• Անժամանակյա դասականները նոր մեկնաբանություններով. Երևանը հյուրընկալում է 18-րդ Շեքսպիրյան փառատոնը

  Ավելի քան չորս դարերի պատմություններ կրկին կկենդանանան երևանյան բեմում, քանի որ նոյեմբերի 4-ին մայրաքաղաքում կբացվի Շեքսպիրյան 18-րդ միջազգային թատերական փառատոնը…

• ReAnimania-ն 18 տարեկան է․ միջազգային փառատոնն ընդլայնում է ծրագիրն ու հանդես գալիս նոր նախագծերով

  Նոյեմբերի 7-ից 14-ը Երևանը կրկին կհյուրընկալի աշխարհի տարբեր երկրներից ժամանած անիմատորների, նկարիչների և վիզուալ արվեստի սիրահարների…

• Հուդա․ մոլորված մարդու պատմությունը՝ մենախոսության և ռոքի լեզվով

  Theatre Location թատերական հարթակը շարունակում է թատրոնը ներկայացնել նաև ոչ ավանդական տարածքներում՝ հանդիսատեսին առաջարկելով նոր ձևաչափեր և թատերական փորձառություններ…

• Տաթևիկ Մելքոնյան․ երջանկության ամենաթանկ պահը, պատերազմի վախն ու անկեղծության արժեքը

  Մարդուն ճանաչելու համար երբեմն երկար զրույցներ պետք չեն․ բավական է մի քանի անկեղծ հարց, որոնց պատասխաններում բացվում են նրա աշխարհը, վախերն ու ամենանվիրական զգացումները։…

• Մարդիկ կան՝ վատ բաներ են մեր հետևից ասում, մարդիկ կան՝ ուրախանում են. Հելոուինը` Հայաստանում

  Հայաստանում Հելոուինը տարեցտարի ավելի նկատելի ներկայություն է ձեռք բերում…

• Ծաղկունք»-ի 10-ամյակը՝ Մոսկվայում․ երկու մեծամասշտաբ համերգային ծրագիր՝ մեկ հարթակում

  Հոկտեմբերի 25-ին Ռուսաստանի Դաշնության Մոսկվա քաղաքում կայացավ «Ծաղկունք» միջազգային 10-րդ հոբելյանական փառատոնը…

• «Վարդանյան եղբայրներ» կրկեսը՝ հյուրախաղերով Հայաստանի մարզերում

  «Վարդանյան եղբայրներ» կրկեսը, որը սիրված է ինչպես Երևանում, այնպես էլ մարզերում, առաջին անգամ հյուրախաղերով շրջագայում է Հայաստանի մարզերում…

• Ինչպես Նարեին դիմավորեցին «Զվարթնոց» օդանավականում՝ «Մանկական Եվրատեսիլում» հաղթանակից հետո. երգչուհու էմոցիաները (VIDEO)

  Ծաղիկներ, պաստառներ, դրոշներ, երգ ու պար. այսպիսի տրամադրություն էր տիրում լուսադեմին «Զվարթնոց» օդանավակայանում, որտեղ մի խումբ երկրպագուներ և ընկերներ եկել էին դիմավորելու «Մանկական Եվրատեսիլ 2026»-ի հաղթողին՝ Հայաստանի ներկայացուցիչ Նարեին…

Այս տարի Գ. Սունդուկյանի անվան ազգային ակադեմիական թատրոնը որպես Երեւանյան միջազգային թատերական փառատոնի հատուկ հյուր ներկայացնում է ֆրանսահայ աշխարհահռչակ դերասան եւ բեմադրիչ Սիմոն Աբգարյանին։  Աշխարհահռչակ արվեստագետը Հայաստան է ժամանել իր թատերախմբի՝ Քոմքանի դե սընք ռու-ի (Compagnie des 5 roues) հետ։ Երեւանում նրանք հանդես կգան Սիմոն Աբգարյանի հեղինակային ներկայացմամբ, որը մեծ հաջողություն է ունեցել ոչ միայն Ֆրանսիայում՝ դառնալով Ֆրանսիական ազգային թատրոնի Մոլիեր մրցանակի եռակի դափնեկիր, այլեւ շրջագայել է աշխարհի տարբեր քաղաքներում։

Աբգարյանը Հայաստանում է, ասում է՝ այստեղ իրեն շատ հանգիստ է զգում, եւ հատկապես ոգեւորված է, որ առաջին անգամ հայրենիքում ներկայացնելու է իր բեմադրությունը։ 

«Ես հավատում եմ, որ թատրոնը վերջին դիմադրող ուժ եւ ազատություն տվող վայրն է։ Թատրոնի մարդիկ «աղքատ» են, ուրեմն՝ ազատ, քանի չենք ենթարկվում փողին։ Լավ է, որ այսօր թե Հայաստանը, թե Ֆրանսիան մեզ հնարավորություն են տալիս, որ գանք եւ մեր գործը ներկայացնենք։ Անշուշտ, ուրախ եմ, որ կարող եմ գալ Հայաստան, քանի դեռ աշխատում եմ։ Ուզում եմ գալ իմ հայրենիքի մեջ գործել, թեկուզ Ֆրանսիան եւ Լիբանանն էլ իմ հայրենիքն են։ Միշտ ուզում եմ իմ հայկական մասը պահել, եւ կարեւոր է այն, որ թատրոնը մի վայր է, որը միացնում է բոլորիս՝ որպես մեկ մարդկային ազգի։ Իրար հետ քեֆ անելով պետք է սնունդ տանք»,-այսօր՝ նոյեմբերի 27-ին, Երեւանում կայացած մամուլի ասուլիսի ժամանակ նշեց Աբգարյանը։ Դերասանը շեշտում է՝ կարեւորը «մարդը մարդ մնա ու հասկանա՝ ինչ օգուտ է տալիս մարդկությանը»։ 

«Բեմադրիչ ու գրող լինելը գործ չէ, դա կյանք է։ Ես գնում եմ, տեսնում աշխարհը այն մտքով, որ տեսածս վերածեմ գործի։ Այն դրամը, որ մեզ տալիս է հանդիսատեսը, մենք պետք է վերադարձնենք նրանց համեստորեն։ Լիբանանում մորս հարցնում էին՝ «Սիմոնն ի՞նչ է անում»։ Նա պատասխանում էր՝ «Թատրոնում է», հետո հարցնում էին՝ «Իսկ գործը ի՞նչ է»։ Սա հավատքի, պայքարի ու երախտագիտության հարց է։ Արվեստը եւս պետության պինդ լինելու մաս է կազմում»,-վստահ է դերասանը։ 

Սիմոն Աբգարյանը հայ հանդիսատեսին հայտնի է, հատկապես, «Արամ» եւ «Արարատ» ֆիլմերից։ Խոսելով իր հայտնի կերպարի՝ Արամի մասին, դերասանը նշեց․ «Արամը խորհրդանշում է մեր վիրավորված ազգին։ Նա եւ խորհրդանիշ է եւ սիմպտոմ։ Ափսոս, որ մենք այս օրին հասանք։ Եթե արդարություն լիներ, այսպես չէր լինի։ Սա կապ ունի մեր ապրած աշխարհի հետ։ Մենք ուզում ենք առաջ գնալ եւ պետք է դա անենք առանց մոռանալու, թե ինչ է եղել, իսկ այն, ինչ պատահել է մեզ, փոքր բան չէ։ Ազգերն արդեն պարտված են, երբ զենքը վերցնում են ու գնում վրեժ լուծելու․ դա պարտություն է աշխարհի համար»։

Աբգարյանի «Էլեկտրան թշվառների աշխարհից» ներկայացումը հունական հնագույն առասպելի հզոր վերաիմաստավորումն է: Արգոսի ամենաաղքատ շրջանում ծավալվող այս հուզիչ ներկայացումն ամբողջապես վերափոխում է վրեժխնդրության դասական պատմությունը: Էլեկտրան՝ նախկին արքայադուստրը, իսկ այժմ հասարակաց տան սպասուհին, այրվում է զայրույթից եւ հուսահատությունից՝ սպասելով իր եղբոր՝ Օրեսթեսի վերադարձին։ Նրանք միասին կդիմակայեն իրենց մոր՝ Կլիթեմնեստրայի բռնակալությանը։

Ներկայացումն ուղեկցվում է Howlin' Jaws խմբի աշխույժ ռոք-ն-ռոլով, ցնցող խորեոգրաֆիայով եւ ձայների խմբերգով, որոնք կյանք են հաղորդում յուրաքանչյուր տեսարանին, «Էլեկտրան թշվառների աշխարհից» ներկայացումը տեսողական եւ զգացմունքային տոնախմբություն է: 
Հայ հանդիսատեսը  ներկայացումը կարող է դիտել դեկտեմբերի 5-ին եւ 6-ին, ժամը՝ 19։00-ին՝ Գաբրիել Սունդուկյանի անվան ազգային ակադեմիական թատրոնում։ 

Հետևեք NEWS.am STYLE-ին Facebook-ում, Twitter-ում և Instagram-ում