Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպիսի՞ ընկեր ու աշակերտ է «Մանկական Եվրատեսիլ 2024»-ում Հայաստանի պատվիրակ Լեոն․ դասընկերներն ու դասղեկը՝ պատանի երգչի մասին (ֆոտո)

16:40, 27 հոկտեմբերի

«Մանկական Եվրատեսիլ 2024»-ում Հայաստանի պատվիրակ Լեոն ուրախությամբ ու մեծ պատասխանատվությամբ է ընդունել մրցույթում Հայաստանը ներկայացնելու լուրը։ Լեոյից ոչ պակաս ոգեւորված են նրա համադասարանցիներն ու ուսուցիչները, որոնք աջակցում ու ոգեւորում են նրան այս պատվաբեր ու բարդ ճանապարհին։ 

NEWS.am STYLE-ը Լեոյի հետ այցելել է «Քվանտ» վարժարան, որտեղ էլ սովորում է Հայաստանի 10-ամյա պատվիրակը, զրուցել մեր ներկայացուցչի հետ նրա Cosmic Friend երգի ու էմոցիաների մասին։ Մեզ են միացել նաեւ Լեոյի դասղեկն ու համադասարանցիները, որոնք պատմում են, թե ինչպիսին է Լեոն որպես աշակերտ եւ դասընկեր։  

1-2.jpg (609 KB)

«Մանկական Եվրատեսիլին» մասնակցելու երազանքի, երկրորդ փորձից հաջողելու ու նախապատրաստական փուլը դասերի հետ համատեղելու մասին

«Մանկական Եվրատեսիլին» մասնակցելը Լեոյի համար երազանք է եղել․ 
«Մեծ ուրախություն եւ պատասխանատվություն զգացի, երբ իմացա, որ ես եմ ներկայացնելու Հայաստանը «Մանկական Եվրատեսիլում»։ Տպավորություն էր, թե այդ պահին իմ այլմոլորակային ընկերն ինձ տարավ այլ մոլորակ։
Արդեն երկորրդ տարին է, որ փորձում էի դառնալ Հայաստանի պատվիրակը «Մանկական Եվրատեսիլում», եւ այս անգամ ստացվեց։ Սա մեծ իրադարձություն է ինձ համար, պատվով կներկայացնեմ Հայաստանը»,-NEWS.am STYLE-ի հետ զրույցում նշեց երգիչը։  

Ընկերները Լեոյից ոչ պակաս ոգեւորվել են՝ իմանալով, որ իրենց համադասարանցին է լինելու Հայաստանի ձայնը երեխաների ամենասիրելի երաժշտական մրցույթներից մեկի բեմում։ «Այնքան լավ արձագանքեցին, կարծես հենց իրենք էին ներկայացնելու Հայաստանը «Մանկական Եվրատեսիլում»։ Ես ապշած էի այդ արձագանքից»,-հիշում է պատանի երգիչը։ 

2-1.jpg (765 KB)

Լեոն, ի դեպ, դասարանի առաջատար աշակերտներից է․ այս շրջանում, սակայն, իհարկե, դասերը հասկանալի պատճառով փոքր-ինչ տուժում են, բայց տղան խոստանում է՝ մրցույթից վերադառնալուն պես կլրացնի բոլոր բաց թողած թեմաները։ 

«Այն ժամանակ հասցնում էի ավելի շատ գիրք կարդալ, մի գիրք էի կարդում, որի մոտ 230 էջն էի հասել, բայց կիսատ մնաց, քանի որ հիմա այդքան շատ չեմ հասցնում կարդալ եւ ավելի կենտրոնացած եմ երգիս վրա։ Երբեմն բացակայում եմ դասերից, քանի որ չեմ հասցնում նախապատրաստական աշխատանքների հետ համատեղել, բայց երբ վերադառնամ, անպայման կլրացնեմ բոլոր բաց թողնված դասերը, քանի որ ինձ համար սովորելն էլ է շատ կարեւոր»։ 

3-1.jpg (581 KB)

Cosmic Friend երգի ու հաղորդագրության մասին

«Միշտ պետք է հավատալ անիրական թվացող երազանքներին։ Իհարկե, կան կյանքում անիրականանալի բաներ, բայց ինչպես տեսաք, ես կարողացա իրականություն դարձնել իմ այլմոլորակային ընկերոջը եւ սովորեցրեցի իմ ընկերներին, որ պետք է հավատալ երազանքներին եւ անիրական թվացող բաներին»,-անդրադառնալով իր եվրատեսիլյան երգին ու հաղորդագրությանը նշում է Լեոն։ 

4.jpg (573 KB)

Լեոն՝ դպրոցում

Բարի, ժպտերես, ուրախ՝ այսպիսին է Հայաստանի պատվիրակը դասընկերների աչքերով։ «Մենք հպարտ ենք, որ ինքն է Հայաստանի պատվիրակը։ Դեռ երգը չենք հասցրել անգիր անել, բայց կսովորենք։ Լեոն քննություններին այնքան վստահ է մասնակցում, որ վստահ ենք «Մանկական Եվրատեսիլում» ելույթ ունենալիս էլ ավելորդ լարվածություն չի ունենա»,-միաձայն ասում են նրանք։ 

Դասընկերուհի Մարին հավելում է՝ շատ է ուրախացել, երբ իմացել է, որ Լեոն է ներկայացնելու Հայաստանը մրցույթում․ «Բայց նաեւ մտածում էի, որ դա հնարավոր է , որովհետեւ նա շատ լավ է երգում եւ շատ տաղանդավոր է։ Լեոն հոգատար, աշխատասեր ընկեր է, շատ նպատակասլաց մարդ։ Նրան կմաղթեմ, որ վերադառնա հաղթանակած»։

5-1.jpg (686 KB)

Ռաֆայելը Լեոյի ամենամոտ ընկերն է։ «Ես շատ ուրախ եմ, որ նա է ներկայացնելու Հայաստանը «Մանկական Եվրատեսիլում»։ Նա շատ հոգատար ընկեր է։ Իրեն մաղթում եմ կանաչ ճանապարհ եւ հաղթանակ»,-ասում է նա։ 

Դասղեկ Մարինա Մադոյանը, որը Լեոյի անգլերենի ուսուցչուհին է, Հայաստանի պատվիրակին նկարագրում է՝ որպես իսկական արտիստի, որը չնայած երաժշտական քայլերին՝ միշտ հասցնում է մասնակցել դասերին։

6-1.jpg (842 KB)

«Լեոն շատ երաժշտական է, իսկական արտիստ, բոլոր ուսուցիչները միշտ խոսում են այդ մասին, թե ինչքան խարիզմատիկ երեխա է։ Տեսահոլովակը նույնպես շատ ենք հավանել։ Իհարկե, հիմա ձայնագրությունների եւ նկարահանումների է հաճախ լինում, բայց ուրախ ենք, որ նաեւ հասցնում է դասերին մասնակցել։ Մաղթում ենք մեծ հաջողություններ եւ մեծ հաղթանակ, եւ, իհարկե, մեծ բեմեր «Մանկական Եվրատեսիլից» հետո։ Լեոն միշտ քթի տակ երգում է՝ նույնիսկ դասերի ընթացքում։ Ակտիվ է, ուրախ, ընկերասեր»։

7-1.jpg (787 KB)

Հավելենք, որ Լեոյի Cosmic Friend երգի երաժշտության հեղինակը tokionine-ն է (Դավիթ Բադալյան), խոսքերը գրել են Վահրամ Պետրոսյանն ու Մալենան, տեսահոլովակի ռեժիսորն Արթուր Մանուկյանն է: 

«Մանկական Եվրատեսիլ 2024-ը» կայանալու է նոյեմբերի 16-ին՝ Մադրիդում:

8.jpg (934 KB)

9.jpg (734 KB)

10.jpg (911 KB)

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search