• «Մամայի Բալա»-ն վերադառնում է․ նոր եթերաշրջանում՝ նոր խառնաշփոթ, սեր ու անսպասելի փորձություններ

  Սվետայի տունը կրկին պատրաստվում է վերածվել ամենաանկանխատեսելի ու զվարճալի վայրերից մեկի...

• «Մի գդալ սեր»՝ ֆիլմ, որի յուրաքանչյուր դետալում սեր կա․ պրեմիերա, կարմիր գորգ, խոստովանություններ

  Գրեթե մեկ տարի անց «Մի գդալ սեր» ֆիլմը պատրաստ է հանդիպելու հանդիսատեսին․․․

• «Գերին և Գրեյսը»․ հույսի և մենության մասին տրագիկոմեդիան հայ հանդիսատեսին կներկայացնեն Հովհաննես Բաբախանյանն ու Նարինե Չիլինգարյանը

  ԱՄՆ-ում բնակվող ՀՀ վաստակավոր արտիստ Հովհաննես Բաբախանյանը սեպտեմբերին հյուրախաղերով հանդես կգա հայրենիքում...

• Բլոգեր Նուշիկ Օհանյանի ամուսինը, մեկ տարի կոմայի մեջ գտնվելուց հետո, մահացել է

  Բլոգեր Նուշիկ Օհանյանի ամուսինը, մեկ տարի կոմայի մեջ գտնվելուց հետո, մահացել է…

• Ալեն Սիմոնյանի շնորհավորանքը կնոջը՝ Անելյա Գուբրյանին, 26-ամյակի առթիվ (ֆոտո)

  Անվտանգության խորհրդի քարտուղար Ալեն Սիմոնյանի կինը՝ մոդել Անելյա Գուբրյանն, այսօր՝ սեպտեմբերի 2-ին, նշում է ծննդյան 26-ամյակը…

• ArmenՅԱՆs. Ջեք Թոփալյան՝ «էյֆորիայի» հայ աստղը․ ինչպե՞ս բիզնեսը փոխարինեց դերասանի կարիերայով, «տանջեց» Ջեյքոբ Էլորդիին ու հայերեն խոսեց ամերիկյան հայտնի սերիալում

  Մենք՝ հայերս, աշխարհի որ երկրում էլ լինենք, միշտ հպարտություն ենք ապրում, երբ մեր հայրենակիցներից մեկին հանկարծ տեսնում ենք որևէ խոշոր միջազգային նախագծում...

• Անձրևի և կայծակի պատճառով հետաձգվել է Էրիկի մենահամերգը

  Համերգի մեկնարկից հետո երգիչը հասցրել է մի քանի երգ կատարել, սակայն ուժեղ անձրևի և կայծակի պատճառով միջոցառումը ստիպված են եղել դադարեցնել։ Էրիկ Կարապետյանն ավելի ուշ իր ինստագրամյան սթորիում հայտնել է, որ համերգը տեղափոխվում է սեպտեմբերի 3-ին՝ ժամը 20:30-ին...

• Մոհաննայի «Անպայման»-ը․ նոր երգ, նոր տրամադրություն ու սիրելի տղամարդուն ուղղված երաժշտական խոստովանություն

  Մոհաննան ներկայացրել է իր նոր՝ «Անպայման» երգը, որն արդեն հասանելի է նաև ամբողջական տեսահոլովակով։ Նոր աշխատանքով երգչուհին ոչ միայն շարունակում է իր երաժշտական ճանապարհը, այլև բացում է իր զգացմունքային աշխարհի մի նոր էջ՝ երգը նվիրելով իր սիրելի տղամարդուն...

Դերասաններ Նազիկ Բաղդասարյանի և Արթուր Գեղամյանի որդին՝ Դանիելը, օրերս հուզեց շատերին Սոնա Ռուբենյանի  և YANG-ի «Մամ» երգի տեսահոլովակում իր գլխավոր դերակատարմամբ (երգի հեղինակներ՝ Նիկ Էգիբյան, Գրիգոր Կյոկչյան): Ռեժիսոր Արամայիս Հայրապետյանի նկարահանած տեսահոլովակում տղան մարմնավորում է մոր կարոտն ու սերը սրտում ապրող հերոսի, ով իր ապրումներով ու զգացմունքային կերպարով անտարբեր չի թողնում ոչ մեկին:

Սա Դանիելի առաջին աշխատանքը չէ նկարահանման հրապարակում: Նախկինում նա փորձ է ձեռք բերել մի շարք նախագծերում և գովազդային հոլովակներում, որոնց թվում են՝ «Ավետարան ըստ Փարաջանովի» ֆիլմը, որում նա մարմնավորել է Սայաթ-Նովային՝ մանկության տարիներին, այս ամռանը նկարահանվել է նաև նոր գեղարվեստական ֆիլմում, իսկ 4 տարեկանում Մինաս Ավետիսյանի մասին ֆիլմում մարմնավորել է փոքրիկ Մինասին:

NEWS.am STYLE-ի հետ զրույցում Նազիկ Բաղդասարյանը պատմել է որդու ընտրած ուղու մասին և տրամադրել լուսանկարներ՝ տեսահոլովակի նկարահանման հրապարակից:

Նազիկի խոսքով՝ Դանիելը նկարահանման համար ընտրվել է քասթինգի միջոցով․ «Պարզապես փնտրում էին 12 տարեկան տղա, ով կունենար նաև նկարահանման փորձ, ու ես հասկացա, որ հենց Դանիելին են փնտրում և ուղարկեցի մի քանի լուսանկար: Երբ քասթինգն անցավ, իհարկե, թե Դանիելը, թե մենք, շատ ուրախացանք»։

Դանիելն ու նրա ծնողներն արդեն բազմաթիվ արձագանքներ են ստացել նրա դերասանական խաղի վերաբերյալ․ դերասանուհին նշում է՝ ծանոթ և անծանոթ մարդիկ «անչափ հուզիչ խոսքեր են ասում»։ «Ամեն օր ես ստանում եմ շատ ու շատ նամակներ ու զանգեր ու միայն ոգևորիչ խոսքեր, բոլորը շատ հուզված են ու տպավորված Դանիելի հուզիչ խաղով: Ես կարծում եմ՝ ամեն բան շատ լրացնող է իրար այս հոլովակում՝ երգը, սյուժեն, Սոնա Ռուբենյանի հեքիաթային ձայնը, տեսահոլովակը, երեխաները և Դանիելի անսահման խորը աչքերը»։

Դերասանները շատ խիստ են մոտենում իրենց որդուն առաջարկվող նախագծերին և ոգևորվում են, որ այսքան երիտասարդ տարիքում Դանիելն արդեն աշխատում է ոլորտի մի շարք պրոֆեսիոնալների հետ։  «Կարևոր է նաև այն, որ միշտ հիացական խոսքեր եմ լսում նկարահանող թիմից ու ռեժիսորներից, ում հետ նա արդեն հասցրել է աշխատել։ Այդ ամենը շատ հուզիչ է ինձ համար»։

Նոր առաջարկները ևս չեն ուշացել։ Նազիկը պատմում է, որ օրերս ինքն ու Դանիելը ֆիլմում միասին նկարահանվելու նոր առաջարկ են ստացել։ «Նաև տեսահոլովակի տեղադրման նույն օրը Դանիելը ստացավ գլխավոր դերի առաջարկ, որի նկարահանումները ամռանն են լինելու։ Ես չգիտեմ՝ Դանիելն այս ուղին կընտրի, թե ոչ, բայց նա, իսկապես, շատ երջանիկ է նկարահանման հրապարակում, և, նույնիսկ, երկար ու բարդ նկարահանումները, որ կարող են տևել 14-15 ժամ, նրան չեն հիասթափեցնում»,-ուրախությամբ հավելում է դերասանուհին։ 

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում