Գացանիան (աֆրիկյան երիցուկները) գեղեցիկ և ոչ հավակնոտ ծաղիկներ են, որոնք կզարդարեն և՛ ձեր պատշգամբը, և՛ այգին: Հայաստանում դրանք կարելի է ձեռք բերել 1 տնկիի համար 150-ից 300 դրամով, և նրանք ձեզ կուրախացնեն գարնան վերջից մինչև վաղ աշուն։ Բացի այդ, գատանիաները բազմամյա են, ուստի տնկելուց հետո հաջորդ տարի կարող եք վայելել այս գեղեցիկ ծաղիկները:

Դրանք հատուկ խնամք չեն պահանջում, եթե աճում են իրենց համար հարմարավետ միջավայրում: Գացանիաները սիրում են արև և նախընտրում են հող: Ահա որոշ առաջարկություններ գացանիաների խնամքի համար.

Լույս

Աֆրիկյան երիցուկները լավագույնս ծաղկում են վառ արևի տակ: Նրանք կարող են տնկվել մասնակի ստվերում, բայց ծաղկումն այս դեպքում այնքան էլ առատ չի լինի։ Ծաղիկները սովորաբար բացվում են ցերեկը և փակվում գիշերը և ամպամած եղանակին։

Տնկում և հող

Գացանիաները նախընտրում են օրգանապես հարուստ, լավ ցամաքեցված հող՝ մի փոքր թթվային հողի pH-ով: Տնկման ժամանակ հողին ավելացրեք պարարտանյութ կամ այլ օրգանական նյութեր՝ դրենաժը բարելավելու և սննդանյութեր ավելացնելու համար:

Տնկեք դրանք միմյանցից առնվազն 30 սմ հեռավորության վրա, որպեսզի տարածվեն, քանի որ որոշ սորտեր կարող են ձգվել մոտ 30 սմ լայնությամբ: Աֆրիկյան երիցուկները լավագույնս տնկվում են գարնանը՝ վերջին ցրտերից հետո։

Ոռոգում

Այս ծաղիկները չափավոր ջրելու կարիք ունեն։ Փորձեք հողը հավասարապես խոնավ պահել: Բայց փորձեք չափը չանցնել, քանի որ թաց հողը կարող է առաջացնել այնպիսի հիվանդություններ, ինչպես արմատների փտումն է:

Պարարտանյութեր

Բացի հողը պարարտանյութով խառնելուց, աճող սեզոնի ընթացքում ամեն ամիս կիրառեք հավասարակշռված պարարտանյութ՝ ծաղկող բույսերի համար:

Կտրում

Որպեսզի աֆրիկյան երիցուկները ծաղկեն ամբողջ սեզոնին, բույսերից հեռացրեք հին, խունացած ծաղիկները: Սա կօգնի խթանել նոր աճը և երկարացնել բույսերի ծաղկումը:

Հետևեք NEWS.am STYLE-ին Facebook-ում, Twitter-ում և Instagram-ում