Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Չնայած թագավորի հետ հաշտությանը՝ արքայազն Հարրին դեռևս չի շփվում արքայազն Ուիլյամի հետ

10:55, 16 հուլիսի

Արքայազն Հարրիի և Չարլզ III թագավորի երկար սպասված վերամիավորումը հույսեր է արթնացրել բրիտանական թագավորական ընտանիքում հնարավոր հաշտեցման վերաբերյալ: Այնուամենայնիվ, աղբյուրները People-ին հայտնում են, որ Սասեքսի դուքսի հարաբերությունները իր ավագ եղբոր՝ արքայազն Ուիլյամի հետ մնում են լարված։

Երկու եղբայրներին ծանոթ ներքին աղբյուրի խոսքով՝ նրանց միջև դեռևս որևէ շփում չկա։

«Ես կարծում էի, որ ժամանակի ընթացքում ամեն ինչ գոնե մի փոքր կհեշտանա: Բայց Ուիլյամի կողմից ոչինչ չի փոխվել: Նրանց միջև որևէ շփում չկա», - ասել է աղբյուրը։

Մեկ այլ աղբյուր եղբայրների հարաբերությունները նկարագրել է որպես «լիովին խզված»։

Չնայած այն հանգամանքին, որ Հարրին և Ուիլյամը հուլիսի 7-ին Լոնդոնում գտնվում էին միմյանցից ընդամենը մի քանի կիլոմետր հեռավորության վրա, հանդիպման ծրագրեր չկային: Մինչ Հարրին աշխատանքային այցով Մեծ Բրիտանիայում էր, Ուելսի արքայազնը Քեյթ Միդլթոնի հետ մասնակցեց Վինձորում անցկացվող ամենամյա բարեգործական պոլոյի մրցաշարին։

People-ի տվյալներով՝ եղբայրների միջև եղած անհամաձայնությունն արդեն ազդել է ընտանիքի հաջորդ սերնդի վրա: Ուիլյամի և Քեյթի երեխաները՝ արքայազն Ջորջը, արքայադուստր Շառլոտը և արքայազն Լուին, գործնականում որևէ կապ չունեն իրենց զարմիկների՝ արքայազն Արչիի և արքայադուստր Լիլիբեթի հետ, որոնք ապրում են Կալիֆոռնիայում։

Թագավորական կենսագիր Սայմոն Վիգարը կարծում է, որ արքայադուստր Դիանան խորապես կվշտանար ստեղծված իրավիճակից։

«Դիանան կհիասթափվեր, որ ամեն ինչ այսպես դասավորվեց, հատկապես հաշվի առնելով, թե որքան մտերիմ էին նրա որդիները», - նշել է նա։

Միևնույն ժամանակ, Հարրիի և հոր հարաբերությունները, կարծես, աստիճանաբար բարելավվում են։ Մեծ Բրիտանիա կատարած իր վերջին այցի ժամանակ Սասեքսի դուքսը հանդիպել է թագավոր Չարլզ III-ի և թագուհի Կամիլայի հետ, ինչպես նաև չորս տարվա ընթացքում առաջին անգամ երկիր է բերել իր կնոջը՝ Մեգան Մարքլին, և իրենց երեխաներին՝ արքայազն Արչիին և արքայադուստր Լիլիբետին։

«Նրանց հարաբերությունները բարելավվել են», - հայտնել է ընտանիքին մոտ կանգնած աղբյուրը։

Արքայազն Հարրին ինքը նախկինում բազմիցս հայտարարել է, որ կցանկանար վերականգնել կապերը իր հարազատների հետ։ Անցյալ տարի BBC-ին տված հարցազրույցում նա խոստովանել է. «Ես կցանկանայի հաշտվել իմ ընտանիքի հետ։ Այս պայքարը շարունակելու իմաստ չկա»։


Հետևեք NEWS.am STYLE-ին Facebook-ում, Twitter-ում և Instagram-ում





  • Related News

TV SHOWS PHOTO VIDEO


@NEWSam_STYLE

  • Archive
Search