• Ծննդյանս օրերին ես ինձ երջանիկ եմ զգացել, քանի որ բախտ եմ ունեցել ծնվելու հրաշալի ընտանիքում

  Մանկության տարիներին ծննդյանս օրը՝ հոկտեմբերի 23-ը անցնում էր ընտանեկան ջերմ միջավայրում։ Հայրիկս՝ իմ, եղբորս կամ մորս ծննդյան օրերը դարձնում էր հեքիաթ…

• Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ (VIDEO)

  Ո՞ւմ հետ կցանկանար երազել գիշերվա 2-ին, ո՞ւմ մասին էր մտածում երգը գրելիս, երկրորդ անգամ «Երկու աստղին» մասնակցելու դեպքում ո՞վ կցանկանար, որ լիներ իր զույգը…

• Ռաֆայել Երանոսյանի նոր մոնոներկայացումը՝ «Ծանր ու թեթև». բեմում՝ ծիծաղ, ետնաբեմում՝ անձնական հարցեր (VIDEO)

  Ռաֆայել Երանոսյանը «Ծանր ու թեթև» արեց բոլոր թեմաները՝ քաղաքականությունից մինչև Կարմիր խնձոր…

• Բոհեմ թատրոնում «Բլեֆ» է սպասվում․ Արտյոմ Կարապետյանի առաջին դերը թատրոնում, Արփինե Իսրայելյանի վերադարձը, մյուս հերոսներն ու փորձերը (VIDEO)

  Բոհեմ թատրոնը պատրաստվում է նոր ներկայացման։ Այն կոչվում է «Բլեֆ» և ելնելով վերնագրից՝ դժվար չէ պատկերացնել, թե ինչ զվարճալի խառնաշփոթ է սպասվում հանդիսատեսին...

• HayDalek-ը հայտնել է բլոգերությունը թողնելու որոշման մասին․ «Ինձ համար հոգեպես շատ բարդ է ամեն անգամ ստանալ այս ատելության ալիքները»

  Բլոգեր HayDalek-ը (Ռաֆիկ Համբարձումյան) ինստագրամյան իր էջում հանդես է եկել հայտարարությամբ՝ նշելով, որ մտադիր է դադարեցնել՝ որպես բլոգեր իր գործունեությունը...

• Սիրուշոյի եւ Իվետա Մուկուչյանի նոր տեսահոլովակները, Իվետայի 40-ամյակն ու սիրելիի շնորհավորանքը, Անդրեի ու Արթուր Խաչենցի ջերմ հոլովակները՝ դուստրերի հետ․ Instagram

  Instagram-ն այս շաբաթ էլ ջերմացրեց, հուզեց, նաև ժպիտ պարգևեց ու ուրախացրեց նորություններով։ Սկսենք՝ հերթով...

• «Միշտ ոգևորված եմ՝ բացահայտելու իմ արմատները». Գրիգոր Ջաբոտյանը՝ հայկական նորաձևության և մոդել Արմինե Հարությունյանի հետ համագործակցության մասին

  Հոկտեմբերի 8-ից 11-ը անցկացված Երևանի նորաձևության շաբաթը (Yerevan Fashion Week) կրկին մեկ հարկի տակ համախմբեց դիզայներների, ստեղծագործողների և նորաձևության ոլորտի մասնագետների՝ թե՛ Հայաստանից, թե՛ աշխարհի տարբեր երկրներից…

• «Մոսկվայի անամոթը»՝ Մկրտիչ Բալյան. Ինչպես նկուղային արկածախնդիրը հյուրերի նվաստացումը վերածեց թանկարժեք շոուի

  Օրվա ընթացքում Պրեչիստենսկայա ափին գտնվող Պերցովի տունը նման էր հարգված բնակարանային շենքի․․․

Ռեժիսոր Ելենա Արշակյանի «Նոր տարվա կինոն», որի սցենարի հեղինակն Անահիտ Մխիթարյանն է, մեծ էկրաններին կհայտնվի նոյեմբերի 21-ից։ Ֆիլմը, ինչպես փաստում են ռեժիսորն ու դերասանները, ոչ միայն զվարճացնելու է, այլեւ հուզելու, մտորելու տեղիք է տալու՝ կոչ անելով մի պահ մոռանալ սեփական ամբիցիաների մասին՝ կենտրոնանալով մեկ երազանքի շուրջ, որն ավելի կարեւոր եւ համընդհանուր նշանակություն ունի։ Նախագիծը նաեւ աչքի է ընկնում աստղային կազմով։ Այստեղ կտեսնեք հայկական հեռուստաէկրաններից հայտնի մի շարք դեմքերի, որոնցից շատերն այս կարեւոր գաղափարը փորձելու են փոխանցել իրենց կոլորիտային հերոսների միջոցով։

Սիրված ու ճանաչված դերասան Մկրտիչ Արզումանյանը նախագծում մարմնավորում է իր համաքաղաքացուն՝ գյումրեցի Հովսեփ պապին։ Դերասանի խոսքով՝ հարազատ բարբառով խոսելը որքան ուրախացնող էր, նույնքան վտանգավոր ու պատասխանատու։ Մկրտիչը ֆիլմում համաձայնվել է նկարահանվել սցենարը կարդալոց անմիջապես հետո։ Ինչպես եւ մյուս դերասաններին, այն նրան եւս հուզել է գլխավոր ասելիքով․ 

«Յուրաքանչյուր նախագծին մասնակցելու համար, առաջին հերթին, ծանոթանում ես սցենարին, փորձում ես հասկանալ, թե ինչ են փորձել փոխանցել այդ պատմության միջով հեղինակները, ինչ հաղորդագրություններ են նախապատրաստել հանդիսատեսի համար։ Այս ֆիլմը միանգամից գրավում է, ու անմիջապես ցանկանում ես մասնակից դառնալ այս ամենին, եւ երբ աշխատանքը գլխավորում է փորձառու ռեժիսոր, լավ մասնագետ, բնականաբար, ավելի հանգիստ ես լինում, որ այն, ինչ կարդացել ես, մաքսիմալ կերպով փոխանցվելու է հանդիսատեսին»,-NEWS.am STYLE-ի հետ զրույցում նշեց դերասանը։ Նրա խոսքով՝ սցենարը կարդալու ընթացքում միաժամանակ հուզվել ու նյարդայնացել է հերոսների հետ միասին։

«Շատ քիչ դեպքեր են եղել, երբ սցենարն ընթերցում ես ու ընթացքում հուզվում ես, նյարդայնանում, գլխավոր հերոսների հետ ապրում ես այդ ամենը։ Սա այդ դեպքերից է, եւ դա առաջին գրավականն է նախագծի հաջողության համար։ Բացի ռեժիսորի փայլուն աշխատանքից՝ նաեւ ուզում եմ նշել նկարչական, նկարահանման խմբի մեծ աշխատանքը։ Կարծում եմ՝ այս ֆիլմը երկար կմնա հանդիսատեսի հիշողության մեջ»։

Ֆիլմում նա մարմնավորում է միայնակ ու ծանր կյանքով ապրող հերոսի․ «Նա խոսում է իմ հարազատ բարբառով, եւ դա որքան էլ ուրախացնող է, նաեւ վտանգավոր է դերաանի համար, քանի որ երբ շատ ես չարաշահում բարբառը, գուցե կոպիտ հնչի, իսկ հակատակ դեպքում՝ գուցե շինծու դիտվի»։

Դերասանի գնահատմամբ՝ նկարահանումները բարձ մակարդսակով են անցնել, «ինչն էլ լավ արդյունքի գրավականն է»։ «Ամենակարեւորը կարգապահությունն է․ երբ յուրաքանչյուրն իր աշխատանքը գիտակցում է, հնարավոր է լինում գրավել բարձունքներ։ Երբ քեզ հաջողվում է նկարահանել մի ֆիլմ, որը տարբեր տարիքային խմբեր է ներառում, կարծում եմ՝ դա մեծ հաջողություն է, ու, ըստ իս, «Նոր տարվա կինոն» այն նախագծերից է, որը երկար տարիների կյանք է ունենալու»։

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում