• Աիդա Կարապետյանի ու ամուսնու՝ Արամի սիրո պատմությունը. ծանոթությունից մինչև անսպասելի ամուսնություն (VIDEO)

  S.am STYLE-ի տաղավարում դերասանուհի Աիդա Կարապետյանը ու նրա ամուսինը՝ Արամ Խանսամանյանը, առաջին անգամ պատմում են իրենց սիրո պատմությունը…

• Ներկայացվել է «Մոնթե» գեղարվեստական ֆիլմի պաշտոնական թրեյլերը

  Ֆիլմի պրեմիերան նախատեսված է նոյեմբերի 25-ին...

• Մեծ էկրաններին արդեն ամանորյա տրամադրություն է․ «Հարսնացուն Ամերիկայից կամ Նոր տարվա կինո 2» ֆիլմի պրեմիերան  

  Ֆիլմն ամանորյա նոր կատակերգություն է, որը խոստանում է ոչ միայն ծիծաղ ու տոնական տրամադրություն, այլև սիրո, ընկերության ու մարդկային արժեքների մասին հուզիչ պատմություն...

• «ՄԻԱՑՈՒՄ». հայկական ռեփ անկախության և ժամանակակից Հայաստանի իրականության մասին  

  Նախագծի պրոդյուսերը ռեփեր, հանրային գործիչ NAY 374 -ն է, ով այս գործի համար համախմբել է հայաստանցի ու արցախցի 6 ռեփերների՝ Inadu, Morphe US, B58, Ara Kelly One, Dibeta, Enomenal։ Տեսահոլովակի նկարահանման համար ընտրվել է Հայոց այբուբենի հուշարձանը՝ որպես մեր ազգի միավորման խորհրդանիշ...

• UFC-ի մարտիկ Մելսիկ Բաղդասարյանը կնկարահանվի Ժան-Կլոդ Վան Դամի նոր մարտաֆիլմում

  Խառը մենամարտերի (MMA) հայ մարտիկ Մելսիկ Բաղդասարյանը համալրել է «KATANA» նոր մարտաֆիլմի դերասանական կազմը։ Ֆիլմի գլխավոր դերում հանդես է գալու Ժան-Կլոդ Վան Դամը, հայտնում է Armenian Film Society-ն...

• «Փորձում եմ հիշողությանս մեջ պահել քո անհոգ մանկության յուրաքանչյուր վայրկյանը». Եվա Բաղդասարյանը հուզիչ գրառում է արել որդու 11 ամսականի առթիվ

  Դերասանուհի Եվա Բաղդասարյանը շարունակում է սոցիալական ցանցերի իր հետևորդների հետ կիսվել ընտանեկան ջերմ ու հիշարժան պահերով…

• Զիրոյանը ներկայացրեց այն երգը, որը տարիներ առաջ նվիրել էր Իննա Խոջամիրյանին, բայց փոխված տարբերակով. ինչպե՞ս արձագանքեցին երկրպագուները

  Օրեր առաջ Զիրոյանը իսկական ինտրիգ առաջացրեց սոցիալական ցանցերի իր էջերում՝ ներկայացնելով իր՝ «Իմն ա» երգի ու տեսահոլովակի անոնսը…

• Ռիհաննան և Ֆրենսիս Քյուրքջյանը բացահայտում են նոր J’adore Intense օծանելիքի նոտաները

  Ռիհաննան և Christian Dior-ի օծանելիքի ստեղծագործական տնօրեն Ֆրենսիս Քյուրքջյանը ներկայացնում են նոր J’adore Intense օծանելիքի բույրային նոտաները՝ բացահայտելով դրա ստեղծման գաղտնիքները…

Ա. Սպենդիարյանի անվան օպերայի և բալետի ազգային ակադեմիական թատրոնի առաջատար մենապարող Րաֆֆի Գալստյանը վերադարձել է Հայաստան և մտադիր է իր ստեղծագործական նոր փուլը կառուցել հենց հայրենիքում։ Եվրոպայում անցկացրած ամիսներից հետո արտիստը որոշել է այլևս երկարաժամկետ շրջագայությունների չմեկնել և իր գիտելիքն ու փորձը ներդնել հայկական բալետի զարգացման գործում։

Վերջին երկու տարիներին պարողը  մեծամասամբ բնակվել և աշխատել է Ֆրանսիայում։ NEWS.am STYLE-ի հետ զրույցում նա ասում է՝ այդ շրջանը կարևոր փորձ է եղել ոչ միայն մասնագիտական, այլև ֆիզիկական ու հոգեբանական առումով։

«Այնտեղ աշխատելը ինձ մեծ փորձ տվեց՝ և մասնագիտական, և ֆիզիկապես, և հոգեպես։ Ձեռք բերեցի նոր ծանոթություններ, որոնք շատ կարևոր եմ համարում, քանի որ այդ կապերը հնարավորություն են տալիս հասնել ավելիին»,- նշում է նա։

Սակայն արտիստը վստահեցնում է՝ դեռ մեկնելուց առաջ ասել էր, որ վերադառնալու է, և այսօր իր խոստումը կատարել է։

«Ես բազմիցս նշել էի, որ գնալու եմ վերադառնալու նպատակով։ Վերադարձել եմ հայրենիք, և իմ հետագա մեծ նպատակները ցանկանում եմ իրականացնել հենց այստեղ, որպեսզի օգուտ տամ իմ երկրին, իմ թատրոնին, հայկական բալետին»,- ասում է նա։

Գալստյանի խոսքով՝ արտերկրում ձեռք բերած փորձն ու կապերը պետք է ծառայեն սեփական երկրին։ Այդ պատճառով էլ այժմ նա ցանկություն չունի երկար ժամանակով հեռանալու Հայաստանից։

Թեև արտիստը շարունակում է ստանալ միջազգային առաջարկներ, դրանք հիմնականում կարճաժամկետ բնույթ են կրելու։ Արդեն հոկտեմբերին նա Մոլդովայի թատրոնի հրավերով հանդես կգա «Սպարտակ» բալետով, սակայն երկարատև շրջագայությունները ներկայում նրա ծրագրերում չեն։

Պարողի որոշման վրա ազդել են նաև կյանքի որոշ խորհրդանշական դրվագներ։ Նա հիշում է, որ փետրվարին, երբ ընդամենը մի քանի օրով վերադարձել էր Երևան՝ ներկայացումներում մասնակցելու համար, օպերային թատրոնի երկարամյա աշխատակից Ջեմմա տատիկը, որը ցավոք կյանքից հեռացել է, հիվանդանոցից նրան նամակ էր գրել՝ խնդրելով վերադառնալ հայրենիք և չլքել այն։

«Դա մեծ ազդեցություն թողեց ինձ վրա։ Այդ նշաններից մեկն էր, որ ստիպեց վերանայել շատ բաներ։ Երբեմն պետք է կանգնես և լսես, թե կյանքը քեզ ուր է ուղղորդում, հակառակ դեպքում կարող ես պարզապես անդադար աշխատել ու մի օր հասկանալ, որ տարիներն անցել են»,- խոստովանում է նա։

Արտիստի համոզմամբ՝ ստեղծագործող մարդը պետք է աշխատի այնտեղ, որտեղ իրեն գնահատում և հարգում են։

«Մարդը չպետք է աշխատի այնտեղ, որտեղ իրեն չեն գնահատում։ Արվեստագետին պետք չէ վանդակի մեջ դնել։ Այդ հարգանքն ու ազատությունը ես ունեմ իմ թատրոնում, ինչի համար անչափ շնորհակալ եմ»,- ասում է Գալստյանը՝ ընդգծելով, որ արտերկրում ունեցած բոլոր փորձառություններից Հայաստան է բերել միայն դրականը։

Այս օրերին մենապարողը զբաղված է օպերային թատրոնի խաղացանկով, իսկ հունիսն ու հուլիսը նրա համար բավական հագեցած են։ Միևնույն ժամանակ նա ծրագրում է իր գործունեությունը չսահմանափակել միայն բալետային բեմով։

«Կլինեն նաև ֆիլմեր, հեռուստանախագծեր, սակայն դրանց մասին դեռ վաղ է խոսել»,- նշում է նա։

Բացի այդ, Րաֆֆի Գալստյանը ներկայում աշխատում է հատուկ ծրագրի վրա, որը միտված է հայկական բալետի զարգացմանը։ Թե ինչ նախաձեռնության մասին է խոսքը, արտիստը խոստանում է բացահայտել ավելի ուշ։

Այսպիսով, միջազգային փորձով հարստացած պարողը վերադարձել է Հայաստան ոչ միայն բեմ վերադառնալու, այլև սեփական փորձը հայրենի մշակույթի զարգացմանը ծառայեցնելու նպատակով։

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում