• Անի Արզումանյանն ու Վազգեն Օհանյանը ամուսնացել են

  Այսօր՝ օգոստոսի 29-ին, տեղի է ունեցել բլոգեր և դերասանուհի Անի Արզումանյանի ու ստենդափեր Վազգեն Օհանյանի հարսանիքը...

• Հայ դերասան Սամվել Թադևոսյանը նկարահանվել է Dior Men-ի նոր արշավում

  Հայ դերասան Սամվել Թադևոսյանը նկարահանվել է Dior Men Tailoring Winter 2026 նոր գովազդային արշավում: Նա դարձել է ֆրանսիական նորաձևության տան՝ տղամարդու կոստյումին նվիրված նախագծի մոդելներից մեկը..

• «Դուք ձեր խնդիրները չեք լուծել ու բարդույթները փոխանցում եք Գասպարին». Գոհար Ավետիսյանին քննադատել են 6-ամյա որդու դիետայի համար

  Գոհար Ավետիսյանը քաշի պատճառով դարձյալ հայտնվել է քննարկումների կենտրոնում։ Այս անգամ խոսքը ոչ թե իր, այլ 6-ամյա որդու՝ Գասպարի մասին է։ Դիմահարդարը տեսանյութ է հրապարակել, որտեղ երևում է, թե ինչպես է փոքրիկը կշռվում, ու պատմել է նրա սննդակարգի մասին։ Կշեռքը ցույց է տվել 38.9 կգ, ինչից հետո Գոհարը հրապարակմանը կից գրել է. «Դիետա... երկրորդ օր... քաշի ավելացում ունենք»...

• Այլընտրանքային տարբերակներ ենք մտածել, որ Գոռ Հակոբյանը ներկա լինի․ Մենչը՝ «Ֆուլ Հաուս»-ի նոր ներկայացման մասին

  «Ֆուլ Հաուս»-ի երկրպագուները կրկին միավորվելու առիթ ունեն…

• Ռաֆայել Երանոսյանը նոր մոնոներկայացում ունի` «Ծանր ու թեթև»

  Ռաֆայել Երանոսյանն իր հանդիսատեսին շուտով պատրաստվում է ներկայանալ նոր մոնոներկայացմամբ՝ «Ծանր ու թեթև»…

• Էվելինայի ու Անիի նախահարսանեկան խնջույքները, Արմինկայի 53-ամյակը, Ֆլորա Բիչախչյանը՝ «Նոր ալիք 2026»-ում․ Instagram-ը՝ այս շաբաթ

  Այս շաբաթը հայ հայտնիների համար լի էր գեղեցիկ առիթներով, անակնկալներով ու տոնական տրամադրությամբ...

• Մարդուն փնտրելով. «Զրույցներ Զառա Աճեմյանի հետ». լուսանկարիչ և արվեստագետ Իլյա Վարդանյանը՝ Հայաստանի, ստեղծագործության և ԱԲ դարաշրջանի մասին

  «Զրույցներ Զառա Աճեմյանի հետ». լուսանկարիչ և արվեստագետ Իլյա Վարդանյանը՝ Հայաստանի, ստեղծագործության և ԱԲ դարաշրջանի մասին...

• Հայկական ոճ. տոսկանական շքեղությունից մինչև համարձակ լողափային տրամադրություն

  Ամառը դեռ եռում է, իսկ հայ նորաձևության սիրահարները գիտեն, թե ինչպես գրավել ափամերձ տարածքների ուշադրությունը․․․

Երգչուհի, դերասանուհի Լիլի Մորտոյի ամուսինը՝ Վադիմ Չանգլյանը, հանդես է գալիս որպես նրա պրոդյուսեր: Ըստ Լիլիի՝ իր ստեղծագործական գործունեության ընթացքում ամեն բան միասին են անում, սակայն պրոդյուսեր լինելուց բացի, Վադիմը նախ բժիշկ է (դիմածնոտային վիրաբույժ, ստոմատոլոգ, բժիշկ-էսթետիստ)՝ հաջողակ մասնագետ, ով գործունեություն է ծավալում ոչ միայն Հայաստանում, այլեւ ԱՄՆ-ում, ՌԴ-ում, ԱՄԷ-ում: NEWS.am STYLE-ը զրուցել է Վադիմի հետ այս ամենի եւ, իհարկե, նրա մշտական մուսա հանդիսացող Լիլիի մասին:

Վադիմ, Ձեր հաճախորդներն ավելի շատ կանա՞յք են, թե՞ տղամարդիկ:

Հստակ կարող եմ ասել, որ էսթետիկ բժշկությունը նախընտրողներն առավելապես կանայք են, իսկ ստոմատոլոգիայից օգտվում են եւ կանայք, եւ տղամարդիկ: Այս առումով հավասարաչափ է:

Ի՞նչ միջամտությունների են, սովորաբար, դիմում տղամարդիկ։

Ինչպես նշեցի, էսթետիկ միջամտություններ նախընտրողները կանայք են, սակայն տղամարդիկ էլ հետ չեն մնում: Էսթետիկ բժշկության մեջ առավել պրոֆիլակտիկ միջամտություններն են նախընտրում, օրինակ՝ կնճիռների վերացում, ծալքերի շտկում: Եթե վիրահատական միջամտություն է արվում, ապա հիմնականում՝ ռինոպլաստիկա, օտոպլաստիկա. հետաքրքրություն կա մազերի փոխպատվաստման նկատմամբ: Տղամարդկանց նաեւ հետաքրքիր է որովայնի հատվածի լիպոսակցիան: Ներկայումս տղանարդիկ այեւս չեն ամաչում այս կամ այն միջամտությունը կատարել: Նույն պատկերն է նաեւ ստոմոտալոգիայում. ցանկանում են ունենալ գեղեցիկ ժպիտ:

Իսկ որքա՞ն հաճախ են Ձեզ դիմում հոլիվուդյան ժպիտի համար:

Իմ կարծիքով, երբ ներկայումս մարդը չունի գեղեցիկ ատամնաշար, ինչ-որ առումով դա խոսում է նրա ստատուսի մասին: Այսօր կայացած մարդը փորձում է լուծում տալ այդ խնդրին՝ կերպարանափոխվելով, իսկ գեղեցիկ ժպիտի միջոցով դառնում է ինքնավստահ եւ «բրենդային»: Գեղեցիկ ժպիտից բացի մարդկանց պարգեւում եմ հարմարավետություն, օրինակ՝ երբ չեն ունենում ատամներ, արագ տեղադրում ենք իմպլանտներ: Այդ ամենն անում ենք ընդամենը 1 օրվա ընթացքում: Առհասարակ, 1 օրում իմպլանտների տեղադրումը եւ անշարժ պրոտեզավորումը ստոմատոլոգիայի նորագույն տենդեցն է: Ստացվում է, որ 1 օրում մարդկանց իրենց երազած ժպիտն ենք պարգեւում: Ժամանակին սա անհնար մի բան էր թվում, սակայն այլեւս հնարավոր է: Ի դեպ, բոլոր երիտասարդներին կոչ եմ անում ուշադիր լինել հատկապես մայրիկների հանդեպ, ովքեր հղիության ընթացքում հաճախ կորցնում են իրենց ատամները: Գոնե իմպլանտների շնորհիվ գեղեցիկ ժպիտ կվերադարձնեն իրենց մայրիկներին:

Որպես բժիշկ՝ կարո՞ղ եք խորհուրդ տալ հաճախորդին հետ կանգնել որոշումից:

Իհարկե, իմ պրակտիկայում նման դեպքեր էլ են լինում: Երբ տեսնում եմ, որ հաճախորդը սխալ որոշում է կայացրել, ինքս էլ հասկանում եմ, որ այդ միջամտության կարիքը չկա, փորձում եմ խորհուրդ տալ չգնալ այդ քայլին՝ հիմնավորելով կարծիքս: Նման դեպքերում հորդորում եմ, որ մի փոքր էլ մտածեն, խորհրդով դիմեն իրենց հարազատներին: Երբեմն նաեւ հորդորում եմ նախքան միջամտությունը գնալ շոփինգի եւ լավ լիցքաթափվել: Գիտեմ՝ երբեմն կանանց թվում է, որ ամեն բան կփոխվի ընդամենը մեկ միջամտությունից, նման պարագայում ստանձնում եմ նրանց հոգեբանի դերը, որովհետեւ չեմ ցանկանում հետագայում զղջան, եւ ես ունենամ իմ «մեղքի» բաժինը:

Գաղտնիք չէ, որ Ձեր կինը՝ Լիլի Մորտոն, եւս Ձեր հաճախորդն է: Կա՞ն միջամտություններ, որոնք Դուք եք Լիլիին խորհուրդ տվել անել:

Իրականում ներկայումս ցանկացած միջամտություն քննարկում ենք, չեմ թաքցնի՝ հնարավոր է, որ սկզբնական շրջանում Լիլին չէր պատկերացնում, թե ինչ կարող էինք անել եւ ամեն ինչի հեղինակն ես էի: Ես էի առաջարկում այս կամ այն շտկումն անել, առհասարակ, առաջին անգամ Լիլիի դեմքին ես եմ դիպչել, նա նման փորձ չուներ: Իմ խորհուրդներն էր լսում, իսկ հիմա արդեն ինձանից լավ է հասկանում էսթետիկ բժշկությունից, կարողանում է էսթետիկ արտաքին ունենալու հարցում որոշակի լուծումներ գտնել: Այսօր ամեն բան քննարկում ենք, ապա նոր գնում որեւէ քայլի:

Եղե՞լ են միջամտություններ, որոնք, որպես նրա տղամարդ, չեք ցանկացել, որ անի, բայց որպես բժիշկ, հարգել եք նրա որոշումն ու կատարել:

Չեմ մտաբերում նման դեպք, երբ Լիլին ցանկացել է գեղեցիկի ստանդարտներից դուրս բան անել: Ես ինքս էլ չեմ սիրում, երբ շտկումները չափից շատ են, օրինակ՝ շատ մեծ շրթունքներ, մարմնի հատվածներ: Սիրում եմ, երբ ամեն բան բնականին մոտ է լինում, գուցե, բնականի ամենամեծը, սակայն ոչ չափն անցած: Չեմ սիրում, երբ անհասկանալի արտաքին են ունենում, երբ բոլորը շրջվում են եւ նայում:

Որո՞նք են պլաստիկ վիրաբուժության նոր տենդեցները (բացի քթի, կրծքի, այտոսկրերի շտկումներից), ի՞նչ փոփոխությունների պահանջ է նկատվել:

Վերջերս շատ նորաձեւ է դարձել «աղվեսի աչքեր» ասված շտկումը: Հաճախ այդ հարցով են դիմում: Կոնտուրային պլաստիկան է շատ պահանջված. ֆիլերների եւ սեփական ճարպի միջոցով դեմքի կոնտուրների, ստորին ծնոտի անկյան, այտոսկրերի ընդգծում, ամբողջ մարմնի ձեւավորում: 

Ձեր պրակտիկայում եղե՞լ են դեպքեր, որ ցանկանան նմանվել կոնկրետ հայտնի մարդկանց, եթե այո, ապա ո՞ւմ: Ովքե՞ր են ամենապահանջված անունները։

Անկեղծ կլինեմ. ամենից հաճախ խնդրում են ստանալ Լիլիի շրթունքներից, այտոսկրերից, նույնիսկ՝ աչքերից, որոնք շտկման չեն ենթարկվել, այլ պարզապես ընդգծվել են դիմահարդարման շնորհիվ: Չեմ կարող ասել, որ որեւէ հայտնի դեմքի անուն հաճախ է հնչում, լինում են դեպքեր, երբ Ինստագրամից որեւէ աղջկա լուսանկար են ներկայացնում: Առհասարակ, իմ պարագայում ամենաշատը հնչում է Լիլիի անունը, հավանաբար, գիտեն՝ «ճանաչում» եմ (ժպտում է):

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում