• «Մամայի Բալա»-ն վերադառնում է․ նոր եթերաշրջանում՝ նոր խառնաշփոթ, սեր ու անսպասելի փորձություններ

  Սվետայի տունը կրկին պատրաստվում է վերածվել ամենաանկանխատեսելի ու զվարճալի վայրերից մեկի...

• «Մի գդալ սեր»՝ ֆիլմ, որի յուրաքանչյուր դետալում սեր կա․ պրեմիերա, կարմիր գորգ, խոստովանություններ

  Գրեթե մեկ տարի անց «Մի գդալ սեր» ֆիլմը պատրաստ է հանդիպելու հանդիսատեսին․․․

• «Գերին և Գրեյսը»․ հույսի և մենության մասին տրագիկոմեդիան հայ հանդիսատեսին կներկայացնեն Հովհաննես Բաբախանյանն ու Նարինե Չիլինգարյանը

  ԱՄՆ-ում բնակվող ՀՀ վաստակավոր արտիստ Հովհաննես Բաբախանյանը սեպտեմբերին հյուրախաղերով հանդես կգա հայրենիքում...

• Բլոգեր Նուշիկ Օհանյանի ամուսինը, մեկ տարի կոմայի մեջ գտնվելուց հետո, մահացել է

  Բլոգեր Նուշիկ Օհանյանի ամուսինը, մեկ տարի կոմայի մեջ գտնվելուց հետո, մահացել է…

• Ալեն Սիմոնյանի շնորհավորանքը կնոջը՝ Անելյա Գուբրյանին, 26-ամյակի առթիվ (ֆոտո)

  Անվտանգության խորհրդի քարտուղար Ալեն Սիմոնյանի կինը՝ մոդել Անելյա Գուբրյանն, այսօր՝ սեպտեմբերի 2-ին, նշում է ծննդյան 26-ամյակը…

• ArmenՅԱՆs. Ջեք Թոփալյան՝ «էյֆորիայի» հայ աստղը․ ինչպե՞ս բիզնեսը փոխարինեց դերասանի կարիերայով, «տանջեց» Ջեյքոբ Էլորդիին ու հայերեն խոսեց ամերիկյան հայտնի սերիալում

  Մենք՝ հայերս, աշխարհի որ երկրում էլ լինենք, միշտ հպարտություն ենք ապրում, երբ մեր հայրենակիցներից մեկին հանկարծ տեսնում ենք որևէ խոշոր միջազգային նախագծում...

• Անձրևի և կայծակի պատճառով հետաձգվել է Էրիկի մենահամերգը

  Համերգի մեկնարկից հետո երգիչը հասցրել է մի քանի երգ կատարել, սակայն ուժեղ անձրևի և կայծակի պատճառով միջոցառումը ստիպված են եղել դադարեցնել։ Էրիկ Կարապետյանն ավելի ուշ իր ինստագրամյան սթորիում հայտնել է, որ համերգը տեղափոխվում է սեպտեմբերի 3-ին՝ ժամը 20:30-ին...

• Մոհաննայի «Անպայման»-ը․ նոր երգ, նոր տրամադրություն ու սիրելի տղամարդուն ուղղված երաժշտական խոստովանություն

  Մոհաննան ներկայացրել է իր նոր՝ «Անպայման» երգը, որն արդեն հասանելի է նաև ամբողջական տեսահոլովակով։ Նոր աշխատանքով երգչուհին ոչ միայն շարունակում է իր երաժշտական ճանապարհը, այլև բացում է իր զգացմունքային աշխարհի մի նոր էջ՝ երգը նվիրելով իր սիրելի տղամարդուն...

«Եվրատեսիլ 2026»-ում Հայաստանի մասնակցի անունն ու մեր երգը ներկայացվեց բոլորովին վերջերս, բայց Paloma Rumba-ն մրցույթի պաշտոնական յութուբյան էջում արդեն գրանցել է ավելի քան 600 հազար դիտում ու հազարավոր դրական մեկնաբանություններ «Եվրատեսիլ»-ի երկրպագուների կողմից: Հայական տիրույթում, սակայն, կարծիքները կիսվել են. շատերն ուրախ են, որ Հայաստանը մրցույթին վերադառնում է ակտիվ ռիթմերով, ոմանք էլ, պարզապես, քննարկում են Սիմոնի յուրահատուկ կերպարը՝ կիսվելով տարատեսակ մեկնաբանություններով: Բայց ինչպես Սիմոնն է վստահ՝ միևնույն է, բուն մրցույթի օրը բոլորս համախմբվում ենք մեր մասնակցի շուրջ ու փորձում մաքսիմալ աջակցել Հայաստանը ներկայացնող արտիստին:

NEWS.am STYLE-ը Սիմոնի հետ զրուցել է ինչպես երկրպագուների կարծիքների ու Պարգի հետ հարաբերությունների, այնպես էլ  մրցույթի նախապատրաստական փուլի ու որպես Հայաստանի ներկայացուցիչ՝ երգչի էմոցիաների մասին:

«Ինձ համար կապ չուներ, որ անցած տարի ես երկրորդ տեղում էի, ես չեմ հիասթափվել»

Սիմոնը չթաքցրեց՝ անցած տարվա իր մասնակցությունից հետո հույսը չէր կորցրել, որ մի օր արժանանալու է Հայաստանը «Եվրատեսիլ»-ում ներկայացնելու պատվին:

«Անցած տարի «Դեպի Եվրատեսիլ»-ին մի ուրիշ էներգիայով եմ մասնակցել, ու եթե անկեղծ՝ այս տարի սպասումներ ունեի, որ ես կընտրվեմ, բայց գաղափար չունեի, որ կլիներ ներքին ընտրություն. կարծում էի՝ էլի «Դեպի Եվրատեսիլ»-ի նման մրցույթ կլինի, բայց շատ ուրախացա այն փաստից, որ ներքին որոշմամբ հենց ես եմ ընտրվել: Ինձ համար կապ չուներ, որ անցած տարի ես երկրորդ տեղում էի, ես չեմ հիասթափվել... Իրականում կստեմ, եթե ասեմ, որ «Դեպի Եվրատեսիլ»-ում չհաղթելուց հետո բացարձակ վատ զգացողություն չեմ ունեցել, բայց դա չի եղել հիասթափություն՝ որ մտածեմ. «վերջ, էլ չեմ մասնակցելու»: Ես տեսակով պայքարող եմ և եթե մի բան ուզում եմ, պետք է այնքան պայքարեմ, մինչև ստացվի»:

«Պարգի հետ շատ լավ, ընկերական հարաբերությունների մեջ եմ, տեսահոլովակում նրան վերաբերող հատվածը ներկայացված է հումորի տեսքով»

Սիմոնն այս տարի ներկայանալու է Paloma Rumba երգով, որը առօրյա միօրինակությունը մերժելու և հարմարավետության գոտուց դուրս գալու մասին է։ Վերնագիրը թարգմանվում է՝ որպես «Աղավնու պար», որը խորհրդանշում է ազատության թռիչքը։ 

Երգի երաժշտության հեղինակը Լիլիթ Նավասարդյանն է, խոսքերը համահեղինակել է Ռոզա Լինը՝ Դավիթ Ծերունյանի և Էվա Ոսկանյանի հետ։ 

Տեսահոլովակը հարուստ է սցենարային լուծումներով։ Այստեղ պատկերված է «Դեպի Եվրատեսիլ»-ի պարտությունից հիասթափված Սիմոնը, որը փորձում է անցնել գրասենյակային աշխատանքի, սակայն եվրատեսիլյան երազանքն ավելի ուժեղ է գտնվում, և, փաստորեն, հասցնում է երգչին այնտեղ, որտեղ նա ցանկանում է լինել։

Հոլովակում կան մի շարք հումորային դրվագներ, օրինակ՝ նախորդ տարվա հաղթող Պարգի «խզբզած» լուսանկարը: Սակայն Սիմոնը վստահեցնում է՝ ինքն ու Պարգը լավ ընկերներ են, ու այն, ինչ արվել է, միայն հումորային ենթատեքստ ունի:

Տեսահոլովակի ռեժիսորն Արթուր Մանուկյանն է։

«Ես բոլորին շատ սիրում եմ ու բոլորի կարծիքը գնահատում եմ»

Անդրադառնալով իր երգին ու տեսահոլովակին ուղղված բազմաթիվ կարծիքներին՝ երգիչը նշում է.

«Իրականում շատ եմ ուրախանում, երբ մրցույթի եվրոպացի երկրպագուների կողմից ստանում եմ այդպիսի դրական արձագանքներ՝ թե երգի, թե տեսահոլովակի հետ կապված: Նույնիսկ բազմաթիվ նամակներ եմ ստանում շատ-շատ դրական խոսքերով: Ասեմ, որ հայերից էլ եմ շատ դրական մեկնաբանություններ ստանում, ինչի համար շատ ուրախանում եմ, իսկ ովքեր վատն են գրում, ես դրան էլ ագրեսիվ ձևով չեմ վերաբերվում, բացասաբար չեմ տրամադրվում այդ ամենին. կարծում եմ՝ եվրատեսիլյան այդ 3 րոպեանոց ելույթի ընթացքում նրանք էլ դիտում են, և երբ տեսնում են, որ հայը մրցում է այլ երկրների ներկայացուցիչների հետ, միևնույն է, հոգու խորքում, վստահ եմ, որ իրենք էլ այդ պահին, իրենց հայրենակցի կողքին են լինում՝ անկախ մեկնաբանություններից: Չեմ հավատում, որ կնայեն ու կասեն՝ թող վատ լինի ամեն ինչ: Ես բոլորին շատ սիրում եմ ու բոլորի կարծիքը գնահատում եմ»:

«Նրանք, ովքեր ինձ ճանաչում են և ծանոթ են իմ էներգիային, գիտեն, որ կլինի մաքսիմալը»

Երգչի պրոդյուսերը կինն է՝ Անուշ Ավագյանը, որի հետ միասին են իրականացնում նրա բոլոր գաղափարները՝ այդ թվում կերպարային. «Մենք միասին ենք որոշում, թե ինչ կերպարով պետք է հանդես գամ, ինչպես պետք է ելույթ ունենամ... Յուրաքանչյուր քայլ միասին ենք մտածում, և կարծում եմ՝ այդ ամենը ստացվում է, որովհետև կառուցվում է անկեղծության վրա»:

Սակայն ելույթի հետ յապված կերպարային ու բեմականացման մանրամասների շուրջ Սիմոնն առայժմ չի շտապում խոսել.

«Ոչ մի փակագծեր առայժմ չեմ ցանկանում բացել, ասել, թե ինչ է լինելու, բայց նրանք, ովքեր ինձ ճանաչում են և ծանոթ են իմ էներգիային, գիտեն, որ կլինի մաքսիմալը. առայժմ սա թող մնա՝ որպես պատկերացում, իսկ թե ինչ կլինի, կտեսնեք արդեն մրցույթին»:

Այս պահին երգիչը բուռն նախապատրաստական աշխատանքների մեջ է, իսկ լարվածությունը հաղթահարում է իր կողքին կանգնած թիմի շնորհիվ:

«Ես հիացած եմ Հանրայինի թիմով, աշխատսկիցների մարդ տեսակով, որովհետև բացի պրոֆեսիանալ լինելը, թիմում բոլորը նաև շատ լավ մարդիկ են, ովքեր ինձ միշտ խրախուսում են, իմ հոգեվիճակից ելնելով՝ փորձում են այնպես անել, որ ես ավելի լավ զգամ ու ավելի լավ տրամադրվեմ այս ամենին:

Մեզ մոտ նախապատրաստական բուռն շրջան է, կարելի է ասել 24/7 աշխատում ենք, որպեսզի ամեն ինչ լավ ստացվի, աշխատում ենք բեմադրության վրա, որպեսզի այն կատարյալ լինի»:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում