Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Հայաստանը եւս մեկ քայլով մոտ է եվրատեիլյան պատվիրակի ընտրությանը. ի՞նչ է սպասվում «Դեպի Եվրատեսիլ»-ի ընթացքում

10:17, 11 փետրվարի

Հայաստանը եւս մեկ քայլով մոտ է «Եվրատեսիլ»-ում մեր պատվիրակի ընտրությանը: Հաղթող մասնակիցն այս տարի պարզ կդառնա «Դեպի Եվրատեսիլ» մրցույթի արդյունքում, որը տեղի կունենա փետրվարի 16-ին՝ Կարեն Դեմիրճյանի անվան մարզահամերգային համալիրում: Իսկ մինչ այդ մրցույթի եզրափակիչ անցած 12 մասնակիցները հանդիպեցին ձյունառատ Գեղարդում, ծանոթացան, որոշեցին միմյանց ելույթների հերթականությունը ու շփվեցին լրագրողների ու ինֆլուենսերների հետ:

IMG_2762.jpeg (1.85 MB)

Ինչպե՞ս որոշվեց, որ մեր մասնակիցը պետք է ընտրվի «Դեպի Եվրատեսիլ» մրցույթով: Ի՞նչ սկզբունքով են ընտրվել մասնակիցներն ու երգերը: Ինչպե՞ս է որոշվելու հաղթողը: Այս եւ այլ հարցերի շուրջ զրուցել ենք «Եվրատեսիլ»-ում Հայաստանի պատվիրակության ղեկավար Դավիթ Ծերունյանի հետ:

IMG_2767.jpeg (1.25 MB)

«Ինչպես յուրաքանչյուր տարի, Եվրոպական հեռարձակողների միությունը բոլոր մասնակից հանրային հեռարձակողներին իրավունք է տալիս երկու տարբերակով ընտրել մասնակցին՝ կամ ներքին ընտրությամբ, կամ ազգային: Սա մեր 17-րդ մասնակցությունն է մրցույթին. տարիների ընթացքում եղել են եւ ազգային, եւ ներքին ընտրություններ, ու երբ քննարկում էինք այս տարվա մասնակցի ընտրությունը, որոշեցինք վերադառնալ «Դեպի Եվրատեսիլ»-ին, որովհետեւ, նախ, շատ էին այն արտիստները, որոնք դիմում էին մեզ, հետո մենք հասկացանք, որ վերջին «Դեպի Եվրատեսիլ»-ից 5 տարի է անցել, ի վերջո սերնդափոխություն է եղել, կան նոր անուններ, նոր երգիչներ, որոնք, գուցե, դեռ այդքան էլ ճանաչված չեն, բայց շատ տաղանդավոր են, եւ նրանց ինչ-որ հարթակ է պետք ելույթ ունենալու, ու գուցե «Եվրատեսիլ» գնալու: Դատելով երգերից ու երկրպագուների արձագանքից՝ կարծես չենք սխալվել, շատ հետաքրքիր մրցակցություն է լինելու ու, ինչպես երկրպագուներն են գրում, շատ թեժ պայքար է սպասվում»,-մանրամասնեց Դավիթը:

IMG_2764.jpeg (1.36 MB)

Նա նշեց, որ Առաջին ալիքը 50-ից ավել հայտ է ստացել, որից հետո հավաքվել է մասնագետներից բաղկացած խումբ, որոնք ուսումնասիրել են ներկայացված բոլոր երգերն ու կատարել իրենց ընտրությունը: «Բնականաբար առաջնային ուշադրություն դարձվել է երգին, բայց նաեւ կարեւոր է եղել պահել բալանսը, այսինքն՝ որ լինեն եւ արդեն կայացած ու հայտնի արտիստներ, եւ միեւնույն ժամանակ հնարավորություն տալ նոր արտիստների: Իսկ ժանրային առումով ֆոկուս խումբը փորձել է այնպես անել, որ հանդիսատեսը հնարավորինս տարբեր ժանրեր լսի ու ընտրության հնարավորություն ունենա»:

Մասնակիցներն իրենք էլ առաջին անգամ Առաջին ալիքի հայտարարությունից հետո են իմացել, թե ովքեր են իրենց մրցակիցները եւ ինչ երգերով են մրցելու:

Ծանոթությունը ստացված է, ելույթների հաջորդականությունը որոշված: Իսկ ո՞ր համարն է «Եվրատեսիլ»-ում ամենահաջողակն ու հիշվողը:

IMG_2765.jpeg (1.60 MB)

IMG_2759.jpeg (1.55 MB)

«Ինչպես ցանկացած շոուի դեպքում, այնպես էլ՝ «Եվրատեսիլ»-ի, ելույթների հերթականությունը շատ հարաբերական է. ամեն ինչ որոշվում է համեմատության մեջ,-ասում է Դավիթը,-Նախ՝ ի տարբերություն «Եվրատեսիլ»-ի, «Դեպի Եվրատեսիլ»-ում ընդամենը 12 մասնակից է, ու այս դեպքում այնքան էլ դժվար չէ հիշել առաջին մասնակցին: Երկրորդ՝ ամեն ինչ կախված է մրցող երգերից: Գուցե լինեն երգեր, որոնք, անկախ իրենց համարից, հիշվում են, եւ այնպիսիք, որոնք ըստ երկրպագուների շատ լավ տեղ ունեն, բայց, միեւնույն է, մոռացվում են»,-նշեց հայաստանյան պատվիրակության ղեկավարը: Նա նաեւ խոսեց հաճախ երգերը այլ երգերի նմանեցելու փորձերի մասին:

IMG_2757.jpeg (2.06 MB)

«Մեր օրերում շատ բարդ է որեւէ երգ անվանել պլագիատ, որովհետեւ ամբողջ երաժշտական աշխարհում ցանկացած դեպքում թույլատրված է վերցնել որեւէ հայտնի ստեղծագործություն, եւ դրա մոտիվը, երբեմն՝ նոտաները օգտագործել՝ փորձելով ստանալ նոր երգ. սա ամեն օր կարող եք տեսնել միջազգային շուկայում»:

IMG_2763.jpeg (1.47 MB)

Փետրվարի 16-ին հանդիսատեսին սպասվում է մաքսիմալ գունեղ, դինամիկ շոու, ասում է Դավիթը,-«Քանի որ մեր երգերն արդեն ինչ-որ էտապ անցել են, կարծում եմ՝ էական չի լինի դրանց հերթականությունը: Հաղթողը կորոշվի ինչպես «Եվրատեսիլ»-ում՝ քվեարկության միջոցով. կլինի պրոֆեսիոնալ ժյուրի, կունենանք նաեւ հեռուստադիտողների քվեարկություն, իսկ հեռուստադիտողի ցանկացած քվե հաճախ շատ վճռորոշ դեր է ունենում»,-հավելում է նա:

IMG_2758.jpeg (1.71 MB)
IMG_2761.jpeg (1.61 MB)

Կարեն Դեմիրճյանի անվան մարզահամերգային համալիրում կայանալիք շոուն կբացի Պարգը՝ ելույթ ունենալով 01 համարի ներքո, համերգը կեզրափակի Աթենա Մանուկյանը՝ 12-րդ համարի ներքո:

Մասնակիցները ելույթ կունենան հետեւյալ հերթականությամբ՝

Պարգ-01

«Սեւագիր»-02

Անահիտ Ադամյան-03

Մելս-04

Սիմոն-05

Ֆլորա Բիչախչյան-06

Գեւորգ Հարությունյան-07

Altsight-08

Անահիտ Հակոբյան եւ Գասոյա-09

Արսեն եւ Կամիլ-10

Միլենա Ամիրջանյան-11

Աթենա Մանուկյան-12

«Եվրատեսիլ 2025»-ը տեղի է ունենալու մայիսի 13-ին, 15-ին ու 17-ին՝ Շվեյցարիայի Բազել քաղաքում:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search