• Ռիհաննան Ֆրենսիս Քյուրքջյանի հետ Dior-ի համատեղ տեսանյութում փայլել է հայկական Yeprem ապրանքանիշի զարդերով

  Ռիհաննան և Christian Dior-ի օծանելիքի ստեղծագործական տնօրեն Ֆրենսիս Քյուրքջյանը ներկայացրել են նոր J’adore Intense օծանելիքի բույրային նոտաները՝ բացահայտելով դրա ստեղծման գաղտնիքները…

• Հայաստան է գալիս աշխարհահռչակ TOM FORD բրենդը

  Երկարատև բանակցություններից հետո Հայաստան է գալիս աշխարհահռչակ TOM FORD բրենդը…

• Հայկական TERESS բրենդը ներկայացրեց իր աշուն-ձմեռ 26-27 հավաքածուն՝ հյուրերին հրավիրելով ինքնատիպ «դեգուստացիայի» (VIDEO)

  Հայկական TERESS բրենդը հետաքրքիր կերպով ներկայացրեց իր նոր՝ աշուն-ձմեռ 26-27 հավաքածուն...

• Գեղեցիկ և ֆունկցիոնալ տուն․ ինչպե՞ս համադրել տեխնիկան և ինտերիերը

  Ժամանակակից տունն այսօր միայն հարմարավետ կահույքի և գունային լուծումների համադրությունը չէ...

• «Կոկա-Կոլա ՀԲՔ Արմենիա» ՓԲԸ-ն նշեց իր գործունեության 30-ամյա հոբելյանը Հայաստանում

  «Կոկա-Կոլա ՀԲՔ Արմենիա» ՓԲԸ-ն սեպտեմբերի 24-ին կայացած հոբելյանական միջոցառմամբ նշեց Հայաստանում իր գործունեության 30-ամյակը՝ վերահաստատելով երկրում իր երկարաժամկետ հանձնառությունը և շարունակական ներդրումներն՝ ուղղված տնտեսական աճին, աշխատատեղերի ստեղծմանը, մատակարարների աջակցմանն ու համայնքների զարգացմանը...

• «Hahaha LA». Երբ մանկական հագուստը դառնում է մշակութային կամուրջ

  Լոս Անջելեսում հիմնադրված «Hahaha LA» հայկական ընկերությունը մանկական հագուստը վերածում է յուրօրինակ մշակութային կամրջի, որը կապում է սերունդներ, երկրներ և միմյանցից տարբեր մանկական աշխարհներ…

• «PROFAL․ ձայնամեկուսիչ է» արշավը երեք օր շարունակ գրավեց երևանցիների ուշադրությունը

  Երևան քաղաքի տարբեր փողոցներում երեք օր շարունակ հնարավոր էր տեսնել մի մեքենա, որը բառացիորեն ստիպում էր անցորդներին կանգ առնել ու պատրաստել հեռախոսները։ Քաղաքային աղմուկի ու եռուզեռի մեջ մեքենայի ներսում տիրում էր լիակատար անդորր ու խաղաղ մթնոլորտ...

• Neutrogena-ն ներողություն է խնդրում Հեյդեն Պանետիերից՝ 2015-ին հետծննդյան դեպրեսիայի դեմ պայքարելու ընթացքում նրան աշխատանքից ազատելու համար

  Neutrogena-ն վերջապես ներողություն է խնդրում Հեյդեն Պանետիերից՝ նրա ողբերգական մահից մի քանի օր անց՝ 2015 թվականին հետծննդյան դեպրեսիայի տառապանքի ժամանակ նրա պայմանագիրը խզելու համար, գրում է Pag Six-ը․․․

Հետաքրքիր է, թե ինչով են առաջնորդվել  մեր նախնիները, փոխարինելով երկար շապիկները՝ ներքնազգեստով: Շատերը կարծում են, որ հիմնական դրդապատճառը եղել է հարմարավետությունն ու  մարմնի «ամոթալի» մասերը թաքցնելու ցանկությունը, իսկ ոմանց կարծիքով, դրդապատճառը ցրտից պաշտպանվելու հավելյալ միջոց ստեղծելն էր: Գոյություն ունի նաեւ երրորդ տարբերակը: Ներքնազգեստը հիգիենայի երաշխիք է: Ներքնազգեստի կերպարանափոխության մասին կարելի է ծանոթանալ նաեւ հանրագիտարանում, սակայն հասկանալու համար, թե ինչի համար է այն հայուհիներին  պետք, կարող են պատմել հենց իրենք կանայք ու ներքնազգեստ վաճառողները:

Աննա՝ 49 տարեկան.

Սիրում եմ նրբաճաշակ, սեքսուալ ներգնազգեստ։ Կարծում եմ, որ կնոջ ներքնազգեստը պետք է լինի հեշտությամբ լվացվող, ու ցանկալի է՝ բաց գույնի։

Լուիզա՝ 21 տարեկան.

Իմ զգեստապահարանում կան գիպյուրե սեքսուալ կրծկալներ, որոնք լավ են նայվում ու փայլուն ընդգծում կազմվածքը։ Բայց հաճախ նախընտրում եմ նաեւ սպորտային ու ազատ ոճի ներքնազգեստ։

«La Coquette»-ի վաճառողուհի.

Մեր հաճախորդները գալիս են ոչ միայն գնումներ կատարելու, այլեւ խորհուրդներ ստանալու համար, քանի որ տեղյակ են, որ մենք պարբերաբար մասնակցում ենք նախապատրաստական դասընթացների ու սեմինարների։ Մենք օգնում ենք նրանց ընտրել որակյալ ու կազմվածքին համապատասխան ներքնազգեստ։ Ցավալի է` հաճախ ստացվում է այնպես , որ մեր խորհուրդներն չեն համընկնում գնորդների ցանկությունների հետ ու նրանք խուսափում են գնել չափից շատ յուրահատուկ ներքնազգեստ։

Վաճառողուհի Մարիամը նշեց, որ այս ամառ հայուհիները սկսել են իրենց զարմացնել։ Գալիս են համեստ հագնված աղջիկներ, անվստահ ուսումնասիրում տեսականին, իսկ հետո... վերցնում առջեւից ու հետեւից ճեղքվածքներ ունեցող կիսավարտիքներ ու գնում։ Մենք հազվադեպ ենք ստանում էրոտիկ ներքնազգեստ ու այն սպառվում է շատ արագ, այնպես որ, անհրաժեշտություն է զգացվում ավելացնել դրանց ներմուծումը։

Ինչպիսի՞ գույներ, միտումներ, տեսակներ են նախընտրում հայ կանայք։

Աննա՝ 49 տարեկան.

Ես հավանում եմ ««Lily» ֆիրմայի արտադրանքը, քանի որ  նրանց առաջարկած ներքնազգեստը շատ որակյալ է։ Գույները հիմնականում սեւ ու մուգ կարմիր են։ Նախընտրում եմ «Անժելիկա» տեսակի կրծկալները, դրանց կտրվածքը չի խանգարում բաց դեկոլտեին։

Ելենա՝ 30 տարեկան.

Ես չեմ վազում բրենդային ապրանքների հետեւից։ Կարող եմ կրել ոչ այնքան հայտնի ֆիրմաների արտադրանք, բայց ունենալ այնպիսի տեսք, ինչպիսին նախընտրում եմ։ Ընդհանրապես ձմռանը կրում եմ սեւ, իսկ ամռանը՝ մարմնագույն կրծկալ։

Լուիզա՝ 21տարեկան.

Բրենդերով չեմ հետաքրքրվում։ Ինքս սիրում եմ սեւ գույնը, բայց նախկին ընկերոջս գոհացնելու համար հագնում էի նաեւ մուգ մանուշակագույն ներգնազգեստ։ Եվ, իհարկե, երբեք անուշադրության չեմ մատնում կարմիրը։

«Debenhams»-ի վաճառողուհի.

Սեւ, մուգ կարմիր ու սպիտակ ներքնազգեստը միշտ եղել է արդիական։ Փարթամ կանանց, ինչպես եւ նիհարներին միշտ այդպիսի ներքնազգեստ է հետաքրքրում, ուղղակի անհրաշտ է ապահովել համապատասխան չափեր։

Ինչպիսի՞ ներքնազգեստ են գնում հայուհիներն ամուսնական առաջին գիշերվա համար։

Լուիզա՝ 21 տարեկան.

Սպիտակ` ժանեկազարդ ներքնազգեստ։ Կիրքը՝ կիրք, բայց այդ օրը պետք է նախապատվություն տալ ռոմանտիկային։

«La Coquette», «Milavista», »Triumph» խանութների մենեջեր.

Մեզ մոտ ներքնազգեստ գնում են ինչպես հարսանաքի, այնպես էլ ամուսնական առաջին գիշերվա համար։ Ու իհարկե նախընտրում են ժանեկազարդ կոմպլեկտները։

Ինչպիսի՞ զավեշտալի դեպքեր են պատահել:

«La Coquette»-ի վաճառողուհի.

Հիմնականում զավեշտալի դեպքեր պատահում են չափերի հետ կապված։ Մեր հայ կանայք դժվարանում են ճշմարտության աչքերին նայել։ Նրանցից շատերը հագնում են ոչ իրենց չափերի ներքնազգեստ։ Որպես կանոն,  մեծ կրծքով կանայք գնում են փոքր չափերի կրծկալ, որպեսզի իրական ու վիզուալ համարների անհամապատասխանությունը մառազմի հասցնի բոլոր նրանց, ովքեր երբեւէ կհանդգնեն հետաքրքրվել կամ նայել իրենց «հարստությանը»:

«Debenhams»-ի վաճառողուհի.

Մեզ այցելեց մի ջենթլմեն իր կնոջ համար կրծկալ գնելու ազնիվ մտադրությամբ։ Բայց փոխանակ ասեր, թե իրեն որ չափի կրծկալ է հարկավոր, ձեռքը պարզեց ու ասաց. «Ահա այս չափի»։

Ի՞նչ խորհուրդ կտայիք արտադրողներին։

Աննա՝ 49 տարեկան.

Ցանկալի է ունենալ որակյալ, մատչելի ներքնազգեստ։

Կարինա՝ 55 տարեկան.

Ներքնազգեստի պիտակը նյարդայնացնում է։ Բոլոր որակյալ բրենդները, որոնք ճանաչում ունեն, օգտագործում են որակյալ բամբակ, որի դեպքում մարմինը շնչում է։ Իմ խորհուրդը՝ եթե կրկնօրինակում եք նույնիսկ «La Perlla» կամ «Etam» բրենդները, ապա մի օգտագործեք սինթետիկա, այն շատ վտանգավոր է առողջության համար։ Իսկ իմ կողմից կավելացնեմ՝ թանկագին հայուհիներ, կրեք հարմարավետ ու որակյալ ներքնազգեստ, որ ֆիզիկական անհարմարավետությունը չխաթարի վերաբերմունքը կյանքի հանդեպ։

Հետևեք NEWS.am STYLE-ին Facebook-ում, Twitter-ում և Instagram-ում