• Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ (VIDEO)

  Ո՞ւմ հետ կցանկանար երազել գիշերվա 2-ին, ո՞ւմ մասին էր մտածում երգը գրելիս, երկրորդ անգամ «Երկու աստղին» մասնակցելու դեպքում ո՞վ կցանկանար, որ լիներ իր զույգը…

• Ռաֆայել Երանոսյանի նոր մոնոներկայացումը՝ «Ծանր ու թեթև». բեմում՝ ծիծաղ, ետնաբեմում՝ անձնական հարցեր (VIDEO)

  Ռաֆայել Երանոսյանը «Ծանր ու թեթև» արեց բոլոր թեմաները՝ քաղաքականությունից մինչև Կարմիր խնձոր…

• Բոհեմ թատրոնում «Բլեֆ» է սպասվում․ Արտյոմ Կարապետյանի առաջին դերը թատրոնում, Արփինե Իսրայելյանի վերադարձը, մյուս հերոսներն ու փորձերը (VIDEO)

  Բոհեմ թատրոնը պատրաստվում է նոր ներկայացման։ Այն կոչվում է «Բլեֆ» և ելնելով վերնագրից՝ դժվար չէ պատկերացնել, թե ինչ զվարճալի խառնաշփոթ է սպասվում հանդիսատեսին...

• HayDalek-ը հայտնել է բլոգերությունը թողնելու որոշման մասին․ «Ինձ համար հոգեպես շատ բարդ է ամեն անգամ ստանալ այս ատելության ալիքները»

  Բլոգեր HayDalek-ը (Ռաֆիկ Համբարձումյան) ինստագրամյան իր էջում հանդես է եկել հայտարարությամբ՝ նշելով, որ մտադիր է դադարեցնել՝ որպես բլոգեր իր գործունեությունը...

• Սիրուշոյի եւ Իվետա Մուկուչյանի նոր տեսահոլովակները, Իվետայի 40-ամյակն ու սիրելիի շնորհավորանքը, Անդրեի ու Արթուր Խաչենցի ջերմ հոլովակները՝ դուստրերի հետ․ Instagram

  Instagram-ն այս շաբաթ էլ ջերմացրեց, հուզեց, նաև ժպիտ պարգևեց ու ուրախացրեց նորություններով։ Սկսենք՝ հերթով...

• «Միշտ ոգևորված եմ՝ բացահայտելու իմ արմատները». Գրիգոր Ջաբոտյանը՝ հայկական նորաձևության և մոդել Արմինե Հարությունյանի հետ համագործակցության մասին

  Հոկտեմբերի 8-ից 11-ը անցկացված Երևանի նորաձևության շաբաթը (Yerevan Fashion Week) կրկին մեկ հարկի տակ համախմբեց դիզայներների, ստեղծագործողների և նորաձևության ոլորտի մասնագետների՝ թե՛ Հայաստանից, թե՛ աշխարհի տարբեր երկրներից…

• «Մոսկվայի անամոթը»՝ Մկրտիչ Բալյան. Ինչպես նկուղային արկածախնդիրը հյուրերի նվաստացումը վերածեց թանկարժեք շոուի

  Օրվա ընթացքում Պրեչիստենսկայա ափին գտնվող Պերցովի տունը նման էր հարգված բնակարանային շենքի․․․

• Լուսինե Կոստանյան․ «Ինչ եմ զգում, երբ սիրում եմ»

  Սունդուկյանի անվան ազգային ակադեմիական թատրոնի բեմում Լուսինե Կոստանյանը ներկայանում է Ջուլիետի կերպարով՝ Շեքսպիրի ամենահայտնի սիրո պատմություններից մեկում...

Դժվարին շրջանում կյանք ու ժպիտ գտնող մարդիկ, վերապրված հույզեր, արցունքներ ու բարձր օվացիաներ․․․ Հակոբ Պարոնյանյանի անվան երաժշտական կոմեդիայի պետական թատրոնում կայացավ «Բլոկադա» ներկայացման առաջնախաղը։ 

Ներկայացման կենտրոնում արցախյան մի տուն է՝ իր բնակիչներով։

Արցախցի ընտանիքին, ճակատագրի բերումով, հյուր է գալիս Երևանից մի ընտանիք, իսկ ավելի ուշ սկսվում է բլոկադան: Այս երկու՝ առաջին հայացքից միմյանցից տարբեր մարդիկ, պետք է ամբողջ աշխարհից կտրված՝ գոյատևեն ու ապրեն մեկ տան մեջ, և ոչ ոք չգիտի, թե ինչով կավարտվի ամեն ինչ․․․ 

Ահա, թե ինչի մասին է «Բլոկադա» ներկայացումը՝ մի իրականության, որը, ցավոք, պատահեց մեզ հետ, այդ պատճառով էլ դժվար է ներկայացման հույզերը փոխանցել բառերով։ Սակայն դա կարողացան անել ստեղծագործական կազմն ու դերասանները, ինչի վառ վկայությունը դահլիճում հանդիսատեսի արցունքներն ու լուռ  հեկեկոցի ձայներն էին, քանի որ սա, պարզապես, ներկայացում չէր, սա կյանքի մի դրվագ էր, որն ապրել էինք բոլորս։ 

Посмотреть эту публикацию в Instagram

Публикация от NEWS.am STYLE (@style.news.am)

Ներկայացման բեմադրող ռեժիսորը Սեդրակ Գոջամանյանն է, պրոդյուսերները՝ Արմեն Պետրոսյանը և Սոֆիա Ղուլյանը, պիեսի հեղինակ՝ Անի Մաղաքյան, բեմանկարիչ՝ Գարեգին Եվանգուլյան, երաժշտությունը՝ Արտեմ Վալտերի, զգեստների ձևավորումը՝ Մարինե Թադևոսյանի:

Ներկայացման հերոսներին մարմնավորում են Շանթ Հովհաննիսյանը, Մարջան Ավետիսյանը, Վաչե Երիցյանը, Մարիամ Ալեքսանյանը, Բորիս Մելքոնյանը և Էլեն Գևորգյանը։ Նրանց հանդիսատեսը երկար պահեց բեմում՝ բուռն ու բարձր ծափահարությունների ներքո։ 

Ավելի ուշ ռեժիսորն ու դերասաններից մի քանիսը ետնաբեմում կիսվեցին իրենց հույզերով։

Սեդրակ Գոջամանյանը պատմեց, որ ներկայացման մտահաղացումն առաջացել է պրոդյուսեր Արմեն Պետրոսյանի մոտ․ այդպես՝ հանդիպումներից մեկի ժամանակ, ռեժիսորն ու պրոդյուսերը քննարկեցին միտքը, հավաքեցին թիմի մյուս անդամներին ու կարճ ժամանակում համախմբվեցին ընդհանուր գաղափարի շուրջ։

«Միշտ Արմենին ասում էի՝ պիտի այնպիսի բան անենք, որին դեռևս չեն անդրադարձել թատրոններում։ Շատ արագ այս ամեն ինչը եղավ։ Շատ ծանր ու պատասխանատու թեմա է, և  իմ անձնական կարծիքն է սա՝ քաղցկեղով հիվանդներին բժիշկները խորհուրդ են տալիս, որ բուժման համար առաջին քայլը, դա հիվանդությունն ընդունելն է ․ եթե ընդունում ես, կարողանում ես պայքարել։ Չեմ ուզում շատ կատեգորիկ զուգահեռներ անցկացնել այս թեմաների միջև, բայց եթե մի քիչ խորանանք, նման են այն առումով, որ նախ և առաջ, մենք պետք է ընդունենք, որ պարտվել ենք, հետո նոր հասկանանք՝ ինչու այդպես եղավ։ Եթե հասկանանք, շատ հաղթանակներ առջևում կլինեն։ Մեր կարևոր նպատակն այն էր, որ հույս պետք է տալ մեր ժողովրդին, և կարծում եմ՝ մենք, ինչ-որ տեղ, արեցինք դա, ինչը զգացինք դահլիճի արձագանքից»,-նշեց նա։

Դերասանուհի Մարջան Ավետիսյանը էմոցիաների մի ամբողջ կծիկ էր բեմում։ Դրանից զատ՝ Մարջանի հերոսուհին՝ արցախցի կին էր և խոսում էր արցախյան բարբառով։ Դերասանուհու խոսքով՝ դա իրեն հեշտ չի տրվել, բայց Արցախի, արցախյան բարբառի ու արցախցիների հանդեպ սերն օգնել է, որ հերոսուհին դառնա այնպիսին, ինչպիսին երեկ տեսանք բեմում։ 

«Կերպարս պետք է լիներ այն կինը, որը հենց իրենց ներսից է դուրս եկել։ Ես Արցախում մի քանի ամիս եմ ապրել, ֆիլմ էինք նկարում․․․ Ցավոք, շատ հաճախ չեմ եղել այնտեղ, բայց արցախցիների հետ շփում ունեցել եմ, հատուկ սեր ունեմ իրենց հանդեպ, ու, առհասարակ, շատ եմ սիրում տարբեր բարբառներով խոսող մարդկանց»,-ասում է դերասանուհին։ 

Մարջանի խոսքով՝ արցախյան բարբառով խոսելու բարդությունը նրանում էր, որ բարբառները տարբեր են․ «Բայց ինձ շատ հոգեհարազատ էր, ու երևի հենց այդ մեծ սիրո շնորհիվ էր, որ կարողացա ստեղծել այս հերոսուհուս։ Անշուշտ, լարվածություն կար, բայց մեզ հետ աշխատել է նաև Տոմա Պետրոսյանը, մեր Վաչեի կինը՝ Սրբուկը, որը Հադրութից է։ Հետո հասկացանք, որ Ստեփանակերտի բարբառով պետք է խոսեինք, որ շատ տարբեր չլիներ․ մի փոքր դժվար էր այն առումով, որ բառեր կային, որ Հադրութի բարբառով էի ասում, բայց հուսով եմ՝ դա չի խանգարել»։

Իսկ հանդիսատեսի արձագանքը փաստեց՝ դա բացարձակ չի խանգարել դահլիճին, որը լիովին խորասուզվել էր դերասանների էմոցիաների մեջ։

«Ես փորձում էի տեղիք տալ էմոցիաներիս․ համենայն դեպս, պիտի փորձել այնպես զսպել, որ կարողանաս խոսել։ Եթե չես խոսում, կարելի է նաև չզսպել․․․ Փորձերի ընթացքում չեմ զսպել՝ մոտավորապես մեկ ամիս»,-հավելեց դերասանուհին

Շանթ Հովհաննիսյանը մարմնավորում էր իսկական արցախցի դեդոյի։ Սեր, հոգատարություն և իմաստություն՝ մեկ հերոսի մեջ։ Դերասանը նշում է՝ փորձերը բավական դժվար էին ու հուզիչ։ 

Посмотреть эту публикацию в Instagram

Публикация от NEWS.am STYLE (@style.news.am)

«Մենք այնպիսի ժամանակներում ենք ապրում, որտեղ անտարբեր դառնալը շատ հեշտ է։ Կարծում եմ՝ այս թեման մեր հիշողությունն էր՝ չմոռանալ, չցավեցնել, ուղղակի հասկանանք, թե ինչի միջով ենք անցել, և այն մարդիկ, ովքեր կտրված են եղել աշխարհից՝ ինչ ապրումներ ու ինչ կամք են ունեցել իրենց հողին ամուր մնալու, բայց ճակատագիրն այսպես տնօրինվեց։ Կարծում եմ՝ այդ ամեն ինչը դեռ կշտկվի, ու մարդիկ, ովքեր լքել են իրենց օրրանը, կվերադառնան իրենց օջախները»,-նշեց դերասանը։

Այս միտքն էր արտահայտում նաև ներկայացման վերջաբանը․ գնում ենք, որ վերադառնանք․․․  

«Բլոկադա»-ի հաջորդ ներկայացումը կլինի այսօր՝ փետրվարի 24-ին, Հակոբ Պարոնյանի անվան թատրոնում։ Հաջորդիվ ներկայացումներ սպասվում են մարտի 18-ին և 19-ին՝ Ստանիսլավսկու անվան ռուսական դրամատիկական թատրոնում։ Մայիսի 3-ին ներկայացումը կխաղան նաև Միացյալ Նահանգներում։

Սյունե Առաքելյան

Լուսանկարները՝ Դավիթ Հակոբջանյանի

Հետևեք NEWS.am STYLE-ին Facebook-ում, Twitter-ում և Instagram-ում