• Սեր, սեքս, ազատություն և Ստալին․ Զաբել Եսայան՝ իր ժամանակի գլխավոր ապստամբը

  Նա վիճում էր, սխալվում, պաշտպանում, մեղադրում, հավատում գաղափարներին ու հետո հիասթափվում դրանցից, բայց գրեթե երբեք չէր համաձայնում ապրել այնպես, ինչպես իրենից պահանջում էին շրջապատողները...

• Հայաստանի զբոսաշրջային բումը. Ինչպես է երկիրը գրավում ճանապարհորդներին 2026 թվականին

  2026 թվականը ռեկորդային տարի էր հայկական զբոսաշրջության համար. երկիրն ունեցավ զբոսաշրջիկների աննախադեպ աճ՝ գրանցելով անկախությունից ի վեր լավագույն ցուցանիշները…

• «Խաղողօրհնեք»-ի փառատոնը՝ Արենիում. Ինչպես է գինու տուրիզմը զարգանում գյուղական տարածքներում

  Արենի համայնքում անցկացվող փառատոները մշակութային միջոցառումներ են, բայց դրանք նաև ծառայում են որպես զբոսաշրջության, փոքր բիզնեսի և գյուղական վայրերի զարգացման գործիք․․․

• «Երազ Այգում» կանցկացվի Ազգային տարազի փառատոնը

  Օգոստոսի 16-ին «Երազ Այգի»-ում տեղի կունենա Ազգային տարազի փառատոնը, որը մեկ հարթակում կմիավորի հայկական ազգային տարազը, ավանդական արհեստները, երաժշտությունը, էթնոդիզայնն ու Խաղողօրհնեքի դարավոր ավանդույթը...

• «Հայկական ժամադրությունների մշակույթը վնասում է մեր ժողովրդագրական ցուցանիշներին»

  Երբ մարդիկ խոսում են ժողովրդագրական ճգնաժամի մասին, նրանք սովորաբար հիշատակում են արտագաղթը, ցածր աշխատավարձը կամ բնակարանների բարձր գները: Եվ գրեթե ոչ ոք չի խոսում ժամադրությունների մասին, չնայած որ դա այն վայրն է, որտեղից սկսվում է յուրաքանչյուր ընտանիք․․․

• «Նավասարդ» հայ-իրանական փառատոնը նշում է 5-րդ հոբելյանը․ Սիսիանում սպասվում են երկու օր տևող մշակութային ու խոհարարական տոնակատարություններ

  Այս տարի «Նավասարդ» հայ-իրանական մշակութային և խոհարարական փառատոնը նշում է իր 5-ամյակը...

• Հայկական հետք K-Pop-ում. Հայ տղամարդու պատմությունը, որը նվաճել է կորեական զվարճանքի արդյունաբերությունը

  Հայաստանը հաճախ չի հիշատակվում զրույցներում, առավել ևս՝ K-pop-ի համատեքստում․․․

• Իվան Դորնի վարպետության դասը Երևանում. «Ես դիմեցի Աստծուն՝ երաժշտության ռիթմի միջոցով»

  Հայտնի ուկրաինացի երաժիշտ, պրոդյուսեր և նորարարական երաժշտական ​​նախագծերի ստեղծող Իվան Դորնը հատուկ հյուր էր Երևանում անցկացվող միջազգային Notations Lab-ում․․․

Ռեժիսոր և օպերատոր Ավո Հարությունյանի ու Black Flight թիմի կողմից միջազգային տեսողական թրենդի շրջանակում նկարահանված «BORN FROM CULTURE | ARMENIA» տեսանյութը հրապարակումից ընդամենը մեկ շաբաթ անց հատել է մեկ միլիոն դիտման սահմանագիծը։

View this post on Instagram

A post shared by Black Flight (@avo_black_flight)

Լուսանկարչությանը, դիզայնին, կինոյին ու վիզուալ մշակույթին նվիրված արտասահմանյան առաջատար մեդիաներն ու էջերն ակտիվորեն տարածում են հոլովակը, իսկ դրա հայկական տարբերակով հրապարակումներն արդեն հավաքում են հարյուր հազարավոր դիտումներ։

Հատկանշական է, որ հայկական հոլովակն հայտնվում է «Born From Culture» թրենդի զարգացմանն անդրադարձող գրեթե բոլոր առանցքային հրապարակումներում․ երբ արտասահմանյան հեղինակները ներկայացնում են, թե ինչպես է մեկ վիզուալ ձևաչափը տարածվել տարբեր մշակույթներում, Հայաստանը հանդես է գալիս որպես լսարանին ցուցադրվող առաջնային օրինակներից մեկը։

Ամենանշանակալի արձագանքներից էր լուսանկարչությանն ու վիզուալ մշակույթին նվիրված ֆրանսիական SPOT մեդիայի հրապարակումը։ Հեղինակները «BORN FROM CULTURE | ARMENIA»-ն անվանել են «շաբաթվա տեսողական և ստեղծագործական հրաշք»՝ առանձնահատուկ ընդգծելով Ավո Հարությունյանի ռեժիսորական աշխատանքը, Sardaryan Dance Studio-ի պարարվեստն ու ARMAT-ի ավանդական տարազները։ Ֆրանսիական պարբերականն ուշադրություն է դարձրել բնական տեսարանների մասշտաբայնությանը, վանքերին, տարազներին և Future-ի «Mask Off» երգի հետ դրանց անսպասելի համադրությանը՝ երաժշտական լուծումն անվանելով արտակարգ տպավորիչ։ «Բնական դեկորացիաներն այստեղ վեհաշուք են․ դրանք ծվարած են բարձրադիր վանքերի ու լեռների միջև», — գրում են հեղինակները՝ շեշտելով պարողների «տաղանդը, արագությունն ու շարժումների անթերի ճշգրտությունը»։

SPOT-ը հայկական հոլովակում նկատել է ևս մեկ մշակութային շերտ՝ դրա որոշ կոմպոզիցիաներ կապելով Սերգեյ Փարաջանովի «Նռան գույնը» ֆիլմի էսթետիկայի հետ։ Հեղինակները նկատում են առանձին կադրերի կառուցման նմանությունը, որտեղ մարդը, տարազը, ճարտարապետությունն ու առարկաները վերածվում են գրեթե գեղանկարչական պատկերների, և ենթադրում են, որ այդ ծանոթ զգացողությունը պատահական չէ։

Տեսանյութը հայտնվել է նաև միջազգային ստեղծագործական հարթակներում, ինչպիսին է We Got No Taste-ը, որն ամեն օր հրապարակում է աշխարհի տարբեր անկյունների լուսանկարիչների, ռեժիսորների, դիզայներների ու ստուդիաների աշխատանքները։ Հայկական նախագիծը տեղ է գտել վիզուալ այնպիսի աշխատանքների կողքին, որոնք լսարանը գնահատում է նախևառաջ պատկերի որակով, ռեժիսուրայով ու գեղարվեստական մտահղացմամբ, այլ ոչ թե ծագման աշխարհագրությամբ։

Հոլովակին առանձնահատուկ ուշադրություն է դարձրել Politics in the Wild էջը, որտեղ հրապարակումը կարողացել է շուրջ 60 հազար հավանում հավաքել։ Հայկական տարբերակը հայտնվել է թրենդի մասնակից հինգ երկրների ընտրանու շարքում՝ Born From Culture-ի մյուս ազգային հոլովակների կողքին։

Հեղինակները հիշեցրել են, որ ձևաչափի սկիզբը դրվել է Future-ի «Mask Off» երգի ներքո վրացական պարարվեստը ներկայացնող տեսանյութով, որից հետո թրենդը լայնորեն տարածվել է այլ երկրներում։ Նրանք նաև հարցադրում են անում, թե ինչու է հենց այս երաժշտությունն այդքան ներդաշնակորեն ձուլվել տարածաշրջանի ավանդական պարային մշակույթին՝ ընդգծելով, որ ժամանակակից թրեքի ու ազգային պարարվեստի համադրությունը զարմանալիորեն դիպուկ է աշխատում։

Born From Culture-ի հայկական տարբերակի մասին գրել են նաև տարածաշրջանային այլ լրատվամիջոցներ։ Ղազախստանում թրենդի մասին պատմել են Kursiv Media-ն, Первый канал Евразия-ն, Taspa News.kz-ը և Tumar FM-ը, ընդ որում՝ հայկական տարբերակն արդեն ներկայացվում է այն նյութերում, թե ինչպես է թրենդը տարածվել տարբեր երկրների ու մշակույթների միջև։

Հաջողության ամենահաճելի ցուցանիշը, թերևս, այն մարդկանց արձագանքն է, ովքեր առաջին անգամ Հայաստանը տեսել են հենց այս տեսանյութի միջոցով։ Արտասահմանյան հրապարակումների մեկնաբանություններում օգտատերերը հիանում են տեսանյութի վիզուալ կողմով, Հայաստանն անվանում գեղեցիկ ու կոլորիտային, հարցնում կադրում երևացող վայրերի մասին և երկիր այցելելու ցանկություն հայտնում։

Հետևեք NEWS.am STYLE-ին Facebook-ում, Twitter-ում և Instagram-ում