Բրիտանական Kew Gardens-ում ծաղկել է այն բույսը, որը ստացել է «դիակի ծաղիկ» անվանումը՝ իր գարշահոտության պատճառով, եւ արդեն այցելուների հերթեր են գոյացել՝ չնայած դրա տհաճ բույրին:

Երեքշաբթի օրը հսկայական Titan arum ծաղկեց՝ ստիպելով մարդկանց Մեծ Բրիտանիայի մայրաքաղաքի բոլոր անկյուններից եւ դրա սահմաններից դուրս գալ եւ գնահատել «հոյակապ տեսարանն ու զզվելի հոտը», որի բույրն ասոցացրել են փտած մարմնի հոտի հետ: Titan arum-ը, սովորաբար, ծաղկում է երկու տարին մեկ անգամ:

Ծաղկելիս այն արձակում է փտած մսի հոտ։ Դա պայմանավորված է նրանով, որ դրա ցողունը ջերմություն է արտադրում, ինչի շնորհիվ բույրը տարածվում է եւ գրավում փոշոտողներին: Բույսը, որը, նույնիսկ, իր գույնով մսի կտոր է հիշեցնում, հասնում է մոտ 3 մ բարձրության: Ծաղիկը Երկրի ամենաբուրավետ բույսերից է։

Հետևեք NEWS.am STYLE-ին Facebook-ում, Twitter-ում և Instagram-ում