• Հայ դերասան Սամվել Թադևոսյանը նկարահանվել է Dior Men-ի նոր արշավում

  Հայ դերասան Սամվել Թադևոսյանը նկարահանվել է Dior Men Tailoring Winter 2026 նոր գովազդային արշավում: Նա դարձել է ֆրանսիական նորաձևության տան՝ տղամարդու կոստյումին նվիրված նախագծի մոդելներից մեկը..

• «Դուք ձեր խնդիրները չեք լուծել ու բարդույթները փոխանցում եք Գասպարին». Գոհար Ավետիսյանին քննադատել են 6-ամյա որդու դիետայի համար

  Գոհար Ավետիսյանը քաշի պատճառով դարձյալ հայտնվել է քննարկումների կենտրոնում։ Այս անգամ խոսքը ոչ թե իր, այլ 6-ամյա որդու՝ Գասպարի մասին է։ Դիմահարդարը տեսանյութ է հրապարակել, որտեղ երևում է, թե ինչպես է փոքրիկը կշռվում, ու պատմել է նրա սննդակարգի մասին։ Կշեռքը ցույց է տվել 38.9 կգ, ինչից հետո Գոհարը հրապարակմանը կից գրել է. «Դիետա... երկրորդ օր... քաշի ավելացում ունենք»...

• Այլընտրանքային տարբերակներ ենք մտածել, որ Գոռ Հակոբյանը ներկա լինի․ Մենչը՝ «Ֆուլ Հաուս»-ի նոր ներկայացման մասին

  «Ֆուլ Հաուս»-ի երկրպագուները կրկին միավորվելու առիթ ունեն…

• Ռաֆայել Երանոսյանը նոր մոնոներկայացում ունի` «Ծանր ու թեթև»

  Ռաֆայել Երանոսյանն իր հանդիսատեսին շուտով պատրաստվում է ներկայանալ նոր մոնոներկայացմամբ՝ «Ծանր ու թեթև»…

• Էվելինայի ու Անիի նախահարսանեկան խնջույքները, Արմինկայի 53-ամյակը, Ֆլորա Բիչախչյանը՝ «Նոր ալիք 2026»-ում․ Instagram-ը՝ այս շաբաթ

  Այս շաբաթը հայ հայտնիների համար լի էր գեղեցիկ առիթներով, անակնկալներով ու տոնական տրամադրությամբ...

• Մարդուն փնտրելով. «Զրույցներ Զառա Աճեմյանի հետ». լուսանկարիչ և արվեստագետ Իլյա Վարդանյանը՝ Հայաստանի, ստեղծագործության և ԱԲ դարաշրջանի մասին

  «Զրույցներ Զառա Աճեմյանի հետ». լուսանկարիչ և արվեստագետ Իլյա Վարդանյանը՝ Հայաստանի, ստեղծագործության և ԱԲ դարաշրջանի մասին...

• Հայկական ոճ. տոսկանական շքեղությունից մինչև համարձակ լողափային տրամադրություն

  Ամառը դեռ եռում է, իսկ հայ նորաձևության սիրահարները գիտեն, թե ինչպես գրավել ափամերձ տարածքների ուշադրությունը․․․

• Գիշերային Երևանը երաժշտության հնչյունների ներքո. երեկո KAMI FRIENDS-ի հետ՝ Ա. Խաչատրյանի անվան համերգասրահի տանիքին

  Երեկոյան Երևանը հատկապես գեղեցիկ է թվում։ Ավելի գեղեցիկ՝ Արամ Խաչատրյանի անվան համերգասրահի տանիքից․․․

Կարեն Դեմիրճյանի անվան մարզահամերգային համալիրում երեկ՝ հունվարի 18-ին, հատուկ երեկո էր. երեկո՝ լի Արցախի մասին հուշերով...

Անսահման կարոտ, կսկիծ, բայց հույս՝ վառ հույս, որ արցախցին մի օր կվերադառնա հայրենիք: Բեմում արցախյան համույթներն էին, արցախցի երգիչներ ու հայկական բեմի հայտնի արտիստներ, ովքեր ևս մեկ անգամ հնչեցրին Արցախի անունը ու պատմեցին արցախցու անկոտրում ոգու մասին՝ երգով, պարով ու ասմունքով:

Посмотреть эту публикацию в Instagram

Публикация от NEWS.am STYLE (@style.news.am)

«Մենք կանք» խորագիրը կրող համերգը, որը կազմակերպվել էր Արցախյան մշակույթի պահպանման կենտրոնի և ՄՈՒՆՔ տեխնոդպրոցի կողմից, ևս մեկ անգամ բարձրաձայնեց՝ Արցախն ու արցախցին կանգուն են, իսկ նմանատիպ միջոցառումները կարևոր են, քանի որ երաժշտությունը դառնում է հիշողություն, մշակույթը՝ դիմադրություն, միասնականությունը՝ ուժ։

NEWS.am STYLE-ը ներկա է եղել համերգին ու զրուցել արտիստներից մի քանիսի հետ:

Посмотреть эту публикацию в Instagram

Публикация от NEWS.am STYLE (@style.news.am)

«Բեմից հնչեց «Ես դեռ կամ» երգը, մենք ցանկանում էինք մեր ձայնը հնչեցնել ու ասել, որ մենք կանք, և յուրաքանչյուրս պետք է պայքարենք մեր ազգի համար...»,-նշեց Արցախի «Հայի ոգի» երգչախմբի գեղարվեստական ղեկավար Ալյոնա Հայրապետյանը: Նա հավելեց. «Մշակույթը պետք է պահպանվի. եթե կա մշակույթ, ուրեմն՝ ազգը կապրի, կպահպանվի»:

Արսեն Գրիգորյան. «Եթե մենք մի քիչ խորը մտածենք, կտեսնենք, որ այսօրվա պատերազմն ավելի շատ մեր ինքնության դեմ է ուղղված, իսկ ինքնության կարևոր բաղադրիչը մշակույթն է»

Посмотреть эту публикацию в Instagram

Публикация от NEWS.am STYLE (@style.news.am)

Սա սովորական միջոցառում չէ, սա, ուղղակի, համերգ չէ, որը հանդիսատեսը, պարզապես, պետք է վայելի, ասում է Արսեն Գրիգորյանը: «Իհարկե, նաև այդ մասը կա, քանի որ այստեղ ներառված են Արցախի տարբեր համույթներ, նաև մենք... Ինչո՞ւ ենք մասնակցում, ինչո՞ւ ենք կարևորում, որովհետև այս միջոցառումը հստակ նվիրված է Արցախի մշակույթի պահպանմանը. եթե մենք մի քիչ խորը մտածենք, կտեսնենք, որ այսօրվա պատերազմն ավելի շատ մեր ինքնության դեմ է ուղղված, իսկ ինքնության կարևոր բաղադրիչը մշակույթն է, ոչ նյութական մշակութային ժառանգությունը, որի մասն են կազմում թե երգը, թե պարը»,-հավելում է Հայաստանի վաստակավոր արտիստը:

Նա կոչ է անում, առհասարակ, պահպանել հայկական մշակույթը, «հակառակ դեպքում շատ դժվար է լինելու պայքարել հողի համար: Այսինքն՝ եթե ինքնությունդ կորցնես, կարծում եմ՝ հողի համար պայքար չի կարող լինել: Կարևորում ենք այս միջոցառումը, և ես վստահ եմ, որ նման միջոցառումներ դեռ շատ են լինելու: Այն, ինչ արվում է այստեղ, արվում է անհրաժեշտությունից ելնելով. այսօր Կարեն Դեմիրճյանի անվան մարզահամերգային համալիրը լեփ-լեցուն է, ինչը փաստում է, որ ժողովրդը ևս կարծում է, որ նման միջոցառումները մեզ անհրաժեշտ են»:

Վարդան Բադալյան. «Մենք կանք, մեր մասին չմոռանաք»

Посмотреть эту публикацию в Instagram

Публикация от NEWS.am STYLE (@style.news.am)

Վարդան Բադալյանի համար երեկոյին ներկա գտնվելը հուզիչ էր. համերգասրահի մուտքի մոտ արցախցի երգիչը հանդիպել էր մի շարք հարազատ դեմքերի, որոնց վաղուց չէր տեսել. «Համերգը մեծ խորհուրդ ունի՝ որ ևս մեկ անգամ, ի լուր աշխարհի, ասենք, որ մենք կանք, և մեր մասին չմոռանաք:

Նման համերգները շատ կարևոր են. պարզ է՝ հաճախ տեղի չեն ունենում, դժվար է կազմակերպչական առումով, բայց շատ կարևոր է, որ բացի հիշողություններից՝ մարդիկ միմյանց ֆիզիկապես տեսնեն, շփվեն. այս նվագախմբերը, պարի խմբերը երկար տարիներ գործել են, ու սա ևս մեկ առիթ է, որ նրանք կրկին բեմում լինեն»,-նշեց Վարդանը:

Արթուր Խաչենց. «Արցախում դեռ հայրենիք կա, որը միշտ սպասում է»

Посмотреть эту публикацию в Instagram

Публикация от NEWS.am STYLE (@style.news.am)

Արցախցի երգիչ Արթուր Խաչենցը 44-օրյա պատերազմի օրերին բեմական հագուստը փոխարինել էր զինվորական համազգեստով, կիթառը՝ զենքով. երեկ նա բեմում կրկին համազգեստով էր, իսկ ետնաբեմում կիսվեց իր համար միջոցառման կարևոր խորհուրդով.

«Նման միջոցառումներն, իմ կարծիքով,  տարին մեկ, կամ մի քանի տարին մեկ անգամ չպետք է իրականացվեն. թե Արցախի, թե Արցախի բարբառի, թե արցախցիների իրավունքների, թե արցախցիների վերադարձի թեման միշտ պետք է օրակարգային պահել: Ամենակարևորն այն է, որ մենք՝ որպես հայ ժողովուրդ, ունենք արցախյան մշակույթ, և  այդ մշակույթը պետք է պահպանել, պաշտպանել։ Այս համերգը հերթական միջոցառումներից է, որով պետք է սատարել ու բեմ բարձրացնել այն մարդկանց, որոնք չեն կորցրել ու չեն կորցնի իրենց՝ արցախցի լինելն ու արցախյան մշակույթը»,-մեզ հետ զրույցում նշեց երգիչը:

Խաչենցը հավելեց՝ իր համար այս համերգը նորություն չէր, բայց արցախցի տեղահանված ժողովուրդը, ովքեր ցեղասպանությունից ու պատերազմներից են փրկվել, կարիքն ունեն նման միջոցառումների. «Սրանով պետք է ևս մեկ անգամ ասել, որ Արցախի էջը փակված չէ, Հայոց պատմության էջը փակված չէ. պատասխանատուն նաև մենք ենք, ու մեր պատմությունը դեռ շարունակվում է, Արցախում դեռ հայրենիք կա, որը միշտ սպասում է»:

Սյունե Առաքելյան,

Լիանա Աղաջանյան

Հետևեք NEWS.am STYLE-ին Facebook-ում, Twitter-ում և Instagram-ում