• Եգիպտոսն առանց զբոսաշրջիկների. Ինչպիսի տեսք ունի փարավոնների նավով շքեղ զբոսանքը Նեղոսի վրա  

  Նեղոսի վրա զբոսանավով զբոսանքի մասին միայն հիշատակելն է հիշեցնում Ագաթա Քրիստիի «Մահը Նեղոսի վրա» ստեղծագործությունը՝ հագնված զբոսաշրջիկներ, թեյ և աղանդեր, և շքեղ, թեև որոշ չափով հնաոճ լայներ։ Սակայն այսօր դուք կարող եք Եգիպտոսը զգալ բոլորովին այլ կերպ՝ ճամփորդելով դահաբիայով՝ փարավոնների նավերը հիշեցնող ավանդական առագաստանավով, գրում է NYP-ն...

• Աթենքը մարտահրավեր է նետում Դուբային. Ինչպես է հին մայրաքաղաքը վերածվում հարուստ արտագաղթողների համար նոր դրախտի

  Այնտեղ, որտեղ մի ժամանակ գտնվում էր Աթենքի հին օդանավակայանը, արագորեն ի հայտ է գալիս ապագայի քաղաքը․․․

• Գեղեցիկ վայրեր՝ սառը ընդունելություն. 6 ուղղություն, որտեղ զբոսաշրջիկները բախվում են կոպտության

  Էյֆելյան աշտարակը, իտալական փողոցները և կապույտ Ադրիատիկ ծովը՝ միլիոնավոր զբոսաշրջիկներ երազում են տեսնել այս վայրերը…

• Դուբայը՝ ինչպիսին դուք այն երբեք չեք տեսել. քաղաքի նոր սեզոնի ուղեցույց

  Դուբայը քաղաք է, որին երբեք լիովին չես սովորում. այն ամեն այցելության հետ նորովի է բացվում․․․

• Մեկ ամբողջ տարի շքեղ նավի վրա. 56,000 ֆունտ ստեռլինգ արժողությամբ կռուիզը, որը կընդգրկի ամբողջ աշխարհը՝ Ալյասկայից մինչև Զանզիբար

  Երկշաբաթյա կռուիզը կարող է շքեղության գագաթնակետ թվալ։ Բայց ի՞նչ կլիներ, եթե դուք կարողանայիք ամբողջ տարին անցկացնել ծովում՝ ամեն օր արթնանալով մոլորակի մի նոր անկյունում․․․

• Ֆանտաստիկ ճանապարհորդություն. սուպեր զբոսանավերը և շքեղ լայներները գերհարուստ արկածախնդիրներին տանում են աշխարհի ծայրը  

  Սեզոնային ճանապարհորդները, որոնք ունեն բավարար ֆինանսական միջոցներ, դիմում են փորձարարական արշավային կրուիզների դեպի մոլորակի ամենահեռավոր անկյունները...

• «Հարստությունը վերածվել է կենդանաբանական այգու». Ինչու է էլիտար տուրիզմը սկսում ապստամբել «Սպիտակ լոտոսի» դեմ

  Քիչ հեռուստասերիալներ են այնպիսի խորը ազդեցություն ունեցել շքեղ ճանապարհորդությունների ոլորտի վրա, որքան «Սպիտակ լոտոսը»․․․

• «Դժոխք Երկրի վրա». դրախտային հունական լողափը վերածվել է մղձավանջի զբոսաշրջիկների բազմության պատճառով

  Հունաստանի գեղատեսիլ լողափը անվանվել է «դժոխք երկրի վրա», քանի որ այն լցվել է անթիվ զբոսաշրջիկների բազմությամբ...

Շվեդիայի ամենահյուսիսային դահուկային հանգստավայրը՝ ընդամենը 60 բնակիչ ունեցող Ռիկսգրենսենը, ձմռանն իսկական մագնիս է դառնում ադրենալինի սիրահարների համար։ Բևեռային շրջանից ընդամենը 200 կիլոմետր հեռավորության վրա գտնվող այս փոքրիկ ավանը վերածվել է ֆինանսիստների, տեխնոլոգիական հսկաների ու թոփ-մենեջերների թաքստոց-դրախտի։ Այստեղ սովորական ճոպանուղիներին փոխարինում են ուղղաթիռները, իսկ աղմկոտ զբոսաշրջիկների բազմությանը՝ անմարդաբնակ, վայրի լանջերը, գրում է Robb Report-ը։

Միլիարդատեր ճանապարհորդներն ավելի ու ավելի հաճախ են փնտրում իսկական, չկրկնվող տպավորություններ, ուստի անհայտ ու հեռավոր անկյունները դարձել են նրանց առաջնահերթությունը։

Ներդրողներն էլ գումարը խնայելու փոխարեն ներդնում են «էմոցիոնալ փորձառությունների» մեջ․ 2023-ից ի վեր ամբողջ աշխարհում բացվել են հարյուրավոր շքեղ բնական հանգստյան գոտիներ ու սաֆարի-ճամբարներ։

«Այս ոլորտը հիմա ծաղկման գագաթնակետին է, — ասում է Fioraé Luxury Travel-ի համահիմնադիր Լինդսի Մեսինան։ — Լավագույն հյուրանոցներում բազմիցս եղած մարդիկ այժմ ուզում են ավելի մտերմիկ, անհատական ու տեղի կոլորիտով հարուստ միջավայր»։

Եթե նախկինում «վայրի» հանգստի առաջամարտիկը գլեմփինգն էր, ապա այսօր թրենդում են իսկական «վայրի վրանները»։ Դրանք հինգաստղանի հյուրանոցի ճոխությունը (անձնական սպասավոր, շեֆ-խոհարար, սպա-ծրագրեր) միախառնում են լիակատար մեկուսացման ու անդորրի հետ։

Պրեմիում էկո-տուրիզմի գլխավոր կենտրոնները

• Շվեդիա (Ռիկսգրենսեն). Niehku Mountain Villa-ն (մեկ գիշերը 730 դոլար կամ 11 000 դոլար՝ ամբողջ հյուրանոցն ամրագրելու համար) առաջարկում է 14 հյուրանոցային համար՝ Hästens մահճակալներով, ավանդական սաունայով և 3 000 շիշ տարողությամբ գինու նկուղով։
• Ֆիննական Լապլանդիա. Նորաբաց Octola II-ը (բացվել է 2025 թվականի դեկտեմբերին) նախատեսված է 17 հյուրի համար։ Հստակ տեղադիրքը պահվում է գաղտնի, իսկ տեղափոխումն իրականացվում է շների լծասայլերով, ուղղաթիռներով կամ ձյունագնացներով։ Այստեղ հյուրերին տրամադրվում են անձնական ուղեկցորդ և երեք սաունայով սպա-համալիր։
• Ձգողականության այլ կենտրոններ. Flockhill-ը Նոր Զելանդիայում, Bainslodge-ը Բոտսվանայում, Wildland resorts-ը Շոտլանդիայում, Amankora-ն Բութանում և Eleven Deplar Farm-ը Իսլանդիայում։

Առաջնահերթությունների փոփոխություն. գաղտնիություն՝ ցուցադրական լյուքսի փոխարեն

Մեծահարուստները հրաժարվում են Լազուր ափի կամ Սեն-Բարտի ծանոթ հանգստավայրերից հանուն անտառային խորքերի միայն մեկ պատճառով․ նրանց գլխավոր պահանջը գաղտնիությունն է։ «Գերհագեցած ցանցային աշխարհում մեզ պարզապես անհրաժեշտ է անջատվել արտաքին աղմուկից՝ ինքներս մեզ վերագտնելու համար, — ասում է Your Favorite Travel Agent-ի հիմնադիր Ջեյսոն Սկատրիլյան։ — Այսօր ճանապարհորդը հասկանում է, որ ժամանակն իր ամենաթանկ ռեսուրսն է, իսկ անձնական տարածքն ու գաղտնիությունը քննարկման ենթակա չեն»։

Four Seasons, Aman և One&Only հայտնի հյուրանոցային բրենդներն արդեն ակտիվորեն կառուցում են մասնավոր վիլլաներ ու ռեզիդենցիաներ՝ ընդառաջ գնալով «զսպված շքեղության» և բնության գրկում առանձնանալու աճող պահանջարկին։

Հետևեք NEWS.am STYLE-ին Facebook-ում, Twitter-ում և Instagram-ում