• Սոնա Եսայանն ու Գրիգ Գևորգյանը սպասում են իրենց առաջնեկին  

  Պարուհին ու Գրիգ Գևորգյանը 2019 թվականին են ամուսնացել...

• Իվետա Մուկուչյանը, Սուպեր Սաքոն ու Սարո Թովմասյանը երգել են Ալեն Սիմոնյանի հարսանիքին

  Ալեն Սիմոնյանի և Անելյա Գուբրյանի հարսանեկան խնջույքն այս պահին շարունակվում է: Համացանցում նոր կադրեր են հրապարակվել...

• Կան պահեր, որոնց հանդիսատեսը հաստատ չի սպասում. Անի Երանյանը՝ «Ֆուլ Հաուսի» վերադարձի մասին

  «Ֆուլ Հաուս»-ի երկրպագուները տոնելու առիթ ունեն. սիրված նախագիծը սեպտեմբերի 8-ին վերադառնում է՝ այս անգամ ներկայացման ձևաչափով...

• «Մամայի Բալա»-ն վերադառնում է․ նոր եթերաշրջանում՝ նոր խառնաշփոթ, սեր ու անսպասելի փորձություններ

  Սվետայի տունը կրկին պատրաստվում է վերածվել ամենաանկանխատեսելի ու զվարճալի վայրերից մեկի...

• «Մի գդալ սեր»՝ ֆիլմ, որի յուրաքանչյուր դետալում սեր կա․ պրեմիերա, կարմիր գորգ, խոստովանություններ

  Գրեթե մեկ տարի անց «Մի գդալ սեր» ֆիլմը պատրաստ է հանդիպելու հանդիսատեսին․․․

• «ԹԷԱՏՐՈՆ» փառատոնի շրջանակում Երևանում կցուցադրվի «Ֆոլիա» ներկայացումը

  Սեպտեմբերի 14-ից 28-ը, Երևանի քաղաքապետարանի գլխավոր հովանավորությամբ, ՀՀ արտաքին գործերի նախարարության և ՀՀ էկոնոմիկայի նախարարության Զբոսաշրջության կոմիտեի աջակցությամբ, Հայաստանում կանցկացվի «ԹԷԱՏՐՈՆ» կատարողական արվեստների միջազգային ֆրանկոֆոն փառատոնը․․․

• «ԹԷԱՏՐՈՆ» փառատոնի շրջանակում Երևանում կներկայացվի բելգիական «Չայկա» թատերախմբի «Լոկո» խամաճիկային ներկայացումը

  Սեպտեմբերի 24-ին, ժամը՝ 19:30-ին, «ԹԷԱՏՐՈՆ» կատարողական արվեստների միջազգային ֆրանկոֆոն փառատոնի շրջանակում Սոս Սարգսյանի անվան Համազգային թատրոնում կներկայացվի բելգիական «Չայկա» թատերախմբի «Լոկո» խամաճիկային ներկայացումը...

• Հայաստանում կանցկացվի «ԹԷԱՏՐՈՆ» կատարողական արվեստի միջազգային ֆրանկոֆոն փառատոնը

  2026 թվականի սեպտեմբերի 14–28-ը Երևանի քաղաքապետարանի գլխավոր հովանավորությամբ Հայաստանում կանցկացվի «ԹԷԱՏՐՈՆ» կատարողական արվեստների միջազգային ֆրանկոֆոն փառատոնը...

Երեկ՝ ապրիլի 16-ին, Հայ կինոյի օրը, Կինոյի տանը կայացավ Պրոֆեսիոնալ Գիլդիաների 2-րդ մրցանակաբաշխությունը, որի շրջանակում պարգեւատրվեցին կինոոլորտի այն ներկայացուցիչները, որոնց աշխատանքը, սովորաբար, մնում է կադրից դուրս:

Այս տարի մրցանակաբաշխության առաջատարը Աննա Մաքսիմի «Մեդալի հակառակ կողմը» ֆիլմն էր՝  4 մրցանակով՝ Լավագույն ռեժիսոր, Լավագույն սցենարիստ, Լավագույն օպերատոր, Խաղարկային լիամետրաժ ֆիլմի լավագույն նկարիչ-դիմահարդար անվանակարգերում:

Առաջին մրցանակը դերասանուհի-ռեժիսորին հանձնեց ՀՀ ժողովրդական արտիստ Միքայել Պողոսյանը: Այն ստանալիս Աննան խոստովանեց. «Ես չգիտեմ՝ ավելի զարմանալի է այն, որ այս մրցանակը շնորհվում է ինձ, թե որ մրցանակը շնորհում է Միքայել Պողոսյանը: Չնայած՝ ինչպես ասում են՝ ինչ աշակերտ, որ չգերազանցի իր ուսուցչին»:

Посмотреть эту публикацию в Instagram

Публикация от NEWS.am STYLE (@style.news.am)

Մայքլ Գուրջյանի եւ Արման Նշանյանի «Ամերիկացին» 2 մրցանակ ստացավ՝ Լավագույն պրոդյուսեր եւ Խաղարկային լիամետրաժ ֆիլմի լավագույն նկարիչ անվանակարգերում:

Այս տարի առաջին անգամ մրցանակներ հանձնվեցին նաեւ անիմացիոն ֆիլմերի ոլորտում:

Եղան նաեւ հատուկ մրցանակներ կինոարվեստում ունեցած մեծ ավանդի համար, որոնք շնորհվեցին նկարիչ-դեկորատոր Աղասի Հայրապետյանին եւ լույսի վարպետ Դավիթ Գրիգորյանին:

Մրցանակաբաշխությունն իրականացնում է Հայաստանի կինոգործիչների միությունը: Կինոն մեր ինքնության մի մասն է, ասաց Հայաստանի կինոգործիչների միության նախագահի գլխավոր խորհրդական Արայիկ Մանուկյանը, որը նկատեց՝ վերջին տարիներին ձեռքբերումներ կան հայկական կինոյում:

«Մեր երազանք էր, որ Հայաստանում ստեղծվեին պրոֆեսիոնալ գիլդիաներ․ սա ընդունված գործունեության ձեւ է կինոյի աշխարհում, որպեսզի կարողանան կարգավորել այն բոլոր կանոնները, որոնք գոյություն ունեն այս ոլորտում: Մենք ունենք պրոդյուսերների, ռեժիսորների, օպերատորների, սցենարիստների գիլդիաներ: Մեր նպատակն է, որ նրանք կայանան եւ դրա արդյունքում նաեւ ունենան համատեղ ստորագրված հուշագիր, որը կկարգավորի խաղի կանոնները»,-լրագրողների հետ զրույցում նշեց Մանուկյանը:

Պրոդյուսեր Արման Միտոյանը կարծում է՝ գիլդիաների կարեւորությունը նրանում է, որ «մեր փոքր, բայց ակտիվորեն զարգացող համայնքում մասնագետները հնարավորություն են ստանում շփվելու, համագործակցության հարթակ ստեղծելու եւ ընդհանուր պայմանավորվածություններ ձեռք բերելու»։ Նրա խոսքով՝ եղել է ժամանակաշրջան, երբ ոլորտը գրեթե չէր զարգանում. չկային խաղի հստակ կանոններ։ 

«Այսօր գիլդիաներն ուղղակի փորձ չեն, այլ իրական քայլ համակարգվածության ստեղծման ճանապարհին։ Դրանք օգնելու են ձեւավորել միասնական մոտեցումներ, պայմանավորվածություններ եւ հավասար խաղի կանոններ՝ անկախ անուններից։ Կարեւորը՝ հավասարության սկզբունքն է, որը պետք է գործի բոլորի համար»,-նշեց նա:

Միտոյանը հավելեց՝ վերջին տարիներին նկատվում է աճ՝ նկարահանվում են ավելի շատ ֆիլմեր, ոլորտն ակտիվանում է, եւ մասնագետներն իրենց ավելի պաշտպանված ու գնահատված են զգում։ «Գիլդիաների ստեղծումը մեծապես նպաստում է այս ամենին»,-կարծում է նա:

Ինչ վերաբերում է քվեարկությանը, այն անցկացվել է փակ ձեւաչափով՝ էլեկտրոնային տարբերակով, եւ պրոդյուսերի խոսքով՝ արդյունքը բոլորի համար էր անակնկալ։

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում