• «Ուզում եմ փորձել հայկական բոլոր ուտեստները». հայտնի շեֆ-խոհարար Անդրե Ռաշը ժամանել է Հայաստան

  Ռաշը Հայաստան է ժամանել FlyConnect Global AI, Startup & Creator Summit 2026 միջազգային գագաթնաժողովի շրջանակներում, իսկ NEWS.am STYLE-ի թիմը բաց չթողեց նրան անձամբ ողջունելու և մի քանի հարց ուղղելու հնարավորությունը...

• «Ձեր կյանքի ամենաերկար և ամենագեղեցիկ հաղթանակը թող ձեր սերը լինի». Նազենի Հովհաննիսյան  

  Հաղորդավարուհի և դերասանուհի Նազենի Հովհաննիսյանը ներկա է գտնվել օլիմպիական չեմպիոն Արթուր Ալեքսանյանի և նրա ընտրյալ Անիի հարսանեկան արարողությանը, որն անցկացվել է Կիպրոսում։ Նազենին սոցիալական ցանցի իր էջում հրապարակել է հարսանիքից լուսանկարներ և ջերմ շնորհավորանք հղել...

• Թատրոնը՝ որպես ներշնչանքի աղբյուր․ Մարիկա Դովլաթբեկյանը՝ բեմից դուրս  

  Այս անգամ մեր բլից զրույցի հյուրը ռեժիսոր Մարիկա Դովլաթբեկյանն է։ Փորձել ենք նրան ճանաչել ոչ թե մասնագիտական կենսագրության, այլ անձնական նախասիրությունների, փոքրիկ վախերի, երազանքների ու կյանքի հանդեպ վերաբերմունքի միջոցով...

• Երեք հայ ընդգրկվել է Լոս Անջելեսի 34 ազդեցիկ տղամարդկանց ցանկում․ «Los Angeles Magazine»  

  «Los Angeles Magazine» պարբերականն իր ամենամյա «2026 L.A. Man List» ցանկում միանգամից երեք հայի է ընդգրկել։ Ցանկը ներառում է այն 34 տղամարդկանց, որոնք նշանակալի ազդեցություն ունեն Լոս Անջելեսի մշակութային, գործարար և հասարակական կյանքի վրա...

• Երևանում մեկնարկել է «ՌեԱնիմանիա» 18-րդ փառատոնը. ինչպես է մայրաքաղաքը սուզվել անիմացիայի, կոմիքսների և ստեղծագործական բացահայտումների աշխարհ

  Փառատոնը մեկնարկեց ռեժիսոր Սեբաստիան Լոդենբախի «Կարմեն. ընդվզող թռչունը» (Viva Carmen!) ֆրանսիական անիմացիոն երաժշտական դրամայով։ Բացման արարողության առանցքային իրադարձություններից էր հայազգի ֆրանսիացի ռեժիսոր, սցենարիստ և դերասան Սերժ Ավետիքյանին հատուկ մրցանակի հանձնումը՝ անիմացիոն արվեստում ներդրած նշանակալի ավանդի համար։ Փառատոնի շրջանակում հանդիսատեսի դատին կհանձնվեն նրա երեք կարճամետրաժ աշխատանքները՝ «Կյանքի գիծը», «Գեղեցիկ առավոտ» և «Շնային պատմություններ» ֆիլմերը...

• Նոր կադրեր՝ Արթուր Ալեքսանյանի հարսանիքից  

  Օլիմպիական չեմպիոն Արթուր Ալեքսանյանի հարսանեկան արարողությունը տեղի է ունեցել նոյեմբերի 8-ին՝ Կիպրոսի Լիմասոլ քաղաքում։ Մարզիկն ամուսնացել է Անիի հետ, որը նույնպես Գյումրիից է...

• Սերժ Ավետիքյան. «Հայկական կինոն պետք է խոսի աշխարհին հասկանալի լեզվով»  

  Արհեստական բանականությունը խելացի է, բայց ոչ մարդու պես։ Այն համադրում է տեղեկույթն ու փորձում գտնել պատասխանելու ամենաճիշտ տարբերակը։ Սակայն մարդուն միշտ չէ, որ ամենաճիշտ պատասխանն է պետք։ Մարդը պետք է արձագանքի հույզերով, իր ուրույն և ինքնատիպ ընկալմամբ...

• Հայկական ԴՆԹ-ն լյուքսի աշխարհում. Petrossian խավիարից մինչև Schiaparelli-ի սվիտեր

  Petrossian-ի սև խավիարից ու միլանյան Serapian պայուսակներից մինչև ժնևյան Boghossian ադամանդներ, նավթային ժառանգորդի անձնական քմահաճույքով ստեղծված Rolls-Royce-եր և հոլիվուդյան աստղերի նախընտրած զարդեր։ Հայկական ազգանունները վաղուց արմատավորվել են շքեղության արդյունաբերության մեջ։ Ոմանց թիկունքում ընտանեկան կայսրություններ են, իսկ մյուսների հետևում՝ նորաձևության և ավտոմոբիլային դիզայնի պատմության մեջ մտած իրեր...

Արամ Խաչատրյան համերգասրահի մուտքից սկսած քաղաքը ջազ էր լսում: Կարմիր գորգ, Երեւանի խորհրդանիշ դարձած հյուրեր, որոնք ճեմասրահից սկսած ջազի հնչյունների ներքո մտնում են համերգասրահ… Առիթն ավելի քան պատկառելի է՝ Երեւանի սրտի լեգենդար ջազմենի՝ Լեւոն Մալխասյանի ընկերները  նրա ծննդյան 80-ամյակին ընդառաջ հանդես են գալիս նրան նվիրված հոբելյանական համերգով: Համերգը կազմակերպել էին Երեւանի քաղաքապետարանը եւ «Նյու Ջեներեյշն Փրոջեքթը»:

«Այսօր այն օրն է, որ կարող ենք մենք միմյանց շնորհավորել մաեստրոյին շնորհավորելուց առաջ, որովհետեւ այսօր ունենք հնարավորություն միասին ներկա գտնվելու մեր քաղաքի ներկան պայմանավորող, մեր քաղաքն անձնավորող, դրան գույն տվող մարդկանցից մեկի ծննդյան օրվան»,-իր խոսքում նշեց ՀՀ ԿԳՄՍ նախարար Ժաննա Անդրեասյանը՝ մաղթելով, որ Երեւանը երկար տարիներ վայելի Լեւոն Մալխասյանի ներկայությունը: Անդրեասյանը նախարարության կողմից Մալխասյանին հանձնեց ոսկե հուշամեդալ:

Մեծն ջազմենին նվիրված համերգին ներկա էին վարապետի տիկին Աննա Հակոբյանը, Երեւանի քաղաքապետ Տիգրան Ավինյանը, արվեստի ու մշակույթի ոլորտում հայտնի մարդիկ:

Հոբելյանական համերգի շրջանակներում արտերկրից Հայաստան էին ժամանել մի շարք երաժիշտներ։ Համերգին նաեւ իրենց կատարումներով հանդես եկան հայազգի արտիստներ, երաժիշտներ՝ Լեւոն Մալխասյան տրիոն, Գարիկ Սարիբեկյան տրիոն, Արեգ Առուստամյան տրիոն, Մարտին Վարդազարյանը, Վահագն Հայրապետյանը։

Համերգային երեկոն տեղի ունեցավ Հայաստանի պետական ջազ նվագախմբի/գեղարվեստական ղեկավար՝ Դավիթ Մելքոնյան/ եւ Հայաստանի հանրային ռադիոյի էստրադային սիմֆոնիկ նվագախմբի /գեղարվեստական ղեկավար, ՀՀ ժողովրդական արտիստ Երվանդ Երզնկյան/ մասնակցությամբ:

Երեկոյի երաժշտական համարները, պարբերաբար, ընդհատվում էին մաեստրոյին ուղղված շնորհավորական տեսաբացիկներով՝ մաղթանքներ, հումորային պատմություններ եւ ջերմ խոսքեր: Մալխասյանին յուրաքանչյուրը ճանաչում է յուրովի, սակայն կա մի բնութագիր, որը բոլորն են տալիս՝ նա Երեւանն է, իսկ Երեւանը նրա մեջ է:

«Երեւանն իմ ծննդավայրն է, իմ հայրենիքն է… Ինձ համար Երեւանը մնացել է իմ անանցնող կուռքը, որն ինձ միշտ ձգում է: Սա, պարզապես, հայրենասիրություն չէ, սա ուրիշ բան է: Ես շատ երկրներում եմ եղել, բայց 13 օրից ավել չեմ կարողացել ուրիշ տեղ մնալ: Գործիս բնույթն այնպիսին է, որ չեմ կարողանում շուտ վերադառնալ տուն, եւ երբ ինձ հարցնում են՝ որտեղից ես գալիս, ասում եմ՝ Երեւանից: Քիչ ա, որ Երեւանը դու սիրես, Երեւանն էլ պիտի քեզ սիրի»,-ասում է Երեւանի սիրելի Մալխասը, իսկ հանդիսատեսը նրա ամեն մի խոսքն ու նոտան հաստատում է հոտընկայս ու բուռն ծափահարություններով:

Սյունե Առաքելյան

Լուսանկարները՝ Պարույր Մարկոսյանի

Հետևեք NEWS.am STYLE-ին Facebook-ում, Twitter-ում և Instagram-ում