեսարանը մեծ աղմուկ բարձրացրեց ֆիլմի թողարկման ժամանակ։

«Սերը» (2015) Գասպար Նոյի ստեղծագործությունն է, ով հայտնի է իր սկանդալային ոճով։ Սիրո պատմությունը ներկայացված է էրոտիկ տեսանկյունից՝ ռեալիստական ​​էմոցիոնալ տեսարաններով։

Փոփ հայացք՝ սեքսին

«Փոխշահավետ ընկերություն» (2011). Փոփ կատակերգություն՝ Միլա Կունիսի եւ Ջասթին Թիմբերլեյքի  մասնակցությամբ: Ֆիլմի հերոսները «ձախողում են» իրենց  «փոշխահավետ ընկերներությունը»՝ այն վերածելով  լիարժեք հարաբերությունների:

IMG_4110.jpeg (64 KB)

"Սիրո մասին. Միայն մեծահասակների համար» (2017). Ռուսական կատակերգություն է, որը միայն մասամբ է շոշափում սեքսի թեման։ Մի քանի պատմվածքներ, որոնք կապված են միմյանց հետ, ուսումնասիրում են սիրո եւ սեքսի թեման՝ հերոսների անձնական պատմությունների միջոցով:

IMG_4111.jpeg (40 KB)

Ֆիլմը կարող է հետաքրքրություն առաջացնել Ջոն Մալկովիչի, Ինգեբորգա Դապկունայտեի, Ֆյոդոր Բոնդարչուկի, Աննա Միխալկովայի, Ռավշանա Կուրկովայի, Գոշա Կուցենկոյի կամ հայազգի ռուս ռեժիսոր Աննա Մելիքյանի շնորհիվ։

IMG_4112.jpeg (48 KB)

«Նրա շուրթերից ներքեւ»-ը (2016) ֆիլմ է այն մասին, թե ինչպես է աղջիկը բացահայտում իր սեքսուալությունը՝ ավելի լավ ծանոթանալով իր մարմնին։ Ֆիլմը նկարահանվել է, բացառապես, կանանց կողմից եւ զերծ է տղամարդկային կարծրատիպերից. բավական նշանակալից փաստ այն դիտելու համար:

Ռեգինա Մելիքյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել