• Անժամանակյա դասականները նոր մեկնաբանություններով. Երևանը հյուրընկալում է 18-րդ Շեքսպիրյան փառատոնը

  Ավելի քան չորս դարերի պատմություններ կրկին կկենդանանան երևանյան բեմում, քանի որ նոյեմբերի 4-ին մայրաքաղաքում կբացվի Շեքսպիրյան 18-րդ միջազգային թատերական փառատոնը…

• ReAnimania-ն 18 տարեկան է․ միջազգային փառատոնն ընդլայնում է ծրագիրն ու հանդես գալիս նոր նախագծերով

  Նոյեմբերի 7-ից 14-ը Երևանը կրկին կհյուրընկալի աշխարհի տարբեր երկրներից ժամանած անիմատորների, նկարիչների և վիզուալ արվեստի սիրահարների…

• Հուդա․ մոլորված մարդու պատմությունը՝ մենախոսության և ռոքի լեզվով

  Theatre Location թատերական հարթակը շարունակում է թատրոնը ներկայացնել նաև ոչ ավանդական տարածքներում՝ հանդիսատեսին առաջարկելով նոր ձևաչափեր և թատերական փորձառություններ…

• Տաթևիկ Մելքոնյան․ երջանկության ամենաթանկ պահը, պատերազմի վախն ու անկեղծության արժեքը

  Մարդուն ճանաչելու համար երբեմն երկար զրույցներ պետք չեն․ բավական է մի քանի անկեղծ հարց, որոնց պատասխաններում բացվում են նրա աշխարհը, վախերն ու ամենանվիրական զգացումները։…

• Մարդիկ կան՝ վատ բաներ են մեր հետևից ասում, մարդիկ կան՝ ուրախանում են. Հելոուինը` Հայաստանում

  Հայաստանում Հելոուինը տարեցտարի ավելի նկատելի ներկայություն է ձեռք բերում…

• Ծաղկունք»-ի 10-ամյակը՝ Մոսկվայում․ երկու մեծամասշտաբ համերգային ծրագիր՝ մեկ հարթակում

  Հոկտեմբերի 25-ին Ռուսաստանի Դաշնության Մոսկվա քաղաքում կայացավ «Ծաղկունք» միջազգային 10-րդ հոբելյանական փառատոնը…

• «Վարդանյան եղբայրներ» կրկեսը՝ հյուրախաղերով Հայաստանի մարզերում

  «Վարդանյան եղբայրներ» կրկեսը, որը սիրված է ինչպես Երևանում, այնպես էլ մարզերում, առաջին անգամ հյուրախաղերով շրջագայում է Հայաստանի մարզերում…

• Սերը կարող է արդարացնել ամեն ինչ․ Տաթևիկ Մելքոնյանի Ֆիլումենան

  Կա՞ մի սահման, որից այն կողմ սերը դադարում է արդարացում լինել…

Շեքսպիրյան շնչով, թատերական կյանքի հանդեպ ակտիվ հետաքրքրությամբ ու լեփ-լեցուն դահլիճներով այս տարի 17-րդ անգամ Երևանում իրականություն դարձավ Շեքսպիրյան փառատոնը, որն անցկացվեց «Շեքսպիր և ռուս դասականներ» խորագրով: Փառատոնի փակումը  կայացավ երեկ՝ նոյեմբերի 20-ին, Կարո Բալյանի բեմադրությամբ «Ամառային գիշերվա երազ» ներկայացմամբ, որը խաղացին Սանկտ Պետրբուրգի Բրյանցևի անվան Պատանի հանդիսատեսի թատրոնի դերասանները:

Կարո Բալյանը, որը նաև փառատոնի տնօրենն է, ուրախությամբ ընդգծում է, որ Շեքսպիրյան փառատոնը տարեցտարի ավելացնում է հետաքրքրությունը թատերական աշխարհի նկատմամբ, ինչի վառ ապացույցը մարդաշատ դահլիճներն էին:

«Կարծում եմ՝ այս տարվա փառատոնը շատ  լավ անցավ, մեզ հաջողվեց բազմաթիվ մարդկանց ուշադրությունը կենտրոնացնել դեպի թատերական աշխարհ, քանի որ փառատոնի շրջանակում հյուրընկալեցինք շատ կարևոր թատրոններ, հայտնի դեմքերի ու առաջատար թատերական դպրոցներ, ինչը և փառատոնի նպատակն է»,-NEWS.am STYLE-ի հետ զրույցում նշեց Կարո Բալյանը: Խոսելով ներկայացումների  շուրջ մարդկանց հետաքրքրության աճի մասին՝ Բալյանը հիշեց. «Եղել են տարիներ, երբ դահլիճներում, գուցե, լինեին որոշ դատարկ աթոռներ, սակայն այս տարի հետաքրքրությունն այնքան մեծ էր, որ ուսանողները հաճախ ոտքի վրա էին մնում. դա, մի կողմից, ուրախացնում էր, մյուս կողմից՝ իհարկե կցանկանայինք, որ բոլորն էլ կարողանային նստած վայելել ներկայացումները: Բայց գնալով պետք է այնպես անենք, որ հետաքրքրությունը փառատոնի նկատմամբ էլ ավելի մեծանա, թատերական կյանքն աշխուժանա և համագործակցությունները մյուս երկրների թատրոնների հետ շարունակական լինեն»:

«Ամառային գիշերվա երազ» ներկայացումը, Կարոյի խոսքով, իր աշխատանքը ցուցադրելու համար չի ընտրել: Այն ավելի արժեքավոր նշանակություն ունի ռեժիսորի համար, քանի որ համագործակցություն է կոմպոզիտոր Անահիտ Մնացականյանի հետ, որը, ցավոք, այլևս մեզ հետ չէ: Կարոն նշում է՝ սա այն դեպքն է, որ կարծում է՝ երաժշտությունը գերազանցում է ներկայացմանը:

«Որոշեցինք, որ փակումը պետք է լինի հենց այս ներկայացմամբ, որովհետև դրա շուրջ աշխատել ենք կոմպոզիտոր Անահիտ Մնացականյանի հետ, ով, ցավոք սրտի, անցած տարի դժբախտ պատահարի զոհ դարձավ: Ես ցանկանում էի անպայման այս ներկայացումն իրականություն դարձնել և, վերջապես, այն կյանքի կոչվեց»,-հավելեց նա:

Այս տարվա Շեքսպիրյան փառատոնն այլևս պատմություն է, և այն  ևս մեկ անգամ ցույց տվեց, որ Երևանը շարունակում է մնալ կենդանի, շնչող թատերական կենտրոն․ մի վայր, որտեղ դասականության ջերմությունը հանդիպում է ժամանակակից բեմարվեստի նոր շնչին։ Լեփ-լեցուն դահլիճները և տարբեր երկրներից ժամանած թատերական հյուրերը վկայում են՝ փառատոնը միայն ավանդույթ չէ, այլ մշակութային սիրտ, որն ամեն տարի նոր ռիթմով է բաբախում:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում