• «Մամայի Բալա»-ն վերադառնում է․ նոր եթերաշրջանում՝ նոր խառնաշփոթ, սեր ու անսպասելի փորձություններ

  Սվետայի տունը կրկին պատրաստվում է վերածվել ամենաանկանխատեսելի ու զվարճալի վայրերից մեկի...

• «Մի գդալ սեր»՝ ֆիլմ, որի յուրաքանչյուր դետալում սեր կա․ պրեմիերա, կարմիր գորգ, խոստովանություններ

  Գրեթե մեկ տարի անց «Մի գդալ սեր» ֆիլմը պատրաստ է հանդիպելու հանդիսատեսին․․․

• «Գերին և Գրեյսը»․ հույսի և մենության մասին տրագիկոմեդիան հայ հանդիսատեսին կներկայացնեն Հովհաննես Բաբախանյանն ու Նարինե Չիլինգարյանը

  ԱՄՆ-ում բնակվող ՀՀ վաստակավոր արտիստ Հովհաննես Բաբախանյանը սեպտեմբերին հյուրախաղերով հանդես կգա հայրենիքում...

• Բլոգեր Նուշիկ Օհանյանի ամուսինը, մեկ տարի կոմայի մեջ գտնվելուց հետո, մահացել է

  Բլոգեր Նուշիկ Օհանյանի ամուսինը, մեկ տարի կոմայի մեջ գտնվելուց հետո, մահացել է…

• Ալեն Սիմոնյանի շնորհավորանքը կնոջը՝ Անելյա Գուբրյանին, 26-ամյակի առթիվ (ֆոտո)

  Անվտանգության խորհրդի քարտուղար Ալեն Սիմոնյանի կինը՝ մոդել Անելյա Գուբրյանն, այսօր՝ սեպտեմբերի 2-ին, նշում է ծննդյան 26-ամյակը…

• ArmenՅԱՆs. Ջեք Թոփալյան՝ «էյֆորիայի» հայ աստղը․ ինչպե՞ս բիզնեսը փոխարինեց դերասանի կարիերայով, «տանջեց» Ջեյքոբ Էլորդիին ու հայերեն խոսեց ամերիկյան հայտնի սերիալում

  Մենք՝ հայերս, աշխարհի որ երկրում էլ լինենք, միշտ հպարտություն ենք ապրում, երբ մեր հայրենակիցներից մեկին հանկարծ տեսնում ենք որևէ խոշոր միջազգային նախագծում...

• Անձրևի և կայծակի պատճառով հետաձգվել է Էրիկի մենահամերգը

  Համերգի մեկնարկից հետո երգիչը հասցրել է մի քանի երգ կատարել, սակայն ուժեղ անձրևի և կայծակի պատճառով միջոցառումը ստիպված են եղել դադարեցնել։ Էրիկ Կարապետյանն ավելի ուշ իր ինստագրամյան սթորիում հայտնել է, որ համերգը տեղափոխվում է սեպտեմբերի 3-ին՝ ժամը 20:30-ին...

• Սեր, սեքս, ազատություն և Ստալին․ Զաբել Եսայան՝ իր ժամանակի գլխավոր ապստամբը

  Նա վիճում էր, սխալվում, պաշտպանում, մեղադրում, հավատում գաղափարներին ու հետո հիասթափվում դրանցից, բայց գրեթե երբեք չէր համաձայնում ապրել այնպես, ինչպես իրենից պահանջում էին շրջապատողները...

Անահիտ Ադամյանը «Դեպի Եվրատեսիլ» մրցույթում հանդես կգա 03 համարի ներքո։ Երգչուհին մասնակցում է «Tiny Little Boo» երգով, որը հեղինակել է Նիկ Էգիբյանի եւ կրտսեր եղբոր՝ Բորիս Ադամյանի հետ։ Երգչուհին նշում է՝ իր երգի միջոցով ցանկանում է յուրաքանչյուր աղջկա մեջ ինքնավստահություն ու իրենց հանդեպ սեր սերմանել։ 

Անահիտն ասում է, որ պատահական է իմացել մրցույթի մասին, լսել է մտերիմներից, ովքեր համացանցում կարդացել էին, թե ինքը մասնակցելու է «Եվրատեսիլին»։ 

«Իրականում ես շատ ուշ եմ իմացել այս մրցույթի մասին, այն էլ նրա շնորհիվ, որ իմ ընտանիքի անդամներին՝ մայրիկիս, հայրիկիս շատերն էին հարցնում՝ արդյոք ճի՞շտ է, որ ես մասնակցում եմ, որ ես եմ գնալու «Եվրատեսիլ», ինչ-որ եզրակացություններ էին անում, որոնք իրական չէին, ու մտածեցինք, որ եթե խոսակցություններ կան, ինչո՞ւ չմասնակցեմ։ Իրականում ինքս էլ շատ էի ուզում, ու սպասում էի, որ լիներ նմանատիպ մրցույթ, որին կարող էի գալ ու մասնակցել»,-պատմում է նա։ Անահիտը նշում է՝ այնուհետեւ Նիկ Էգիբյանի հետ սկսել են զբաղվել երգի արտադրությամբ, որից հետո իրենց միացել է նաեւ եղբայրը՝ գրելով երգի խոսքերը, որոնք մի փոքր մշակել են ու ներկայացրել մրցույթին։

«Շատ հետաքրքիր համագործակցություն էր, ես ամբողջությամբ վայելել եմ աշխատանքային գործընթացը, Նիկի հետ անընհատ քննարկումներ էինք ունենում, փորձում հասկանալ՝ ինչ անել, ինչ ստանալ․․․»,-հիշում է երգչուհին։ 

«Tiny Little Boo» երգի շուրջ քննարկումները շատ են․ ոմանք երգչուհուն համեմատում են Արիանա Գրանդեի հետ, մյուսները կարծում են, որ այն հեշտությամբ կարող էր մասնակցել նաեւ «Մանկական Եվրատեսիլ» մրցույթին։ Անահիտն ասում է՝ հարգում է յուրաքանչյուրի կարծիքը ու նորմալ է համարում ցանկացած քննարկում։ Անահիտն ու Նիկը երգի մեջ փորձել են ներդնել ամեն ինչ՝ եւ հիթային մեղեդի, եւ վոկալային շեշտադրում։ 

«Իրականում միակ սպասելիքս այն է, որ հաճույք ստանամ, վայելեմ բեմն ու իմ ելույթը, մնացածը թող Աստված որոշի։ Ես եւ Նիկը երգի մեջ ցանկացել ենք ներառել ամեն ինչ՝ կա եւ ռեփի հատված, կա հիշվող կրկներգ, որը շատերի խոսքով՝ մեկ անգամ լսելուց հետո ամբողջ օրը երգել են, ու դա ինձ համար շատ կարեւոր է, քանի որ մենք հենց այդ էինք ցանկանում ստանալ։ Կան նաեւ բարձ նոտաներ, որոնք շեշտադրում են վոկալը։ Առաջին հայացքից, գուցե, թվա երգը թեթեւ է, ինքն իրեն գովաբանող աղջկա մասին, բայց իրականում ես այնպիսի միտք եմ ցանկացել փոխանցել, որ յուրքանչյուր աղջիկ այն լսելիս, մտածի, որ երգն իր մասին է, որ ինքն ամենասիրունն ու ամենալավն է, որովհետեւ ես գիտեմ, որ շատ աղջիկներ ունեն տարբեր բարդույթներ, ես էլ բացառություն չեմ, ու երգն, առաջին հերթին, ինքնագնահատականի բարձրացման մասին է։ 
 

Անահիտը 2016 թ-ին Անահիտ եւ Մերի դուետի շրջանակում մասնակցել է «Մանկական Եվրատեսիլ» մրցույթին, նրա խոսքով՝ հենց այդ տարվանից է սկսել երազել «Եվրատեսիլ» երգի մրցույթին Հայաստանը ներկայացնելու մասին։ 

«Երբ «Մանկական Եվրատեսիլում» մենք երկրորդ տեղը զբաղեցրինք, դա ինձ շատ մոտիվացրեց, եւ մտածեցի՝ երբ տարիքս լրանա, կմասնակցեմ նաեւ մեծերի «Եվրատեսիլին»։ Որքան էլ «Մանկական Եվրատեսիլը» կարեւոր մրցույթ է, մեծերի մրցույթն այլ լրջություն ունի, դրա համար շատ էի սպասում այսպիսի առիթի, որ ելույթ ունենամ թեկուզ «Դեպի Եվրատեսիլին», մանավանդ, որ մասնակիցները շատ ուժեղ են եւ յուրաքանչյուրն իր երգով կարող է մոտենալ մարդկանց սրտերին, եւ ես, ամեն դեպքում, շատ շնորհակալ եմ Աստծուց ու գոհ եմ, որ հնարավորություն ունեմ մասնակցելու այս մրցույթին»,-եզրափակեց երգչուհին։

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում