«Մենք հավատում ենք խաղաղության գաղափարին։ Ահա թե ինչու մենք ընտրեցինք այս կարգախոսը՝ ծառայություն արվեստին, քանի որ դա խաղաղության հասնելու լավագույն ուղին է», - ասում է Երևանի միջազգային թատերական փառատոնի հիմնադիր և նախագահ, Գաբրիել Սունդուկյանի անվան ազգային ակադեմիական թատրոնի տնօրեն Վարդան Մկրտչյանը։
Նոյեմբերի 19-ից 30-ը Սունդուկյանի անվան թատրոնի գլխավոր բեմը կրկին կդառնա համաշխարհային թատերական ասպարեզների հավաքատեղի. այնտեղ կկայանա Երևանի երկրորդ միջազգային թատերական փառատոնը։ Գաղափարն այն է, որ հայկական թատրոնը համաշխարհային համատեքստ բերվի որպես հավասար մասնակից։
Մկրտչյանը շեշտում է հենց սա։ «Երևանի միջազգային թատերական փառատոնի մեր հիմնական փիլիսոփայությունն այն է, որ ժամանակակից հայկական արվեստը, մասնավորապես թատրոնը, պետք է միջազգային գործընթացներին մասնակցի ոչ թե որպես պասիվ դիտորդ, այլ որպես հավասար ու ակտիվ մասնակից»։
Այս փիլիսոփայությունը հյուսված է թե՛ կարգախոսի, թե՛ ծրագրի մեջ։ Փառատոնը նախատեսվում է բացել նոյեմբերի 19-ին՝ «Սիրո նամակ Հայաստանին» խորագրով շնորհանդեսով և ցուցահանդեսով։ Լուսանկարչության, խոսքերի և երաժշտության միջոցով դիտողներին կցուցադրվի ամերիկացի լուսանկարիչ Ուինսլոու Մարտինի քսանամյա ճանապարհորդությունը երկրով մեկ՝ մի մարդու, ով քառորդ դար շարունակ փաստագրել է հայկական իրականությունը, պատերազմը, տեղահանությունը և հույսը։
ՀՀ կրթության, գիտության, մշակույթի և սպորտի փոխնախարար Դանիել Դանիելյանը նշում է. «Եթե մենք խոսենք պետական ծրագրի և գեղարվեստական հայեցակարգի լեզվով, մեզ համար բանալի բառերը ստեղծագործականությունն ու խաղաղությունն են։ Սա հիմնարար նշանակություն ունի պետության համար, քանի որ հենց պետական ռազմավարությունն է այսօր որոշում փառատոնի ուղղությունը»։
Թատրոնի ծրագիրը բավականին հարուստ է։ ԱՄՆ-ից «Լիտ Մուն» թատերախումբը կրկին ելույթ կունենա Սունդուկյանի անվան բեմում՝ ներկայացնելով «Քեռի Վանյա» և «Լիր արքա» ներկայացումները: Փառատոնի առանձին բաժնում ներկայացված են արտասահմանում բնակվող հայերի թատրոնները: Այս տարի հանդիսատեսը կվայելի Թբիլիսիի Պետրոս Ադամյանի անվան պետական հայկական դրամատիկական թատրոնը և Ստամբուլի անկախ «Յանկար» թատերախմբին: Այսպիսով, փառատոնը ոչ միայն արտասահմանյան թատերախմբեր է բերում Հայաստան, այլև մեկ վայրում միավորում է հայ թատրոնի տարբեր ճյուղեր՝ Երևանը, Թբիլիսին և Ստամբուլը:
Մեկ այլ կարևոր բաժին է Եվրամիության և Գյոթեի ինստիտուտի հետ համատեղ նախագիծը: Հայաստանում բնակվող պարողները գրեթե երեք շաբաթ աշխատել են Դավիդ Դի Պրետորոյի հետ, որը համաշխարհային ճանաչում ունեցող «Սաշա Վալց և հյուրեր» թատերախմբի անդամ է: Գագաթնակետը կլինի Սունդուկյանի անվան թատրոնի բեմում պարային ներկայացմամբ՝ հիմնված Թերի Ռայլիի լեգենդար «In C» ստեղծագործության վրա:
Հետևեք NEWS.am STYLE-ին Facebook-ում, Twitter-ում և Instagram-ում
23:01, 16 նոյեմբերի
Շուրջ 6000 ուղևոր, առանց հագուստի երեկույթներ և հատուկ սենյակներ․ ինչպե՞ս է կազմակերպված սվինգերների աշխարհի ամենամեծ կրուիզը22:13, 16 նոյեմբերի
Cartier-ը ոսկերչական գամերը վերածել է 4700 դոլարանոց պայուսակի. նոր Clash մոդելը մեկ շարժումով փոխում է ձևը21:21, 16 նոյեմբերի
Տոնածառ՝ ասես մանկությունից. ինչու են 2026-ին կրկին նորաձև դարձել հին խաղալիքներն ու փայլազարդերը20:30, 16 նոյեմբերի
Ինչպե՞ս են միլիարդատերերն ու թոփ-մենեջերները հանրությունից թաքցնում իրենց սիրավեպերը և ստուգում ապագա սիրելիներին19:26, 16 նոյեմբերի
Հրաժարում շքեղությունից՝ հանուն գոյատևման․ ինչո՞ւ են միլիարդատերերն ու Թոմ Հենքսը մեկնում անապատ՝ իրենց տոկունությունը փորձելու16:28, 16 նոյեմբերի
Yandex Music-ը սկսում է համագործակցել հայ արտիստների հետ․ առաջին հատուկ նախագիծը՝ Սևակ Խանաղյանի «Голоса» («Ձայներ») երգի կենդանի կատարումը օդապարիկում16:18, 16 նոյեմբերի
Սիրային կապ ավելի քան 200 տղամարդու հետ և ծխախոտ՝ մեկը մյուսի հետևից․ ո՞վ էր «Կաբարեի» իրական Սալի Բոուլզը15:23, 16 նոյեմբերի
«Նեշվիլի ամենաատելի մարզիկի կնոջը» ծաղրել են փառքի հետևից ընկնելու և ձախողված նախագծերի համար14:37, 16 նոյեմբերի
Ռոբերտ Փաթինսոնը՝ Ջեյմս Բոնդի դերի գլխավոր հավակնորդ․ դերասանին ամենախոշոր հոնորարն են առաջարկել14:14, 16 նոյեմբերի
«Ես քո հայրն եմ» տեսարանից Դարթ Վեյդերի լուսային թուրը վաճառվել է 4,9 մլն դոլարով13:28, 16 նոյեմբերի
Մեգան Ֆոքսը՝ «առնետ», Անջելինա Ջոլին՝ «գորտ». TikTok-ում տարօրինակ թրենդ է տարածվում12:40, 16 նոյեմբերի
Քիմ Քարդաշյանը կերպարանափոխվել է Louis Vuitton-ի բուժքրոջ