• Մարդիկ կան՝ վատ բաներ են մեր հետևից ասում, մարդիկ կան՝ ուրախանում են. Հելոուինը` Հայաստանում

  Հայաստանում Հելոուինը տարեցտարի ավելի նկատելի ներկայություն է ձեռք բերում…

• Նիդեռլանդները կրկին հրաժարվում է «Եվրատեսիլից»՝ Իսրայելի մասնակցության պատճառով

  Նիդեռլանդները հրաժարվել է մասնակցել հաջորդ տարի կայանալիք «Եվրատեսիլ» երգի մրցույթին…

• Ինչպես Նարեին դիմավորեցին «Զվարթնոց» օդանավականում՝ «Մանկական Եվրատեսիլում» հաղթանակից հետո. երգչուհու էմոցիաները (VIDEO)

  Ծաղիկներ, պաստառներ, դրոշներ, երգ ու պար. այսպիսի տրամադրություն էր տիրում լուսադեմին «Զվարթնոց» օդանավակայանում, որտեղ մի խումբ երկրպագուներ և ընկերներ եկել էին դիմավորելու «Մանկական Եվրատեսիլ 2026»-ի հաղթողին՝ Հայաստանի ներկայացուցիչ Նարեին…

• Հայաստանը՝ «Մանկական Եվրատեսիլ 2026»-ի հաղթող

  Մալթայում ավարտվեց «Մանկական Եվրատեսիլ 2026» մրցույթը, որում հաղթող ճանաչվեց Հայաստաբնի ներկայացուցիչ Նարեն՝ Boo եռգով…

• Հայաստանի ներկայացուցիչ Նարեի ելույթը՝ «Մանկական Եվրատեսիլ 2026»-ում

  Մալթայում ընթանում է «Մանկական Եվրատեսիլ 2026» եռգի մրցույթը…

• ՈւՂԻՂ. Մալթայում մեկնարկել է «Մանկական Եվրատեսիլ 2026»-ը. Հայաստանը կներկայանա 8-րդ համարի ներքո

  Մալթայում այս պահին տեղի է ունենում «Մանկական Եվրատեսիլ» երգի մրցույթը, որտեղ Հայաստանը ներկայացնում է Նարեն՝ Boo երգով…

• Հայաստան է գալիս աշխարհահռչակ TOM FORD բրենդը

  Երկարատև բանակցություններից հետո Հայաստան է գալիս աշխարհահռչակ TOM FORD բրենդը…

• «Նորաձևությունը կարող է լինել Հայաստանը աշխարհին ներկայացնելու միջոց». Ստելլա Մանֆերդինի՝ Harper's Bazaar Italia-ի և ELLE Italia-ի խմբագիր

  Մեկ շաբաթ է անցել «Երևանի նորաձևության շաբաթ 2026»-ի ավարտից։ Այս մի քանի օրերը հնարավորություն տվեցին ոչ միայն բացահայտել հայ դիզայներների աշխատանքները, այլև ուսումնասիրել տեղական նորաձևության ոլորտը միջազգային մասնագետների աչքերով․․․

«Եվրատեսիլ 2026»-ն այլևս սարերի հետևում չէ, և եվրոֆաները պատաստվում են մրցույթի մեծ եզրափակչին, որը տեղի կունենա մայիսի 16-ին՝ Վիեննայում։ Սակայն օդում կախված է մնում ամենաիտրիգային հարցը՝ ո՞վ է սպասված հաղթանակը տանելու տուն։ 

Այս տարվա մրցույթն արդեն իսկ ձևավորվում է որպես վերջին տարիների ամենադինամիկ և անկանխատեսելի թողարկումներից մեկը։ Իր անցկացման 70 տարիների ընթացքում «Եվրատեսիլի» պատմությունն ու ընկալումը զգալիորեն փոխվել է՝ դուրս գալով պարզապես երաժշտական շոուի շրջանակներից և վերածվելով համաշխարհային փոփ մշակույթի երևույթի, որը պայմանավորված է սթրիմինգով, սոցիալական մեդիայով և երկրպագուների ակտիվ մասնակցությամբ։

Ակնհայտ բուքմեյքերական ֆավորիտներից մինչև վիրուսային երաժշտական տեսահոլովակներ՝ մրցանակի համար պայքարը սկսում է ձևավորվել դեռևս առաջին կենդանի ելույթից առաջ։ NEWS.am STYLE-ը ուսումնասիրել է նախամրցութային խոհանոցն ու այս պահի ֆավորիտներին։ 

Ֆավորիտներ․ Ովքե՞ր են առաջատարները

Մի շարք կայքեր քվեարկություն են սահնանել, որպեսզի մոտավոր պատկերացում կազմեն՝ ովքեր են մրցույթի երկրպագուների կարծիքով հավանական հաղթողները։ 

Eurovisionworld.com կայքի քննարկումների կենտրոնում Ֆինլանդիան է, որը ներկայումս գերիշխում է հարցման աղյուսակում և համարվում է գլխավոր ֆավորիտը։ Ֆինլանդիան այս տարվա մրցույթին ներկայացնում են Լինդա Լամպենիուսը և Փեթ Փարկոնեն՝ Liekinheitin երգով։ Երգը «Եվրատեսիլի» պաշտոնական յութուբյան էջում ունի ավելի քան 2,5 միլիոն դիտում։ 

Դանիան նույնպես իր տեղն է ապահովել առաջատարների շարքում։ Søren Torpegaard Lund-ի Før Vi Går Hjem երգի տեսահոլովակը YouTube-ում գրանցել է 2,1 միլիոն դիտում։

Ֆրանսիան այս պահին լավագույն եռյակում է՝ նուրբ և հուզականորեն ազդեցիկ երգով։ Այս տարի երկիրը ներկայացնում է Monroe-ն։ Նրա Regarde երգի տեսահոլովակը YouTube-ում ունի 1,9 միլիոն դիտում։ 

Eurovoix.com-ի ցուցակում ևս առաջին երկու հորիզոնականներում նույն երկրներն են, որոնց հաջորդում են Շվեդիան, Ավստրալիան, Հունաստանը և Կիպրոսը։ Նախորդ կայքի երրորդ հորիզոնականում հայտնված Ֆրանսիան այս դեպքում 7-րդ հորիզոնականում է, որին հաջորդում են Իտալիան և Բուլղարիան, լավագույն տասնյակը եզրափակում է Ավստրիան։ 

Հայաստանը՝ «Եվրատեսիլ 2026»-ում․ ինչպիսի՞ն են Սիմոնի շանսերը

Հայաստանն այս տարի մրցույթում ներկայացնում է Սիմոնը՝ Paloma Rumba ակտիվ ստեղծագործությամբ։ Սիմոնը ոչ միայն երգում է, այլև պարում, և արդեն հասցրել է եվրոպացի երկրպագուներին ապշեցնել իր անհավանակամ էներգիայով և ակտիվ շարժումներով՝ մասնակցելով Ամստերդամում կայացած պրոմո-տուրին։ Այս համերգի ընթացքում մասնակից երկրների ներկայացուցիչները հանդես եկան «Եվրատեսիլի» շրջանակում իրենց առաջին կենդանի ելույթներով։ Հայ մասնակցի տեսանյութերի ներքո եվրոպացիների մեկնաբանությունները հիմնականում դրական են ու խրախուսական, սակայն համաշխարհային հարցումների աղյուսակում ֆավորիտների պատկերն անփոփոխ է։ Eurovisionworld-ում Սիմոնը 25-րդն է, Eurovoix-ում՝ 32-րդը։

Paloma Rumba-ն YouTube-ում ունի 988 հազար դիտում։ 

Սակայն պետք է հիշել, որ այս արդյունքները վերջնական չեն․ հաճախ տպավորություններն ու որոշումները փոխվում են մրցութային առաջին փորձերից ու վերջնական ելույթներից հետո։ Իսկ մեր հայրենակիցներին մնում է միայն ակտիվորեն մասնակցել քվեարկություններին ու աջակցել Հայաստանը ներկայացնող մասնակցին ոչ միայն տարբեր հարցումների քվեներով, այլև ոգևորիչ խոսքերով։ Չէ՞ որ, նա մրցույթում ներկայացնելու է ոչ միայն իրեն, այլև մի ամբողջ երկիր։ 

«Եվրատեսիլի» առաջին կիսաեզրափակիչ փուլը կկայանա մայիսի 12-ին, երկրորդը՝ մայիսի 14-ին, մրցույթի եզրափքկիչը կկայանա մայիսի 16-ին:

Հայաստանի ներկայացուցիչ Սիմոնը ելույթ է ունենալու «Եվրատեսիլ 2026»-ի երկրորդ կիսաեզրափակչում՝ 6-րդ համարի ներքո:

Հաջողություն ենք մաղթում Սիմոնին։ 

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում