• Սեր, սեքս, ազատություն և Ստալին․ Զաբել Եսայան՝ իր ժամանակի գլխավոր ապստամբը

  Նա վիճում էր, սխալվում, պաշտպանում, մեղադրում, հավատում գաղափարներին ու հետո հիասթափվում դրանցից, բայց գրեթե երբեք չէր համաձայնում ապրել այնպես, ինչպես իրենից պահանջում էին շրջապատողները...

• Իսպանական քաղաքը խեղդվել է լոլիկի մեջ. 20,000 մարդ կազմակերպել է զանգվածային լոլիկի կռիվ  

  Աշխարհի տարբեր ծայրերից հազարավոր մասնակիցներ հավաքվել են իսպանական Բունյոլ քաղաքում՝ մասնակցելու հայտնի «Լա Տոմատինային»՝ աշխարհի ամենամեծ ամենամյա «սննդի կռվին»։ Մի քանի ժամվա ընթացքում քաղաքի փողոցները վերածվել են լոլիկի իսկական ծովի...

• Հայկական տեսանյութը համաշխարհային մշակութային թրենդում նվաճում է սոցցանցերն ու գրավում արտասահմանյան մեդիաների ուշադրությունը

  Ռեժիսոր և օպերատոր Ավո Հարությունյանի ու Black Flight թիմի կողմից միջազգային տեսողական թրենդի շրջանակում նկարահանված «BORN FROM CULTURE | ARMENIA» տեսանյութը հրապարակումից ընդամենը մեկ շաբաթ անց հատել է մեկ միլիոն դիտման սահմանագիծը...

• Հայաստանի զբոսաշրջային բումը. Ինչպես է երկիրը գրավում ճանապարհորդներին 2026 թվականին

  2026 թվականը ռեկորդային տարի էր հայկական զբոսաշրջության համար. երկիրն ունեցավ զբոսաշրջիկների աննախադեպ աճ՝ գրանցելով անկախությունից ի վեր լավագույն ցուցանիշները…

• «90-ականները մեկ օրով վերադառնում են Հայաստան». Ալեքսանդր Մհերյանը՝ Retro Stars Fest-ի գաղափարի, աստղերի և սպասվող անակնկալների մասին

  Այս առաջին փառատոնը կոչվում է Retro Stars Fest — Disco Legends։ «Առաջին» բառը այստեղ պատահական չէ...

• Առաջին անգամ Հայաստանում՝ համերգ, որտեղ ոչինչ չեք տեսնի

  Պատկերացրեք՝ մտնում եք համերգասրահ, նստում ձեր տեղում, և… լույսերն ամբողջությամբ անջատվում են...

• «Գութան» փառատոնը նվիրված կլինի Գագիկ Գինոսյանի 60-ամյակին և կրկին կհամախմբի հայկական երգի և պարի լավագույն խմբերին

  Օգոստոսի 22-ին՝ ժամը 19:00-ին, «Մրրո» հայ ազգային արվեստի կենտրոնի նախաձեռնությամբ Երևանի Գաֆէսճյան քանդակների պարտեզում (Կասկադ) տեղի կունենա «Գութան» Հայաստանի ազգային-ավանդական երգի-պարի ամենամյա փառատոնը…

• «Խաղողօրհնեք»-ի փառատոնը՝ Արենիում. Ինչպես է գինու տուրիզմը զարգանում գյուղական տարածքներում

  Արենի համայնքում անցկացվող փառատոները մշակութային միջոցառումներ են, բայց դրանք նաև ծառայում են որպես զբոսաշրջության, փոքր բիզնեսի և գյուղական վայրերի զարգացման գործիք․․․

Օգոստոսի 16-ին «Երազ Այգի»-ում տեղի կունենա Ազգային տարազի փառատոնը, որը մեկ հարթակում կմիավորի հայկական ազգային տարազը, ավանդական արհեստները, երաժշտությունը, էթնոդիզայնն ու Խաղողօրհնեքի դարավոր ավանդույթը։

Փառատոնի կազմակերպիչներն են «Տերյան մշակութային կենտրոն»-ը և «Երազ Այգի»-ն։ «Տերյան մշակութային կենտրոնն» արդեն երկար տարիներ կազմակերպում է Ազգային տարազի փառատոնը՝ այն դարձնելով հայկական մշակութային ժառանգության, ավանդական արհեստների և ժամանակակից էթնոդիզայնի ներկայացման յուրահատուկ հարթակ։

Այս տարվա առաջին փառատոնը  համընկնում է Հայ Առաքելական Սուրբ Եկեղեցու կարևոր տոներից մեկի՝ Սուրբ Աստվածածնի Վերափոխման տոնի և Խաղողօրհնեքի հետ։

Խաղողօրհնեքը հայ ժողովրդի ամենասիրված ու գեղեցիկ ավանդական տոներից է։ Սուրբ Պատարագից հետո եկեղեցիներում կատարվում է խաղողի օրհնության կարգը, իսկ օրհնված խաղողը բաժանվում է ժողովրդին։ Դարերի ընթացքում այս տոնը դարձել է ոչ միայն եկեղեցական, այլև ազգային մշակույթի, ավանդույթների և միասին տոնելու խորհրդանիշ։

Օգոստոսի 16-ին «Երազ Այգու» տարածքում առավոտից մինչև երեկո կստեղծվի հայկական մշակույթով հագեցած տոնական միջավայր։ Այցելուները հնարավորություն կունենան ծանոթանալու հայկական ավանդական արհեստներին, հետևելու վարպետների աշխատանքին, տեսնելու ազգային տիկնիկների և ձեռագործ աշխատանքների ստեղծման ընթացքը, ինչպես նաև հանդիպելու այն մարդկանց, որոնք այսօր պահպանում և շարունակում են հայկական ավանդական արհեստները։

Փառատոնի առանցքային իրադարձություններից մեկը կլինի Ազգային տարազի ցուցադրությունը։ Էթնո ոճում ստեղծագործող դիզայներները կներկայացնեն իրենց հավաքածուները, իսկ «Տերյան մշակութային կենտրոն»-ը հանդես կգա ազգային տարազների իր նոր հավաքածուով։

Կենտրոնի համար յուրաքանչյուր նոր հավաքածու ոչ միայն նորաձևության ցուցադրություն է, այլև հայկական մշակութային ժառանգության ուսումնասիրության, վերականգնման և հանրայնացման շարունակական աշխատանքի արդյունք։ Հավաքածուների միջոցով ներկայացվում են Հայաստանի տարբեր տարածաշրջանների տարազային առանձնահատկությունները՝ գույները, ձևերը, զարդանախշերն ու դրանց հետ կապված պատմությունները։

Փառատոնը կունենա նաև համերգային ծրագիր։ Օրվա երաժշտական հատվածին կմասնակցի Ethno Colors խումբը, որը երկար տարիներ համագործակցում է «Տերյան մշակութային կենտրոն»-ի հետ և իր երաժշտությամբ առանձնահատուկ շունչ  հաղորդում կենտրոնի փառատոներին։

Ազգային տարազի փառատոնը երկրորդ տարին անընդմեջ անցկացվում է «Երազ Այգու»  հետ համագործակցությամբ՝ մեկ վայրում համախմբելով ազգային տարազը, արհեստը, երաժշտությունը, ավանդույթներն ու ժամանակակից մշակութային ներկայացումները։

Խաղողօրհնեքի այս միջոցառումը միաժամանակ կազդարարի «Տերյան մշակութային կենտրոն»-ի փառատոնային մեծ շրջանի մեկնարկը։

Հաջորդիվ նախատեսվում է TarazFest-ը Մեղրիում՝ ԱՊՀ երկրներից ժամանող մասնակիցների ներկայությամբ, իսկ դրանից հետո՝ Future of the Past միջազգային փառատոնը։

Միջոցառման իրականացմանն աջակցում է նաև «Տերյան մշակութային կենտրոն»-ի գործընկեր «Նիկա» ենթակառուցվածքային զարգացման բարեգործական հիմնադրամը (Nika Foundation), որը շարունակաբար աջակցում է կենտրոնի նախաձեռնություններին և մշակութային ծրագրերի իրականացմանը։

Օգոստոսի 16-ին «Երազ Այգի»-ում անցկացվող փառատոնը հնարավորություն կտա մեկ օրվա ընթացքում բացահայտելու հայկական մշակույթի տարբեր շերտերը՝ ազգային տարազից ու ավանդական արհեստներից մինչև երաժշտություն և Խաղողօրհնեքի դարավոր ավանդույթ։

Հետևեք NEWS.am STYLE-ին Facebook-ում, Twitter-ում և Instagram-ում